هل الفلونس كوريه؟

[wal]

انتو شاغلين دماغكو ليه تركى -كورى السيارة فى الاخر بتبقى تحت اشراف شركة رينو الفرنسية (الشركة الام) حتى لو كانت متقفلة فى الدويقة

[wawoo]

ملحوظه اضافيه للرد على حضرتك :
الفلونس مش تصميم رينو فالاصل .. بالعكس الفلونس اصلا تصميم شركه سمسونج الكوريه ورينو اخدتو منها بتعديل فالشبكه الاماميه .؟

يا نفر ..رينو هى اللى مصممة الفلونس و العربية نزلت باسم رينو لاول مرة فى معرض فرانكفورت اللى فات .

و زى ما هو مكتوب فى الخبر اللى عندك تحت كدة .انها النسخة السيدان من الميجان 3 الجديدة هما بس غيرو الاسم عشان الميجان تحتفظ بالاسم للنسخة الهاتش باك فقط .

يعنى الفولنس هى ميجان 3 نس بتعديلات عشان تكون سيدان ..بالضبظ زى ما عملو فى الميجان2 السابقة و نزلت مصر , و على فكرة الفلونس ببتباع فى فرنسا كمان و دة مكنش متوفر فى السيدان السابقة .

لو انت قصدك ان الجانب الكورى هو اللى صمم النسخة السيدان ..دة احتمال صعب جدا لانة معنى كدة ان فرنسا حتخرج التصميمات الاصلية لبلد تانية و تطور عليها و دة صعب جدا انة يحصل لان التصميم الاصلى ملك رينو فقط ..و هو اللى بيخرج منة النسخة الاستيشن و النسخة الكوبية و اى نسخة بعد كدة ..

لازم نفس الفريق اللى صمم الميجان 3 هو اللى يعدل التصميم لاى نسخة اخرى ..و فى حالتنا دى دة حصل فعلا و العربية نزلت باسم رينو فى المعرض لاول مرة .

ممكن بقى التصميم دة يتصنع بعد كدة فى اى بلد تحت اشراف رينو و باى اسماء اخرى و دة اللى حصل و الفلونس بتتصنع فى تركيا و كوريا و يمكن كمان البرازيل و روسيا ...

Renault Fluence

[wawoo]

على فكرة انا فاهم اللخبطة جاية منين ,لانى سامسونج السابقة كان الشاسية بتاعها من نيسان ..

لكن السامسونج الجديدة حيكون الشاسية بتاعها من رينو ميجان الجديدة ..عموما هى الشاسيهات بتاعت الشركتين "رينو و نيسان " بقيت متاحة لبعض .لكن بما ان الميجان تصميم جديد ..يبدو انهم قررو يعمموالتصميم على المودلات السيدان ..

يعنى تقدر تقول ان فى تعاون مع نيسان فى الفلونس دى و دة معروف و حتى الجير بوكس الجديد فى تعاوزن مع نيسان ..

يعنى الفلونس دى تصميم فرنسى بتكنلوجيا يابانى و تصنيع تركى و كورى ...حاجة كوكتيل خالص ..

[bukla]

كمان لو دخلت على موقع رينو العالميه هتلاقيهم مفسمين سياراتهم ل 3 مجموعات
سيارات رينو - سيارات رينو داتشيا ومنهم اللوجان - سيارات رينو سمسونج ومنهم الفلونس
اشمعنا بقى بنعتبر اللوجان رومانيه ومش بنعتبر الفلونس كوريه؟[/quote]

اسف كلام حضرتك مش مظبوط بالنسبة للنقطة دى الفلوينس تحت قسم الرينو مش تحت قسم رينو سامسونج

[amr.elsayed]

انتو شاغلين دماغكو ليه تركى -كورى السيارة فى الاخر بتبقى تحت اشراف شركة رينو الفرنسية (الشركة الام) حتى لو كانت متقفلة فى الدويقة

اجمد يا ووووول دة انت داخل على ايام مليانة معارك .... واستفسارات حتلاقى بعضها واقعى
وحتلاقى بعضها غريب .. اهم حاجة تتمسك بهدوئك
.............................................
وانا معاك فى المشاركة دة بقوة ... احنا ليه بنمسك فى بلد المنشأ ... احنا لينا العربية ...
لو العربية كويسة يبقى اهلا وسهلا ومرحبا بها اياكش تكون متصنعة فى بلاد الواك واك

[egytamer]

اغلب الشركات بتاخد اجزاء من بعض وبتخلي شركات تنتج اجزاء معينة لحسابها وبتشترك في اجزاء كتيرة علشان تقلل التكلفة فالمهم المستوي النهائي للعربية مش بلد التصميم لانها بتخضع لنظام رقابة صارم قبل الانتاج المهم المنتج النهائي والماركة مش مهم انتجت في اي بلد وكلنا شايفين تيوتا الي بتنتج في امريكا فيها مشاكل والي بتنتج في جنوب افريقيا سليمة والله اعلم

[neversighs]

انا مش فاهم ايه وجه الغرابه والاستفزاز من السؤال .. وهو عيب لو طلعت كوري ؟
طيب ياريت تطلع كوري بضمان رينو .. احسن متكون تركي بضمان رينو .
هو احنا قد الصناعه الكوريه ؟ ولا تركيا حتى قدها؟
ثم من حق اي حد يطرح اي سؤال .. هو ده منتدى ولا موقع دعاية عن الرينو؟
ليه احنا كمصريين دايما عاطفيين وبتبهرنا الاشكال ونندفع في مدح الشئ بدون تجربه وبعدين نكتشف ان احنا اتسرعنا - وده اللي بيخلي الوكلاء يتلاعبو بينا فالاسعار - زي ما حصل مع السيراتو واللي حاصل في منتدى الكيا خير شاهد.
الفلونس سياره جديده نازله شكلها رائع بلا شك لكن لسه قيد التجربه ممكن تطلع ممتازه وممكن تطلع العكس - كل شئ وارد - مين اللي قال ان كونها من رينو ده يحميها من النقد . ثم دي ساحة نقاش يعني كل واحد بيدلي بدلوه فالموضوع وفالنهايه الرؤيه بتضح للجميع.
وانا وضحت اكتر من مره ان الغرض من التساؤل عن جنسية السياره هو الحكم على سعرها مش الانتقاص من جودتها. خاصة اني شخصيا مقبل على شرائها .
لان طبعا تفرق لما تكون مكوناتها فرنساوي او كوري بغض النظر عن الجوده لكن لكل منها سعر
فليه يا اخوان الاستغراب والاستفزاز من السؤال؟

[bukla]

انا مش فاهم ايه وجه الغرابه والاستفزاز من السؤال .. وهو عيب لو طلعت كوري ؟
طيب ياريت تطلع كوري بضمان رينو .. احسن متكون تركي بضمان رينو .
هو احنا قد الصناعه الكوريه ؟ ولا تركيا حتى قدها؟
ثم من حق اي حد يطرح اي سؤال .. هو ده منتدى ولا موقع دعاية عن الرينو؟
ليه احنا كمصريين دايما عاطفيين وبتبهرنا الاشكال ونندفع في مدح الشئ بدون تجربه وبعدين نكتشف ان احنا اتسرعنا - وده اللي بيخلي الوكلاء يتلاعبو بينا فالاسعار - زي ما حصل مع السيراتو واللي حاصل في منتدى الكيا خير شاهد.
الفلونس سياره جديده نازله شكلها رائع بلا شك لكن لسه قيد التجربه ممكن تطلع ممتازه وممكن تطلع العكس - كل شئ وارد - مين اللي قال ان كونها من رينو ده يحميها من النقد . ثم دي ساحة نقاش يعني كل واحد بيدلي بدلوه فالموضوع وفالنهايه الرؤيه بتضح للجميع.
وانا وضحت اكتر من مره ان الغرض من التساؤل عن جنسية السياره هو الحكم على سعرها مش الانتقاص من جودتها. خاصة اني شخصيا مقبل على شرائها .
لان طبعا تفرق لما تكون مكوناتها فرنساوي او كوري بغض النظر عن الجوده لكن لكل منها سعر
فليه يا اخوان الاستغراب والاستفزاز من السؤال؟

مافيش استفزاز ولا حاجة لكن هو فعلا فية استغراب من الموضوع لسببين
زى ما سبق و قولت ان يعنى متبقاش العربية كورية الاجزاء و تنتج فى فرنسا او تركيا طب ما كانو ينتجوها فى كوريا اوفر
ثانيا ان المعلومات المقدمة غير دقيقة زى ما قولت سابقا

دخلت على موقع رينو العالميه هتلاقيهم مفسمين سياراتهم ل 3 مجموعات
سيارات رينو - سيارات رينو داتشيا ومنهم اللوجان - سيارات رينو سمسونج ومنهم الفلونس
اشمعنا بقى بنعتبر اللوجان رومانيه ومش بنعتبر الفلونس كوريه؟[/quote]

اسف كلام حضرتك مش مظبوط بالنسبة للنقطة دى الفلوينس تحت قسم الرينو مش تحت قسم رينو سامسونج

[neversighs]

مافيش استفزاز ولا حاجة لكن هو فعلا فية استغراب من الموضوع لسببين
زى ما سبق و قولت ان يعنى متبقاش العربية كورية الاجزاء و تنتج فى فرنسا او تركيا طب ما كانو ينتجوها فى كوريا اوفر
ثانيا ان المعلومات المقدمة غير دقيقة زى ما قولت سابقا

دخلت على موقع رينو العالميه هتلاقيهم مفسمين سياراتهم ل 3 مجموعات
سيارات رينو - سيارات رينو داتشيا ومنهم اللوجان - سيارات رينو سمسونج ومنهم الفلونس
اشمعنا بقى بنعتبر اللوجان رومانيه ومش بنعتبر الفلونس كوريه؟

استاذ بوكلا .. حضرتك مش مقصود من تعليقي وانا بتابع كل مشاركاتك باهتمام لان اسلوبك فيه احترام وسعة صدر .
بالنسبه للمعلومه اللي ذكرتها بخصوص درج الفلونس تحت سيارات رينو سمسونج فموقع رينو فعلا مش دقيقه وحصل عندي لبس فيها واعتذر عنها .
لكن حضرتك بردو ماتنكر انو منذ اللحظه الاولي لظهور السياره وكل المواقع بتذكر ان السياره تعاون بين شركه رينو وشركه سمسونج الكوريه بالاضافه ان الفلونس اللي رايحه الخليج مصنوعه في كرويا واتفضل شوف الرابط ده :
الكشف عن "رينو فلونس" المصممة للخليج بمعرض دبي للسيارات | سيارات | AMEinfo.com

اضف الى ذلك ان مصنع كوريا بيصنع لكن مصنع تركيا بيجمع .. عرفت يا اخي التساؤل جاي من فين؟

[bukla]

استاذ بوكلا .. حضرتك مش مقصود من تعليقي وانا بتابع كل مشاركاتك باهتمام لان اسلوبك فيه احترام وسعة صدر .
بالنسبه للمعلومه اللي ذكرتها بخصوص درج الفلونس تحت سيارات رينو سمسونج فموقع رينو فعلا مش دقيقه وحصل عندي لبس فيها واعتذر عنها .
لكن حضرتك بردو ماتنكر انو منذ اللحظه الاولي لظهور السياره وكل المواقع بتذكر ان السياره تعاون بين شركه رينو وشركه سمسونج الكوريه بالاضافه ان الفلونس اللي رايحه الخليج مصنوعه في كرويا واتفضل شوف الرابط ده :
الكشف عن "رينو فلونس" المصممة للخليج بمعرض دبي للسيارات | سيارات | AMEinfo.com

اولا انا مش بشكك فى نوايا حضرتك لمحاولة تقصى المعلومة الصحيحة لفائدة الاخوة اعضاء المنتدى المحترمين بل انا اشكرك لطرح وجة النظر بناء على المعلومة اللى قريتها فى الموقع دة
لكن انا قريت عن العربية دى كتير قوى بس فى مواقع غربية متنوعة و متعددة ملقيتش اى موقع منهم بيقول ان الفلوينس انتاج كورى او حتى مكونة من قطع مصنعة فى كوريا لكن كل اللى بيربط بين الفلوينس و السامسونج فقط تصميم العربية ال SM3 اللى تم تصميمة فى رينو سامسونج ثم تم تعديلة فى رينو فرنسا لانتاج شكل الفلوينس و يتم التصنيع فى تركيا بمكونات من مختلف بلدان العالم يعنى اجزاء من فرنسا و اجزاء من تركيا و اجزاء من المانيا زى الجيربوكس مثلا تم تطويرة للنسخة الاحدث من dp0 to dp2 فى المانيا
اخيرا اختلف الرأى لابد ان لا يفسد للود قضية و يمكن الموقع اللى حضرتك بتستشهد بية يكون معلوماتة مش دقيقة او حتى المواقع الغربية كذلك مش دقيقة لانى برضة قريت فيها ان العربية الفلوينس سوف تنتج فقط للبيع فى اسواق رومانيا و تركيا و اهى ابتدت تتباع عندنا فى مصر فكلامهم مش قرأن يعنى
لكن انا بقول لو حكمنا المنطق ان عادة العربية باجزاء كورية عمرها ما تنتج فى اوروبا لانها كدة تخصر معاهم لابسط سبب هو سعر اليد العاملة ف اوروبا اغلى من كوريا لكن العكس صحيح

[wawoo]

طيب ياريت تطلع كوري بضمان رينو .. احسن متكون تركي بضمان رينو .
هو احنا قد الصناعه الكوريه ؟ ولا تركيا حتى قدها؟

انا رايى يا نيفر ان تركى بضمان رينو احسن من الكورى ...و للاسباب :

-رينو التركى تقدمت جدا و واخدة دعم اكبر من رينو الكورية ...بدليل انها بتصنع كمان الكليو الاستشين و الكليو 4 الجديدة كمان حتخرج من تركيا "رغم اعتراض الحكومة الفرنسية " زى ما قولتلك قبل كدة .

- تركيا عندها صناعة حديد و صلب متقدمة و ايدى عاملة على مستوى عالى ..يعنى مستوى الخامات حيكون احسن دة غير ان قربها من اوروبا بيخلى شركات مغزية اوروبية كتير تساهم فى عملية الانتاج ..

- مش رينو الوحيدة الى بتصنع و تجمع فى تركيا كمان بيجو و مرسيدس و شركات اخرى بتعمل نفس الموضوع "مش متاح فى كوريا "

- تركيا بلد فيها اسلام و تعتبر دولة اسلامية "اولى بالدعم من الكوريين "

- لو كان الانتاج التركى مش قد كدة مكنتش فرنسا تدخل الفلوينس عندها هى و الكليو الاستيشن ..و كذلك رينو مكنتش صنعت الميجان 3 فى تركيا "و دة محصلش فى الكوريا "

- نسبة كبيرة من العمالة الان فى المصانع الالمانية من الاتراك "نظرا لسهولة استيراد العمالة من تركيا "

اعتقد تركيا فى طريقا انها تاخد مكان اسبانيا فى التصنيع للشركات الاوربية وذلك لجودة خماتها و رخص الايدى العاملة نسبيا.

[lotfic]

لحظة يا شباب
العربية رينو
سواء كوري و لا تركي فهي رينو
و الإسم في عالم الصناعة يعنى quality control هو ده اللي بيفرق بين الأسماء الكبيرة و الشركات الصغيرة فى سعر السيارة و في إنتشارها بالتأكيد
فبلاش نطول في هي كوري و لا تركي و هي 100 % تركي و لا لأ
عاوزين حد يجرب و يدي أخبار عن test drive للعربية

[neversighs]

لكن انا بقول لو حكمنا المنطق ان عادة العربية باجزاء كورية عمرها ما تنتج فى اوروبا لانها كدة تخصر معاهم لابسط سبب هو سعر اليد العاملة ف اوروبا اغلى من كوريا لكن العكس صحيح

تركيا مش اوروبا يا اخ بوكلا ولا رومانيا ولا روسيا بالرغم انهم دول اوروبيه لكن العماله فيها رخيصه يمكن ارخص من العماله فكوريا كمان . أضف الى ذلك قرب تركيا من منطقه الشرق الاوسط عن كوريا . فليه مايفكروش انتاجها فتركيا حتى لو مكوناتها كوري؟
- اعتقد كده ماتخسرش معاهم ولا حاجه -

[horas3000]

بص يا زعيم الموضوع مش بالسهولة دي

ده اصلا مشروع بين نيسان و رينو و سامسونج يعني ياباني فرنسي كوري مشترك فصعب تحدد جنسية العربية بالتحديد. و الفلونس المصنع الرئيسب المسئول عن تصنيعها هو التركي لان العربية مخصصة للاسواق النامية و صعب تجميعها في اوروبا لان ده هيرفع سعرها.

اما الموقع اللي انت جبته و بيقول ان الخليجي هيبقي كوري فاسمحلي الموقع ده شكلهم بيفتوا. اولا قالك صممت للخليج و ده غير صحيح طبعا و اصلا رينو و الفرنساوي عموما ليس لهم اي شعبية في الخليج فازاي رينو هتصمملهم عربية مخصوص. و عندك الرينو سافران و اللي هي سامسونج برضة تسمع حسك مفيش حد اشتراها تقريبا مع ان العربية مش بطاله و سعرها معقول و التوكيلات زهقوا يفهموا الناس انها متور نيسان بس برضة علامة الرينو ليها تاثيرها.

العربية دي لو نزلت الخليج هيبقي تحت اسم نيسان صني و ساعتها هتيجي من كوريا بالفعل

[bukla]

لحظة يا شباب
العربية رينو
سواء كوري و لا تركي فهي رينو
و الإسم في عالم الصناعة يعنى quality control هو ده اللي بيفرق بين الأسماء الكبيرة و الشركات الصغيرة فى سعر السيارة و في إنتشارها بالتأكيد
فبلاش نطول في هي كوري و لا تركي و هي 100 % تركي و لا لأ
عاوزين حد يجرب و يدي أخبار عن test drive للعربية

اختبار القيادة تم و تفاصيلة فى الرابط دة

http://www.nilemotors.net/Nile/128943-a.html