الى حاجزى الفلوينس

[amro_abuabdo]

ان شاء الله تستلم علي خير



بالنسبه للغطاء انا ناوي اجيب الغطاء الفي كارفور ثمنه تقريبا معدي ال250 جنيه
هو عاجبني لانه تقيل اوي (يعني ميطرش من الهواء) سميك ومصنوع من ماده قويه فهيستحمل
وحاليا انا معايه غطاء ووتر بروف خفيف جدا وده يعتبر مؤقتا
وبالنسبه الفرش انا روحت محل محترم اوي في مدينه نصر اسمه جينس كار متفرع من شارع الطيران وراء محطه شيل قبل مؤمن بجانب المنياوي بتاع البطاريات
المهم انا اتفقت علي فرش الجوانب جلد اسود والنص حاجه زي قطيفه كده لونها جراي سعره تقريبا 1200 جنيه (تفصيل) طبعا كان نفسي اعمله كله جلد اسود بس مينفعش عشان الحر بتاع مصر وكمان ناوي اعمل الارضيه والشنطه جلد مجرد حمايه عشان لو العيال حد دلئ حاجه او حاجه وئعت في الشنطه هيكون تنضفهم سهل
والدواسات جبتهم من نفس الراجل كانو هديه عشان كان معايه اخويه وواحد صاحبي بيعملو عنده برضه

والاهم ياجماعه انا عملت دلوقتي 1200 كم لحد دلوقتي (القاهره و المنصوره و بورسعيد واخيرا القاهرة و اسكندريه ) العربيه اكتر من ممتازه انا بجد مش عارف اوصفها ممكن اقول قمه متعه القياده الامنه انا جربت جميع انواع الطرق مريحه اوي وعاليه اوي اوي اوي انا مش مصدق تقريبا اعلي من السيراتو مش متاكد
انا مش مقتنع اني هستني اول صيانه لحد 5000 كم كتير اوي يعني اغلبيه الانواع اول صيانه عند ال 1000كم

موضوع الطلعه فعلا تقيله وبايخه شويه بس واحده واحده هتعود عليها
واكتر حاجه مضايقاني موضوع المساحات لازم بعد لما تبطل العربيه تنزل دراع المسحات علي الاخر عشان تقف عشان لو معملتش كده وحد مسحلك العربيه طبعا هيرفع المساحه وهتكسر او تبوظلك الدهان بتاع الكبوت ولازم حاجه من الاتنيين تحصل لو نسيت

بس بجد انا لما بكون فالفلونس بكون مش عايز انزل منها واكيد لما تستلموها علي خير هتحسو باكلام ده

اسف علي الاطاله

تسلم يا رب علي الرد السريع الوافي
و مبارك مقدما علي الفرش و الغطا و ربنا يبارك لك في العربية

[mah_khourshid]

ياريت ياباشا تبقى تورينا صور للفرش بعد مايركب علشان لوكده أعمل زيه
- وعلى فكرة هى اول صيانة فعلا عند ال5000 فمتقلقش من الموضوع دا

ان شاء الله بس يارب يطلع شكله كويس

أعتقد من اللى فهمته من حضرتك و لما إتفرجت شوية على صور العربية إن المساحات منزلنها لتحت خالص كلمسة جمالية و متبقاش ظاهرة على الزجاج ..مش عارف ده صح و لاغلط...

و المفروض تبع هذا التصميم إنك ما تحتجش ترفعهم أصلا لأنهم مش مضايقين الزجاج فى حالة عدم الإستعمال و ممكن تنظف الزجاج بمنتهى السهولة و هما فى هذه الوضعية...

لكن عبقرية السايس المصرى هتخليه يصمم يرفعهم مثل باقى السيارات علشان يحط عليهم الفوطة الصفراء القذرة بتاعته و يوهمك إنه نظف العربية و فى هذه الحاله لو عم السياس صمم يرفعهم هيخبطهم فى الصاج و يحكهم و يحك الصاج.

نفس غباوة السياس فى المرايات الضم لما السايس الله يعمر بيته يفتحهملك بأيده أو يقفلهملك بإيده دليل على الحفاوة منه مع إنها قمة الغباوة.

و حضرتك علشان تخلص من المشكلة دى بتشغل المساحات نص تشغيله و تقوم قافل فيفضل دراع المساحة فى نصف الزجاج مثلا و بكده يقدر السايس يرفع الدراع دو أضرار :u_thin1[1]: (مش عارف صح اللى أنا بقوله و لا لأ ؟؟)


لكن فيه مشكلة فى اللى حضرتك بتعمله لو كنت أنا فهمت صح و هى تشغيل المساحة على الناشف و لو لمسافة صغيرة و التى من أضرارها تناقص العمر الإفتراضى لكاوتشة المساحة بطريقة ملحوظة جدا......

انا كنت عايز اوضح انك لما تبطل العربيه خالص بتنزل الدراع والعربيه مبطله مش دايره يعني فالمساحات بتترفع وتسبت فوق علي الزجاج فكده لما حد يمسحلك الزجاج ممكن عادي يرفع المساحات مش هيحصل حاجه ولكن لو عملت كده والعربيه دايره المساحات هتشتغل عادي

تسلم يا رب علي الرد السريع الوافي
و مبارك مقدما علي الفرش و الغطا و ربنا يبارك لك في العربية :b4_048::s_thum1[1]:

لا شكر علي واجب واي خدمه
والله يبارك فيك

[Hany Saad]

[QUOTE=mah_khourshid;3872594132]


انا كنت عايز اوضح انك لما تبطل العربيه خالص بتنزل الدراع والعربيه مبطله مش دايره يعني فالمساحات بتترفع وتسبت فوق علي الزجاج فكده لما حد يمسحلك الزجاج ممكن عادي يرفع المساحات مش هيحصل حاجه ولكن لو عملت كده والعربيه دايره المساحات هتشتغل عادي

مشكور جدا على التوضيح...يعنى ده أوبشن فى العربية هما عملينه إنك لو حركت دراع المساحة لتحت و العربية مش دايره المساحات تطلع سنه لفوق علشان تقدر ترفعها....

يا حلاوتك يا فلوانس....

[mah_khourshid]

[QUOTE=Meggieboy;3872594255]

انا كنت عايز اوضح انك لما تبطل العربيه خالص بتنزل الدراع والعربيه مبطله مش دايره يعني فالمساحات بتترفع وتسبت فوق علي الزجاج فكده لما حد يمسحلك الزجاج ممكن عادي يرفع المساحات مش هيحصل حاجه ولكن لو عملت كده والعربيه دايره المساحات هتشتغل عادي

مشكور جدا على التوضيح...يعنى ده أوبشن فى العربية هما عملينه إنك لو حركت دراع المساحة لتحت و العربية مش دايره المساحات تطلع سنه لفوق علشان تقدر ترفعها....

يا حلاوتك يا فلوانس....

تماااام كده ........هو ده قصدي

[fahmyd]

السلام عليكم
كنت عايز اسأل حضرتكم فيه أخبار عن التسليم يعنى فى حد التوكيل كلمه النهارده أو الطارق
للفئه 135000

[bukla]

السلام عليكم
كنت عايز اسأل حضرتكم فيه أخبار عن التسليم يعنى فى حد التوكيل كلمه النهارده أو الطارق
للفئه 135000

انا كلمت التوكيل انهاردة لان المفروض انا كنت استلم بكرة فكنت بأكد على الميعاد لكنهم قالوا لى ان لسة الاوراق بتاعة العربيات اللى فى الميناء ما وصلتش و قدامها لسة يومين ثلاثة يعنى شكلها على الاسبوع اللى جاى

[fahmyd]

انا كلمت التوكيل انهاردة لان المفروض انا كنت استلم بكرة فكنت بأكد على الميعاد لكنهم قالوا لى ان لسة الاوراق بتاعة العربيات اللى فى الميناء ما وصلتش و قدامها لسة يومين ثلاثة يعنى شكلها على الاسبوع اللى جاى

شكلهم كده هايدوخونا لان الطارق اكدلى على اكثر تقدير يكون يوم الخميس القادم
عموما ان شاء الله خير

[bukla]

شكلهم كده هايدوخونا لان الطارق اكدلى على اكثر تقدير يكون يوم الخميس القادم
عموما ان شاء الله خير

ان شاء الله
مستنى بقالى 3 شهور مافرقتش 3 ايام ربنا يصبرنا

[heromiro]

انا كلمت الطارق النهارده قالى يوم الخميس ان شاء الله

[Gabrial]

ألف مبروك يا جماعة ،إن شاء الله تستلموه جميعاً على خير.

[abbadr]

أولا بحب أشكر الاستاذ bukla لان الموضوع ده شكله هيبقى مرجع للفلوينس و لأي حد عايز يعرف حاجه عن هذه السيارة و طبعا مقدرش انسى الاستاذ خورشيد و الاستاذ وائل و ناس كتير شاركوا في هذا الموضوع . و كلنا تقريبا متفقين على أن العربية أكتر من رائعة كسعر و مواصفات و شكل فياريت يا جماعة نتكلم شوية عن عيوب العربية من وجهة نظر كل واحد . أنا بصدد اتخاذ قرار الشراء و عملت تست درايف للعربية و لأني مابسوقش اتوماتيك كتير حاولت أقارن بينها و بين عربيات تانية خلال الشهر ده و فعلا سوقت الكروز و الهوندا سيفيك و الجيتا بصراحة يا جماعة طلعة العربية تقيلة رغم كل الكلام اللي اتقال انها زي الالماني في الموضوع ده و ده اللي خلني أجرب اسوق الجيتا 2010 بتاع واحد زميلي في العمل بس اللي حسيته بكل أمانة أن الجيتا أخف منها و مضايقيتنيش خالص في الموضوع ده و الكروز معقوله جدا و الهوندا دي بقى تسارع غريب بالنسبة لعربية اتوماتيك . ( أنا بتكلم يا جماعة من حيث طلعة العربية فقط . طبعا الفلوينس تتفوق في حاجات تانية كتير ) يا جماعة أنا نفسي أجيب العربية و الموضوع ده مقلقني جدا و مش قادر مفكرش فيه . تاني حاجة التكييف معقول جدا بس ياريت برده تقولنا أخبارة ايه في الحر ده و هل فتحة التكييف الخلفية عاملة شغل كويس .. و غير كده موضوع سعر اعادة البيع ده مش قلقان منه خالص لأني مش ناوي ابيع العربية قريب و حتي لو فرقت هاعتبرها فرق لمتعة القيادة في الفلوينس .
ياريت تشاركوني في الموضوع ده ر ربنا يوفقنا جميعا, و الناس اللي حجزت العربية تستلم على خير ان شاء الله

[bukla]

أولا بحب أشكر الاستاذ bukla لان الموضوع ده شكله هيبقى مرجع للفلوينس و لأي حد عايز يعرف حاجه عن هذه السيارة و طبعا مقدرش انسى الاستاذ خورشيد و الاستاذ وائل و ناس كتير شاركوا في هذا الموضوع . و كلنا تقريبا متفقين على أن العربية أكتر من رائعة كسعر و مواصفات و شكل فياريت يا جماعة نتكلم شوية عن عيوب العربية من وجهة نظر كل واحد . أنا بصدد اتخاذ قرار الشراء و عملت تست درايف للعربية و لأني مابسوقش اتوماتيك كتير حاولت أقارن بينها و بين عربيات تانية خلال الشهر ده و فعلا سوقت الكروز و الهوندا سيفيك و الجيتا بصراحة يا جماعة طلعة العربية تقيلة رغم كل الكلام اللي اتقال انها زي الالماني في الموضوع ده و ده اللي خلني أجرب اسوق الجيتا 2010 بتاع واحد زميلي في العمل بس اللي حسيته بكل أمانة أن الجيتا أخف منها و مضايقيتنيش خالص في الموضوع ده و الكروز معقوله جدا و الهوندا دي بقى تسارع غريب بالنسبة لعربية اتوماتيك . ( أنا بتكلم يا جماعة من حيث طلعة العربية فقط . طبعا الفلوينس تتفوق في حاجات تانية كتير ) يا جماعة أنا نفسي أجيب العربية و الموضوع ده مقلقني جدا و مش قادر مفكرش فيه . تاني حاجة التكييف معقول جدا بس ياريت برده تقولنا أخبارة ايه في الحر ده و هل فتحة التكييف الخلفية عاملة شغل كويس .. و غير كده موضوع سعر اعادة البيع ده مش قلقان منه خالص لأني مش ناوي ابيع العربية قريب و حتي لو فرقت هاعتبرها فرق لمتعة القيادة في الفلوينس .
ياريت تشاركوني في الموضوع ده ر ربنا يوفقنا جميعا, و الناس اللي حجزت العربية تستلم على خير ان شاء الله

الشكر لله و زى ما قولت قبل كدة لا شكر على واجب لاحلى اعضاء فى احلى منتدى
اما بالنسبة لموضوع التقل فى طلعة العربية فانت احساسك صحيح انا كمان حسيت بنفس احساسك لما عملت اختبار القيادة لكن!
اولا لما قولت الملحوظة دى فى التوكيل اتقال لى ان الكومبيوتر الخاص بالعربية بعد وقت معين من استعمالك ليها بيبتدى يغير الاداء الخاص بالعربية بالشكل اللى يناسبك انا طبعا علشان لسة ما استلمتش العربية فمقدرش اقول الكلام دة صحيح ولا لأ ممكن الاساتذة وائل و خورشيد يقولولنا اخبار العربية اية من ناحية النقطة دى بالذات
ثانيا و زى ما قولت قبل كدة برضة الكمال لله وحدة و اذا كان دة حيعتبر عيب فى العربية فانا شخصيا قابلة لاكثر من سبب اهمهم انا العربية فيها تقريبا كل المميزات اللى انا عايزها من عربية لاسرة يمكن لانى سنى عدى ال 40 فما بقتش تفرق معايا حكاية الطلعة و التسارع قدام الراحة و الامان و النعومة و الفخامة و الوسع
اخر الكلام لازم كل واحد بيشترى عربية يبقى عارف انة حيتنازل عن حاجة قدام حاجة تانية ميقدرش يتنازل عنها وكل واحد بقى و رغباتة قدام امكانياتة

[heromiro]

اعتقد هيكون من عيوب الفلوينس استهلاك البنزين هيكون عالى و كمان قلقان شويه من موضوع التكيف على اعتبار الميجان تكيفها مكنش جامد

[wal]

موضوع الطلعة ياجماعة ميعتبرش مشكلة خالص وخصوصا لما تتعود على العربية مش هتحس بيها خالص بالعكس انا شايف ان اداء السيارة اتحسن جدا فى السحب وبقت طلقة والتكييف على فكرة جامد جدا وساقع واللى اقدر اؤكده لحضراتكم ان تكييف الفلوانس تم تعديله عن تكييف الميجان ليكون كفائته اعلى ودا من كلام واحد صاحبى مدير مركز صيانة رينو فى الرحاب

[bukla]

موضوع الطلعة ياجماعة ميعتبرش مشكلة خالص وخصوصا لما تتعود على العربية مش هتحس بيها خالص بالعكس انا شايف ان اداء السيارة اتحسن جدا فى السحب وبقت طلقة والتكييف على فكرة جامد جدا وساقع واللى اقدر اؤكده لحضراتكم ان تكييف الفلوانس تم تعديله عن تكييف الميجان ليكون كفائته اعلى ودا من كلام واحد صاحبى مدير مركز صيانة رينو فى الرحاب

يبقى نشطب على النقطتين دول (الطلعة و التكييف) الا اذا كان فية حد تانى يمتلك العربية لية رأى اخر
نشوف بقى عيب استهلاك البنزين هل هو فعلا عالى ودة اعتقد علشان يكون دقيق منعتمدش على كومبيوتر العربية لازم يتقاس بالطريقة البلدى وهى كالاتى
يتم تفويل العربية من محطة معينة مع الوقوف بجانب العامل اثناء التفويل علشان تتاكد انة فولها لغاية الزور و بعد كدة تقرأ العداد قبل ما تدور وبعدين تمشى مسافة محددة فلنقل 200 كيلو فى ظروف مختلفة و بعد كدة نروح نفول تانى و برضة لازم الوقوف بجانب العامل اثناء التفويل علشان تتاكد انة فولها لغاية الزور برضة و تشوف استهلكت كام لتر وبعد كدة الحسبة بقت بسيطة