تقييم أصحاب البيجو لسيارتهم

[hic]

انا باغيره كل 3000 كم

[mohaismail]

يلا يا جماعة حد ياخد المبادرة ويشترى 207 الجديدة ويقيمها انا شفتها شيك جداااااااااااا بس معرفش حاجة عنها

[amr mokhtar]

207 دى عربية تحفة بجد .. كفاية و انت قاعد فى كرسى السواق تحس انك سايق طيارة مش عربية هاتش باك صغيرة.. بجد يا جماعة البيجو له طعم تانى

[amr mokhtar]

لو شايفين ان الموضوع ده مهم يا ريت يتثبت

[nader.elalaily]

زملائى الاعزاء
بالرد على جميع التعليقات السابقة فأنا ناوى ان شاءاللة ان ارى و اجرب البيجو بارس على الحقيقة لانى افضل السيارات القوية الكلاسيكية بالرغم ان عندى سارة ميتسوبيشى 2007 -1300 c.c-حصان 90و لكن انا محتاج سيارات زمان بعض الشىء من ناحية الصاج العفى شوية و اعتقد انها سوف تكون سيارة جيدة بغض النظر انا بتتقفل فى مصر - وجهة نظرى قوة الشاسية و الموتور 307 اما الصالون مهما كان متقفل فى مصر فهى بيجو برضة

[nader.elalaily]

بصراحة انت اقنعتنى انى اشترى البيجو البارس الجديدة علشان انا شايف انها مجمعة البيجو 405 كشاسية على موتور البيجو 307 و سوف تكون موتور 1600c.c

[M.Mokhtar]

هو مفيش حد عنده 307 خالص ولا ايه؟
انا شايفها منتشره فى البلد
ولا صحابها خايفين من الحسد ولا ايه؟؟؟

[bee]

205

السلام عليكم

انا عربيتي 205 موتور 1400 cc مانيوال
زجاج كهرباء
شبورة أصلي
جنوط إيطالي
فايبر Gti
اللون أبيض بيرل
موديل 1987

الحمد لله العربية كويسة جدا
وبتتميز فعلا في ثباتها في الملفات
وتجميعها السريع
وصغر حجمها حاجه جميلة جدا لما تجري بيها

انا بنصح اي حد بشتريها لو كانت اساساتها سليمة

تحياتي للجميع

[ASD peugeot]

بسم الله الرحمن الرحيم
السلام عليكم و رحمه الله و بركاته
ان شاء الله هقيم عربيتي بيجو 504 gl l موديل 79
انا هقسمها حاجتين مميزات و عيوب
المميزات ..العربيه الثبات بتاعها عالي جدا بالرغم من ارتفاعها الكبير عن الارض يمكن عشان الوزن بتاعها العالي الصاج في منتهي القوه و دي حاجه معروفه عن البيجو ان عضمتها ناشفه
العربيه واسعه جدا من جوه و العفشه بتاعتها مريحه و مش متعبه ابدا و العربيه من تحت تحس انها تقفيل دبابه هو الحديد ايامها كان رخيص
الموتور الصوت عالي بس بيدل علي قوته ال 2000 سي سي عاملين شغل جامد السحب يعتبر مع حجم العربيه كويس التجميع و السحب مش سريع بس في السرعات العاليه سحبها روعه
قطع الغيار تعتبر كويسه العربيه لغايه دلوقتي حالتها تعتبر ممتازه بعد 29 سنه شغل في شوارع المحروسه
العيوب...عدم و جود دركسيون باور لان العاده تقيل جدا بس هو حلو في السرعات العاليه
عدم وجود تكييف لاني بولع في الصيف الموتور بلاعه بنزين الشكل بتاعها قديم بس هو يعتبر مميز جدا و كلاسيك بعض الشئ
لكن في المجمل العربيه في المتانه و القوه لا يوجد ليها مثيل و لا يعيبها اي شئ الا تطور التكنولوجيا لانها الان في زمن غير زمنها
بيجو الي الابد

[amr mokhtar]

العيوب...عدم و جود دركسيون باور لان العاده تقيل جدا بس هو حلو في السرعات العاليه
عدم وجود تكييف لاني بولع في الصيف الموتور بلاعه بنزين الشكل بتاعها قديم بس هو يعتبر مميز جدا و كلاسيك بعض الشئ
لكن في المجمل العربيه في المتانه و القوه لا يوجد ليها مثيل و لا يعيبها اي شئ الا تطور التكنولوجيا لانها الان في زمن غير زمنها
بيجو الي الابد

انا سقت عربية 504 مش مسافة كبيرة بس أول حاجة لاحظتها ان الدركسيون ناعم رغم انه مش باور و سألت صاحب العربية إذا كان فيها باور فقاللى ان مفيهاش باور
فمش عارف هل كل 504 تقيل و العربية دى هى الوحيدة اللى ناعمة رغم انها عربية متبهدلة من الشغل

الحاجة التانية ممكن أعرف معدل إستهلاكها للبنزين؟؟ يعنى بتعمل كام كيلو فى الصفيحة(20 ليتر)؟؟

[د. علاء ابراهيم]

انا سقت عربية 504 مش مسافة كبيرة بس أول حاجة لاحظتها ان الدركسيون ناعم رغم انه مش باور و سألت صاحب العربية إذا كان فيها باور فقاللى ان مفيهاش باور
فمش عارف هل كل 504 تقيل و العربية دى هى الوحيدة اللى ناعمة رغم انها عربية متبهدلة من الشغل

الحاجة التانية ممكن أعرف معدل إستهلاكها للبنزين؟؟ يعنى بتعمل كام كيلو فى الصفيحة(20 ليتر)؟؟

انا بقى جبت التايهه
انا ممكن افيدكم كتييييير فى موضوع الدركسيون و الباور ده
انا معايا 504 gl
موديل 77
العربيه دى دركسيونها ثقيل فعلا و تحس انك بتحارب لما تكون بتركن العربية
لكن على الطريق لا تحس بمجهود
و بعيدا عن الباور، تجد ان بعض العربيات
1-دركسيونها تقييل جدا طول الوقت
2-و اخرى دركسيونها عادى ( لكن بردو متعب فى الركنات)
3-و نوع اخر تسوقه تقول دا باور و هو لا باور ولا حاجة

الحالة الاولى: بيكون بسبب الاسكتره ( و ده معناه ان فيه مشكلة فى الاسكترة و فى الغالب بتتغير و اظن ثمنها 600-700)

الحالة الثانية: مافيش اى مشاكل اثناء القيادة هو بس الدركسيون بيبقى عايز قوة زيادة لما تهدى السرعة اوتركن و العربية واقفة (و هى دى فائدة الباور)
ولحد امبارح دى كانت حالة عربيتى و لم يكن هناك عيب بها
الحالة الثالثة: لاحظت فى سيارة اخرى حالتها اسوء كتير من عربيتى لكن كان الاستجابة عند الدورانات و الركن جيدة برغم سوء حالة العربية.

و بحثت عن السر و اكتشفته و نفذته فى عربيتى و لان حالة الاسكتره عندى اصلا تمام اصبحت و كانك مركب باور.

السر يا سادة فى اخر حاجة ممكن تتوقعوها " طارة الدركسيون" "عجلة القيادة" اكتشفت ان برغم التشابه الشنيع فى شكل الدركسيون لكن فيه انواع منه( او لنقل اصدارات منه) اخف فى الوزن و الفيبر بتاعها ارفع و انشف ( تدوس عليه بصباعك مايغرزش لجوه) لكن مافيش فرق فى الشكل العام هو بس الفرق البسيط فى سمك الدركسيون
لكن انا امبارح خلعت الاتنين و مسكتهم فرق الوزن رهيب.....

لم اجد منه جديد و الجديد تقليد و ليست به نفس المواصفات.. ذهبت الى عزبة شلبى و لقيت الدركسيون بتاعى التقيل بينباع ب 250 و لقيت تركى و بالعافيه لقيت واحد تالت هو اللى انا كنت بكلمكم عليه. اخدته على 220 بعد الفصال و التجار مش عارفين الفرق ده بدليل ان التلات طارات اللى لقيتهم كان مطلوب فيهم نفس السعر 250
و ركبته و تخيلو معايا انك تقدر بمجهود قليل تلف الدركسيون بتاع ال504 بيد واحدة و هى واقفة مابتتحركش

[د. علاء ابراهيم]

انا اخطات فى تمن الاسكتره. من 60 الى 70 مستعملة و 200 لو جديدة

[mahgary]

البيجو كان بتعمل معى على طريق السفر 30 لتر 90 = 360 كيلو وعندما اكون مسافر بيكون معى 2 من اخواتى والمشوار ده بيكون من الهرم الى البحيره

[Nour_Peugeot]

ش هقول غير ان البيجو تحفة بجد

انا معايا 405 موديل 90 مفهاش باور ولا زجاج كهربا خلفي

1600 سي سي بس بجد العربية انا تعبه معايا بس بجد عمرها مخزلتني بجد

و انا مش شايف فيها عيوب يمكن علشان انا معملتش معايا حركات نداله عي قطه الغيار غليه شوية يعني تيل الفرامل الفاليو ب 95 جينة وو مريحني جدا و كويس

و اكتر حاجة في العربيه دي ثبات العربية علي المنحنيات الصعبة

و ده عن تجربة انا واخد ملف 60 درجة بين او 50 درجة علي 185 كم

و من سعتها و انا بحترم العربية بجد ربنا يبركلنا فيها و يبراكلكم في عربيتكم