السلبية

[the-hero]

السلام عليكم ورحمه الله وبركاته
أعزرونى على العنوان المؤسف ده بس بجد حال منتدى بيجو يرثى له بجد حاجه لآ يوجد اى تفسير لها غير انها
السلبية
لا يوجد اى حرص على الافادة ولكن هى الاستيفادة
مقولناش حاجة بس يكون فيه مشاركة ولو برأى بصوت بتشجيع بشكر
يعنى ايه اخش أشوف وأتعرف واعرف حجات الناس بتدوخ عشان تعرفها
خلاصه تجارب ومعانات وتعليم من غير اى دور منى ولو بكلمة تعرف صاحب الموضوع ان فيه حد أهتم وتعلم
لكن تلاقى عدد المشاهدات يفوق بشكل فوق الوصف الردود
وتلاقى كمية حضور كتير من الاعضاء والمواضيع نفس الترتيب بالايام
ده الواحد بيدور على أعضاء تعمل مواضيع يفاجأ باعضاء متعملش ردود على الأقل مش قادر أفهم ده من ايه غير ان ده حال المصريين المعروف
ده النبي عليه الصلاة والسلام فى بدايه ظهور الأسلام دعا وقل
اللهم اعز الاسلام بأحدى العمريين وهم (عمر بن الخطاب أو عمر بن هشام) اللى هو أبو جهل
عرفيين ليه الناس ديه خصيصا بين جميع قبيلة مكة مش عشان قوة البدن لأ عشان قوة العقل أولا
لأنهم أكتر أتنين يتمتعوا بالأيجابية لاوالله فيه الصفة ديه بيأثر بشكل كبير فى الناس ويغيير سلوك قوم
مشفش غلط وأسكت لأزم يكون ليا دور بتقويم أو معارضة وكذالك مشفش طيب غير لما أشكر وامدح وأشارك وأساعد وحفز
الخير يفرح وكذالك كل ماهو خاطئ يزعل هى ديه الأيجابية
.................................
اللهم انى أسألك الاخلاص فى القول والفعل

[nabaster]

اصراحه انا لسا مش عارف السبب يا احمد

تدخل منتدي بيجو تحس انك داخل صحرااااااااااا

اعضاء كتير هنا في المنتدي اساميهم مرتبطه بشكل مباشر وغير مباشر بالبيجو

لاكن مش بشوف اي مشاركه ليهم

تعالي ادخل منتدي من العربيات الي يادوب تعدها علي الصوابع مش زي البيجو بتلاقي في كل متر عربيه

ادخل مثلا رينو وشوف كم المشاركات والاستفسارات وتجاوب الاعضاء

طيب سيبك من رينو ماركه قديمه ومنتشره من زمان وليها وزنها

لاكن منتديات تانيه زي بروتون الي حد ما شعبيتها في مكنتش في مصر كبيره لحد فتره قصيره قريبه

اتفرج هناك علي كم المشاركات كم التهاني بمناسبات معينه وكم التجمعات الي يعملوها

فعلا ناس عايشين في مجتمع تحسهم اسره فعلا

شوف في معظم المنتديات هتشوف الجروبات وهتشوف تقدير الاعضاء لبعض ولو بكلمة ثااااااااااانكس للي مستعجل ومش قادر يكتب رد

اصراحه بدخل المنتديات التانيه وبتحسر علي الي بيحصل في منتدانا هنا

A.Yakout

[the-hero]

اصراحه انا لسا مش عارف السبب يا احمد

تدخل منتدي بيجو تحس انك داخل صحرااااااااااا

اعضاء كتير هنا في المنتدي اساميهم مرتبطه بشكل مباشر وغير مباشر بالبيجو

لاكن مش بشوف اي مشاركه ليهم

تعالي ادخل منتدي من العربيات الي يادوب تعدها علي الصوابع مش زي البيجو بتلاقي في كل متر عربيه

ادخل مثلا رينو وشوف كم المشاركات والاستفسارات وتجاوب الاعضاء

طيب سيبك من رينو ماركه قديمه ومنتشره من زمان وليها وزنها

لاكن منتديات تانيه زي بروتون الي حد ما شعبيتها في مكنتش في مصر كبيره لحد فتره قصيره قريبه

اتفرج هناك علي كم المشاركات كم التهاني بمناسبات معينه وكم التجمعات الي يعملوها

فعلا ناس عايشين في مجتمع تحسهم اسره فعلا

شوف في معظم المنتديات هتشوف الجروبات وهتشوف تقدير الاعضاء لبعض ولو بكلمة ثااااااااااانكس للي مستعجل ومش قادر يكتب رد

اصراحه بدخل المنتديات التانيه وبتحسر علي الي بيحصل في منتدانا هنا

a.yakout

مش قادر اشوف كدا وأسكت لآزم أبدى معرضتى الشديدة لهذا الموقف

[nabaster]

مش قادر اشوف كدا وأسكت لآزم أبدى معرضتى الشديدة لهذا الموقف

انتا جيت اصراحه علي الجرح

ومفيش حجه لاي عضو انه مشغول مثلا بدراسه ومش بيقدر يرد

معظمنا لسا بيدرس واليومين دول اجازه

والباقي بيشتغل وبيكون فاضي اكيد باليل

لازم حل للمشكله دي

يا راجل ده في مواضيع استفسار عن الـ 307 عن صيانات التوكيل والله مواضيع الردود فيها صفر

هنا معانا بسم الله ما شاء الله وعارفهم بالاسمي والعدد عندنا 7 اعضاء معاهم 307

محدش فيهم يا راجل فكر يرد ويفيد الراجل

انا الي معلوماتي الي حد ما فقيره عن الـ 307 اسراحه استحرمت وروحت كلمة التوكيل واستفسرت بنفسي عن استفسار العضو

ورضيت عليه والحمد لله اني قدرت افيده

تفتكر ده يرضي ربنا؟

A.Yakout

[the-hero]

انتا جيت اصراحه علي الجرح

ومفيش حجه لاي عضو انه مشغول مثلا بدراسه ومش بيقدر يرد

معظمنا لسا بيدرس واليومين دول اجازه

والباقي بيشتغل وبيكون فاضي اكيد باليل

لازم حل للمشكله دي

يا راجل ده في مواضيع استفسار عن الـ 307 عن صيانات التوكيل والله مواضيع الردود فيها صفر

هنا معانا بسم الله ما شاء الله وعارفهم بالاسمي والعدد عندنا 7 اعضاء معاهم 307

محدش فيهم يا راجل فكر يرد ويفيد الراجل

انا الي معلوماتي الي حد ما فقيره عن الـ 307 اسراحه استحرمت وروحت كلمة التوكيل واستفسرت بنفسي عن استفسار العضو

ورضيت عليه والحمد لله اني قدرت افيده

تفتكر ده يرضي ربنا؟

a.yakout

ده لآ مباله
طب لزم نشوف حل

[kareem_Ashmawy]

أنا معترض بشدة..بس على حجم الفونت...عينى باظت يا ابوحميد
انا برده ملاحظ حكاية الامبالاه دى
بس بفترض حسن النية
لان ممكن يكون معاه العربية فعلا بس مش عارف اجابة الاستفسار المطروح
او المشغوليات كتير..كده يعنى
بس برده ارجع اقول زى ما أ.محمد ابراهيم دايما بيقولها
الصحرا اللى احنا فيها دى بسبب قله اعطال البيجو و مشاكلها ( الحمد لله حخمدا كثيرا)
انما بص على المنتديات اللى اتخذتوها امثلة
هتلاقى مواضيع الاستفسار عن مشاكل فى العربيات هى اكبر نسبة من المولضيع
وده اللى بيخلى الاعضاء يقربوا من بعض شوية..
و ده طبعا لا يقلل من احترامى الشديد لكل الماركات التى ذكرت
و تصبحوا على خير..
.
.

[walids]

عندك حق يبو حميد ، و انا عن نفسي محروج والله ، انا بحاول افيد اي عضو بأي بمعلومات عندي ، ومبحبش أفتي معاه بمعلومات خاطئه
بالنسبه لي انا لسه مش قديم في مجال العربيات و تجاربها ، لأن اول عربيه و هي اللي معايا حاليا ال 305
و دي ان مش شايف اعضاء كتير معاهم العربيه دي :d
هههههه ومش شايف حد بيستفسر عن مشاكل الا انا بخصوصها في المنتدي :d

انا مش عايز اقولك اني بدخل يومياً علي المنتدي و القسم ، و ان في اليوم بدخل اكتر من 5 مرات
و في حالة وجود اي موضوع اقدر افيد فيه مبتأخرش

و ان شاء الله متقلقش القسم صحيح نايم حبتين بس مش وحش و هتلاقيه شوية و يرجع تاني زي ما كان

[walids]

أنا معترض بشدة..بس على حجم الفونت...عينى باظت يا ابوحميد

ههههههه انا معاك يكريم ، انا برده عنيا تعبت و انا بقرأ
مع اني شفت كلمة السلبية كويس:10d5c8~1107:

[the-hero]

الموضوع مش حكاية مواضيع بنطلبها من الاعضاء ولكن عاوزين نحس بنوع من المشاركة
مش تواجد من عدمة أيه الفرق بقي
وحكايه الاعطال ديه بقي ملهاش تأثير برضة يعنى مخشش على المنتدى ألآ اذا كان فيه مشكلة او حاجة مديقانى او عربيتى بتعطل
لا طبعا
نحاول نقرب شوية بيجابية بعيدا عن المواضيع والمعلومات و الاعطال عندك مواقف حصلت بالعربية خروجه بالعربية ميت حاجه بتتعلق بالعربية بخلاف مشاكلها
لكن المواضيع والله العظيم بتقعد بالايام بنفس الترتيب
بالرغم من ان عدد التواجد كتير ومشاهدات كتير وردو تكاد تكون معدومة
بجد بقي شوفولنا كل
أنت يا عم المنسق شوف لك حل

[م.احمد زكريا]

بلاش النظرة التشاؤمية دي يا جماعة

انا حطيط موضوع في منتدى البريليانس كنت متوقع عليه ردود قوية وهجوم لأنه بيتكلم عن اختبارات التصادم والامان للعربية وانها زي الزفت وطبعا بتوع الصيني متعصبين جدا

والموضوع من امبارح محدش دخل على القسم اصلا ولا اضاف موضوع جديد ولا حتى علق على موضوع قديم

وبالنسبة للعربيات التانية اكيد هاتلاقي منتدى هايونداي ودايو فيها حركة عشان عدد الناس الي راكباها كيير

بس بصراحة منتدى بيجو يكفي ان كل يوم تقريبا تلاقي موضوع جديد ومعلومات جديدة دا غير الطلبات والردود عليها

ثم ان مش اي حد لييه في البيجو

[harphosh]

إخوتى فى الله اعضاء بيجو
السلام عليكم ورحمة الله
اساندكم الرأى فى موضوع السلبية بقسم البيجو ، وخاصة فى الفترة الأخيرة لدرجة إنى بأعترف إنى اتعديت وبقيت سلبى
كل ما أفتح قسم البيجو ألاقى الموضوعات هى هى وأخرج تانى وحتى بدون ما استعرضها
ويعلم الله بديق الوقت الشديد ولكن بأدخل وأخرج من المنتدى ولا كأنى كنت موجود
نحاول نحط حلول وانا بإذن الله معاكم على قد ما أقدر فى تنفيذها
مع وافر تحياتى للعصابة النيمانه دى اللى محتاجة لصحوة ضرورى

[bee]

يا جماعة ..
من غير زعل .. بدل الكلام فين الفعل ..
أي حد من الي زعلانين فين مواضيعك .. ؟؟
مش معقول حد هينزل موضوع كويس ومحدش يرد ...
ولازم نضع في الاعتبار كذا حاجه

*ممكن حد مشغول زيي كده وربنا عالم انا مشغول ازاي وبدخل لما بقدر ..

*ممكن حد معاه العربية بس مش فاهم فيها كويس .. يفتي ولا يسكت ؟؟

*ممكن حد عمل زيكوا كده وقال سلبية بسلبية ..

كلنا واحد يعني يا هيرو مثلاً لو انتي فاضي يا سيدي دور واعمل مواضيع جامدة من بتاعتك ..
وخلي هدفك الموضوع يكون مفيد مش المهم الردود ..

ياما مواضيع هايفة جدا وليها ردود كتير اوى والعكس صحيح ولا إيه ؟؟

وأنا أوعدك أول ما أفضى من الي أنا فيه هنرجع أحسن من الأول كمان ..
بس انت متضايقش نفسك يا مان

تحياتي للعصابة

[nabaster]

يا جماعة ..
من غير زعل .. بدل الكلام فين الفعل ..
أي حد من الي زعلانين فين مواضيعك .. ؟؟
مش معقول حد هينزل موضوع كويس ومحدش يرد ...
ولازم نضع في الاعتبار كذا حاجه

*ممكن حد مشغول زيي كده وربنا عالم انا مشغول ازاي وبدخل لما بقدر ..

*ممكن حد معاه العربية بس مش فاهم فيها كويس .. يفتي ولا يسكت ؟؟

*ممكن حد عمل زيكوا كده وقال سلبية بسلبية ..

كلنا واحد يعني يا هيرو مثلاً لو انتي فاضي يا سيدي دور واعمل مواضيع جامدة من بتاعتك ..
وخلي هدفك الموضوع يكون مفيد مش المهم الردود ..

ياما مواضيع هايفة جدا وليها ردود كتير اوى والعكس صحيح ولا إيه ؟؟

وأنا أوعدك أول ما أفضى من الي أنا فيه هنرجع أحسن من الأول كمان ..
بس انت متضايقش نفسك يا مان

تحياتي للعصابة

في الاول يا بي حمد لله علي سلامتك و انا عن نفسي ملاحظ انك مختفي فعلا

ثانيا خلينا نستثني الناس الي ليها ظروف غصب عنها بتخليها غصب عنها بعيد عن المشاركه

بس انا كان ردي في حتت تانيه خالص غير كده

بالنسبه مثلا لو واحد علي كلامك ملهوش فيها وراجل عربيته جديده

وكان قبل ما يشتريها لف علي طوب الارض هنا لغاية اما اقتنع بيها وبعدين اشتراها

الراجل العربيه بقي مثلا ليها شهر اتنين تلاته معاه

عدي بقي في والقت ده علي صيانة الالف والخمسه ويمكن وصل للعشره

يجي عضو كريم يسأل عن اخبار صيانة الالف الموضوع يقعد يومين والردود صفر وصاحبنا التاني يمر علي الموضوع مرور الكرام ولا اكن الموضوع يخص عربيه معاه وتحت رجله

نوعيه تاني من الناس في عداوه بينهم وبين زر ثانكس الي ممكن يديك الدافع انك تعمل موضوع تاني وتلات ورابع

انا اكيد عامل الموضوع مثلا للافاده العامه ومش هستني شكر من حد بس انا عامل المواضيع لمين؟؟؟؟؟؟؟؟

مش للاخوانا الاعضاء؟؟ يبقي لما ملاقيش منهم الاهتمام بمجهودي يبقي كده شكرا ولا تفتكرعندك راي تاني؟؟؟

يا راجل ده علي كلام هيرو بتبقي المواضيع بنفس ترتيبها الردود من 2 لـ 5 وهما هما الاعضاء كل الي بيحصل المشاهدات بتذيد

يمكن انتا علشان غايب فتره يمكن مش شايف الوضع كويس او شايفه بزاويه غير

وعلي فكره الموضوع ده ملهوش حل غير ان الناس تتعلم زي ما بتستفاد انها تفيد غير كده هيبقي الحال كما هو عليه

A.Yakout

[the-hero]

يا جماعة مبطلبش من الناس انها تعمل مواضيع أو مشاركات عشان صاحب الموضوع
لأ طبعا
لكن عشان المنتدى يمشى ينشط مواضيعة تتنقل تتجدد متبقاش وقفة وحالها مايل
وبعدين الاعضاء مبيهتموش بالمشاركات خالص حتى على سبيل ترقيه فى المنتدى
هو ده اللى بنشتكى منه وأعتقد أن الموضوع ده ملوش أى مبررات مع أحترامى الكامل لأرائكم
بس بجد حكاية سلبية كبيرة ولازم نشوف علاج ليها
دنا لما بزهق خالص بدور فى صفحات المنتدى القديمة وشارك فى مواضيع من وجهه نظر مفيدة وخسارة تهمل كدا فشارك فترجع تظهر فى الصفحة الاولى وللأسف تختفى مرة تانية لأنى بكتشف انى اخر واحد شاركت فيها

[the-hero]

وبعدين الناس المحترمة اللى شاركتنى برأى فى الموضوع ده انا مقدر مشاغلهم وأعذرهم وهم بعيدين كل البعد عن كلامى
لأن ناس ليها نشاط ملحوظ فى المنتدى
الباقى فييييييييييييييييييييييييييييييييييين
حكاية تواجد أكتر من 7 أعضاء فى المنتدى وعدم وجود اى جديد ولو رد ده بجد اللى يدايق