مفاجأه غريبه فى ال 405 الايرانى

[ابوشريف]

السلام عليكم ورحمة الله وبركاته

وانا ماشى اليوم رأيت البييجو 504 الايرانى لاول مره عرفتها من وجود الكارونه فى الخلف

لكنى صدمت جدا عندما شاهدت نظام التعليق الخلفى

فهى محمله على ورق سوسته مثل النظام القديم فى الفيات 125 مثلا

تخيلواااااااااااااااااااااااااااا :( :( :( :x :x :x

[Nader]

504...انت تقصد 405 مش كدة ولا انا غلطان؟؟

[ابوشريف]

504...انت تقصد 405 مش كدة ولا انا غلطان؟؟

فعلا أقصد 405 الايرانى والتى تدعى سمند

حاولت اعدل المشاركه ومش عارف


تم تعديل عنوان المشاركه بمعرفتى
Mo3taz Selim

[محمد ابراهيم 1]

405 الإيرانى مش هى سمند دى عربيه ودى عربيه تانيه خالص الإتنين من إنتاج شركه إيران خودرو
موضوع العفشه الخلفيه ميعبهاش دى بتستحمل أكتر من التانيه
لكن عموما العربيه كان عليها هوجه وخفت وأعتقد أنها لم ولن تنجح فى مصر لأنها أولا مش رخيصه ثانيا تنطوى على مغامره غير مأمونه العواقب
للأمانه تاجر قطع غيار أتعامل معه لا يشكر فى 405 الإيرانى دى (ذات الجر الخلفى) ونصحنى بعدم شرائها لأنها (على حد قوله )فيها مشاكل كتير ولم يوضح ما هى هذه المشاكل
وبصراحه أنا ناوى أشترى بيجو بارس إن شاء الله

[ابوشريف]

405 الإيرانى مش هى سمند دى عربيه ودى عربيه تانيه خالص الإتنين من إنتاج شركه إيران خودرو
موضوع العفشه الخلفيه ميعبهاش دى بتستحمل أكتر من التانيه
لكن عموما العربيه كان عليها هوجه وخفت وأعتقد أنها لم ولن تنجح فى مصر لأنها أولا مش رخيصه ثانيا تنطوى على مغامره غير مأمونه العواقب
للأمانه تاجر قطع غيار أتعامل معه لا يشكر فى 405 الإيرانى دى (ذات الجر الخلفى) ونصحنى بعدم شرائها لأنها (على حد قوله )فيها مشاكل كتير ولم يوضح ما هى هذه المشاكل
وبصراحه أنا ناوى أشترى بيجو بارس إن شاء الله

اتفق معك فى قوة تحملها لكن المشكله فى الثبات ده غير انها هتكون غير مريحه

وليه يستعملو تقنيه قديمه جدا كانت ايام البولونيز ؟؟؟؟؟؟؟؟؟؟

[hazem_khidr]

اتفق معك فى قوة تحملها لكن المشكله فى الثبات ده غير انها هتكون غير مريحه

وليه يستعملو تقنيه قديمه جدا كانت ايام البولونيز ؟؟؟؟؟؟؟؟؟؟

بالعكس يا ابو شريف لعلمك نظام السوست دا نظام ثابت جدا في الملاكي علي الاقل و دا عن تجربه دا غير انه بيحافظ علي عمر المساعدين كتير.
كان معانا فيات 125 لمده 17 سنه!!!!!!!!
ايوه لمده 17 سنه مش حقولك اني ما شوفتش شكل المساعدين اللي ورا دول عاملين ازاي و العفشجي كان بيقولي ان تقفيله العفشه اللي ورا دي بتاع بلادها يعني العربيه عاشت 29 سنه محدش لمس مساعدينها و عملت معانا احنا بس فوق المليون كيلو.
يالا كانت ايام و راحت لحالها القديم دا ما يتعوضش

[Ahmed Hassan]

اتفق معك فى قوة تحملها لكن المشكله فى الثبات ده غير انها هتكون غير مريحه

وليه يستعملو تقنيه قديمه جدا كانت ايام البولونيز ؟؟؟؟؟؟؟؟؟؟

بالعكس يا ابو شريف لعلمك نظام السوست دا نظام ثابت جدا في الملاكي علي الاقل و دا عن تجربه دا غير انه بيحافظ علي عمر المساعدين كتير.

نظام السوست ده اسمه LEAF SPRING و هوه فعلا بيستحمل جدا و علشان كده هوه النظام الموجود في العربيات النقل لأنه ممتاز في توزيع الأوزان التقيله على الشاسيه. (كان موجود في الملاكي القديم فقط)

من ناحيه تانيه النظام التاني و هوه المستعمل تقريبا في كل العربيات دلوقت COIL SPRING و ده اريح بكتير للركاب و علشان كده بيستعمل في العربيات الملاكي و حتى الاوتوبيسات "بالنسبه لحجم الاوتوبيس الركاب بيعتبرو حموله خفيفه مش زي العربيات النقل و علشان كده مش محتاج LEAF SPRING"
نظام COIL SPRING مينفعش في العربيات النقل لأنه غير جيد في توزيع الوزن لأنه بينقل الوزن لنقطه واحده في الشاسيه.

يعني باختصار LEAF SPRING قوه و تحمل و لكن راحه اقل للركاب و ثبات اقل للمركبه.
COIL SPRING راحه و نعومه و ثبات اعلى للمركبه و لكن لا يصلح لسيارات النقل الثقيل.

[hazem_khidr]

يعني باختصار LEAF SPRING قوه و تحمل و لكن راحه اقل للركاب و ثبات اقل للمركبه.
COIL SPRING راحه و نعومه و ثبات اعلى للمركبه و لكن لا يصلح لسيارات النقل الثقيل

لكن مش معني كده ان نظام السوست ما بيوفرش الثبات المناسب للعربيه المصمم ليها النظام دا بدليل عربيات زي ال 125 و عمر ما حد سمع ايام مجدها عن مشاكل في ثباتها او اتزانها

[ابوشريف]

اتفق معك فى قوة تحملها لكن المشكله فى الثبات ده غير انها هتكون غير مريحه

وليه يستعملو تقنيه قديمه جدا كانت ايام البولونيز ؟؟؟؟؟؟؟؟؟؟

بالعكس يا ابو شريف لعلمك نظام السوست دا نظام ثابت جدا في الملاكي علي الاقل و دا عن تجربه دا غير انه بيحافظ علي عمر المساعدين كتير.
كان معانا فيات 125 لمده 17 سنه!!!!!!!!
ايوه لمده 17 سنه مش حقولك اني ما شوفتش شكل المساعدين اللي ورا دول عاملين ازاي و العفشجي كان بيقولي ان تقفيله العفشه اللي ورا دي بتاع بلادها يعني العربيه عاشت 29 سنه محدش لمس مساعدينها و عملت معانا احنا بس فوق المليون كيلو.
يالا كانت ايام و راحت لحالها القديم دا ما يتعوضش

كلامك سليم جدا

لكنن هذه التقنيه اقتصر وجودها فى سيارات النقل فقط نظرا لقوة تحملها وتوزيعها الاحمال على جسم السياره كما ذكر الاخ الكريم احمد حسن

ولكن فى ايامنا هذه تعددت انظمة التعليق فى السيارت لدعم ثباتها فى السرعات ولتقليل الاهتزازات

وافضل تعليق من حيث ثبات السياره فى السرعات العاليه هو التعليق الحر

اى ان كل عجله من عجلات السياره الاربع تكون مستقله بذاتها ياتى بعد ذلك دور الازرع التى تحافظ على ملاصقة العجله للأرض فى جميع الظروف

ما اردت ان اوصله لكم هو شعورى عندما وجدت سياره حديثه يستخدم فيها نظام بدائى قديم

أليس هذا غريبا ........!!!!!!!

[hazem_khidr]

لكنن هذه التقنيه اقتصر وجودها فى سيارات النقل فقط نظرا لقوة تحملها وتوزيعها الاحمال على جسم السياره كما ذكر الاخ الكريم احمد حسن

ولكن فى ايامنا هذه تعددت انظمة التعليق فى السيارت لدعم ثباتها فى السرعات ولتقليل الاهتزازات

وافضل تعليق من حيث ثبات السياره فى السرعات العاليه هو التعليق الحر

اى ان كل عجله من عجلات السياره الاربع تكون مستقله بذاتها ياتى بعد ذلك دور الازرع التى تحافظ على ملاصقة العجله للأرض فى جميع الظروف

ما اردت ان اوصله لكم هو شعورى عندما وجدت سياره حديثه يستخدم فيها نظام بدائى قديم

أليس هذا غريبا ........!!!!!!!

كلامك سليم طبعا بس اصل البيجو ال 405 1600 يعني تعتبر عربيه صغيره و مش مطلوب منها اداء قوي ف النظام دا حيكون مناسب ليها دا قصدي بس لكن انا مش مؤيدي النظام دا حاليا

[محمد ابراهيم 1]

قد لا يكون معروفا للكثيرين ان 405 العاديه مفيهاش يايات من الخلف ولا فيها سوست
وان تعليقها الخلفى عباره عن ما يسمى عمود عزم قابل للرفع والخفض مشفتوش غير فيها

[hazem_khidr]

قد لا يكون معروفا للكثيرين ان 405 العاديه مفيهاش يايات من الخلف ولا فيها سوست
وان تعليقها الخلفى عباره عن ما يسمى عمود عزم قابل للرفع والخفض مشفتوش غير فيها

فعلا كلامك صحيح يا ديدو باشا و رغم كده عربيه ثباتها عالي جدا و محدش اشتكي منها نهائي لا في مصر ولا اوربا :)

[waleedabbas]

انا اعرف ان ال 405 فيها عمود بالعرض متصل بين العجلتين بيقولوا عليه الدنجل زى العربيات الجر الخلفى هل هو ده ال حضرتك تقصده ايمه عمود العزم؟
لكن بالنسبة لاتزان ال 405 ماشاء الله محترمة جدا بالرغم من ارتفاعها عن الارض وبالرغم من انها مش عربية حديثة او متطورة اوى .
وبالنسبة لل 405 الايرانى فعلا نظام الورق ال فيها صحيح هو ليه ميزات كتير بس فعلا بيعتبر بدائى ومش بيستخدم فى عربيات كتير ملاكى حاليا لكنه موجود فى معظم السيارات النقل وبعض السيارات الدفع الرباعى زى الشيروكى والجيب رانجلر وبالرغم من كده برضه ماشاء الله ال405 الروا اتزانها محترم جدا وتقريبا مايقلش عن ال 405 القديمة.

[Ahmed Hassan]

قد لا يكون معروفا للكثيرين ان 405 العاديه مفيهاش يايات من الخلف ولا فيها سوست
وان تعليقها الخلفى عباره عن ما يسمى عمود عزم قابل للرفع والخفض مشفتوش غير فيها

ده اسمه دنجل و ده ثباته عاااالي جدا و موجود في معظم العربيات الفرنساوي زي سيتروين و رينو "و ده من اسباب اشتهار العربيات دي بالثبات"

و موجود برده في عربيات اوروبي تانيه

[ابوشريف]

قد لا يكون معروفا للكثيرين ان 405 العاديه مفيهاش يايات من الخلف ولا فيها سوست
وان تعليقها الخلفى عباره عن ما يسمى عمود عزم قابل للرفع والخفض مشفتوش غير فيها

المعلومه دى جديده بالنسبه لى جدا.......

انا شفت عمود العزم ده فى العربيات الشيفروليه الربع نقل فى التعليق الامامى وانا مش اشد

المعجبين بهذا النظام نظرا لنعومته وامكانية التحكم به من حيث الارتفاع والانخفاض

وكم تمنيت لو ينفذ فى السيارات الملاكى لكنى لم اكن اعلم انه موجود بالفعل فى ال 405 العاديه

ده شئ يحسب لصالحها ياريت الايرانيين كانو عملوها دفع خلفى برضه وبنفس عمود العزم ده

عن طريق استخدام الكبالن الخلفيه كما فى ال504 الجى ال كانت حتبقى تحفه

وخصوصا فى الثبات على السرعات وفى المنحنيات .