::: أعطـــال الميجـــان من مالكى السيارة :::

[easy2002]

لأ وعلى فكرة انا عمي كان معاه الرينو السيدان مش الهاتش باك واول عطل طلع له ان لما كان بيشغل العربية اتحرق منه الفيوز بتاع التشغيل فغيروهوله ف الضمان بس العربية هنا مطلعه عينه أكتر من ال2004 بتاعتنا بمراحل وهي 2005
ممكن علشان تجميعها تركي

[Amr_Moh]

عندك فالسعودية بردو؟

[Ahmed Selim]

بسم الله ما شاء الله عائلة ميجانية...... :)

مش ملاحظ يا عمور أن مالكى الميجان فى السعودية زادو 3 أو 4 أفراد فى يومين ;)

[Amr_Moh]

اديهم إسبوعين كمان وحيحتلو الموقع

[easy2002]

لأ عمي ده هنا ف مصر وجايبها من مصر

انا متهيألي السيدان ف السعودية أسباني مش تركي

[Ahmed Selim]

السيدان فى العالم كله تركى
و الهاتش فرنساوى

[Amr_Moh]

لأ عمي ده هنا ف مصر وجايبها من مصر

انا متهيألي السيدان ف السعودية أسباني مش تركي

السيدان فى العالم كله تركى
و الهاتش فرنساوى

+11111
معتقدش في سيدان أسباني

[ahmedsaeed1966]

انا لسة شاري 2009 بعد ما اطمنت من زملاء لي في الشغل معاهم 2005 و 2008 و 2007 بس لما قريت رسائل الزملاء هنا بدات اخاف عموما ربنا يستر , انا ملاحظ اني لما باجيب r علشان ارجع للخلف صوت خشونة بيحصل او يعني الصوت بيختلف عن الd وال p بس العربية ماشية عادي , ياتري ايه النظام يااخواننا انا قلقان

[Amr_Moh]

وضح أكتر

[Sharky]

حضرتك من طبيعية فتيس الميجان ان فيه زنة خفيفة لما تجيب على الـ p و الـ r فهل حضرتك قصدك عليها و لا حاجة تانية ؟

[chato_eg]

لما تيجى تجيب ال r ...تأكد إنك دايس كويس على الفرامل و إن العربية فى حالة ثبات تام و العجل مش بيتحرك و لو بسيط علشان ممكن يحصل رجة فى حالة إنك نقلت على ال r العربية لسه العجل بتاعها بيتحرك للأمام.. و على كل فى صوت تكة فى الفتيس مميزة للنقل على ال r و على ال p غير النقلتين الأخريين ( d & n )...

[ahmedsaeed1966]

حضرتك من طبيعية فتيس الميجان ان فيه زنة خفيفة لما تجيب على الـ p و الـ r فهل حضرتك قصدك عليها و لا حاجة تانية ؟

انا مش باشعر بالزنة اللي حضرتك بتقول عليها في ال P باشعر في ال r بان الصوت حصل فيه تغيير وعلي فكرة العربية بتبقي راكنة يعني ثابتة , العربية عاملة 300 كيلو بس يمكن علشان لسة جديدة مش عارف
انا اشكركم علي تواصلكم معايا واتمني تطمنوني

[Sharky]

انا مش باشعر بالزنة اللي حضرتك بتقول عليها في ال p باشعر في ال r بان الصوت حصل فيه تغيير وعلي فكرة العربية بتبقي راكنة يعني ثابتة , العربية عاملة 300 كيلو بس يمكن علشان لسة جديدة مش عارف
انا اشكركم علي تواصلكم معايا واتمني تطمنوني

أان اسف قصدى الزنة دى بتبقى موجودة فى الـ d و الـ r

[Ahmed Selim]

معلش ممكن بعد أذنك توضيح أكتر

هو مجرد صوت زنة بسيطة و صوتها حاد
ولا صوت و بيحصل معاه رجة فى العربية مثلاً ؟؟؟

[Amr_Moh]

حضرتك من طبيعية فتيس الميجان ان فيه زنة خفيفة لما تجيب على الـ p و الـ r فهل حضرتك قصدك عليها و لا حاجة تانية ؟

أان اسف قصدى الزنة دى بتبقى موجودة فى الـ d و الـ r

الراجل بيئول صوت خشونة مش زنة