إعـــــــلان

Collapse

.

,
See more
See less

عايز اشترى سيارة فى حدود لا تزيد عن 25000 ... مبتدأ جدا وعايز رأيكم

Collapse
X
 
  • Filter
  • الوقت
  • Show
Clear All
new posts

  • #91
    المشاركة الأصلية كتبت بواسطة samcar مشاهدة المشاركة
    اذا نويت على الريجاتا ابعد عن النوفا ريجاتا- قطع غيار اغلى واحيانا مش متوفره
    ما تخليش صنيعلى غشيم يشتغل فيها- العربيه دى كانت سابقه وقتها وللاسف السوق المصرى قتلها
    السلام عليكم ورحمة الله وبركاته

    أهلا وسهلا بحضرتك
    ويشرفنا اننا نسمع آرائك القيمة

    بالنسبة للريجاتا بالأمس احد الاصدقاء الاعزاء فى التليفون كان يطمئن على
    وقال لى: ايه رايك فى الريجاتا
    قلت له:والله انا سمعت انها موش كويسة "ولكن فى الحقيقة انا موش عارف ليه"

    يعنى فى ناس كثيير تقول لك ابعد عن الريجاتا قطع غيارها اغلبها زى الـ 128 والله اعلم

    قلت له: على العموم انا مركز فى 3 عربيات
    بيجو 504
    الفيات 131
    المازدا 323

    على اساس ان الثلاثة يعتبرو سيارات عائلية وهم افضل شىء فى الفترة دى

    اما الريجاتا .. أنا كل اللى اعرفه ان جارنا عنده واحدة
    وشكلها من الخارج معقول
    وموش فاكر مين اللى كان بيقول دى اسرع عربية تجرى فيها البارومة "موش فاكر كان بيقول كده على الريجاتا ولا على اى عربية موش فاكر"

    لكن الشهادة للحق هى برده موديل تقريبا 86 او 87 يعنى تعتبر احدث من الفيات 131

    ولكن الجميع يشهد ان افضل ما انتجته فيات هو الـ 131

    لكن ترتيب الاولويات عندى
    بيجو 504
    فيات 131
    مازدا 323

    وفى الحديث موديل تسعينات "فاضية من غير كماليات"
    كيا برايد
    سوزوكى سويفت
    سكودا فلاشيا
    ممكن فيات اونو لو حد قال لى عنها انها كويسة ... ما عرفش عنها حاجة

    اغلب الناس تقول الاحسن انك لا تركز على موديل محدد
    انت تبحث عن احسن حالة فى اكثر من موديل

    فى انتظار سماع آرائك البناءة
    وأهلا وسهلا بحضرتك

    مع اطيب التمنيات
    اخوكم حسين غزالة
    [sor1]https://s15.postimg.org/to3r0graj/Untitled7_jpg.jpg[/sor1]
    [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
    [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
    [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

    Comment


    • #92
      المشاركة الأصلية كتبت بواسطة husseinoo مشاهدة المشاركة
      لان هيرو كان له مشاركة بيقول ان فردة الكاوتش لوحدها ثمنها حوالى 430 جنيه ... يعنى مبلغ كبير برده

      بس ده سعر اغلى نوع المشلان وكوتش عيض بتاع الجنط
      وفيةكوتش انواع كورى وليزى نفس الفردة ب 220 ج
      [CENTER][SIZE=6][SIGPIC][/SIGPIC]
      [/SIZE][B][SIZE=5]أضفيت على الحسن العبقا … فالورد تضوّع و اعتنقا
      حـسّـن يا رب لنا الـخـلقا … طـهّـره فـلا يـحوي نزقا[/SIZE][/B]
      [/CENTER]

      Comment


      • #93
        المشاركة الأصلية كتبت بواسطة the-hero مشاهدة المشاركة
        بس ده سعر اغلى نوع المشلان وكوتش عيض بتاع الجنط
        وفيةكوتش انواع كورى وليزى نفس الفردة ب 220 ج
        مساء الفل على اجدع "هيرو"

        طيب ممكن نعرف متوسط العمر الافتراضى للميشلان ؟
        متوسط العمر الافتراضى للكاوتش الماليزى مثلا؟

        هل يوجد علاقة بين حجم السير بالسيارة والعمر الافتراضى للكاوتش
        يعنى مثلا لو قلنا ان متوسط الكاوتش الميشلان 4 سنين سواء كنت تسير مسافات طويلة او مشيك بالسيارة قليل جدا

        يعنى الكاوتش "يتلف" بعد مدة معينة سواء كنت بتمشى مسافات طويلة او مشاير صغيرة

        هل يمكن تركيب كاوتش "عادى" موش عريض على نفس "الجنط"

        معلهش هى "اسئلة غبية شوية" ... لان انا مبتدأ وبلاطة

        النهاردة رحت مدرسة القيادة
        واخذت الجدول
        عبارة عن 6 حصص
        ثلاثة فى اسبوع
        ثلاث حصص بعد العيد
        يعنى على اول شهر 12 اكون خلصت تقريبا

        الحصص مدتها 2 ساعة
        او
        3 ساعات

        لكن ما اعرفش هل 6 حصص كافيين ان الواحد يتعلم فيهم بشكل جدى

        وانا مروح ركبت تاكسى بيجو 504 ... شوف الحظ
        وكانت حالتها "عادى" ... موش هاقول ممتازة ... ولا جيدة جدا ... حالة عادية
        وبرغم ذلك صاحبها كان طاير بيها
        وقال لى فردة كاوتش منها تساوى اى عربية من الجداد

        وانه بيحط تقريبا 25 لتر بنزين 80
        بيمشى بيهم من الساعة 1 الى الساعة 6 متواصل كل يوم
        وهو عمره ما حسب هو مشى اد ايه

        والغريب انه يؤكد انه "مافيش عربية بيجو 504 عمرها ما رشت"

        وان لو الموتور كفائته 70% ممكن يحتاج عمره بعد 2 سنة
        فى حالة ان اللى راكبها كان تعبان وموش عارف يتعامل معاها

        ده كان آخر حوار على الماشى

        مع اطيب التمنيات
        اخوكم حسين غزالة
        [sor1]https://s15.postimg.org/to3r0graj/Untitled7_jpg.jpg[/sor1]
        [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
        [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
        [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

        Comment


        • #94
          شوف يا سيدى بالنسبة للكاوتش كل عربية وليها مقاس معين على حسب الجنط العادى والجنط الاسبور
          وبالنسبة للكاوتش بيتغير بحد ادنى كل سنتين وهيبقى فية يمشى بس للاحتياط وده طبعا هيكون اطحن مشى فى رنج 50000 كم متواصل مسافات كبيرة
          اما لو ميشلان فيقعد اده يجى مرتين
          ده مفروض بيحصل فى اى بلد فى العالم
          لكن فى مصر بنمشى علية اكتر من كدا بكتييييييييييييييييييييييير لحد ميشتكى ويقولك تلفت املى ارحمنى حتى لو رحمته غيرك مش هيرحمه
          يخرج برة الخدمة ويشتغل بشمبر فى العربيات القديمة والكروا
          [CENTER][SIZE=6][SIGPIC][/SIGPIC]
          [/SIZE][B][SIZE=5]أضفيت على الحسن العبقا … فالورد تضوّع و اعتنقا
          حـسّـن يا رب لنا الـخـلقا … طـهّـره فـلا يـحوي نزقا[/SIZE][/B]
          [/CENTER]

          Comment


          • #95

            الاول عايز رايك فى احد الاصدقاء كاره البيجو جدا وبيقول انه فى سنتين صرف التالى :
            طبلة باب - رفرف - سوستة الشنطة ـ طارة دركسيون ـ يد الفتيس ـ عوامة البنزين ـ كربراتير سوليكس اصلى ـ دينامو ـ مارش ـ شكمان ـ 3 مساعدين مستعملين ـ نصف عمرة موتور ـ طقم جلب وصبابات وشمبر ـ بلية ودسك واسطوانة دربياج ـ طقم ماستر دبرياج ـ ملشغل لمبة الفرامل ـ البوبينة ـ كتاولت وفيوزات وكل سلوك الفوانيس ـ مفتاح النور

            تفتكر كل ده كلفه كام ؟
            تفتكر حالة العربية دى كانت كام %
            وعربية بالحالة دى المفروض انها تساوى كام

            -------------------------------

            طيب ايه رايك فى راجل
            اشترى عربية بيجو 504 بـ 100 دولار
            وموش عايز يبادلها بعربية بيجو 407

            ويقول لك البيجو 504 لها شخصيتها
            وانه بيلاقى شخصيته فيها

            اتفرج وقول لى رايك
            هل من الممكن ان تثق فى سيارة عمرها اكثر من 35 سنة وتحبها كل هذا الحب

            مع اطيب التمنيات
            اخوكم حسين غزالة
            [youtube]http://www.youtube.com/watch?v=t5T9A6S27Ps[/youtube]
            [sor1]https://s15.postimg.org/to3r0graj/Untitled7_jpg.jpg[/sor1]
            [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
            [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
            [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

            Comment


            • #96
              ازيك يا استاذ حسين
              علي فكره كل قطع غيار البيجو بتتصلح مش اغلبها وفيه عربيات بيجو كتير اعرفها مش راشه بره ولا جوه
              اسلام البنا

              [URL="http://www.nilemotors.com/Nile/showthread.php?t=59481"][COLOR=darkred]أعرف كل شيء عن التعديل من الألف للياء بالصور[/COLOR][/URL]
              [URL="http://www.nilemotors.com/Nile/showthread.php?p=356902#post356902"][COLOR=red][COLOR=darkred]أهم مشاكل دهان عربيتك طرق علاجها [/COLOR][/COLOR][/URL]

              [SIGPIC][/SIGPIC]

              Comment


              • #97
                المشاركة الأصلية كتبت بواسطة islambana مشاهدة المشاركة
                ازيك يا استاذ حسين
                علي فكره كل قطع غيار البيجو بتتصلح مش اغلبها وفيه عربيات بيجو كتير اعرفها مش راشه بره ولا جوه
                [CENTER][SIZE=6][SIGPIC][/SIGPIC]
                [/SIZE][B][SIZE=5]أضفيت على الحسن العبقا … فالورد تضوّع و اعتنقا
                حـسّـن يا رب لنا الـخـلقا … طـهّـره فـلا يـحوي نزقا[/SIZE][/B]
                [/CENTER]

                Comment


                • #98
                  المشاركة الأصلية كتبت بواسطة husseinoo مشاهدة المشاركة

                  الاول عايز رايك فى احد الاصدقاء كاره البيجو جدا وبيقول انه فى سنتين صرف التالى :
                  طبلة باب - رفرف - سوستة الشنطة ـ طارة دركسيون ـ يد الفتيس ـ عوامة البنزين ـ كربراتير سوليكس اصلى ـ دينامو ـ مارش ـ شكمان ـ 3 مساعدين مستعملين ـ نصف عمرة موتور ـ طقم جلب وصبابات وشمبر ـ بلية ودسك واسطوانة دربياج ـ طقم ماستر دبرياج ـ ملشغل لمبة الفرامل ـ البوبينة ـ كتاولت وفيوزات وكل سلوك الفوانيس ـ مفتاح النور

                  تفتكر كل ده كلفه كام ؟
                  تفتكر حالة العربية دى كانت كام %
                  وعربية بالحالة دى المفروض انها تساوى كام

                  -------------------------------

                  طيب ايه رايك فى راجل
                  اشترى عربية بيجو 504 بـ 100 دولار
                  وموش عايز يبادلها بعربية بيجو 407

                  ويقول لك البيجو 504 لها شخصيتها
                  وانه بيلاقى شخصيته فيها

                  اتفرج وقول لى رايك
                  هل من الممكن ان تثق فى سيارة عمرها اكثر من 35 سنة وتحبها كل هذا الحب

                  مع اطيب التمنيات
                  اخوكم حسين غزالة
                  [youtube]http://www.youtube.com/watch?v=t5t9a6s27ps[/youtube]
                  واضح انه مكنش راكب عربية ديه كنبا
                  ده غير تقريبا العربية كلها واكيد حالتها يرثى لها ومهلوكة ومهما عمل مش هترجع زى الاول
                  [CENTER][SIZE=6][SIGPIC][/SIGPIC]
                  [/SIZE][B][SIZE=5]أضفيت على الحسن العبقا … فالورد تضوّع و اعتنقا
                  حـسّـن يا رب لنا الـخـلقا … طـهّـره فـلا يـحوي نزقا[/SIZE][/B]
                  [/CENTER]

                  Comment


                  • #99
                    السلام عليكم ورحمة الله وبركاته

                    يوم السبت ذهبت لاول حصة فى مدرسة القيادة التابعة لحى مصر الجديدة
                    زى ما توقعت جلسة سريعة مع احد السائقين يشرح بعض الاساسيات بخصوص تغيير الزيت والفلاتر وزيت الفرامل وزيت الفتيس وملىء الراديتير بالماء ... اغلب الكلام معروف وفضلت السكوت على اساس انه كان فيه بنات من ضمن المجموعة واكيد فيهم كثيير موش عارفين الكلام ده

                    المهم ذهبت النهاردة يوم الاثنين
                    عشان الحصة الثانية
                    قالوا احنا هاندمج الحصة الثانية مع الثالثة
                    قلت لنفسى احنا هانبدأ من دلوقتى فى الحركات دى
                    ده كل الحصص 6 حصص "عمى"
                    طار منهم كده ثلاث حصص

                    المهم قلت اصبر شوية وشوف الموضوع هايمشى ازاى
                    ركب معاى احد السائقين
                    وقال لى : انت طبعا موش عارف الدبرياج فايدته ايه ولا عندك فكرة
                    قلت له : والله انا عندى فكرة معقولة وافتكر انى مرة ركبت العربية بس من 15 سنة
                    قال لى : خلاص تعال اركب مكانى
                    وكمان النهاردة هانمشى "بالدبرياج والفرامل" فقط

                    فهمت كده من نفسى "انهم معليين الكاربراتير عشان العربية تمشى بمجرد ما تنقل وترفع رجلك عن الدبرياج" حتى ولو ما دوستش على البنزين

                    المهم الحمد لله الراجل وجد استجابة عندى كويسة
                    راح قالى بعد عشر دقائق مشى بسيطة
                    خلاص لف "اليو تيرن" على شكل حرف يو
                    وارجع للخلف
                    مرة اثنين ثلاثة اربعة
                    قال لى خلاص كمل لوحدك وانا هاشوفك من بره العربية

                    وتركنى لوحدى

                    قلت لنفسى : احسن برده عشان اعرف اركز ... لانه بصراحة احيانا بيلغبطنى هههههههههه
                    او فى اول عشر دقائق كان فيه لخبطة بسيطة

                    المهم : الشهادة لله
                    فضلت رايح جاى حوالين حرف "اليو"
                    اروح
                    وارجع بضهر العربية
                    واحاول انى اعدلها
                    وانى لا ابعد عن الرصيف بشكل كبير

                    الحمد لله
                    باقى المجموعة : كان معانا واحد
                    هههههههههههههههههههههههه
                    وجدته بجوار الرصيف
                    مطلوب منه انه يروح ويرجع "بس جنب الرصيف" لحد ما وقته خلص

                    الظاهر انهم شافوه "عطلان شوية" وموش هايجيب معاهم بسهولة

                    وكان فيه واحد مسكين كل شوية العربية تعطل منه ويروحوا يشغلوها "كانت عربية نص نقل"
                    ما عرفش العيب منه ولا من العربية .... اعتقد انه "ضعيف شوية" والله اعلم

                    وكان فيه "بنوتة" .... جاية "بحتة كيا برايد عصفورة"
                    بس معاها كنسولتوا من 4 اشخاص عشان يعلموا حضرتها
                    هههههههههههههه
                    وطبعا العربية عطلت ووقفت الناس شوية

                    لكن الاسطى اللى كان بيعلمنى
                    قال لى: اطلع منها

                    وبصراحة قال لى : ارجع بضهرك وعدى من جنبها وماتخفش

                    عايزين الحقيقة "انا برده لاغيت الراجل " عشان يشتغل معايا بنفس
                    وفعلا كنت آخر واحد ماشى من التدريب

                    التدريب كان على "صديقة الميكانيكى" ههههههههههههههه
                    اوعى تقولوا ان مافيش حد موش عاريفها

                    لأ الكل طبعا عاريفها التدريب كان على "فيات 128"

                    بس بصراحة حتة عربية "شقيانة" وطالع "عين ابوها"

                    قلت لنفسى : كويس اتمرن على عربية شقيانة عشان تتعلم كويس

                    لكن النتيجة بعد التدريب هههههههههههه
                    اكنى جالس فى فرن "هدومى كلها عرق"
                    حرارة الموتور "اعوذ بالله"
                    كلها طالعة علي برغم ان الجو برد

                    اما عن "الدبرياج"
                    ما اقولكش
                    كان لازم "العب شوية رياضة" .... لان رجلى "انخلعت" من كتر الضغط عليه

                    معقولة كل العربيات "الدبرياج" محتاج القوة دى كلها
                    ولا انا اللى كبرت وعجزت هههههههههههههه

                    اما بخصوص الفتيس
                    فده حكاية
                    برغم ان السيارة صغيرة "لكن اتربالى عضل فى صوابعى"
                    خصوصا وانا احرك الفتيس "للخلف"

                    طبعا انا الحمد لله موش غشيم
                    احاول انقل بالعقل والحكمة
                    هههههههههههه
                    لكن والله الفتيس "ابن لازينه"

                    عايز اسأل سؤال
                    هى العربية البيجو 504 على سبيل المثال
                    لازم اضغط على الفتيس لأسفل ... قبل ما اعشقه للخلف "مثل الـ 128"

                    يعنى فى الـ 128
                    كنت احرك الفتيس الى اليمين
                    ثم اضغط لاسفل
                    ثم احرك الفتيس للخلف ثم يسار

                    البيجو عشان احركها للخلف "هاعمل معاها زى الـ 128"

                    وبعدين انا شايف ان فتيس البيجو "حجمه صغير جدا"
                    وشايف ان تحريكه "بالاصابع" وبسهولة جدا ... والله اعلم

                    لكن فى الحقيقة انا النهارده استفدت جدا
                    لمدة ساعتين على الاقل
                    رحت بوش العربية ورجعت "على شكل يو تيرن"
                    كان يوم مفيد

                    بس ما اعرفش هايحصل ايه
                    فى الـ 3 حصص اللى فاضله
                    حد عنده فكره

                    ولا هاأقضيها حوالين "اليون تيرن" هههههههههههههههههههه

                    على فكرة كنت بكلم سائق منهم على يوم المرور العالمى "هايكون ايه ظروفه"
                    قال لى : ربنا يسهل واحنا معاك
                    قلت له : ماشى عشان برده اعمل حسابى
                    بصراحة انا موش عايز اعمل فيها "عشر رجالة"
                    وفى الآخر اطلع "راسب"
                    هايبقى شكلى وحش قوى اما الواد ابنى الصغير هههههههههههههههههههه

                    المهم يا ريت نصائحكم الغالية جدا جدا
                    آخد بالى من ايه
                    اركز على ايه
                    كل كلمة هاتقولوها هاستفيد منها جدا
                    خصوصا انكم "ناس متعلمين وفاهمين قوى"
                    وتقدروا توصلوا المعلومة وممكن اسهل من الشخص اللى بيعملنى

                    فى انتظار آرائكم القيمة
                    مع اطيب التمنيات
                    اخوكم حسين غزالة
                    [sor1]https://s15.postimg.org/to3r0graj/Untitled7_jpg.jpg[/sor1]
                    [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                    [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                    [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                    Comment


                    • ازاي حضرتك يا استاذ حسين
                      فتيس البيجو غياراته زي غيارات ال 128 بالظبط لكن الفرق ان فتيس البيجو في حركته اسهل بكتييييييييييييير وانعم
                      وتحس الفتيس وهو طالع من غيار لغيار تاني مظبوط مش بيتحرك في كل حته وبيلع لوحه زي ال 128 واللي ماتعرفوش كمان ان ال 504 انعم واسهل بكتير جدا من ال128 في السواقه حتي دريكسيونها لو مظبوط كأنه فيه باور
                      بس مشكلتها عن ال 128 الحجم وده هتتعود عليه مع الزمن
                      اسلام البنا

                      [URL="http://www.nilemotors.com/Nile/showthread.php?t=59481"][COLOR=darkred]أعرف كل شيء عن التعديل من الألف للياء بالصور[/COLOR][/URL]
                      [URL="http://www.nilemotors.com/Nile/showthread.php?p=356902#post356902"][COLOR=red][COLOR=darkred]أهم مشاكل دهان عربيتك طرق علاجها [/COLOR][/COLOR][/URL]

                      [SIGPIC][/SIGPIC]

                      Comment


                      • المشاركة الأصلية كتبت بواسطة islambana مشاهدة المشاركة
                        ازاي حضرتك يا استاذ حسين
                        فتيس البيجو غياراته زي غيارات ال 128 بالظبط لكن الفرق ان فتيس البيجو في حركته اسهل بكتييييييييييييير وانعم
                        وتحس الفتيس وهو طالع من غيار لغيار تاني مظبوط مش بيتحرك في كل حته وبيلع لوحه زي ال 128 واللي ماتعرفوش كمان ان ال 504 انعم واسهل بكتير جدا من ال128 في السواقه حتي دريكسيونها لو مظبوط كأنه فيه باور
                        بس مشكلتها عن ال 128 الحجم وده هتتعود عليه مع الزمن
                        ازيك يا باشمهندس اسلام
                        ايه اخبارك
                        انا عارف انك مشغول ... وانك محتاج كل دقيقة عشان الدراسة ... والله يكون فى عونك

                        هاقول لك حاجة تضحك جامد ههههههههه
                        كان فيه واحد صاحبى مهندس

                        كان نازل بعد الثانوية من ابو ظبى عشان يقدم فى هندسة
                        المهم انت عارف الجو هناك محدود
                        والراجل نزل مصر بعد حبسة جامدة هناك

                        ومثل الشباب الصغير "عاش حياته" ههههههههههه
                        ونهاره كان ليله
                        وليله كان نهاره

                        المهم كنا نسهر عنده

                        هو فى اولى "هندسة"
                        وواحد كان فى طب عين شمس
                        والآخر كان فى تجارة عين شمس

                        كلهم شباب عشرة على عشرة ... بس كانوا لسه نازلين من ابو ظبى وعايزين يعيشوا حياتهم شوية
                        وانا تقريبا فى ثالثة كلية
                        وباقى الاصدقاء كانوا لسه فى ثانوية عامة

                        طبعا من كتر اللف والدوران
                        صاحبنا اللى فى هندسة ... كان اصدقائنا اللى فى الثانوى العام كانوا يرسموا له الخرائط اللى بيطلبها "المعيد فى الكلية"

                        وطبعا هو نايم فسيخة
                        والصبح يروح الكلية

                        اقوله ايه الاخبار

                        يقول لى : الاخبار انى سواء رسمت بنفسى او انتم رسمتم الخريطة هايشطب بالقلم عليها

                        المهم كل طقم "ابو طبى" سقط ورسب فى اول سنة

                        ثانى سنة على طول
                        اللى كان فى طب عين شمس ... أبوه حوله الى طب "المنيا" ههههههههههه
                        واللى كان فى تجارة عين شمس ... ابوه حوله تجارة "المنوفية"

                        وطبعا صاحبنا اللى فى هندسة
                        وجد نفسه لوحده
                        خلص هندسة على طول ....... "هو على فكرة" ذكى جدا ما شاء الله
                        وحج بيت الله اكثر من مرة
                        والآن اعتقد انه شغال فى "سيمنز"
                        ومحبوب ومؤدب جدا

                        بالنسبة للسيارة الـ 128 اللى اتدربت عليها
                        والله العظيم يا اسلام
                        وانا بكتب لك الكلام ده
                        انا لسه عظمى مكسر

                        لدرجة بسأل اخويا الكبير هو معقولة ان الدبرياج محتاج القوة دى كلها
                        قال لى: لأ ... دى عربيات هلكانة ... وطبعا موش كل العربيات الدبرياج بايظ بالشكل ده

                        اما بالنسبة للفتيس
                        هههههههههههههههههههههههههههههههههههه
                        انا حسيت انى راجل تخين قوى ... عشان كنت محتاج كل ما انقل "الغيار الآول" انى اضم رجلى على بعض عشان البوش اللى فى الفتيس

                        افهم من كده ان الفتيس بتاع البيجو
                        لازم اضغط عليه فى "المارشدير" زى الـ 128

                        شكرا لك يا اسلام

                        شد حيلك وربنا ييسر لك الاحوال
                        وتكون من الأوائل يا رب
                        ونفرح بك وتسعد كل اسرتك

                        مع اطيب التمنيات
                        اخوك حسين غزالة
                        [sor1]https://s15.postimg.org/to3r0graj/Untitled7_jpg.jpg[/sor1]
                        [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                        [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                        [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                        Comment


                        • فتيس ال504 بتجيب الفتيس يمين كانك هتحيب الرابع وترجع العصايه وراء بس سلس جدا عن فتيس ال 128
                          اسلام البنا

                          [URL="http://www.nilemotors.com/Nile/showthread.php?t=59481"][COLOR=darkred]أعرف كل شيء عن التعديل من الألف للياء بالصور[/COLOR][/URL]
                          [URL="http://www.nilemotors.com/Nile/showthread.php?p=356902#post356902"][COLOR=red][COLOR=darkred]أهم مشاكل دهان عربيتك طرق علاجها [/COLOR][/COLOR][/URL]

                          [SIGPIC][/SIGPIC]

                          Comment


                          • المشاركة الأصلية كتبت بواسطة islambana مشاهدة المشاركة
                            فتيس ال504 بتجيب الفتيس يمين كانك هتحيب الرابع وترجع العصايه وراء بس سلس جدا عن فتيس ال 128
                            ده أنا فتيس الـ 128 جاب لى الضغط
                            ههههههههههههههههههه

                            من كتر حجم "البوش" فيه

                            شاكر افضالك يا اسلام
                            [sor1]https://s15.postimg.org/to3r0graj/Untitled7_jpg.jpg[/sor1]
                            [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                            [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                            [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                            Comment


                            • منذ وقت قليل كنت بشترى لبس العيد للاطفال الصغيرة
                              كل سنة وانتم طيبين

                              المهم وانا راجع
                              دخلت شارع فى روكسى جانبى عشان اروح

                              الاقى فى مسافة 50 متر ... حوالى مثلا اربع عربيات بيجو 504

                              قلت لنفسى حاجة غريبة قوى

                              طبعا فيه ناس فى مصر الجديدة كثير راكبين بيجو
                              لكن فى الحقيقة مستوى المنطقة "بصراحة عالى " ... واغلب السيارات هناك "حكاية"

                              قلت لنفسى معقولة السكان هنا بيحبوا البيجو للدرجة دى

                              ام الاولاد قالت لى : دى تلاقيها عربيات التجار اصحاب المحلات
                              قلت لها : كلام صح ومية مية

                              لازم تكون بتاعتهم
                              لان موش هاينفعهم غير الاسد الفرنساوى
                              شيل ناس مافيش مشاكل
                              شيل بضاعة مافيش مشاكل
                              سافر ما فيش مشاكل
                              المشكلة الوحيدة أن الاسد "عجوز" .... والناس عايزة تركب عربيات "توت فروت" منظر وخلاص

                              العربية دى من تعديل ابنى عمر "اولى ابتدائى"
                              هو اللى اختار لونها ... وقال لى هاوريك "شعوذة خطيرة قوى فى العربية"
                              ههههههههه
                              بيهدى العربية دى لى

                              قلت له: ولمين كمان
                              قال لى : لاصدقاء منتدى البيجو


                              وده شكل ولون العربية الأصلى


                              كل سنة وانتم طيبين



                              مع اطيب التمنيات
                              اخوكم حسين غزالة
                              [sor1]https://s15.postimg.org/to3r0graj/Untitled7_jpg.jpg[/sor1]
                              [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                              [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                              [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                              Comment


                              • ازيك يا استاذحسين
                                ربنا يخليلك عمر ابنك وتعيش وتجيبلهم هدوم العيد فعلا البيجو لا يعلي عليه كفايه عفشتها اللي تخليك ماتحسش بأي حاجه حتي لو ماشي علي جبل
                                اسلام البنا

                                [URL="http://www.nilemotors.com/Nile/showthread.php?t=59481"][COLOR=darkred]أعرف كل شيء عن التعديل من الألف للياء بالصور[/COLOR][/URL]
                                [URL="http://www.nilemotors.com/Nile/showthread.php?p=356902#post356902"][COLOR=red][COLOR=darkred]أهم مشاكل دهان عربيتك طرق علاجها [/COLOR][/COLOR][/URL]

                                [SIGPIC][/SIGPIC]

                                Comment

                                Working...
                                X