جدل حول البيجو 305

[Ahmed Hassan]

عايز أضيف حاجه لكلام الاخ عمر
فيه حاجه اسمها تكلفه التشغيل لازم تدفعها سواء ركبت سياره سيات 133 او ركبت سياره مرسيدس على الزيرو
العربيه السيات بتحط بتزين زيها زى اى عربيه تانيه وموش عشان هى عربيه رخيصه يبقى ماتصرفشى بنزين
نفس الحكايه بالنسبه لقطع الغيار
كل سياره لازم تشتريلها قطع الغيار عشان العربيه تمشى
وعشان تقول ان فيه قطعه غيار غاليه لازم تحسب حاجه اسمها نصيب الكيلومتر من سعر قطعه الغيار
يعنى سعر القطعه موش مهم - المهم هتمشى معاك كام كيلو
يعنى هاقولك مثلا الدسك واسطوانه اللى ركبتهم سنه 2001 عاملين لحد دلوقتى 80 الف كيلو متر ولسه ماغيرتش فيهم حاجه وحالتهم ممتازه يعنى تكلفه الكيلو لحد دلوقتى =قرش واحد ولسه هاتقل لحد ما اغير الطقم ( والله اعلم امتى )

مبدئيا اخذ البنزين كمثال في الموضوع ده في غير محله لأنه مش قطع غيار و بالتالي ملوش عمر افتراضي.

من ناحيه تانيه اسطوانه الدبرياج (وتيل الفرامل زيها) اخر حاجه في الدنيا ممكن تستشهد بيها على طول عمر قطع الغيار في اي عربيه في الدنيا لأنها ببساطه (لو افترضنا جودتها المعقوله في جميع الأحوال) بتعتمد كليا على طريقه السواقه..و علشان كده ملهاش عمر افتراضي محدد.

سعر قطعه الغيار بالنسبه لسعر العربيه عامل مهم جدا.. يعني منطقي ان عربيه بـ 120000 جنيه يكون طقم الدبرياج بتاعها بـ 2000 او حتى 3000 جنيه,,, لكن نفس الشيء غير منطقي لعربيه تمنها 15000 از 20000 جنيه

[hesham_shousha]

مبدئيا اخذ البنزين كمثال في الموضوع ده في غير محله لأنه مش قطع غيار و بالتالي ملوش عمر افتراضي.

من ناحيه تانيه اسطوانه الدبرياج (وتيل الفرامل زيها) اخر حاجه في الدنيا ممكن تستشهد بيها على طول عمر قطع الغيار في اي عربيه في الدنيا لأنها ببساطه (لو افترضنا جودتها المعقوله في جميع الأحوال) بتعتمد كليا على طريقه السواقه..و علشان كده ملهاش عمر افتراضي محدد.

سعر قطعه الغيار بالنسبه لسعر العربيه عامل مهم جدا.. يعني منطقي ان عربيه بـ 120000 جنيه يكون طقم الدبرياج بتاعها بـ 2000 او حتى 3000 جنيه,,, لكن نفس الشيء غير منطقي لعربيه تمنها 15000 از 20000 جنيه

واضح إنك مافهمتش كلامى :
كلامى عباره عن فقره صغيره من حاجه إسمها مراقبه التكاليف وده علم وليه ناس متخصصين
باختصار
مهما كان نوع السياره اللى معاك
سواء كانت جديده او مستعمله
لازم يكون تقييمك ليها عن طريق رقم واحد
كم تكلفك هذه السياره لكل كيلومتر
وبناء عليه يكون التقييم رقمى ويكون التققيم فعلى و بدون مجامله
وفيه حاجات تانيه بتخش فى التقييم غير استهلاك البنزين وسعر قطع الغيار
زى مثلا إهلاك ثمن العربيه
كل ماكانت العربيه غاليه هتكلفك اهلاك عالى والعكس صحيح
عشان كده بترجح كفه العربيات الرخيصه ( النظيفه ) فى الكفه دى وبتعمل فرق جامد فى التقييم
وحاول تستشير فى الكلام ده حد تعرفه يكون متخصص فى مراقبه التكاليف عشان يشرحلك ازاى تعمل مراقبه تكاليف لسيارتك
وعشان يكون كلامى كامل فيه حاجه كمان بتخش فى التقييم تحت مسمى ( value engineer)
وده تقييم تانى عشان تقدر تعرف العربيه اللى معاك كويسه ولا لأ

[Ahmed Hassan]

واضح إنك مافهمتش كلامى :
كلامى عباره عن فقره صغيره من حاجه إسمها مراقبه التكاليف وده علم وليه ناس متخصصين
باختصار
مهما كان نوع السياره اللى معاك
سواء كانت جديده او مستعمله
لازم يكون تقييمك ليها عن طريق رقم واحد
كم تكلفك هذه السياره لكل كيلومتر
وبناء عليه يكون التقييم رقمى ويكون التققيم فعلى و بدون مجامله
وفيه حاجات تانيه بتخش فى التقييم غير استهلاك البنزين وسعر قطع الغيار
زى مثلا إهلاك ثمن العربيه
كل ماكانت العربيه غاليه هتكلفك اهلاك عالى والعكس صحيح
عشان كده بترجح كفه العربيات الرخيصه ( النظيفه ) فى الكفه دى وبتعمل فرق جامد فى التقييم
وحاول تستشير فى الكلام ده حد تعرفه يكون متخصص فى مراقبه التكاليف عشان يشرحلك ازاى تعمل مراقبه تكاليف لسيارتك
وعشان يكون كلامى كامل فيه حاجه كمان بتخش فى التقييم تحت مسمى ( value engineer)
وده تقييم تانى عشان تقدر تعرف العربيه اللى معاك كويسه ولا لأ

انا فهمت كلام حضرتك كويس و ان كنت طبعا و لا اعرف في مراقبه التكاليف و لا الـ value engineering (ان شاء الله هعمل بنصيحتك و اشوف حد يفهمني) بس في حاجه من الاتنين دول بتقول اني لما اشتري عربيه احدث موديل ليها مصنوع من 20 سنه و متوسط سعرها 15000 جنيه و اجيب لها قطعه غيار بـ 2000 جنيه تبقى العربيه دي تكلفه الكيلو متر فيها كويسه؟ و لو افترضنا ان قطعه الغيار دي معمره.. ممكن اعرف هيا العربيه لسه في عمرها قد ايه علشان قطعه الغيار دي اعرف استفيد منها و تبقى مصاريف التشغيل رخيصه فعلا!! اللي حضرتك بتقوله ده شيء غير اقتصادي و مينفعش في عربيات الاستخدام اليومي. عربيه بالعمر ده ممكن اقتنائها في حاله من اتنين:
1- قطع غيارها رخيصه (حتى لو نسبيا مش معمره) و اوضح مثال على كده العربيه الـ 128 و دي عربيه في معظم الأحوال مرحليه لمقتنيها لغايه ما يجيب عربيه تانيه.
2 - اكون صاحب مزاج و بحب العربيه دي و مستعد اصرف عليها بغض النظر عن الجدوى الاقتصاديه.

[hesham_shousha]

انا فهمت كلام حضرتك كويس و ان كنت طبعا و لا اعرف في مراقبه التكاليف و لا الـ value engineering (ان شاء الله هعمل بنصيحتك و اشوف حد يفهمني) بس في حاجه من الاتنين دول بتقول اني لما اشتري عربيه احدث موديل ليها مصنوع من 20 سنه و متوسط سعرها 15000 جنيه و اجيب لها قطعه غيار بـ 2000 جنيه تبقى العربيه دي تكلفه الكيلو متر فيها كويسه؟ و لو افترضنا ان قطعه الغيار دي معمره.. ممكن اعرف هيا العربيه لسه في عمرها قد ايه علشان قطعه الغيار دي اعرف استفيد منها و تبقى مصاريف التشغيل رخيصه فعلا!! اللي حضرتك بتقوله ده شيء غير اقتصادي و مينفعش في عربيات الاستخدام اليومي. عربيه بالعمر ده ممكن اقتنائها في حاله من اتنين:
1- قطع غيارها رخيصه (حتى لو نسبيا مش معمره) و اوضح مثال على كده العربيه الـ 128 و دي عربيه في معظم الأحوال مرحليه لمقتنيها لغايه ما يجيب عربيه تانيه.
2 - اكون صاحب مزاج و بحب العربيه دي و مستعد اصرف عليها بغض النظر عن الجدوى الاقتصاديه.

عايزك تعرف حاجه
السيارات اللى على الزيرو بتاعه اليومين دول غير إقتصاديه
لو عايز عربيه توفرلك النهارده لازم تركب عربيه قديمه بس نظيفه
موش باتكلم عن ال 305 لكن باتكلم عموما وال 305 ليها عيب للى يشتريها ان بعض قطع الغيار موش موجوده وبعض قطع الغيار غير متوفر
نرجع لموضوعنا : ليه العربيات اللى على الزيرو بتاعه اليومين دول غير إقتصاديه :
- أولا : لو إشتريت عربيه على الزيرو يبقى حطيت رقبتك تحت سكينه التوكيل لأن العربيات الجديده ماينفعشى يعمل لها صيانه الميكانيكى اللى تحت البيت وقطع غيارها غالبا ماتلاقيهاش الا عند التوكيل
- ثانيا : قطع غيار الاجزاء الظاهره للعربيه مرتفع جدا
مثال على زلك سعر فانوس أمامى واحد لا يقل عن ألف جنيه والخلفى عن 500 جنيه والمرايه عن 500 جنيه والاكصدام عن 1500 جنيه
تعال قارن الاسعار دى بمثيلتها فى العربيات القديمه الاصيله هاديلك مثال على ال 305 لان هى اللى باشتريلها ( مع العلم ان قطع غيار ال 305 تعتبر غاليه ) لسه شارى طقم باغات للفوانيس امامى وخلفى ب 50 جنيه والمرايا الجانبيه 100 جنيه والاكصدامات بتاعتى حديد جامد بتتخبط مليون مره ولا يحصلهاش حاجه ( الاكصدامات فى العربيات الجديده فبر وماتستحملشى خدش موش خبطه )
- ثالثا : تعال نحسب حاجه غايبه عن فكر معظم الناس وهو فرق الفائده البنكيه لقيمه السياره
يعنى مثلا أنا راكب عربيه ب 15000 لوجبت عربيه جديده كويسه موش هيكون سعرها يقل عن 90000
فرق الفلوس ده ( 75000 ) لازم اسحبه من البنك عشان اشترى العربيه الجديده وبالتالى هيحصل حاجتين
- هاخسر فلوس سايله من رصيدى
- هاخسر فائده بنكيه سنويه تقدر ب 7000 جنيه سنويا
والمبلغ ده يغطى تكاليف الصيانه والبنزين للعربيه اللى معايا اللى ب 15000 طب ليه اخسر السيوله اللى معايا
- رابعا : الجمارك النهارده هتتخفض كل سنه 10% يعنى لو اشتريت عربيه على الزيرو النهارده هاخسر 5000 جنيه كل سنه عشان السيارات سعرها فى النازل

عشان كده بقول ان السياره اللى ب 15000 تكاليفها اقل من السيارات اللى على الزيرو حتى لو كانت قطع غيارها غاليه ( بفرض )
وافكرك انا موش باتكلم عن ال 305 بالزات - كلامى كلام عام

[hesham_shousha]

عايز أقوللك كمان يا أخ أحمد إن أى عربيه عباره عن حته حديده بتتكون من

الموتور : وده يشتغل مليون سنه طالما بتوفرله قطع الغيار اللى هو عايزها مع ملاحظه إن البيجو عموما تكسب فى الموضوع ده لإن لما تيجى تعمل لموتورها عمره موش بتخرط الموتور لكن بتجيب طقم بساتم وشميز اصلى وتركبهم وبكده يكون الموتور رجع زى الفابريكه

الجزء الثانى : شاسيه العربيه - وده برضه يعيش مليون سنه لو مصنوع صناعه قويه وماحصلش ليه أى كسر من الاستخدام السئ أو خبطه جامده
والبيجو برضه تكسب فى الموضوع ده عموما

بعد كده الصاج : والعربيات القديمه زى مانت عارف صاجها امتن بكتير من العربيات الحديثه - وطالما العربيه ماتخبطتشى خبطات مؤثره بتكون عربيه ممتازه

حاجه اخيره وهى الصالون : ودى تختلف من عربيه لأخرى حسب ما صاحبها بيعاملها - يعنى ممكن تلاقى عربيه قديمه حاله صالونها زى الفل
واللى يساعد على الحفاظ على حاله الصالون طبعا جوده الصناعه والخامات اللى مصنوع منها - وطبعا معروف ان البيجو عموما مشهور بجودته فى النقطه دى

عشان كده بقوللك ممكن عربيه قديمه تعيش مليون سنه - بشرط توافر قطع الغيار والمحافظه عليها وبشرط اساسى تكون صناعتها كويسه وفويه

[bee]

عايزك تعرف حاجه
السيارات اللى على الزيرو بتاعه اليومين دول غير إقتصاديه
لو عايز عربيه توفرلك النهارده لازم تركب عربيه قديمه بس نظيفه
موش باتكلم عن ال 305 لكن باتكلم عموما وال 305 ليها عيب للى يشتريها ان بعض قطع الغيار موش موجوده وبعض قطع الغيار غير متوفر
نرجع لموضوعنا : ليه العربيات اللى على الزيرو بتاعه اليومين دول غير إقتصاديه :
- أولا : لو إشتريت عربيه على الزيرو يبقى حطيت رقبتك تحت سكينه التوكيل لأن العربيات الجديده ماينفعشى يعمل لها صيانه الميكانيكى اللى تحت البيت وقطع غيارها غالبا ماتلاقيهاش الا عند التوكيل
- ثانيا : قطع غيار الاجزاء الظاهره للعربيه مرتفع جدا
مثال على زلك سعر فانوس أمامى واحد لا يقل عن ألف جنيه والخلفى عن 500 جنيه والمرايه عن 500 جنيه والاكصدام عن 1500 جنيه
تعال قارن الاسعار دى بمثيلتها فى العربيات القديمه الاصيله هاديلك مثال على ال 305 لان هى اللى باشتريلها ( مع العلم ان قطع غيار ال 305 تعتبر غاليه ) لسه شارى طقم باغات للفوانيس امامى وخلفى ب 50 جنيه والمرايا الجانبيه 100 جنيه والاكصدامات بتاعتى حديد جامد بتتخبط مليون مره ولا يحصلهاش حاجه ( الاكصدامات فى العربيات الجديده فبر وماتستحملشى خدش موش خبطه )
- ثالثا : تعال نحسب حاجه غايبه عن فكر معظم الناس وهو فرق الفائده البنكيه لقيمه السياره
يعنى مثلا أنا راكب عربيه ب 15000 لوجبت عربيه جديده كويسه موش هيكون سعرها يقل عن 90000
فرق الفلوس ده ( 75000 ) لازم اسحبه من البنك عشان اشترى العربيه الجديده وبالتالى هيحصل حاجتين
- هاخسر فلوس سايله من رصيدى
- هاخسر فائده بنكيه سنويه تقدر ب 7000 جنيه سنويا
والمبلغ ده يغطى تكاليف الصيانه والبنزين للعربيه اللى معايا اللى ب 15000 طب ليه اخسر السيوله اللى معايا
- رابعا : الجمارك النهارده هتتخفض كل سنه 10% يعنى لو اشتريت عربيه على الزيرو النهارده هاخسر 5000 جنيه كل سنه عشان السيارات سعرها فى النازل

عشان كده بقول ان السياره اللى ب 15000 تكاليفها اقل من السيارات اللى على الزيرو حتى لو كانت قطع غيارها غاليه ( بفرض )
وافكرك انا موش باتكلم عن ال 305 بالزات - كلامى كلام عام

اخ هشام على فكره كلام حضرتك في النقطة دي مش صحيح بالمرة وهقولك ليه بنفس ترتيبك السابق :

أولا: موضوع التوكيل ده لانهم اكتر ناس فاهمين العربية .. وياما ناس راحوا لناس مش فاهمه يصلحوا حاجه بسيطة ورجعوا بمصيبة بسبب الجهل بالعربية وابسطها عقدة الخواجه الميكانيكي يفك يفك وهو بيركب يقولك دي ملهاش لزمة ودي ملهاش لزمة ويركب 50% من الي فكه ويسيب الباقي لمجرد انه شايف انه ملوش لزمة .. ولو انت معاك عربية حديثة انت مش مجبر تروح التوكيل ده لمصلحتك عشان المتابعة الدورية فلو حصل اي حاجه ولو كانت CRITICAL هم المسئولين ..
وهم الي فاهمين في نفس الوقت .. مع العلم انك لو جايب عربية محترمة ومش غالية اوي يعني ورحت بيها لميكانيكي بره التوكيل هتبقى واقف على اعصابك وهياخد منك فلوس كتير لو مكنش اكتر من التوكيل في بعض الحالات .. واي ميكانيكي بيفهم بيعرف يشتغل في العربيات بس العربيات الحديثة لسه مش فاهمينها عشان كده بيخافوا منها وموضوع قطع الغيار ده انت بتكون سائل قبل ما تشتري العربية .. طب ما حضرتك معجب بعربيتك ومع ذلك اعترفت انها ملهاش قطع غيار وغالية كمان عن عربيات تانيه !!

ثانياً :طع الغيار الخارجية لازززززم تكون اغلى من العربيات القديمة لانها فيها تكنولوجيا في الغالب .. يعني بيكون فيها عدسات او ليدات او ع الاقل الفانوس مصنوع من خامات نظيفه وقوي ... مثال عربيتك مثلا فانوسها زجاجي قدام لو لا قدر الله اتخبط بطوبة ممكن يتكسر .. العربيات الحديثة بلاستيك الفانوس فصعب انه يتكسر بسهولة .. والموضوع نسبه وتناسب على فكره يعني مش كل العربيات الحديثة حاجاتها غالية .. حسب تمن العربية .

ثالثا: دي بقه مش عارف ارد عليك فيها لان الي اعرفه اني لما اجي اشتري عربية بشوف قطع غيارها وتاريخ السيارة دي والعيوب المشهورة فيها وتوكيلها ايه نظامه .. لكن موضوع البنك ده في رأيي واعتقد مجرد اعتقاد في رأي معظم الناس ملوش علاقة بالعربية الي اشتريها ..

رابعاً: هي العربيات الزيرو لما ترخص عربية حضرتك هتغلى ولا حاجه ؟؟
اذا كان الزيرو هيرخص امال المستعمل القديم هيحصله ايه ؟؟ مش ده المنطق ولا انا غلطان ؟

عشان كده بقول ان السياره اللى ب 15000 تكاليفها اقل من السيارات اللى على الزيرو حتى لو كانت قطع غيارها غاليه ( بفرض )
واجمالا تكاليف العربيات الحديثة مقارنة بالعائد منها اقل بكتير من أغلب السيارات القديمة بالعائد منها ..
نقول مثال اوك :
عربية حضرتك احسب بتحطلها بنزين بكام وزيت بكام دي الحاجات الثابتة الي لازم تتغير
مع غياب ال ABS و التكييف والباور والايرباجز والعفشة المتطورة والموتور القوي الي ملوش صوت والعزل والثبات والشكل والسعر والرفاهية والسرعه القصوى مع الحفاظ على الامان ليك ولاسرتك ..

في مقابل كل الي فات ده في عربية حديثة بتدفعلها مبلغ لو حسبته نسبة وتناسب مع تمن العربية هتلاقيه في اغلب الاحيان اقل من الي بتصرفه على عربيتك الي مفيهاش كل ده ..

واعتقد ده الي Ahmed Hasan كان يقصده ان مش معنى اني معايا عربية قديمة وعاجباني اجبلها قطعة غيار تمنها 2000 جنيه والعربية كلها على بعضها بـ 15000 لكن منطقي جدا عربية ب 90000 اجبلها قطعة غيار ب 3000 مش 2000 بس .. فرق وهمىىىى كنسبة وتناسب ..
مع العلم ان الحديث فيه اجزاء كتير بيكون محدد مواعيد تغيير اجزاء معينة زي التيل وخلافه مش زي العربيات القديمة الي بنغير فيها الحاجه لما تعطل ..
خلاصة القول التكنولوجيا ميختلفش عليها اتنين ومما لا شك فيه ان العربيات الحديثة افضل بكتيررررررر من القديم ..

تحياتي

[hesham_shousha]

اخ هشام على فكره كلام حضرتك في النقطة دي مش صحيح بالمرة وهقولك ليه بنفس ترتيبك السابق :

أولا: موضوع التوكيل ده لانهم اكتر ناس فاهمين العربية .. وياما ناس راحوا لناس مش فاهمه يصلحوا حاجه بسيطة ورجعوا بمصيبة بسبب الجهل بالعربية وابسطها عقدة الخواجه الميكانيكي يفك يفك وهو بيركب يقولك دي ملهاش لزمة ودي ملهاش لزمة ويركب 50% من الي فكه ويسيب الباقي لمجرد انه شايف انه ملوش لزمة .. ولو انت معاك عربية حديثة انت مش مجبر تروح التوكيل ده لمصلحتك عشان المتابعة الدورية فلو حصل اي حاجه ولو كانت CRITICAL هم المسئولين ..
وهم الي فاهمين في نفس الوقت .. مع العلم انك لو جايب عربية محترمة ومش غالية اوي يعني ورحت بيها لميكانيكي بره التوكيل هتبقى واقف على اعصابك وهياخد منك فلوس كتير لو مكنش اكتر من التوكيل في بعض الحالات .. واي ميكانيكي بيفهم بيعرف يشتغل في العربيات بس العربيات الحديثة لسه مش فاهمينها عشان كده بيخافوا منها وموضوع قطع الغيار ده انت بتكون سائل قبل ما تشتري العربية .. طب ما حضرتك معجب بعربيتك ومع ذلك اعترفت انها ملهاش قطع غيار وغالية كمان عن عربيات تانيه !!

ثانياً :طع الغيار الخارجية لازززززم تكون اغلى من العربيات القديمة لانها فيها تكنولوجيا في الغالب .. يعني بيكون فيها عدسات او ليدات او ع الاقل الفانوس مصنوع من خامات نظيفه وقوي ... مثال عربيتك مثلا فانوسها زجاجي قدام لو لا قدر الله اتخبط بطوبة ممكن يتكسر .. العربيات الحديثة بلاستيك الفانوس فصعب انه يتكسر بسهولة .. والموضوع نسبه وتناسب على فكره يعني مش كل العربيات الحديثة حاجاتها غالية .. حسب تمن العربية .

ثالثا: دي بقه مش عارف ارد عليك فيها لان الي اعرفه اني لما اجي اشتري عربية بشوف قطع غيارها وتاريخ السيارة دي والعيوب المشهورة فيها وتوكيلها ايه نظامه .. لكن موضوع البنك ده في رأيي واعتقد مجرد اعتقاد في رأي معظم الناس ملوش علاقة بالعربية الي اشتريها ..

رابعاً: هي العربيات الزيرو لما ترخص عربية حضرتك هتغلى ولا حاجه ؟؟
اذا كان الزيرو هيرخص امال المستعمل القديم هيحصله ايه ؟؟ مش ده المنطق ولا انا غلطان ؟

عشان كده بقول ان السياره اللى ب 15000 تكاليفها اقل من السيارات اللى على الزيرو حتى لو كانت قطع غيارها غاليه ( بفرض )
واجمالا تكاليف العربيات الحديثة مقارنة بالعائد منها اقل بكتير من أغلب السيارات القديمة بالعائد منها ..
نقول مثال اوك :
عربية حضرتك احسب بتحطلها بنزين بكام وزيت بكام دي الحاجات الثابتة الي لازم تتغير
مع غياب ال ABS و التكييف والباور والايرباجز والعفشة المتطورة والموتور القوي الي ملوش صوت والعزل والثبات والشكل والسعر والرفاهية والسرعه القصوى مع الحفاظ على الامان ليك ولاسرتك ..

في مقابل كل الي فات ده في عربية حديثة بتدفعلها مبلغ لو حسبته نسبة وتناسب مع تمن العربية هتلاقيه في اغلب الاحيان اقل من الي بتصرفه على عربيتك الي مفيهاش كل ده ..

واعتقد ده الي Ahmed Hasan كان يقصده ان مش معنى اني معايا عربية قديمة وعاجباني اجبلها قطعة غيار تمنها 2000 جنيه والعربية كلها على بعضها بـ 15000 لكن منطقي جدا عربية ب 90000 اجبلها قطعة غيار ب 3000 مش 2000 بس .. فرق وهمىىىى كنسبة وتناسب ..
مع العلم ان الحديث فيه اجزاء كتير بيكون محدد مواعيد تغيير اجزاء معينة زي التيل وخلافه مش زي العربيات القديمة الي بنغير فيها الحاجه لما تعطل ..
خلاصة القول التكنولوجيا ميختلفش عليها اتنين ومما لا شك فيه ان العربيات الحديثة افضل بكتيررررررر من القديم ..

تحياتي

لولا إختلاف الأذواق لبارت السلع

[bee]

لولا إختلاف الأذواق لبارت السلع

فعلا لولا اختلاف الاذواق لبارت السلع ..
بس فكره النسبة والتناسب ملهاش دعوة خالص بذوقنا دي حسبه اقتصادية وعقلية بحتة ..
ومع ذلك ربنا يبارك لك في عربيتك

[sparion]

علي فكرة انا معايا بيجو 204 و 305 ووتقريبا نفس الميكانية يا جماعة قارن عربية بيها نفس سنة التصنيع و السي سي مينفعش تقارن 200 ب1500 مثلا و1300 دة مرحلة ودي مرحلة وبعدين 305 في منها 1600 و1905 و1500 و1300 وفي منها بعد كدة مواتير 6سلندر برة مصر ومنها ديزيل كتير وموضوع الكامة دة مع احترامي انت بتجيب عربية موديل 97 ميت رجل ركبتها وقرصت عليها واتلعب في المواتير متحكمش بعربية وحدة او اتنين هات المحرك سليم وجربها ومع احترامي مفيش ميكانيكي بيعرف يصلحها كويس الا قليل زي عمارة وخلافة وبعدين دي المحرك بتاعها الاقديم دة تصميموة في 304 و 204 والعربيات الاقديمة الي زيها لانها امتداد للجيل دة ومتصممة اولها سنة 1977 وكان محرك 1300 ودي عربية متوسطة مش فئة 504 505 مثلا دي فئات عالية ديما لما الواحد يقارن يقارن الجيل والسنة والفئة والمحرك وبعدين انا عندي منها محرك جبتلوة 6 سلند ليها وليها 2000 سي سي قارن دة بقي مع عربيات تانية وبعدين العربيان الجر الامامي غير الدفع الخلفي يعني كرونة والكبالن دي حاجة ودي حاجة انا ممكن اقول انها ضعيفة بالنسبة للعربيات ال 2000 سي سي يعني 405 احدث منها وال 504 موتورها 2000 سي سي هتقارنها هنا في مصر صعب قليل اول لو لقيت منها 1905 الي هوة بيركب شبيه لية 405 دة قوي جدا وسحب طيارة زي مبيقولوة عربية قوية وفي الاخر البيجو بيجو

[hesham_shousha]

علي فكرة انا معايا بيجو 204 و 305 ووتقريبا نفس الميكانية يا جماعة قارن عربية بيها نفس سنة التصنيع و السي سي مينفعش تقارن 200 ب1500 مثلا و1300 دة مرحلة ودي مرحلة وبعدين 305 في منها 1600 و1905 و1500 و1300 وفي منها بعد كدة مواتير 6سلندر برة مصر ومنها ديزيل كتير وموضوع الكامة دة مع احترامي انت بتجيب عربية موديل 97 ميت رجل ركبتها وقرصت عليها واتلعب في المواتير متحكمش بعربية وحدة او اتنين هات المحرك سليم وجربها ومع احترامي مفيش ميكانيكي بيعرف يصلحها كويس الا قليل زي عمارة وخلافة وبعدين دي المحرك بتاعها الاقديم دة تصميموة في 304 و 204 والعربيات الاقديمة الي زيها لانها امتداد للجيل دة ومتصممة اولها سنة 1977 وكان محرك 1300 ودي عربية متوسطة مش فئة 504 505 مثلا دي فئات عالية ديما لما الواحد يقارن يقارن الجيل والسنة والفئة والمحرك وبعدين انا عندي منها محرك جبتلوة 6 سلند ليها وليها 2000 سي سي قارن دة بقي مع عربيات تانية وبعدين العربيان الجر الامامي غير الدفع الخلفي يعني كرونة والكبالن دي حاجة ودي حاجة انا ممكن اقول انها ضعيفة بالنسبة للعربيات ال 2000 سي سي يعني 405 احدث منها وال 504 موتورها 2000 سي سي هتقارنها هنا في مصر صعب قليل اول لو لقيت منها 1905 الي هوة بيركب شبيه لية 405 دة قوي جدا وسحب طيارة زي مبيقولوة عربية قوية وفي الاخر البيجو بيجو

من غير مقارنات
كل واحد ينام على الجنب اللى يريحه
وفيه مثل بيقول
ربنا وزع الارزاق ماحدش عجبه نصيبه
وربنا وزع العقول ماحدش عجبه غير دماغه
واللى شايفه فى المنتدى ده ان ماحدش بيعجبه غير العربيه بتاعته

[el3awaam]

انا اللى انا شايفة بقى انه فعلا زى ما انت نويت للموضوع من عنوانه
(جدل حول بيجو 305 ).
و انه جدل و خلاص .
انت فى الاول كنت بتاخد رأى الناس و دلوقتى زعلان ان الناس بتقول رأيها .و عاوز الناس توافق رأيك انت .!!!
و مجعلتش الكلام فيه مرونه ....!!!
و بعدين الصراحه ماتزعلش اوى كدة..
انت نفسك اعترفت ان ال305 تعتبر اقل منتجات بيجو (هنا فى مصر).
و الناس ماقالتش انها عربيه و حشه لاسمح الله .
كل اللى اتقال انها قطع غيارها مش متوفره .
و انت بنفسك اللى قايل مش كل الصنايعيه اللى بتفهم فيها...
و قطع غيارها غاليه.
طيب انا اجيب عريبه تعذبنى بين الصنايعيه كل واحد يخرف فيها شويه.
لغايه ملاقى الباشمهندس اللى يظبطها...!!!!!؟؟
و ادور على قطع غيارها و ملاقيهاش الا عند فلان و فلان بس....!!!؟؟
و هو ده اللى مخلي الناس مش حباها...
ايه المشكله هنا بقى..؟؟؟
انا شايف ان الموضوع كدة جاب اخره و كتر الكلام فى الموضوع ده هيسبب مشاحنات ..
و طالما العربية ماشية معاك زى الفل و انت معاك تصرف عليها .و لاقيت الصنايعى التمام اللى بيظبطها.
يبقى انت كدة حليت مشاكل العربية .و مافيش مشكله بالنسبالك و العربية كده تمام..
و ربنا يباركلك فيها و يكفيك شرها.....أمين

[amr mokhtar]

يا أستاذ el3awaam مفيش جدل و لا مشاكل إن شاء الله
انا كان غرضى من الموضوع ده هو معرفة جودة هذه السيارة اللى ناس كتيييير و انا منهم مكنش عندى عنها اى علم غير كلام من بعض الناس إنها عربية سيئة

الحقيقة بعد المشاركات اللى شفناها من الأعضاء ملاك العربية عرفت إيه هى عيوبها و إيه هى مميزاتها
انا شايف من وجهة نظرى ان الموضوع كان مفيد

على العموم يا ريت نخلى الكلام على الهادى و مفيش داعى للعصبية

[زهير فكري]

مع احترامي لكلام الاستاذ هشام , الا انه حاسبها من ناحيه اقتصاديه
( بحته) , البيجو سياره محترمه و كل طراز انتج منها استهدف شريحه استهلاكيه معينه زيها زي اي ماركه تانيه , و مش من الانصاف انها تتقارن بموديلات البيجو التانيه سواء الفئه الاقل او الفئه الاعلي , كل موديل له عيوبه و مميزاته , حتي المرسيدس في منها موديلات لم تلقي النجاح المطلوب . و شيء طبيعي ان كل واحد يدافع عن عربيته لانها بتمثل فكره الشخصي يعني لما حضرتك اشترتها فكرت كتير و توكلت علي الله بعدها , و انا شايف ان حضرتك تنظر الي الناحيه الاقتصاديه و تكاليف التشغيل ان تكون اقل و يكون معك وسيله ركوب تحميك و اسرتك من متاعب المواصلات و تجدها عند الضروره . ده تفكير سيادتك و لااختلف معك فيه , فيه واحد تاني عايز عربيه بها اعلي معدلات الامان و تمتاز براحه الركوب لانه دايما علي سفر دون النظر لتكاليف التشغيل , ده تفكير و زي ما قلنا لولا اختلاف الاذواق لبارت السلع .

[hesham_shousha]

مع احترامي لكلام الاستاذ هشام , الا انه حاسبها من ناحيه اقتصاديه
( بحته) , البيجو سياره محترمه و كل طراز انتج منها استهدف شريحه استهلاكيه معينه زيها زي اي ماركه تانيه , و مش من الانصاف انها تتقارن بموديلات البيجو التانيه سواء الفئه الاقل او الفئه الاعلي , كل موديل له عيوبه و مميزاته , حتي المرسيدس في منها موديلات لم تلقي النجاح المطلوب . و شيء طبيعي ان كل واحد يدافع عن عربيته لانها بتمثل فكره الشخصي يعني لما حضرتك اشترتها فكرت كتير و توكلت علي الله بعدها , و انا شايف ان حضرتك تنظر الي الناحيه الاقتصاديه و تكاليف التشغيل ان تكون اقل و يكون معك وسيله ركوب تحميك و اسرتك من متاعب المواصلات و تجدها عند الضروره . ده تفكير سيادتك و لااختلف معك فيه , فيه واحد تاني عايز عربيه بها اعلي معدلات الامان و تمتاز براحه الركوب لانه دايما علي سفر دون النظر لتكاليف التشغيل , ده تفكير و زي ما قلنا لولا اختلاف الاذواق لبارت السلع .

الحقيقه : كلامك عجبنى جدا ولخص حاجات كتير عايز أقولها
بس عايز أضيف عليه حاجه
الموضوع ماهوش حرب ولا دفاع عن عربيه معينه
لإنى فى الحقيقه باكره كل العربيات بلا إستثناء لإنها من إنتاج ( أعداؤنا المحتلون القدامى ) , ولا يشرفنى أن أدافع عن منتجات هؤلاء القوم , كما يحزننى بشده ويعتصر قلبى الشديد من الألم أن بلادى لا تستطيع إنتاج سياره واحده أستطيع أن أتكلم عنها وأدخلها هذه المقارنه
لكن فى كلامى كله هو تحليل للأسباب اللى تخلينى أستخدم هذه السياره عن غيرها والتى بالطبع أسباب ترجع إلى ظروف المعيشه الإقتصاديه الصعبه فى مصر وترجع إلى كيف يفكر المواطن المصرى إنه ( يمشى ) أموره بالموارد المحدوده التى يمتلكها
والحقيقه الغايبه عن الكثير من قراء كلامى - إن اللى ساعدنى كثيرا على تشغيل هذه السياره إن من أكبر هواياتى هى ميكانيكا السيارات ( والتنطيط والجرى على صيانه السياره عند الميكانيكيه والكهربائيه وغيرهم )
فأنا باحب مشوار الميكانيكى وأى مشوار خاص بصيانه العربيه , وأحب أقف على إيده وأتابع كل مسمار بيفكه أو يركبه - وفى ذاكرتى كل شئ تم على هذه السياره وكل ميكانيكى عمل فيها ايه وغلط فى ايه أو صلحه كويس امتى
والهوايه دى موش موجوده عند ناس كتير وبالتالى عربيه ذى دى موش مناسبه ليهم وأحسن لهم عربيه سهله فى الصيانه زى كادر السيارات الفيات أو أى سياره على الزيرو
لكن أنا باعتبر إننى نجحت نجاح كبير فى التمكن من توفير خدمه توفير سياره جيده ونظيفه وقويه ومشرفه لأسرتى المتواضعه بأقل التكاليف وبالتالى وفرت إستثمارات موجوده عندى لغرض أخر ( والحمد لله ربنا كارمنى وممكن أجيب بيجو 307 على الزيرو لو حبيت ) وذلك بالإستفاده من هوايه حب ميكانيكا وإصلاح السيارات الموجوده عندى
وعشان كده بأعتبر أى حد بيشترى عربيه على الزيرو ( ظروفه الماديه نص نص ) إنه إنسان فشل فى المحافظه على موارده الماليه

[walids]

الحقيقه : كلامك عجبنى جدا ولخص حاجات كتير عايز أقولها
بس عايز أضيف عليه حاجه
الموضوع ماهوش حرب ولا دفاع عن عربيه معينه
لإنى فى الحقيقه باكره كل العربيات بلا إستثناء لإنها من إنتاج ( أعداؤنا المحتلون القدامى ) , ولا يشرفنى أن أدافع عن منتجات هؤلاء القوم , كما يحزننى بشده ويعتصر قلبى الشديد من الألم أن بلادى لا تستطيع إنتاج سياره واحده أستطيع أن أتكلم عنها وأدخلها هذه المقارنه
لكن فى كلامى كله هو تحليل للأسباب اللى تخلينى أستخدم هذه السياره عن غيرها والتى بالطبع أسباب ترجع إلى ظروف المعيشه الإقتصاديه الصعبه فى مصر وترجع إلى كيف يفكر المواطن المصرى إنه ( يمشى ) أموره بالموارد المحدوده التى يمتلكها
والحقيقه الغايبه عن الكثير من قراء كلامى - إن اللى ساعدنى كثيرا على تشغيل هذه السياره إن من أكبر هواياتى هى ميكانيكا السيارات ( والتنطيط والجرى على صيانه السياره عند الميكانيكيه والكهربائيه وغيرهم )
فأنا باحب مشوار الميكانيكى وأى مشوار خاص بصيانه العربيه , وأحب أقف على إيده وأتابع كل مسمار بيفكه أو يركبه - وفى ذاكرتى كل شئ تم على هذه السياره وكل ميكانيكى عمل فيها ايه وغلط فى ايه أو صلحه كويس امتى
والهوايه دى موش موجوده عند ناس كتير وبالتالى عربيه ذى دى موش مناسبه ليهم وأحسن لهم عربيه سهله فى الصيانه زى كادر السيارات الفيات أو أى سياره على الزيرو
لكن أنا باعتبر إننى نجحت نجاح كبير فى التمكن من توفير خدمه توفير سياره جيده ونظيفه وقويه ومشرفه لأسرتى المتواضعه بأقل التكاليف وبالتالى وفرت إستثمارات موجوده عندى لغرض أخر ( والحمد لله ربنا كارمنى وممكن أجيب بيجو 307 على الزيرو لو حبيت ) وذلك بالإستفاده من هوايه حب ميكانيكا وإصلاح السيارات الموجوده عندى
وعشان كده بأعتبر أى حد بيشترى عربيه على الزيرو ( ظروفه الماديه نص نص ) إنه إنسان فشل فى المحافظه على موارده الماليه

بشمهندس هشام ، بجد بدون مجاملة والله ، أعجبني جداً طريقة تفكيرك بخصوص العربيات و حسبتك البحتة