السلبية

[ahmed_khalil]

يا هيروووو انا شايف ان منتدى بيجو مافيهوش سلبيه (الوقت الحاضر) حاول كده تخش فى اى وقت هاتلاقى حد فينا online و اى حد بيطلب اى حاجه بيحاول يساعده قدر استطاعته خش مثلا على المازدا شوف القسم عامل ازاى
شوف القسم هنا مش هاتلاقى واحد بيسأل سؤال (و انا واحد منهم) و مش بيترد عليه فى مده اقساها يوم ده غير اللى مش بيبقى عارف يحل المشكله بس بيخش يحاول مع صاحب الموضوع على قد ما يقدر


اعذرونى لانى طولت بس حبيت اشرح وجهت نظرى

[alhourriah]

المشكلة انه مصر أم البيجو وفيها بيجو أكثر من فرنسا نفسها...
ياسلام عليك وعلى الموضوع

[the-hero]

اللهم صل على محمد وعلى آله وصحبه أجمعين

احلى سلام على اجدع "هيرو"

بالرغم أن مشاركتك منذ شهر 7 يا هيرو
وبرغم أنى لم أقرأها إلا اليوم
لكن بصراحة كلامك كله سليم ومية مية

أنا عن نفسى حبيت المنتدى الخاص بالبيجو
ومن خلال فترة قصيرة معاكم ... قدرت اعرف من الشخصيات اللى عندها عطاء وحب
وغصب عنى عرفت ان فيه رجالة محترمة وبالأسم
هيرو
اسلام
ياقوت
مع احترامى لكل الأعضاء ... لكن من خلال مشاركاتهم وردودهم معى او مع غيرى هى دى الحقيقة

كثير من المشاهدات والإستفادة
قليل من المشاركات والإجابية

احسن حاجة يا جماعة أن الإنسان يقضى وقته فى حاجة مفيدة ... معلومة جديدة ... معرفة الرجال كنز ودى اهم حاجة قبل كل شىء

ده يا أخى لو الواحد قرأ تعليق "مضحك" .... الواحد بينام مبسوط .. ويشعر ان ليه أصدقاء جالسين معاه

ده لو العضو "خفف" من حدة اى مشكلة الواحد بيمر بيها ... ده يعتبر عمل إجابى

ممكن تلاقى عضو مثلا "مخنوق" من حاجة فى العربية بتاعته .... تقدر انت حتى ولو موش فاهم كويس انك تخفف عنه ... بدل ما يندفع ويعمل حاجة غلط ويعالج الخطأ بخطأ
ممكن تخليه ينام وهو مرتاح نفسيا ... ده كله بسبب كلمة طيبة منك

يا ريت مزيد من الإجابية .. والصداقة والحب ... وقبل كل شىء العطاء قبل الأخذ

شكرا ليك يا هيرو على الموضوع الرائع

وشكرا لكل الأصدقاء اللى ردوا على الموضوع باهتمام

مع اطيب التمنيات
اخوكم حسين غزالة

الله يباركلك احلى كلام من احلى الاعضاء الايجابية