ألف شكر لسيادة العقيد خالد...كلاكيت ثانى مرة

[chato_eg]

بالأمس....كان ميعاد صيانة ال 40 ألف حسب الحجز الساعة 8 صباحا
كالعادة وصلت 7:50 ص
طابور مكون من 10-12 عربية و أنا فى المنتصف

بخلاف الصيانة كنت بأشتكى من :-
الهواء الساخن بيدخل للمقصورة مش عارف منين ( غالبا من فتحات التكييف )
العربية بتحدف شمال
لمبة إشارة لا تعمل
صوت حشرجة من مراوح التكييف

و بالفعل كنت مبلغ فى التليفون بالكلام ده

إللى حصل كالآتى :-
العربية دخلت الساعة 8:10 ...تم عمل اللازم من تغيير زيت بفلتره و بوجيهات و مياه بطارية و مساحات و فلتر هواء و تم تجربة السيارة و الكلام ده انتهى الساعة 9:15

من 9:15 إلى 12 لم تمس السيارة يد....و طبعا الساعة 12 ميعاد الراحة حتى 1 ...
الظريف إنى كنت متابع لأعمال تصليحات بجهاز ظبط الزوايا و التى تم الانتهاء منها بحلول الساعة 1 ...و من ثم انهمرت السيارات المنتظرة مثل سيارتى على الجهاز...سيارتى كانت الثانية من بعد تلك الكليو الزرقاء...
تم تجربة ظبط الزوايا أكثر من مرة....و فى آخر محاولة تم تبديل أماكن الإطارات الأمامية مع بعضها...
بعد ذلك اختفت السيارة عن الأعين لمدة ساعتين....
بنهاية اليوم....تمت محاولة يائسة ( و لكنها تحققت فيما بعد ) لمحاولة إقناعى بإن فك التابلوه لتنظيف فتحات التهوية يتطلب عملا شاقا و طويلا و من الأجدى الإتيان بها فى يوم آخر...لكنى رفضت...فليس من المنطقى أبدا الانتظار 8 ساعات و فى النهاية لا أحصل على ما أريد...
المهم....مرت الدقائق المريرة من بعد الساعة 4:15 حتى الساعة 4:35 ...و كنت آخر شخص داخل الصالة....أغلقت الأنوار و الكافتيريا و الحمام أصلا كانت المياه مقطوعة فلم أدخله طوال اليوم و حيث أنه لم يتبق غيرى فبادر رجل الخزنة ( الكاشير )...
"حضرتك لك عربية جوه ؟ "..
آآآه...
"بإسم مين ؟ " ...
" بإسم ....."...
" 843 جنيه .."...
" هى خلصت ؟؟؟!!!!"...
أيوة
طبعا أنا تمام التأكد إنها ما خلصتش...لكن دفعت علشان أنتقل للمرحلة الأخرى..و بينى و بينكم كان دمى فائر و أنا فى ثورة داخلية...و ناوى على الشر...علشان ما يرضيش ربنا أبدا أقعد 9 ساعات من 8 إلى 5 و فى الآخر يقولوا لى تعالى بكرة أو سيبها تبات عندنا...خصوصا إن المعضلة كلها فى موضوع فك التابلوه و تنظيف الفتحات و المراوح و تغيير لمبة إشارة......

المهم ...رحت أستلم العربية و أنا متأكد إن اللمبة ما اتغيرتش و لا المراوح اتنظفت...حطيت الكارت..دورت...إشارة...زى ما هى....اللمبة ما اتغيرتش..فتحت المراوح..زى ما هى...دورت على مهندس الاستقبال ..مش لاقيه...رحت لمهندس استقبال تانى...قلت له..أنا هنا من 8 و العربية ما اتصلحتش...جاب المهندس إللى استلم منى... و إللى بدوره جاب مهندس تانى من جوه و فى لحظة اللمبة كانت اتصلحت ( مجرد مهزوزة لكن سليمة ) و قعدوا يتكلموا ( بعد ما استأذنونى فى إنى أستنى فى الاستراحة { المظلمة } ) شوية على ما يخلصوا....
و فى الآخر...لازم يا إما آجى بكرة..أو أسيبها الليلة..
أنا طبعا سيبتها و لكن ناوى على عدم السكوت بأى طريقة مش هأسكت...لكن الوقت كان مش بتاع رغى...الساعة 5 و الناس مشيت و أنا ناوى على تصعيد...

المهم ركبت و كلمت العقيد خالد ( بارك الله فيه ) و استشرته فى التصرف الصائب و هو سمع منى الحدوتة و قال لى ..خلاص أنا هآجى معاك بكرة و نشوف المهندس خالد شلبى و لا هنعرف نقابل مين ....

تانى يوم...وصلنا التوكيل...سألنا على خالد شلبى قالوا لسه مش هنا...طلعنا على أ/ رفيق عبد الله....قال لنا إنه مش فى مصر..طيب ممكن نكلم مين ؟...بعد شوية قابلنا" م/ عمرو أبو الفتوح "( مدير خدمة العملاء )...

سمه مننا الكلام و تفهم سبب غضبى و أوضح لى إن المشكلة تكمن فى ضيق المساحة فى المقطم و كمية الشغل و رفض العملاء الذهاب إلى فرع العبور...فبالتالى الضغط كبير و بيضطروا إلى أنهم يؤجلوا الأعمال الأقل حتمية إلى يوم آخر لكى يستطيعوا خدمة أكبر عدد ممكن من السيارات فى نفس اليوم....

طيب إزاى نساعدكم ؟؟...الجواب يا إما نروح فرع العبور الأكثر هدوءا و سعة...يا إما لو أنا حاسس إن العربية محتاجة وقت فى الشغل المطلوب يبقى أوضح لمهندس الاستقبال إنى ممكن أسيب العربية لتانى يوم فيقدروا يشتغلوا براحتهم بدون عجالة التى قد تؤدى إلى سهوة أو سقطة أو اضطرار إلى ترحيل أعمال ثانوية إلى يوم آخر

و أوضح لى إن هناك نية أكيدة لإحداث إصلاحات داخلية لتلافى مشاكل من نوعية ما صادفت فيما يتعلق بالتنظيمات الداخلية للعمل و أيضا هناك نية أكيدة لبعض التوسعات الطفيفة فى المقطم لكى تتقدم وتيرة العمل قليلا خصوصا إن الانتقال إلى أبو رواش أمر مستقبلى لكن ليس عن قريب...

أنا فى المقام الأول أحب أن أشكر العقيد خالد أولا على اهتمامه الشخصى بنا كأخ كبير لنا و نردها لك فى الخير دايما ...

و أشكر EIM على تجاور مكتب مدير خدمة العملاء لمنطقة الاستقبال و الاستراحة و أخص المهندس عمرو أبو الفتوح لتفهمه و تقبله و أنتظر منه تحقيق الأمنية التى طالما حلمنا بها و هى وجود رأى خبير من EIM فى قسم رينو فى المنتدى ( و بالفعل المهندس عمرو أبدى اهتماما بالموضوع و وعد بإحراز تقدم فى هذا الاتجاه ) و أنا متأكد أنه هيعجب بالمجهودات التى بذلهاالأعضاء الوحوش فى القسم على وجه الخصوص و فى المنتدى على وجه العموم

و شكرا لأستاذ رفيق لاهتمامه بالعملاء بالرغم من أنه لا يختص بتاتا بمشاكل ما بعد البيع و لا الصيانة...و هو ما يميز غالبية العاملين ب eim حتى أصبحت هى السمة المميزة لهم

و الحمد لله قدرنا نغير حزام الأمان و مفصلة الباب فى سيارة العقيد خالد داخل الضمان نظرا لوجود بوادر تلف و هو ما تم فى وقت و توقيت قياسيين...دخلنا الساعة 2 و خرجنا 4 ...و أستغل الفرصة لشكر المهندس أيمن فى قسم ال bODY woRKSHOP على مجهوداته معنا...

الحمد لله ..موضوع الحدفة شمال تحسن كثيرا جدا عن الأول..و الشهادة لوجه الله...الموضوع ده اتحل قبل ما نتكلم مع المهندس عمرو إطلاقا...و هما أخدوا وقت لحد ما حلوا الموضوع ده و أنا شفت بنفسى العربية اتجربت مرات عديدة...
و موضوع الهواء الساخن ده مالوش حل..المهندس عمرو فهمنى إنه ضرورى يوكون فيه هواء يدخل العربية علشان الركاب ما يتخنقوش لو قافلين الزجاج...فى بعض العربيات بتكون الفتحات فى الخلف و فى البعض بتكون فى الأمام...و للتحايل على الموضوع يمكن تحويل مسار الهواء لأعلى و قفل البوابة ال Recycle و غلق فتحات التكييف إمعانا فى إحكام الغلق...لكنه شىء مقصود فى تصميم السيارة مراعاة لحياة الركاب

أحب أبشركم...فلتر التكييف زاد 10 جنيه و بقى ب 130 + 13 جنيه ضرائب....

[amr.elsayed]

الف مبروك يا باشا على الصيانة وشكرا لنقلك للتجربة
وشكرا للعقيد خالد على مساعدته لاعضاء المنتدى
ويا رب تكون العربية فى افضل حال بعد الصيانة

[hobby10]

ربنا معاك بصراحة وحمد الله على سلامتك وسلامة العربية ... وللأحسن دايما ان شاء الله ........... وطبعا شكر كبير لأستاذ خالد بجدددددددد

[Col. Eng. Khaled]

لا شكر أبداً لأخ على واجبه تجاه إخوانه / أخواته

(من فرّج عن أخيه كربة من كرب الدنيا ، فرج الله عنه كربة من كرب يوم القيامة) ......... صدق رسول الله صلّى الله عليه و سلم

و الحمد لله هي و لا كرب و لا حاجة ، الحكاية و ما فيها إن فعلا أي حد مننا يتحط في موقف يغيظه بيبقى محتاج حد يفضفض أو يفكر معاه

و ربنا إن شاء الله يقدم لنا جميعا خير ما يرضاه

شكرا للجميع

[Ahmed Selim]

مش عارف أقول أيه........قائد بصحيح....مش مجرد أسم :)

[chato_eg]

مش عارف أقول أيه........قائد بصحيح....مش مجرد أسم :)

+1111111111111111111111

[zkralla]

والله الدنيا لسه بخير

[momo10000]

مش عارف أقول أيه........قائد بصحيح....مش مجرد أسم :)

من الااااااااااااااااااااااااااااااااااااااااخر

[abasse]

مش عارف أقول أيه........قائد بصحيح....مش مجرد أسم :)

[MoHaMed HaMeD]

زى ماق ولت قبل كده وهقوله تكرارا

سياده العقيد شخصيه تترفع لها القبعه احتراما

[أبو أدم]

أولا : ربنا يبارك لك فى عربيتك ويحفظها لك ان شاء الله ...

ثانيا : الواحد مش عارف يشكر سيادة العقيد ازاى....جزاك الله خيرا....
دة بردة انا شوفت له مشاركة مع اخ هنا معاه لوجان...قال له اجى معاك ونروح بكرة .... ربنا يكرمك ويبارك فى وقتك يا جنرااال ...
ان شاء الله يمكن اخدمك فى تصميم فيلتك او القصر الامبراطوري بتاعك ..(( اهو الى اقدر عليه ))..

[mostafa_fahmy]

السلام عليكم
والله يا جماعه انا عضو جديد بس طبعا انا معجب جدا بتصرف سياده العقيد وربنا يكرمه ويجعلوا فى ميزان حسناته:b4_388:

[Samah AbdAllah]

الف مبروك عالصيانة وان شاء الله كل حاجة فى العربية تتظبط

احنا كده مش عارفين نشكر العقيد خالد على ايه ولا ايه
هو فعلا انسان خدوم لاقسصى درجة
احنا نعمله موضوع مثبت نشكره فيه وبس
ربنا يخليك لرينو وملاكها ونايل موتورز وكل اعضاؤه

[lion99990]

بالأمس....كان ميعاد صيانة ال 40 ألف حسب الحجز الساعة 8 صباحا
كالعادة وصلت 7:50 ص
طابور مكون من 10-12 عربية و أنا فى المنتصف

بخلاف الصيانة كنت بأشتكى من :-
الهواء الساخن بيدخل للمقصورة مش عارف منين ( غالبا من فتحات التكييف )
العربية بتحدف شمال
لمبة إشارة لا تعمل
صوت حشرجة من مراوح التكييف

و بالفعل كنت مبلغ فى التليفون بالكلام ده

إللى حصل كالآتى :-
العربية دخلت الساعة 8:10 ...تم عمل اللازم من تغيير زيت بفلتره و بوجيهات و مياه بطارية و مساحات و فلتر هواء و تم تجربة السيارة و الكلام ده انتهى الساعة 9:15

من 9:15 إلى 12 لم تمس السيارة يد....و طبعا الساعة 12 ميعاد الراحة حتى 1 ...
الظريف إنى كنت متابع لأعمال تصليحات بجهاز ظبط الزوايا و التى تم الانتهاء منها بحلول الساعة 1 ...و من ثم انهمرت السيارات المنتظرة مثل سيارتى على الجهاز...سيارتى كانت الثانية من بعد تلك الكليو الزرقاء...
تم تجربة ظبط الزوايا أكثر من مرة....و فى آخر محاولة تم تبديل أماكن الإطارات الأمامية مع بعضها...
بعد ذلك اختفت السيارة عن الأعين لمدة ساعتين....
بنهاية اليوم....تمت محاولة يائسة ( و لكنها تحققت فيما بعد ) لمحاولة إقناعى بإن فك التابلوه لتنظيف فتحات التهوية يتطلب عملا شاقا و طويلا و من الأجدى الإتيان بها فى يوم آخر...لكنى رفضت...فليس من المنطقى أبدا الانتظار 8 ساعات و فى النهاية لا أحصل على ما أريد...
المهم....مرت الدقائق المريرة من بعد الساعة 4:15 حتى الساعة 4:35 ...و كنت آخر شخص داخل الصالة....أغلقت الأنوار و الكافتيريا و الحمام أصلا كانت المياه مقطوعة فلم أدخله طوال اليوم و حيث أنه لم يتبق غيرى فبادر رجل الخزنة ( الكاشير )...
"حضرتك لك عربية جوه ؟ "..
آآآه...
"بإسم مين ؟ " ...
" بإسم ....."...
" 843 جنيه .."...
" هى خلصت ؟؟؟!!!!"...
أيوة
طبعا أنا تمام التأكد إنها ما خلصتش...لكن دفعت علشان أنتقل للمرحلة الأخرى..و بينى و بينكم كان دمى فائر و أنا فى ثورة داخلية...و ناوى على الشر...علشان ما يرضيش ربنا أبدا أقعد 9 ساعات من 8 إلى 5 و فى الآخر يقولوا لى تعالى بكرة أو سيبها تبات عندنا...خصوصا إن المعضلة كلها فى موضوع فك التابلوه و تنظيف الفتحات و المراوح و تغيير لمبة إشارة......

المهم ...رحت أستلم العربية و أنا متأكد إن اللمبة ما اتغيرتش و لا المراوح اتنظفت...حطيت الكارت..دورت...إشارة...زى ما هى....اللمبة ما اتغيرتش..فتحت المراوح..زى ما هى...دورت على مهندس الاستقبال ..مش لاقيه...رحت لمهندس استقبال تانى...قلت له..أنا هنا من 8 و العربية ما اتصلحتش...جاب المهندس إللى استلم منى... و إللى بدوره جاب مهندس تانى من جوه و فى لحظة اللمبة كانت اتصلحت ( مجرد مهزوزة لكن سليمة ) و قعدوا يتكلموا ( بعد ما استأذنونى فى إنى أستنى فى الاستراحة { المظلمة } ) شوية على ما يخلصوا....
و فى الآخر...لازم يا إما آجى بكرة..أو أسيبها الليلة..
أنا طبعا سيبتها و لكن ناوى على عدم السكوت بأى طريقة مش هأسكت...لكن الوقت كان مش بتاع رغى...الساعة 5 و الناس مشيت و أنا ناوى على تصعيد...

ب....

بصراحه طبعا انا اشكر العقيد خالد على تعاونه الدائم فى حل مشكلات الاعضاء
بس بصراحه كلام حضرتك طلع منى بركان غضب و بصراحه مش عشان انا عارف حد يبقى المشكله تتحل السيناريو بتاعك ده حصل معايا و طبعا حضرتك فاكر الكلام ده كويس من خلال موضوعى (رحله البحث عن المتاعب رينو المقطم) انا بصراحه مش مصدق ازاى المركز ده يبقى كده اصل انا اتكلمت حضرتك اتكلمت و قلت على اللى حصل طيب مفيه الاف غيرنا راحوا المركز ده و اكيد ميعرفوش نايل موتورز واكيد زعلوا و غضبوا و اتنرفزوا من اللى حصل معاهم بصراحه انا مش مصدق برضه نفس الوضع قاللولك ادفع فلوس عشان العربيه خلصت و بعديت تتفاجا ان العربيه محصلهاش حاجه نفس الموقف بالظبط جيت ادفع الفلوس قاللوللى تم تغيير طنابير و بالصدفه عرفت ان هيا متغيرتش و مرضتش احاسب و تاكدوا طلع متغيرتش ولاقيت المياه ناقصه و كنت محاسب عليها و حاجات تانيه كتير ممكن اللى عايز يقرا و يشوف من خلال موضوع رحله البحث عن المتاعب
بصراحه اسوا مركز خدمه المقطم لازم نشوف حل فورى
انا بركان غضب ظهر تانى بصراحه مضايق قوى مينفعش اللى حصل معاك ده و اللى اكيد بيحصل مع غيرك و كل التبريرات اللى قلهاللك المدير كلها كلام فشنك وانا غير مقتنع بالمره

[Col. Eng. Khaled]

أشكر من كل قلبي السيد المهندس / هاني لطرح تجربته لإفادة الأعضاء كذلك أشكر الجميع لمرورهم و

إهتمامهم بالموضوع .

بالنسبة لي ، وجودي مع أخي الفاضل مش أكتر من تواجد أخ مع أخوه للمآزرة فقط لا غير خاصة مع توفر الوقت لي

مع علمي بأن أي زميل عنده وقت ، طبيعي تصرفه حيكون مماثل ما لم يكن أكتر .

غير كل دا ....... م / هاني كفاية تعاونه الحالي و السابق في موضوع أغطية رينو لوجان بصفة خاصة ، بالإضافة لموضوع

عرض TOP COVER EGYPT المثبت بقسم العروض الخاصة للأعضاء ، غير مواقف أخرى كثيرة له معي و مع أعضاء رينو

بصفة خاصة و أعضاء المنتدى بصفة عامة .

عودة لما يخصني ، أرجو من الله عز و جل أن أرى ما أفعله خيرا لأهل بيتي (بالفعل رأيت و أراه يحدث بفضل من

الله) .

شكرا لكم جميعا و الله الموفق .