عايز اشترى سيارة فى حدود لا تزيد عن 25000 ... مبتدأ جدا وعايز رأيكم

[husseinoo]

السلام عليكم ورحمة الله وبركاته

اسئلة هامة من فضلكم
: بالنسبة للسيارة البيجو 504
ما هو معدل استهلك الوقود لكل 20 لتر بنزين
فى حالة القيادة داخل المدينة
فى حالة القيادة على الطريق السريع "السفر"
ما هى تكلفة الضريبة التى يتم دفعها سنويا فى السيارة البيجو الملاكى 2000 سى سى

بعض الاصدقاء فى منتدى الفولكس "اقترحوا انى اتوجه بالسؤال لخبراء البيجو ومعرفة اسعار بعض قطع الغيار الاساسية فى البيجو 504 ومقارنة اسعار البيجو مع سيارة مثل "الفيات شاهين"

والبعض يفضل الشاهين على اساس انها موديل 1995 طبعا لو كانت البيجو موديل 1978 "بيقولوا شوف انت الفرق بينهم وقرر"

فى الوقت الحالى لو فيه سيارة بيجو 504 بسعر 25000 ما هى الحالة التى يجب ان تكون عليها
يعنى مثلا: المفروض كفاءة الموتور يجب ان تكون 60% ... 70% وكفاءة الموتور دى تمشينى مدة اد ايه قبل ما افكر انى اعمل عمرة لا قدر الله مثلا

هل الافضل انى اشترى بيجو 504 ولا اشترى مازدا هاتشباك 323
فيه واحد عارض على مازدا هاتشباك فى حدود 16000 وبيقول لو صرفت عليها 1700 نظافة وكاوتش هاتبقى عروسة ... عايز رايكم


احد الاصدقاء هو راكب بيجو 504 من اكثر من 25 سنة رشح لى انى اشترى واحدة فى حدود لا تزيد عن 25000 ... وان قطع غيارها متوفرة ومعمرة وآداء السيارة ممتاز وتعتبر افضل بكثير من السيارات الفيات

لكن انا خائف تحديدا من موضوع
استهلاك البنزين
ان تكون حالة السيارة تحتاج الى مصاريف بعد البيع مفاجئة وتكون تكلفتها كبيرة على

ملحوظة: انا هامشى بالعربية مسافات قصيرة جدا لن تتخطى الـ 20 كيلوا يوميا فى معظم الايام وفى ايام كثيرة موش هامشى بيها لأن متروا الانفاق هايكون اسهل فى كثير من المشاوير ... يعنى استعمالى اكيد هايكون خفيف

طبعا انا لا استطيع التفكير فى سيارة شاهين لأن اقصى ما يمكن توفيره بعد ما استلف لن يزيد عن 25000 الف ولن اجد تعريفة فى البيت بعد كده

عايز النصيحة منكم
بس واحدة واحدة على عشان انا عمرى ما ركبت سيارة ... ولكن بحب البيجو جدا جدا واثق فيها جدا جدا ... ولكن الفلوس فى الآخر هى العامل الاساسى

اسئلة كثير فى دماغى والرآى الاول والاخير للناس اللى فاهمة فى منتدى البيجو

فى انتظار آرائكم القيمة

مع اطيب التنميات
اخوكم حسين غزالة

ممنوع الكتابه باللون الاحمر حيث انه مخصص للمداخلات الاداريه
مشرف عام 3

[islambana]

أهلا وسهلا بحضرتك في قسم البيجو وان شاء الله هحاول اجاوبلك علي اسئلتك

السلام عليكم ورحمة الله وبركاته

اسئلة هامة من فضلكم
: بالنسبة للسيارة البيجو 504
ما هو معدل استهلك الوقود لكل 20 لتر بنزين
فى حالة القيادة داخل المدينة
والله ما اقدرش افيدك علشان ماحسبتهاش قبل كده
فى حالة القيادة على الطريق السريع "السفر"
بتعمل معايا من 9 الي 11 لتر كل 100كم (بين المحافظات ) لكن مع بنزين 80 مابحسش بفرق
ما هى تكلفة الضريبة التى يتم دفعها سنويا فى السيارة البيجو الملاكى 2000 سى سى
الضريبه +التأمين +رسوم الفحص =450 جنيه

بعض الاصدقاء فى منتدى الفولكس "اقترحوا انى اتوجه بالسؤال لخبراء البيجو ومعرفة اسعار بعض قطع الغيار الاساسية فى البيجو 504 ومقارنة اسعار البيجو مع سيارة مثل "الفيات شاهين"
طقم تيل فرامل امامي =من 25 الي 60 حسب النوع
ماستر فرامل عمومي فرنساوي =220 جنيه
مقبض باب داخلي = 5 جنيه
طقم عمره كامله (بستم -شمبر-شميز-فلتر زيت ) فرنساوي=1700
طقم عمره كامله تركي =800
طقم جلد ماستر عمومي =10
2 فانوس خلفي كريستال 85 جنيه
2 فانوس اشاره امامي كريستال 40 جنيه
دي الاسعار اللي فاكرها دلوقتي

والبعض يفضل الشاهين على اساس انها موديل 1995 طبعا لو كانت البيجو موديل 1978 "بيقولوا شوف انت الفرق بينهم وقرر"
في حدود السعر اللي حضرتك بتتكلم فيه استحاله تلاقي عربيه شاهين سليمه
كما ان البيجو اعتماديه اكتر واوسع بكتير عن الشاهين واحسن حاجه في الحدود دي

فى الوقت الحالى لو فيه سيارة بيجو 504 بسعر 25000 ما هى الحالة التى يجب ان تكون عليها
دور الاول علي عربيه اساسياتها سليمه وابعد تماما عن اي عربيه راشه حوض وبعد كده اكشف علي الفتيس والموتور وهتلاقي ان شاء الله حاله كويسه وموتور البيجو معمر عن باقي العربيات وماتخافش اي عربيه بالسعر ده هتلاقي حاله موتورها فوق ال 70 في المايه وتقعد عل استخدامك ده معاك 5 سنين قدام من غير ماتشتكي وممكن اكتر (العربيات نازله دلوقتي وكان قدامي مرسيدس 230 موديل 83 مش راشه حوض عايزه عمره موتور بس خلصت علي 27 الف )
هل الافضل انى اشترى بيجو 504 ولا اشترى مازدا هاتشباك 323
فيه واحد عارض على مازدا هاتشباك فى حدود 16000 وبيقول لو صرفت عليها 1700 نظافة وكاوتش هاتبقى عروسة ... عايز رايكم
الحكايه دي في الاول وفي الاخر ترجعلك انت يعني لو تعرف تتصرف في قطع غيار المازدا وهتلاقيها بسهوله ومش محتاج شنطه ووسع يبقي هاتها لكن عايز شنطه ووسع واعتماديه وقطع غيار في كل حته هات بيجو
علي فكره انت ممكن تلاقي عربيات بيجو ب15 و16 بس ابعد عنها



احد الاصدقاء هو راكب بيجو 504 من اكثر من 25 سنة رشح لى انى اشترى واحدة فى حدود لا تزيد عن 25000 ... وان قطع غيارها متوفرة ومعمرة وآداء السيارة ممتاز وتعتبر افضل بكثير من السيارات الفيات
كلام صح 100% وعن تجربه
لكن انا خائف تحديدا من موضوع
استهلاك البنزين
ان تكون حالة السيارة تحتاج الى مصاريف بعد البيع مفاجئة وتكون تكلفتها كبيرة على
حاول تكشف غلي العربيه كويس قبل ماتشتريها وتغيرلها طقم سرفيس كامل وتتستر
مفيش عربيه مستعمله ما بتحتاجش مصاريف بعد الشراء حتي ولو كانت موديل 2008 ولازم تعمل حسابك علي 1000 او 2000 جنيه غير تمن العربيه استعدادا للظروف
ولازم لما تشتري عربيه تغير كل الزيوت والسيور والفلاتر وتكشف علي الكهرباء والميكانيكا والعفشه علشان ماتعملش معاك موقف بايخ سواء كانت العربيه دي 504 او حتي مرسيدس 2008
ملحوظة: انا هامشى بالعربية مسافات قصيرة جدا لن تتخطى الـ 20 كيلوا يوميا فى معظم الايام وفى ايام كثيرة موش هامشى بيها لأن متروا الانفاق هايكون اسهل فى كثير من المشاوير ... يعنى استعمالى اكيد هايكون خفيف

طبعا انا لا استطيع التفكير فى سيارة شاهين لأن اقصى ما يمكن توفيره بعد ما استلف لن يزيد عن 25000 الف ولن اجد تعريفة فى البيت بعد كده

عايز النصيحة منكم
بس واحدة واحدة على عشان انا عمرى ما ركبت سيارة ... ولكن بحب البيجو جدا جدا واثق فيها جدا جدا ... ولكن الفلوس فى الآخر هى العامل الاساسى

اسئلة كثير فى دماغى والرآى الاول والاخير للناس اللى فاهمة فى منتدى البيجو

فى انتظار آرائكم القيمة

مع اطيب التنميات
اخوكم حسين غزالة

لكن رأيي لو دي اول عربيه ليك وخايف من حكايه البنزين والزمن ممكن تدور علي حاجه حديثه شويه وتكون في نفس الحدود دي وباور وتكييف كمان

وأي استفسارات انا في الخدمه

[husseinoo]

اللهم صل على محمد وعلى آله وصحبه أجمعين

شكرا جزيلا للأستاذ/ اسلام
على سرعة الرد

واضح من اجابة حضرتك "انك ما شاء الله خبرة فى البيجو"

وده هايخلنيى اطمع انى اتعلم منك الكثير

بالنسبة للسيارات الاخرى بصراحة مع احترامى لها "أنا احب المدرسةالتقليدية جدا فى السيارات .. واعتقد انه لا يوجد ما يتفوق على البيجو"

فكرت مثلا فى "سوزوكى ماروتى" وشفتها فى سوق السيارات ... بصراحة عاملة زى اللعبة واستغرب "كيف يدفع فيها اكثر من 20000 الف جنيه برغم انها موديل تسعينات
والغريب ان جارى اشتراها من سنتين بالتقسيط وبيدفع حوالى 700 جنيه كل شهر واليوم اشترى شيفورليه وعايز يخلص من الماروتى باى شكل "لكن موش لاقى حد يشتريها" ...

اما السيارة "اللادا" ... دى شوفت واحد صاحبى اشتراها زيرو بصراحة مشيت معاه حوالى 6 او 7 سنين مية مية ... وبعد كده ابتدأت تخرف معاه ومهما راح لكهربائى او ميكانيكى يفاجأ بمواقف بايخة كل يوم منها ... عشان كده باعها بحالتها واشترى "لانوس" فى حدود اكثر من 40000 الف جنيه منذ سنتين تقريبا

فى الاول كنت افكر فى السيارة 127 واقول لنفسى ثمنها معقول وعلى اد المشاوير ... ولكن عرفت انه مهما صرفت عليها لن تحصل على مليم زيادة عن ثمن السوق .. "وافلامها كثير" ... برغم انها موفرة فى البنزين وقطع الغيار عند البقال زى ما بيفولوا

شوف حضرتك الاسد الفرنساوى حمال آسية ازاى ما شاء الله


وكمان تشعر انه اى قرش بيتصرف عليها "يبان عليها"


فى انتظار آرائك البناءة

مع اطيب التمنيات
اخوكم حسين غزالة

[islambana]

فعلا يا استاذ حسين كلامك صح وفعلا اي مليم بيتصرف علي البيجو بيبان فيها وعربيه مهما تعمل فيها ماتقولش لا
وحضرتك تؤمر وأي استفسار احنا في الخدمه وبلاش حكايه استاذ اسلام دي
وخد الصوره دي هديه علشان توريك البيجو بتشيل ازاي

[the-hero]

بجد بحيك على اختيارك لل504 بجد تحفة وعملية جدا جدا
وبالنسبة ليك كبداية اعتقد من احسن الأختيارات
دنا بالرغم من امتلاكى لعربيتين بيجو احدث منها 405.505
لكن كان نفسي اقتنيها كمان هيا وال 205
وربنا يوفقك وتلاقى حالة جيده واهم حاجة تكون دواخل فبريكة
ومنصحكش تشترى من السوق لأن اسعارها رفعاه هناك للحالات الجيده بتبتدى من30الف وانت طالع ده عن تجربة
دور على واحدة تكون مع زبون مش تاجر

[the-hero]

وطول مانت معتنى بيها وبصيانتها وتركيب قطع غيار اصلية عمرها مهتقل معاك ابد وهتبقي احسن من الحديث كمان
لأن البيجو بيجو

[husseinoo]

الله يكرمك يا هيرو انت واسلام
كلامكم فعلا بيطمنى انى بفكر صح
بس يا ريت حد منكم يقولى موضوع استهلاك البنزين اخباره ايه
كل اللى عرفته من احد الاعضاء ان سيارته بتعمل 10 او 11 لتر بنزين فى الـ 100 كيلوا

السؤال: طيب تعمل كام داخل المدينة
ده انا حتى ما اعرفش اسعار البنزين ايه ... و اى بنزين يمشى معاها ولا يفضل نوع معين

وهل يوجد حلول لتخفيض استهلاكها

ومشاركة منى بسيطة نشوف اقوى شغل للاسد الفرنساوى
مع اطيب التمنيات
اخوكم حسين غزالة

[youtube]http://www.youtube.com/watch?v=y4W-DteQMNc[/youtube]
فى انتظار ردودكم

[islambana]

العربيه يا استاذ حسين ممكن تعمل معاك جوه المدينه 12 او 13 لتر كل 100 كم
واي بنزين ينفع معاها بس يفضل 80 وده اللتر منه ب90 قرش ولو عايز تحط 90 ده اللتر منه ب 175 قرش طبعا الفرق واضح وال 80 مظبوط جدا للعربيه وبلاش لعب في حكايه تقليل الاستهلاك دي لان دي طبيعه العربيه

[the-hero]

العربيه يا استاذ حسين ممكن تعمل معاك جوه المدينه 12 او 13 لتر كل 100 كم
واي بنزين ينفع معاها بس يفضل 80 وده اللتر منه ب90 قرش ولو عايز تحط 90 ده اللتر منه ب 175 قرش طبعا الفرق واضح وال 80 مظبوط جدا للعربيه وبلاش لعب في حكايه تقليل الاستهلاك دي لان دي طبيعه العربيه

+10000000

[ahmed1981]

البيجو504 بالتأكيد أفضل من الفيات القديمة بمراحل
فهي بالنسبة لهم سابقه لعصرها

لكن المهم تكون حالتها كويسة جداً عشان متصرفش عليها كتير
لأنها لو إحتاجت مصاريف بتصرف جامد أكثر من الفيات بكثير

ولو بتفكر في بدائل في حدود ال 25 ألف
ممكن تشوف الريجاتا
أو لادا 2107 تسعينات رغم أني لا أؤيد أبداً إختيار اللادا

يا إما تشوف 131 نظيفة في حدود 20000 جنيه تقوم بالواجب

[husseinoo]

اللهم صل على محمد وعلى آله وصحبه أجمعين

استاذ احمد الله يكرمك
انت فعلا وجميع اصدقاء البيجو ... حاسس كده انكم اكثر الناس فاهمة فى الموضوع ده مع احترامى لجميع الاصدقاء

وكلامك برغم انه مختصر لكنه مفيد جدا وفى الصميم عجبنى جدا

حضرتك تفضلت وقلت عن البيجو 504
"لكن المهم تكون حالتها كويسة جداً عشان متصرفش عليها كتير
لأنها لو إحتاجت مصاريف بتصرف جامد أكثر من الفيات بكثير"

معلهش انا مبتدأ وعشان افهم الموضوع ده واتوكل على الله بدون تردد بعد صلاة الاستخارة إن شاء الله

عايز اعرف المقصود بحالتها كويسة جدا
وكمان لا قدر الله "لو حصل بعد الشر" ان ظهر اى شىء ...
ايه اللى ممكن يتصرف عليها
يعنى هاصرف على ايه بالضبط
وما هى تكاليف المصروفات دى .. إن وجدت لا قدر الله

ولو كانت حالتها معقولة ... ايه المصاريف اللى لازم ادفعها اول ما اشتريها


وحضرتك قلت لى
"يا إما تشوف 131 نظيفة في حدود 20000 جنيه تقوم بالواجب"
اختيار الـ 131 اختيار جيد جدا
ما المقصود "تقوم بالواجب" ؟

يا ريت تكلمنى عن موضوع المصاريف ده عشان اخويا النهاردة فى التليفون "سد نفسى" وقال لى لو اشتريت هاتفضل تصرف عليها انت عندك استعداد تصرف عليها
بصراحة خوفنى

وخلانى موش عارف افكر

البعض يقترح الـ 128 موديل تسعينات

لكن تفكيرى كله بيدور بين الـ 131 والـ بيحو 504

السؤال : ما هو الافضل لاسرة متوسطة الدخل "مستورة والحمد لله" ... خصوصا ان حضراتكم عارفين بحكم انكم ركبتم سيارات من زمان "ان موش كل الرخيص مناسب للفقير" ... احيانا الافضل للمتوسط الدخل مثلى... الأفضل له انه يشترى الغالى شوية عشان يرتاح مثل البيجو 504

لكن موش عايز اجرى ورى حلم اسمه بيجو 504 .... كنا نتمنى اننا يكون عندنا سيارة مثلها من زمان واكتشف انها موال ثانى انا موش اده

فى انتظار التواصل

مع اطيب التمنيات
اخوكم حسين غزالة

[ahmed1981]

بالنسبة للبيجو 504
قطع غيارها غالية
مش غالية موت
لكن أغلى من الفيات بكثير

لذلك لابد تشتريها نظيفة عشان مصارفها عالية
بمعنى إنك متشتريش بيجو 504 موتورها خفيف مثلاً
أو موتورها عايز شغل أو عمرة

وبرضه حاول تشوف حالة الشاسيه والدواخل تكون ممتازة
عشان مصاريف التوضيب كبيرة سمكرة ودهان
ولو أساس الشاسيه مصدي أو فيه حادثة
عمر العربية ما هتكون مظبوطة

طيب تعرف إزاي الكلام
بالنسبة للموتور لازم يكشف عليه ميكانيكي ثقة شاطر
وبالنسبة للشاسيه لازم يكشف عليها سمكري ثقة شاطر

ومتاخدهاش إلا لو قالوا لك مفيهاش شغل

وعموماً سيارة بيجو 504 بهذه الحالة الممتازة لن تكون رخيصة
مش عارف بالظبط سعرها ممكن يكون كام

بالنسبة للمصاريف لو إشتريت بيجو واحتاجت عمرة مثلاً
ممكن تخش في 2500 جنيه مرتاح

لذلك رأيي لو هتشتري بيجو 504 إشتريها لا تحتاج لمصروف ميكانيكا أو سمكرة

بالنسبة للإختيارات الأخرى
ممكن تشوف ريجاتا
وبسعر 25000 جنيه
ممكن تلاقي واحدة حالتها كويسة ممتازة رقم واحدة ميكانيكا وجسم العربية سليم
وميزتها إن مصاريفها معقولة وأقل من البيجو
وصالونها واسع ومحترم


لكن لو عايز حاجة أقل في السعر وتكون حالتها نظيفة
وتمشي الحال
يبقى عليك بال 131
ممكن تلاقي واحدة فلة بعشرين ألف جنيه
مع إعتبار أن صالونها ضيق شوية أضيق من الريجاتا

وفي جميع الحالات لازم ميكانيكي وسمكري يكشفوا على العربية وتاخدها لو قالوا إن حالتها ممتازة ومش محتاجة مصاريف
لأن الناصابين زي الرز
ويقلك فبريكة وهي متشرحة

بالنسبة لل 128 لا أنصحك بها أبداً
طالما تقدر تدفع فلوس لغاية فوق العشرين
يبقى الريجاتا أحسن

[islambana]

بالنسبة للبيجو 504
قطع غيارها غالية
مش غالية موت
لكن أغلى من الفيات بكثير

لذلك لابد تشتريها نظيفة عشان مصارفها عالية
بمعنى إنك متشتريش بيجو 504 موتورها خفيف مثلاً
أو موتورها عايز شغل أو عمرة

وبرضه حاول تشوف حالة الشاسيه والدواخل تكون ممتازة
عشان مصاريف التوضيب كبيرة سمكرة ودهان
ولو أساس الشاسيه مصدي أو فيه حادثة
عمر العربية ما هتكون مظبوطة

طيب تعرف إزاي الكلام
بالنسبة للموتور لازم يكشف عليه ميكانيكي ثقة شاطر
وبالنسبة للشاسيه لازم يكشف عليها سمكري ثقة شاطر

ومتاخدهاش إلا لو قالوا لك مفيهاش شغل

وعموماً سيارة بيجو 504 بهذه الحالة الممتازة لن تكون رخيصة
مش عارف بالظبط سعرها ممكن يكون كام

بالنسبة للمصاريف لو إشتريت بيجو واحتاجت عمرة مثلاً
ممكن تخش في 2500 جنيه مرتاح

لذلك رأيي لو هتشتري بيجو 504 إشتريها لا تحتاج لمصروف ميكانيكا أو سمكرة

بالنسبة للإختيارات الأخرى
ممكن تشوف ريجاتا
وبسعر 25000 جنيه
ممكن تلاقي واحدة حالتها كويسة ممتازة رقم واحدة ميكانيكا وجسم العربية سليم
وميزتها إن مصاريفها معقولة وأقل من البيجو
وصالونها واسع ومحترم


لكن لو عايز حاجة أقل في السعر وتكون حالتها نظيفة
وتمشي الحال
يبقى عليك بال 131
ممكن تلاقي واحدة فلة بعشرين ألف جنيه
مع إعتبار أن صالونها ضيق شوية أضيق من الريجاتا

وفي جميع الحالات لازم ميكانيكي وسمكري يكشفوا على العربية وتاخدها لو قالوا إن حالتها ممتازة ومش محتاجة مصاريف
لأن الناصابين زي الرز
ويقلك فبريكة وهي متشرحة

بالنسبة لل 128 لا أنصحك بها أبداً
طالما تقدر تدفع فلوس لغاية فوق العشرين
يبقى الريجاتا أحسن

+11111111
كلامك ممتاز ياباشمهندس أحمد
استاذ حسين علي فكره ال 25000 ممكن يجيبولك 504 راشه شنطه نضافه وموتورها ممتاز ولكن لو عايز حاجه فابريكا دواخل هتلاقيها من 27 وطالع وممكن تلاقي واحده فابريكا دواخل بالكامل في الحدود اللي معاك بس ممكن تكون محتاجه عمره او كده علي فكره عمره ال 504 تخش في 3000 جنيه
ولا تنسي صلاه الاستخاره وابقي طمنا علي قرارك

[husseinoo]

والله العظيم يا احمد ... انت استاذ
وحاسس كده اكنك بتقرأ اللى فى دماغى
وحاسس بى وبالحيرة اللى انا فيها

وبرغم انك صديق للبيجو ... لكن الآمانة عندك عالية جدا
ونادر لما تلاقى حد يرشح لك سيارة خارج القسم اللى هو بيحبه

بالنسبة للبيجو ... صديق لى عنده بيجو 504 "شغال فى السياحة" ... هو اللى اقترح البيجو ...وقال لى لو هاتقدر ترفع المبلغ فعلا الى 25000 الف ممكن نشوف لك بيجو 504 واقفة على حيلها
وقال احنا موش هانعمل حاجة ... احنا هانتصل بالميكانيكى بتاعى "راجل امين" .. وهو هايشوف لنا حاجة نظيفة ... واحنا نروح ناخدها على طول ... وطبعا هانبص عليها

كنت من شوية اتابع مشاركات الاصدقاء بخصوص الـ 131 ... وجدت ان نسبة كبيرة منهم يتكلموا عن استهلاك البنزين عندهم والمفاجأة ان استهلاكهم عالى خصوصا داخل المدينة حوالى 170 كيلوا فى الـ 20 لتر بنزين .... يعنى اعتقد انه موش متميز قوى عن البيجو يمكن الاثنين واحد والله اعلم

اما عن قطع الغيار ... كلهم بيشتكوا من عدم توافر قطع الغيار الاصلية ... وكل الموجود مضروب ورخيص

لكن طبعا تعتبر افضل سيارة فى حدود السعر 20000 زى ما حضرتك وضحت لى ... وحاجتها موجودة فى كل حتة

هو فعلا العملية ابتدأت توضح شوية
والمقارنة اكيد فى صالح البيجو 504 من حيث الكفاءة والقوة

ممكن ال131 تكون ارخص وحاجتها متوفرة لكن موش معمرة

العملية هاتتوقف على حالة السيارة وقت الشراء

لو كانت البيجو 504 حالتها كويسة زى ما حضرتك وضحت لى
يبقى خلاص لن تظهر اشياء مفاجأة .. واغلب المصاريف "تقليدية" وعشان تحسن الآداء او تحافظ عليها والله اعلم

لو كانت الـ 131 نظيفة .. نفس الكلام لكن مع الفرق
انها دائما تحتاج الى صيانة لان قطع الغيار غير معمرة ...

يعنى تقدر تقول ان اللى هاوفره فى الـ 131 هادفعه قطع غيار "لان قطع الغيار مضروبة"

لكن لو كان استخدامى لها معقول وبسيط .. يبقى ممكن الـ 131 تمشى الحال وتكون كويسة

والله اعلم
اقول لنفسى اشترى الـ 131 فى حدود 20000 عشان لو ظهر شىء يبقى معاك فلوس والعربية تمشى معاك كويس بدون مشاكل لحد ما تتعلم وتبقى تمام

او اتكل على الله واشترى البيجو 504 ... واقول لنفسى البيجو مهما كانت بيجو ... وثمنها عمره ما هينزل زى الفيات ... ومهما كانت حالتها هاتكون اقوى من الـ 131


سؤال: يعنى ايه يا اسلام ... السيارة رشة نظافة ... وكمان ما معنى فابريكة دواخل ... هو فى حاجة ممكن اوافق عليها لكن لا تؤثر على كفاءة العربية فى مقابل ان سعرها يكون كويس ... موضوع الرش ده موش فاهمه ممكن توضح لى الله يكرمك

فى انتظار التواصل والتعلم من خبرتكم
كل كلمة اقرأها منكم لا تتصورو انا استفيد منها ازاى

الله يكرمكم ويسعدكم دنيا وآخرة

مع اطيب التمنيات
اخوكم حسين غزالة

[islambana]

بص ياسيدي العربيه بتبقي طالعه من المصنع بدهان المصنع بره وجوه بره يعني كل الاجزاء اللي انت شايفها وجوه يعني الكبوت من جوه(الحوض ) والشنطه من جوه وقوايم الابوب من جوه (لما تفتح الباب وتيجي تركب بتبقي شايفها ) دي بتبقي اسمها فابريكه بره وجوه ودي طبعا حاجه مميزه للعربيه وتدل علي ان العربيه ما اتعرضتش لحوادث او خبطات جامده (اوعي تدور علي 504 بره وجوه هتلاقيها غاليه جدا قدامي واحده ب55000 جنيه )
مع الخدوش وكالحكات والخبطات البسيطه والحوادث الغير مؤثره وعوامل الزمن الاخري بيبتدي لون العربيه يبهت ويتجرح وكده فبتضر ترشها من بره (وتبقي اسمها راشه بره فقط )وفابريكه جوه (فابريكا دواخل )ودي اللي ممكن تدور عليها (ال 504 اللي حالتها كده بتبداء من 27000 وانت طالع )
لما تتعرض العربيه لحادثه كبيره او لبارومه كتيره بيضطر صاحبها يرشها من جوه وتبقي راشه دواخل ودي تعمل معاك من 20 ل 25 الف
لو عايز تشتري 504 راشه دور علي حاجه ماتكونش راشه حوض (ممكن شنطه -ممكن قوايم )علشان تكون متطمن ان العربيه ما اتعرضتش لحوادث جامده قبل كده وانما الرش كان نضافه علشان البارومه

الطلب التاني (الحاجات اللي ممكن توافق عليها )
1-ممكن تشتري عربيه محتاجه عمره وتخصم في المتوسط 2500 من تمنها (من متوسط سعر السوق )
2- ممكن تشتري عربيه محتاجه سمكره ودوكو (خارجي )وتخصم من تمنها 1500
وفي كلا الحالات حضرتك بتشوف العربيه محتاجه ايه وانت بتكشف عليها وتخصمه من تمنها (ما يوازي سعر السوق )
وحاول تبعد عن العربيات اللي راشه حوض تماما والعربيات اللي ملعوب في اساسياتها والعربيات اللي سارحه فيها البارومه وفي ال 504 بالذات ابعد عن العربيات اللي كانت تاكسي واتقلبت لملاكي هتلاقي اسعارها مغريه بس هتطلع عينك بعدين (هتلاقيها من 16000 وطالع )
ملحوظه :ال 504 الاستيشن ارخص من ال504 الصالون في حاله تساوي الحاله
2-حاول تدور علي 504 جي ال علشان نظام التعليق بتاعها زي نظام بتاع المرسيدس بيبقي مريح جدا علي الطريق وبيساعد علي ثبات السياره

ارجو ان يكون كلامي مبسط وقدرت اوصل لحضرتك المعلومه