إعـــــــلان

Collapse

.

,
See more
See less

ألف شكر لسيادة العقيد خالد...كلاكيت ثانى مرة

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #16
    المشاركة الأصلية كتبت بواسطة lion99990 مشاهدة المشاركة
    بصراحه طبعا انا اشكر العقيد خالد على تعاونه الدائم فى حل مشكلات الاعضاء
    بس بصراحه كلام حضرتك طلع منى بركان غضب و بصراحه مش عشان انا عارف حد يبقى المشكله تتحل السيناريو بتاعك ده حصل معايا و طبعا حضرتك فاكر الكلام ده كويس من خلال موضوعى (رحله البحث عن المتاعب رينو المقطم) انا بصراحه مش مصدق ازاى المركز ده يبقى كده اصل انا اتكلمت حضرتك اتكلمت و قلت على اللى حصل طيب مفيه الاف غيرنا راحوا المركز ده و اكيد ميعرفوش نايل موتورز واكيد زعلوا و غضبوا و اتنرفزوا من اللى حصل معاهم بصراحه انا مش مصدق برضه نفس الوضع قاللولك ادفع فلوس عشان العربيه خلصت و بعديت تتفاجا ان العربيه محصلهاش حاجه نفس الموقف بالظبط جيت ادفع الفلوس قاللوللى تم تغيير طنابير و بالصدفه عرفت ان هيا متغيرتش و مرضتش احاسب و تاكدوا طلع متغيرتش ولاقيت المياه ناقصه و كنت محاسب عليها و حاجات تانيه كتير ممكن اللى عايز يقرا و يشوف من خلال موضوع رحله البحث عن المتاعب
    بصراحه اسوا مركز خدمه المقطم لازم نشوف حل فورى
    انا بركان غضب ظهر تانى بصراحه مضايق قوى مينفعش اللى حصل معاك ده و اللى اكيد بيحصل مع غيرك و كل التبريرات اللى قلهاللك المدير كلها كلام فشنك وانا غير مقتنع بالمره
    أنا أقول لك رد م/عمرو أبو الفتوح على النقطة دى
    العربية بتدخل
    و معاها كل الشكاوى
    بيعملوا الحاجات المهمة الأول
    و لو فى حاجات باقية...بيسألوا...ممكن تسيبها و لا لأ...
    لو لأ..يبقى بيقفل على كده و يسلمك العربية ...و مش بيلفت انتباهك لإنه فيه حاجات مش معمولة...فالعميل بيتصور إنها اتعملت ( وده إللى غلط منهم )....
    لو آآه..يبقى خلاص..يا تيجى يوم تانى يكملوا يا تسيبها تبات

    الفكرة فى إن الضغط كبير أوى و المساحة محدودة و القدرة على التوسع جغرافيا شبه منعدمة و يفترض إنهم ينقلوا أبو رواش أصلا...فمسألة ترحيل الشغل بتتكرر كتير...

    و موضوع قبول العدد الأكثر من القدرة الفعلية بيحصل نتيجة عدم الحجز و المشكلات المفاجئة و الطوارىء...و بسم الله ما شاء الله...اللوجان ليها نصيب لا بأس به من التواجد و مع أرقام المبيعات و الانتشار فالموضوع ازداد حجمه....

    أنا كنت زيك برضه مش مصدق إللى بيحصل...و واضح إن ناس كتير كانت عندها نفس الموقف...فعلشان كده استقدموا م/ عمرو أبو الفتوح لخبرته فى مجال خدمة العملاء و تم وضع مكتبه بجوار الاتقبال و الاستراحة مباشرة..و هو كمان معترف بوجود مشاكل فى إدارة العملية بالإضافة إلى ظروف العمل القاسية بزيادة بتساهم فى تفاقم الوضع....لكن الاعتراف بالمشكلة نصف الحل...و مادام هما معترفين يبقى ده شىء يحسب لهم و فى انتظار الحلول من جانبهم

    و لكن من جانبنا...لو أصررنا على المقطم يبقى لازم نتفهم الوقت الأطول من المعتاد و اللازم المستهلك فى الصيانة و احتمال تأجيل العمل و البيات فى حالة كثرة الشكاوى

    أو التعامل مع العبور و الذى سوف يتحسن مستواه مع مرور الوقت و تحويل قدر من الحمل إليه

    أرجو إنك تكون فهمت إزاى هما مش متعمدين التدليس أو الإخفاء..لكن وقعت أخطاء من أكثر من جهة فظهرت الصورة بالشكل ده
    [CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
    [SIGPIC][/SIGPIC]
    [URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
    [/CENTER]

    Comment

    • #17
      طيب معلش سؤال ..

      هو ليه الاصـــرار على المقطم صحيح؟؟

      هم الجماعة اللى فى العبور مش أد كده ؟؟
      [LEFT]The only alternative to coexistence is codestruction - [I]Nehru[/I]
      [/LEFT]
      [LEFT][COLOR=#000000][LEFT]

      [/LEFT]
      [/COLOR][/LEFT]

      Comment

      • #18
        فرع العبور مش سىء فنيا و لا حاجة...

        بس بأحس - و فى ناس بتشاركنى - الإحساس إن قدرتهم على اتخاذ قرار من نوعية تغيير أى شىء يكون عليه بوادر مشاكل فى الضمان ليست بنفس قوة و قدرة فرع المقطم..مع العلم إنهم غيروا فرامل اليد للعقيد خالد بدون ما يشتكى لهم منها صراحة فى الضمان...ما شاء الله و لا قوة إلا بالله على الجديدة..

        كنت الأول بأحس إن إجمالى الوقت فى المشوار و الانتظار متساو فى العبور و المقطم..فخلينى مع الأمهر فنيا و ده بحكم قدم فرع المقطم و الخبرات الطويلة التى تكونت....

        لكن دلوقتى أكيد مش هأروح المقطم إلا فى صيانة كبيرة زى ال 60 مثلا و دى أنا هآجى أسيب العربية و أقول لهم ..لما تخلصوا كل حاجة ابقوا كلمونى...خليها تأخد وقتها يوم و لا 2 حتى...

        أما ال 50 ألف...معششة فى دماغى أروح أعملها فى العامرية مع العقيد خالد.....منها زيارة لفرع الاسكندرية و نشوف آخر فرع ل eim عامل إيه...سمعت كلام كويس جدا عنه

        أنا بصراحة لو منهم أسحب شوية ناس خبرة من المقطم للعبور و شوية ناس من العبور للمقطم علشان يبقى فيه تبادل كويس للخبرات..و كمان أصر مثلا على إن صيانات ال 5 آلاف ( 15و25و35 ....) تكون فى العبور....ليه لأ ؟؟
        [CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
        [SIGPIC][/SIGPIC]
        [URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
        [/CENTER]

        Comment

        • #19
          على فكره اكبر غلط ان حضرتك تفكر تعمل صيانه كبرى فى المقطم ده العكس صحيح معلش بقى انا عايز اقول ان لو رينو مش واثقه فى مركز العبور مكنتش فتحته يبقلى المراكز التانيه احسن وبعدين تفتكر هل فيه اى عامل او فنى او مهندس تحت الضغوط الشغل حيطلع عربيه كويسه مستبعد تماما لكن لما تكون العمليه متوازنه واكيد اكيد الكوادر اللى فى العبور مدربه واحتمال كبيير جدا ان لم يكن اكيد ان العماله الجيده جدا اللى كانت فى المقطم راحت العبور عشان تدرب الناس الجديده وبعدين العبور معدتش جديد شوف بقاله كام سنه انا عن نفسى بقاللى سنتين بتعامل معاه .مفيش غير مره المقطم الوحيده عشان كنت بفكر كده انه حيكون احسن فى الصيانه الكبرى بس طلع زفت بجد واسف على اللفظ
          وبعدين نقطه موضوع الضمان وان هما معندهمش القدره على اتخاذ القرار فى هذه المواضيع غلط جدا لسبب عربيه اخو مراتى ميجان وفى الضمان وغير فيها ترس الديفوزر و خرطوم الايرباج والمساند المقشره فى الضمان كل مشكله فى مره مختلفه بدون اى تعب او مشكله كان بس يقول على العيب و تلاقى المشكله اتحلت علطول
          فكلامى ان حضرتك مش شرط المركز يبقى زحمه عشان يبقى حلو لا ده نقمه عليه وانصحك نصيحه من اخ لك الصيانه الكبرى هى اللى تتعمل فى المركز الهادى زى العبور عشان تتعمللك مظبوط مش اى كلام وخلاص وحتمشى مبسوط واى مشكله حيحلوهاللك على طول مش بس كلام زى المقطم يقوللك العربيه خلصت تلاقى محصلش فيها حاجه طب حضرتك رجل فاهم امال اللى مش بيفهم حيعمل ايه حيستلم العربيه و يمشى و بعد ميمشى يكتشف اللى حصل مش ده حرام
          .

          Comment

          • #20
            أنا مش بأقول إن العبور مافيش عندهم القدرة
            أنا بأقول إن المقطم أكثر جرأة و بشكل عام خبرة...
            لو حضرتك بتتعامل مع العبور من سنتين...شوف المقطم شغال فى رينو من كام سنة ...!!!
            أنا ما حصلش معايا مواقف مش ظريفة فى العبور....لكن فى المقطم بأحس إنهم أسرع و أكفأ...
            هما مش بيكروتوا الشغل فى المقطم...هى الشغلانة يا بتتعمل يا مش بتتعمل...توزيع الشغل و إدارة الموارد هو إللى فيه مشكلة...لكن مافيش شغلانة بتتعمل نص نص...
            و بعدين اسمح لى...لو أنا رحت آخد العربية و طلع فيه حاجة مش عاجبانى و سيبتها ليوم تانى....أرجع من المقطم لحدائق القبة و لا أرجع من العبور لحدائق القبة ؟؟!!!
            أنا لو الموقف ده حصل لى فى العبور كنت صورت قتيل....أرجع إزاى و آجى تانى إزاى ....خصوصا إنى مش واثق فى ال Shuttle Bus ...
            التاكسى بيأخد من باب البيت لباب المقطم 15 جنيه و المشوار فى الزحمة مش بيوصل لساعة...إنما لو العبور ده أحسن يبيتوها و أنا جواها بدل ما أروح و آجى...
            بالإضافة للشعور العام بالتراخى فى العبور..كل حاجة على مهلها أوى...يعنى ممكن العربية تكون اتغسلت و اتنشفت و قربت تتحمص فى الشمس و لسه الورق ما وصلش..
            طيب فى المقطم ة بتعذر الناس علشان الزحمة ...لكن إيه عذر العبور ؟؟؟...و بصراحة كمان بيأخدوا الراحة زى ما الكتاب بيقول...فى المقطم يعنى مش راحة أوى...
            الخلاصة إن المقطم زحمة...إللى يروح يعرف إنه هيطول فى الوقت
            مستعجل...يبقى تروح العبور و لا الميكانيكيون العرب مثلا لو حاجات زى فلاتر و زيت و كلام من ده
            حضرتك بترتاح فى العبور...حمدا لله على نعمته
            أنا بأروح العبور بأحس بالوحدة و العزلة...محبوس فى الاستراحة لا بأشوف ورش و لا عربيات...مافيش غير التليفيزيون...و عندنا منه فى البيت...إنما أنا جزء من جمال المقطم بالنسبة لى هى الفرجة على كل الميجانات و السينيكات و السافرانات و الكليوهات و حديثا اللوجانات...ورش كتير يمين و شمال,,,عربيات سليمة و عربيات مدغدغة...أتفرج على أجزاء داخلية و خارجية...قسم قطع الغيار منفصل...تعرف تلاقى حد قاعد على مكتبه طول الوقت و جنبه المخزن يرد عليك و تتفرج على القطعة و تأخد فكرة و لو عاجبك تشترى بكرة...إنما فى العبور هو مكتب وحيد بيودوا فيه يمين و شمال كل شوية و عمرى ما لقيت المسئول قاعد عليه..لازم أسأل و يدوروا و بعدين يظهر....و المخزن بعيد و ما أعتقدش إنه سهل تقول أشوف الحاجة الأول...
            الميزة الوحيدة فى العبور...صالة العرض...بس خلاص..حفظت العربيات إللى هناك....إنما فى المقطم صالة عرض حية لتاريخ رينو فى مصر....ده أكتر من مجرد كونه مركز خدمة..ده متحف لرينو فى مصر...زى حدائق الحيوان المفتوحة بتاعت كينيا و جنوب أفريقيا...بس هناك عربيات حلوة مش زرافة و أسد...
            [CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
            [SIGPIC][/SIGPIC]
            [URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
            [/CENTER]

            Comment

            • #21
              كل ده طلع فى المقطم وانا مش عارف فى قلب الجبل و سط الدغده وبنى الابراج و تحس ان المنطقه كلها حتتهد عليك و يسلام لما تكون فى الصيف ولتكييف طلع بايظ كمان فى الاستراحه ولا الحمامات التعبانه اللى فى المقطم دنتا عشان تطلع بره المكان اللى انت فيه بتتشاهد احسن تقع يعنى بصراحه انا مش عارف اللى عاجب حضرتك فى الزحمه حضرتك بتتبسط لما تشوف منظر العربيات وهيا خربانه وجايه تتصلح ولا تشوف منظر جميل يهدى اعصابك المتوتره و بعدين موضوع ان انت قاعد فى مكان مش بتعمل حاجه ده مش صحيح اولا فى bus بياخدك من المكان اللى انت فيه لكارفور العبور او لو عاوز تنزل جوه البلد كمان بمواعيد محدده ودايما منتظمين فى الحاجه ديه عندك كمان دور فوق اكيد حضرتك عارفه كله كنب مريح تنام فيه تكيييف مركزى مش تكييف زى اللى فى المقطم قديم جدا حمامات فى منتهى الروعه خدمه على احسن مايكون بدون واسطه او محسوبيه و يفهمك كل حاجه براحه انا مستغرب من كلامك ان حضرتك بتحب تتعب نفسك مع انهم عايزيين يريحوك عشان كده انا بقوللك لما يبقى فيه صيانه عاديه ابقى روح المقطم عشان حتمشى والعربيه كلها خلصانه مش حتستنى كذا يوم لكن لما تروح العبور فى صيانه كبرى اكيد حتخلص فى نفس اليوم و بعدين دنتا فى رينو يعنى لو فيه اى مشكله حيتبهدلوا عندك رينو فرنسا و رينو الشرق الاوسط انا كل كلامى عشان راحتك وبعدين براحتك عايز تبقى فى المقطم برضه ده يرجعللك
              انا فاكر ان حضرتك ايام المشكله بتاعتى حضرتك روحت بعديها مركز المقطم تقريبا عشان صيانه عاديه و كنت كاتب ان حضرتك روح اول عربيه وان عربيتك وقفه زى الوحش مستنيه دجورها و فى الاخر مشيت برده فى اخر النهار يبقى المنطقى ان لما يكون فيه صيانه كبرى اروح اللى حينهيللى بدرى العربيه من غير تعب ولا وقفه فى عز الشمس و فى نفس الوقت نفس الكفاءه و براحه اعصاب مش توتر زى المقطم
              ياريت تكون فهمت قصدى ووجهت نظرى وضحتهاللك
              وياباشا انا مش قصدى حاجه والله انا كل اللى اتمناه ان المركزين يكونوا زى بعض و بلاش بتاع المقطم ياخذ عدد سيارات اكبر من امكانيات المكان وده اللى بتمناه من الاداره عشان راحه العملاء

              Comment

              • #22
                أؤكد مرة أخرى على التالى
                [gdwl]
                أنا أنصح أى حد..عايز عربيته تتصلح بالكفاءة المعهودة من eim و هو مرتاح إنه يروح العبور
                [/gdwl]

                كون إنى مش بأحب التليفيزيون فى الاستراحة و لا مهتم بالتكييف المركزى و الصالون الأصفر و الحمامات الشيك
                و أفضل الفرجة على الأجزاء الداخلية من خلال سيارات الحوادث و الاطمئنان على الميجانات السليمة فى الشارع و ملاحظة أخبارهم فى تجمعهم الكبير فى المقطم
                و ملاحقة السيارة أثناء انتقالها من قسم لآخر و من عامل لآخر بدل ما اتفرج على الفيلم إللى فى mbc2
                فده إللى أنا شخصيا بأحبه... و مش متوفر فى العبور..لإن الأقسام كلها غير مرئية و الورش بعيدة عن الأعين و دايما بأحس إنى محتجز خلف القضبان بعيد عن العربيات و عن عربيتى أنا...مش عن عدم ثقة فى شغلهم..لكن بأحب أتفرج على إللى بيحصل...بيخلينى أكثر فهما للعربية

                مع أفضل تمنياتى للفرعين...بس غالبا هأعمل ال 50 ألف فى العامرية إن شاء الله
                [CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
                [SIGPIC][/SIGPIC]
                [URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
                [/CENTER]

                Comment

                • #23
                  المشاركة الأصلية كتبت بواسطة chato_eg مشاهدة المشاركة
                  مع أفضل تمنياتى للفرعين...بس غالبا هأعمل ال 50 ألف فى العامرية إن شاء الله
                  ان شاء الله يأستاذ هانى ... اسكندرية والعامرية حتتشرف بحضرتك ... وان شاء الله العامرية تتطلع احسن من العبور والمقطم
                  ربنا ارضى عنا وارحمنا .. امين

                  Comment

                  • #24
                    طب يا ريت يا هوبى تقولى لنا ازاى أروح العامرية من كامب شيزار عشان انا ليا شقة هناك وممكن أفكر أعمل صياناتى فى اسكندرية منها أفسح العيال ومنها أعمل الصيانة.
                    [LEFT]The only alternative to coexistence is codestruction - [I]Nehru[/I]
                    [/LEFT]
                    [LEFT][COLOR=#000000][LEFT]

                    [/LEFT]
                    [/COLOR][/LEFT]

                    Comment

                    • #25
                      المشاركة الأصلية كتبت بواسطة egyzizo مشاهدة المشاركة
                      طب يا ريت يا هوبى تقولى لنا ازاى أروح العامرية من كامب شيزار عشان انا ليا شقة هناك وممكن أفكر أعمل صياناتى فى اسكندرية منها أفسح العيال ومنها أعمل الصيانة.

                      بص يافندم ... اين كان المكان اللى حضرتك فيه ... انت تطلع على البحر وتمشى لحد منطقة الشاطبى على البحر ( عند مكتبة الاسكندرية والمجمع النظرى ) حتدخل حضرتك الشارع اللى اكنك رايح شارع ابو قير قبل ما توصل لابو قير حتلاقى نفق بتنزله وتفضل على طول حتلاقى كوبرى حتطلعه تمسك شمالك وعلى طول ( كارفور حيبقى على يمينك بعدها بشوية صغيرين) انت كده ماشى بقى مع الطريق لا يمين ولا شمال لحد ما حتلاقى التوكيل على يمينك ( عليه من فوق علامة رينو كبيرة حتشوفها لما تقرب ) ..... ارجو انى اكون وضحت - انا مبعرفش اوصف اوى اصلى - ... وتوصل بالسلامة ان شاء الله :b4_048:
                      ربنا ارضى عنا وارحمنا .. امين

                      Comment

                      • #26
                        دو وصفة سهلة .. دى وصفة هايلة ..
                        وشكراً جزيلاً
                        [LEFT]The only alternative to coexistence is codestruction - [I]Nehru[/I]
                        [/LEFT]
                        [LEFT][COLOR=#000000][LEFT]

                        [/LEFT]
                        [/COLOR][/LEFT]

                        Comment

                        • #27
                          المشاركة الأصلية كتبت بواسطة hobby10 مشاهدة المشاركة
                          ان شاء الله يأستاذ هانى ... اسكندرية والعامرية حتتشرف بحضرتك ... وان شاء الله العامرية تتطلع احسن من العبور والمقطم
                          أشكرك
                          [CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
                          [SIGPIC][/SIGPIC]
                          [URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
                          [/CENTER]

                          Comment

                          السابق 1 2 template التالي
                          Working...
                          X