::: أعطـــال الميجـــان من مالكى السيارة :::

[topgear]

شكرا جدا جدا ياباشا
وبالنسبه للتسريب خلاص مفيش تسريب ولا ايه و430 شامل كل حاجه

وموضوع الفتحه انا كان نفسى حضرتك لو لقيت اى حد النهارده فى المقابله عندوا فتحة سقف تشوفهاا وهيا مفتوحه بتتهز ولا ماسكه جامد لانوا هوا ده السبب اللى شخص بيه المهندس المشكله اللى هوا فتحها ولاقها بتتهز راح قالى عايزه تغيير قواعد

[Ahmed Selim]

العفو يا باشا
التسريب لحد دلوقتى مرجعش تانى بس أنا مستنى شوية و أشوفه تانى لأن ممكن التسريب يكون بيجيى مع الوقت.
الحاجة اللى مش ظريفة فى موضوع الترشيح أن مكان الترشيح بيكون فوق حساس السرعة و ممكن مع الوقت الوقت يبوظ الحساس و بدل ما تدفع تمن الكوعة بالجوان أو الجوان بس يبقى معاهم حساس سرعة كمان.

بالنسبة لموضوع الفتحة.....ما تشرفنا النهاردة و تشوف بنفسك ؟؟
عموماً انا بصراحة مش فاكر مين اللى عنده فتحة بس أن شاء الله هشوفهالك.

[Amr_Moh]

شكرا جدا جدا ياباشا
وبالنسبه للتسريب خلاص مفيش تسريب ولا ايه و430 شامل كل حاجه

وموضوع الفتحه انا كان نفسى حضرتك لو لقيت اى حد النهارده فى المقابله عندوا فتحة سقف تشوفهاا وهيا مفتوحه بتتهز ولا ماسكه جامد لانوا هوا ده السبب اللى شخص بيه المهندس المشكله اللى هوا فتحها ولاقها بتتهز راح قالى عايزه تغيير قواعد

عندك فكرة الاواعد ده بكام؟
لو أنا فهمك صح ده حتة كاوتش فالمجرة بتاعة السقف

[topgear]

عندك فكرة الاواعد ده بكام؟
لو أنا فهمك صح ده حتة كاوتش فالمجرة بتاعة السقف

هيا انا سالت عليها فى التوكيل قالى حوالى 750 والتركيب 150

بس مااظنش يااستاذ عمرو انها الكاوتش لا دى الحديده اللى عامله زى المفصله اللى ماسكه الفتحه نفسيها هيا المشكله

[samehkadous]

سوءال
حصلت معايا مرتين اليوم عند الضغط على startاسمع صوت زنة فقط والعربية لاتدور وفى ثانى اوثالث محاولة تدور عادى ياترى حد عنده فكرة ممكن يكون ايه مع العلم ان البطارية جديدة

[Amr_Moh]

اتأكد انك ديس فرامل كويس

[Sharky]

اتأكد انك ديس فرامل كويس

كلام مظبوط
إتأكد إنك دايس فرامل لحد ما دور السيارة

[Ahmed Selim]

دوسة الفرامل عادةً لازم تكون لأخر الدواسة.....ساعات بتبقى أنت مريح رجلك بس على الفرامل و العربية مترضاش تدور.......

جرب و قولنا أيه الأخبار

[samehkadous]

انا جربت كتيروبتدور عادى بس اما بدوس على الفرامل مهما كانت الدوسة خفيفة بتدور عادى برضة ومابيحصلش الى حصل قبل كده الى هو صوت زنة والعربية ماتدورش
ومن دلوقت هتاكد انى دايس جامد فى جميع الحالات وان حصلت تانى هقول لكم

[samehkadous]

حصلت معايا مرة تانية وسالت 16202 قال احتمال محتاج صيانة مارش

[thedoctor]

بتحدف شمال:
انا يا جماعه اشتريت الميجان عامله 4000كم يعني تقريبا زيرو وبعد حوالي عشر ايام ابتديت احس فيها برغبه في الدركسيون انه يميل شمال وخاصة في الطرق الوعره او المطبات.عملت كل حاجه من تغيير مكان الكاوتش الي الزوايا والتربيط والكشف علي ضغط العجل والعفشه.لكن مافيش فايده. في التوكيل طبعا عباقرة عملوا ايه؟نفخوا العجله الشمال علي34واليمين28 شفتوا بقى الحلول الجهنميه!!
العربيه مشت اسبوع تمام ولما ضغط الكاوتش اتغير رجعت الحدفه تاني.
واحد صاحبي عنده خبره في الرينو قاللي ان الشوارع عندنا معظمها مايل شمال والعربيه دي الاسكاتره بتاعتها حساسه والباور خفيف جدا فلازم تحس باي ميل في
الطريق.
انا ركبت ياباني كتير لكن عمري ماحسيت بكده والحكايه دي مجنناني وحتخليني اكره العربيه
علي فكره ان لقيت اخ في المنتدي عنده نفس المشكله يا تري لها حل ولا لأ افيدونا افادكم الله

[chato_eg]

لأ لسه ما حلتهاش...
هى بصراحة بتبان على السرعات المنخفضة
لو ماشى على ال 150 مثلا مش هتحس بيها

هى طبعا علشان العربية كلها مظبوطة فأنت بتحس بأقل حاجة غلط فيها...
و فعلا فى شوارع مش باحس فيها بالموضوع ده و بأكون مستغرب

و جربت أملأ الكاوتش نيتروجين لكن مالوش علاقة

لو حليت المسألة دى..أوعدك إنى هأقولك

[thedoctor]

شكرا يا اخ هاني وانا رايح التوكيل تاني يوم الاحد لو ظهر جديد حاقولك وحاجرب اتقل الرجلاش بتاع الاسكتره سنه صغيره......يمكن

[Ahmed Selim]

باشا

موضوع أن العربية حساسة جداً للميل بتاع الشارع ده مظبوط
زى ما هى حساسة لأقل حركة فى الدركسيون.

عموماً أنت روح التوكيل بتاع المقطم لو تعرف و أسأل على وائل ذكى وقوله أنك من المنتدى و ربنا يكرم أن شاء الله.

[tamer_samy]

انا كان عندي نفس المشكله لما اشتريت العربيه
روحت اظبط زوايا فقاللي العربيه كانت واخده مطب جامد لوح المساعد الامامي
غيرت المساعدين و الموضوع بقي تمام الحمد لله
ممكن برضه يكون في عندك جنط معووج ممكن يعمل الحتفه دي