ابعد عن رينو خالص هتتعبك قوى - الفتايين بيشجعوا واحنا معاهم

[Ahmad Aboul Fotouh]

قبل ما اشترى اللوجان بكام شهر سمعت عنها وبدأت اسأل الناس عن رينو لوجان أيه رأيكم فيها يا جماعة ولقيت اجابات متنوعة هذكر بعض منها :-

رينو أيه يا أخى ديه قطع غيارها غاليه جدا ومش موجوده ديه هتعذبك

ديه فيه عربيات كليوا مركونه بقالها كذا سنه عشان مش لاقين لها قطع غيار

فرنساوى بلاش اسمع الكلام أنا فاهم بقولك أيه

واحد قالى ديه عربية كلها فبر

واحد قالى ده مش فاكر أيه - باين وش السلندر - بيتباع ب 6000 جينه ومش موجود ( ده صاحبى وشغال فى معرض سيارات متخصص فى الاسبرنزا فقط يعنى المفروض أنه فاهم )


المهم وبعد ما الواحد قرب شويه من الرينو وعرف اسعار قطع الغيار وجوه التوكيل وبره التوكيل عرفت أن الناس ديه للأسف مش فاهمه حاجة بس للأسف برضه مبتقولش كده - مبتقولش أحنا ما نعرفش - لأ لازم يتكلموا ويقولوا رأيهم الى هو ممكن يكون كلمه سمعها من واحد من 25 سنه أو حديث سمعه فى مترو الانفاق من اتنين بيتكلموا مع بعض وكان واحد بيفتى طبعا على التانى يعنى بيبقى عمره ما ركب رينو ولا قعد ما حد راكب رينو ولا صاحب حد عنده رينو واكيد مش شغال فى توكيل رينو يبقى جاب معلوماته منين


طبعا الكلام ده مش موجه لاى حد فاهم وبتنقد بناء على معلومات لان هذا الشخص من حقه تماما أنه يقول رأيه حتى لو كان ضد رينو وحتى لو اختلف معايا
يعنى مش الفكرة أنه بيقول كلام سلبى عن رينو المشكله أنه بيقول كلام بدون علم وبيقول كلام هو مش عبارة عن رأى ده كلام مغلوط وبعيد عن الحقيقة المحسومة يعنى لما واحد مثلا يقولك فانوس اللوجان ب 2000 جنيه ده يبقى كلام غلط وامر محسوم مش رأى ممكن يتناقش المشكلة أن الى بيقول الكلام ده بيبقى مصمم عليه


لازم برضه اقول أن فيه ناس - ماشاء الله عليها - فاهمين وبينصحوا لوجه الله
وفيه ناس تانيه مش فاهمين وبيقولوا مانعرفش ودول يحترموا طبعا

أنا كلامى هنا على الفئة الى مش عارفنا وبتفتى - ربنا يهدى -

بص انا سمعت الكلام ده كتير و من اسباب ده المشاكل اللي كانت في العربيه في موديلات 2005 و برضه من اسبابة ثقافة الشعب المصري في شراء العربيات اللي بتفضل ركوب الكوري و كده و طبعا انته عارف الاسباب...

علي العموم رب ضارة نافعه.. متنساش ان الكلام ده هوه اللي مخلينا نشتري العربيه مستعمله باسعار كويسه

[best2010]

انا قبل ما احجز اللوجان اخدت رأى مهندسين كبار بيشتغلوا فى توكيل سيارات ماركة كبيرة وكانت المقارنة بين الفيرنا واللوجان والنيو اكسنت .. وبما ان النيو اكسنت سعرها عالى شوية انحصرت المقارنة بين اللوجان والفيرنا وكان رأيهم اش جاب ل جاب .. اشترى اللوجان وانت مغمض .. وده بناءاً على المواصفات الفنية مش واحد سمع من حد مش فاهم حاجة ..

[tahayt]

السلام عليكم
اولا يا جماعة عاوز اهنى اى واحد جاب لوجان و يا رب يحفظهالكم
بس انا بصراحة بدات اخاف منها لسببين:
1-فى واحد معرفة عندة ورشة اكسسوارات عربيات بيركب انذار و سنتر الخ....سالتة عنها قاللى بالحرف كدة :" اوعى تفكر فيها دا انا اشتغلت فيها و لقيت تقفيلها زبالة" (هو اللى قال كدة و اللة)
2-الاخ اللى لسة كان كاتب موضوع اللى عمل حادثة باللوجان و اولا الايرباج مافتحتش و ثانيا التوكيل اللى عاوز ياخد 30 الف جنية!!!
دا انا عرضت اسعار التصليح اللى هو كتبها على واحد معاة لانوس اتصدم
اية رايكم فى الكلام دة يا جماعة خصوصا لو واحد مش عايز يأمن على العربية

[zkralla]

السلام عليكم
اولا يا جماعة عاوز اهنى اى واحد جاب لوجان و يا رب يحفظهالكم
بس انا بصراحة بدات اخاف منها لسببين:
1-فى واحد معرفة عندة ورشة اكسسوارات عربيات بيركب انذار و سنتر الخ....سالتة عنها قاللى بالحرف كدة :" اوعى تفكر فيها دا انا اشتغلت فيها و لقيت تقفيلها زبالة" (هو اللى قال كدة و اللة)
2-الاخ اللى لسة كان كاتب موضوع اللى عمل حادثة باللوجان و اولا الايرباج مافتحتش و ثانيا التوكيل اللى عاوز ياخد 30 الف جنية!!!
دا انا عرضت اسعار التصليح اللى هو كتبها على واحد معاة لانوس اتصدم
اية رايكم فى الكلام دة يا جماعة خصوصا لو واحد مش عايز يأمن على العربية

- الله اخر حرف فيها هاء وليس تاء

- الى قالى رفارف اللوجان فيبر سمكرى يعنى صنيعى زى الى قال لحضرتك تقفيلها زباله -- اكيد هيطلعوا صحاب -- يعنى مع احترامى ليه مش عاوز اغتاب حد أنا بحب اتكلم فى العموم يعنى الى بيقول بغير علم يبقى بيفتى عن جهل --الكلام عن سوء التقفيل لدرجه أنه زباله كلام غلط 100% واثبات وجود واثبات أنى فاهم والسلام

- موضوع التوكيل
اى توكيل مش بيصلح بيغير على طول صاحبى كان معاه يارس عمل حادثه السنة الى فاتت التوكيل علمه مقايسه بحاجه وسبعين وطبعا شركة التأمين قررت تكهين بدلا من اصلاح رفض التكهين لانه كان هيخسر كتير ( اهلاك العربية وثمن الايرباك )
تفاوض مع شركة التأمين واخذ منهم 30000 صلح العربية ب 15000 ورجعت زى الجديدة وحط ال 15000 الثانين فى جيبه
ده مع ملاحظه أن توكيل تويوتا من افضل التوكيلات فى مصر
وشكرا

[romeo_6887]

الفتايين شغالين فتي الله ينور

[tahayt]

- الله اخر حرف فيها هاء وليس تاء

- الى قالى رفارف اللوجان فيبر سمكرى يعنى صنيعى زى الى قال لحضرتك تقفيلها زباله -- اكيد هيطلعوا صحاب -- يعنى مع احترامى ليه مش عاوز اغتاب حد أنا بحب اتكلم فى العموم يعنى الى بيقول بغير علم يبقى بيفتى عن جهل --الكلام عن سوء التقفيل لدرجه أنه زباله كلام غلط 100% واثبات وجود واثبات أنى فاهم والسلام

- موضوع التوكيل
اى توكيل مش بيصلح بيغير على طول صاحبى كان معاه يارس عمل حادثه السنة الى فاتت التوكيل علمه مقايسه بحاجه وسبعين وطبعا شركة التأمين قررت تكهين بدلا من اصلاح رفض التكهين لانه كان هيخسر كتير ( اهلاك العربية وثمن الايرباك )
تفاوض مع شركة التأمين واخذ منهم 30000 صلح العربية ب 15000 ورجعت زى الجديدة وحط ال 15000 الثانين فى جيبه
ده مع ملاحظه أن توكيل تويوتا من افضل التوكيلات فى مصر
وشكرا

شكرا على التوضيح بس انا عاوز اقول بس ان انا كنت باستفسر بس .غير كدة انا معجب بالعربية
ربنا يبارك لاصحابها فيها

[SharpArrow]

السلام عليكم يا شباب رينو
انا الحمد لله من رواد فيات و شفت موضعكو ده عجبني جدا قلت لازم اشارك ماهو مش لازم يبقى المشاركين رينوية بس
انا فعلا معجب بالعربية اللوجان دي جدا و عارف و متيقن انها عربية قمة الاحترام و محدش اشتكى منها و كل الناس متخوفة منها و مش خايفين من الفيرنا اللى تقفيلها قمة الرداءة و اتزانها وحش جدا و عن تجربة مش مجرد كلام خدته من الناس رغم ان كل الناس بتقول كده و ناس مالكين ليها بيأكدولي ده
عموما المشكلة اللى عندكو دي بقابلها نفسها في الفيات برضه و كل الناس فاهمة ان فيات يعني 128 ميعرفوش ان في حاجة اسمها تكنولوجيا فيات اللى الاودي و فولكس فاجن بياخدو منها اصلا
اللى هو موتور الـ TSI اللى موجود في عربيات فولكس هو اصلا موتور فيات و شيروكو 1400 سي سي 160 حصان قدامها فيات برافو T-Jet 1400 سي سي 185 حصان
و يقولك فيات عفى عليها الزمن
و عجبي

[ashraf_msd]

بصراحه انا ما اعرفش الاسعار جوه مصر ايه
بس الحقيقه اسعار قطع غيار الكليو اللي معايا هنا في قطر بالظبط بتساوي ضعف سعر مثيلتها في تويوتا كرولا
مثال: الفانوس الامامي فالكليو ب 540 ريال
التويوتا كرولا ب 300 ريال

[mohabelnegm]

رينو مبغوض من الشعب المصري من زماااان

جامد جدا التعليق دة ..لأن فعلا الستروين والرينو "مبغوض" فى مصر و مظلوم فى البغضة دى.

[engmansour]

جميييييييييييييييييييييييييييييييييييييييييييييييي يييييييييييييييييييييييييييل

[stormboy]

انت عارف ان الموضوع ده عامل مشاكل مع الوالد هو مصمم على اليابانى او الكورى و انا بقوله الاوربى احسن يا رب أعرف أقنعه بالفولنس

[behman]

هو للاسف دي عاده اصيله في المصريين ... الفتي ... محدش بيقول ماعرفش
و كلام و بيتردد و مش معروف مين الجامد اللي طلعه
الفرنساوي حاجته ناااار
الكوري مش ثابت عالارض
الالماني معقد و غالي
الصيني.. صيني ... يعني اللي لبسه لبسه
الامريكي حلو بس عايز بنزينه وراه و مش موجودله حاجه ولو لقيت يبقي هاتتعور
الياباني ... اعطاله صعبه و شغله معقد و غالي برضو ....
الفلييبيني ... فوانيسه صغيره و اضائته ضعيفه ... و عربيه مؤنثه عامتاُ
لو سألت عن العربيات الانجولي هايقلك بتاكل قرود صاحيه

[NGuy]

بصراحه انا ما اعرفش الاسعار جوه مصر ايه
بس الحقيقه اسعار قطع غيار الكليو اللي معايا هنا في قطر بالظبط بتساوي ضعف سعر مثيلتها في تويوتا كرولا
مثال: الفانوس الامامي فالكليو ب 540 ريال
التويوتا كرولا ب 300 ريال

مشاء الله
دول نصبو عليك
هو في البحرين سعر فانوس الكليو بـ 20 دينار اي 200 ريال قطري...
و سعر فانوس الكورلا بـ 15 دينار اي 150 ريال قطري

لكن الميجان الفانوس الامامي بـ 25 دينار اي 250 ريال قطري

و اساساً الفرق ما يستاهل ان اغير وجهة نظري في السيارة على اساس 10 دينار "100 ريال" وانا اساساً يمكن ما اغير الفانوس طول حياتي
ناهيك عن ان قطع غيار الرينو الغير استهلاكية هي مشابهة الى السيارات الياباني من ناحية الاسعار ولكن الرينو معمرة اكثر "مثل الالماني"

عموماً قطر معروفة بان اسعارها تكون فضائية "عالية جداً"

[miroscenic]

أنا ناوي بإذن الله أشتري سينيك قريب من صديقي ليا، والله يبارك له أنه دلني على عالم الرينو لأني كنت كل ما أبص بس على العلامة بتاعة الرينو اللي معايا يفضلوا يغموا في عيني
يا ابني انت اتجننت .. ده العربية الكوري دي مافيش زيها
لكن برضه أنا مصمم على الرينو بإذن الله وكلام الناس هنا في المنتدى بيأكد لي أن نصيحة صديقي بإذن الله فيها الخير

[kiaa]

كان فى مثل قديم اوى...الاى معاة رينو الله يعينو.....اليوم لو ماراكبت رينوالله يكون فى العون