هل الفلونس كوريه؟

[neversighs]

ايوة و اللى راكب مرسيدس او بى ام متجمعة فى مصر دى مش المانى ..دى من 6 اكتوبر ...

مش فاهم احنا وصلنا لاية من كل الحوار دة

تفرق طبعا .. مكونات المانيه متجمعه فمصر عن مكونات كوريه متجمعه فتركيا .
انت منفعل ليه يا واو ؟
الان اي شخص مقبل على شراء سياره بيكون معاه مبلغ معين بيحاول يجيب بيه افضل سياره ممكنه
وبالتالي بيضطر يقارن بين السيارات المختلفه اللي في حدود الميزانيه بتاعاتو .
لما تكون الفلونس مكوناتها كوري يبقى المنطق يقول انها تتقارن بالكروز والسيراتو فالحاله ده تبقى غاليه عنهم .
اما اذا كانت المكونات فرنسيه او اوروبيه بشكل عام اوحتى يابانيه يبقى هتتقارن بالجيتا والفوكس وفالحاله ده تبقى صفقه رابحه بالنسبه لسعرها . وده كلو مش جديد ومنطقي جدا ..
احنا وصلنا ان تصميم الفلونس كوري والتجميع تركي باقي نتأكد من جنسية المكونات . وللمره المليون بقول علشان نحكم على السعر مش الجوده .

[wawoo]

احنا وصلنا ان تصميم الفلونس كوري والتجميع تركي باقي نتأكد من جنسية المكونات . وللمره المليون بقول علشان نحكم على السعر مش الجوده .

انت اللى وصلت لوحدك ..برغم انى وضحتلك بالصور و بالادلة انها مش تصميم سامسونج ولا نيسان حتى ..

و ياريت تجاوبنى بوضوح .."مين اللى مصمم طبلوة السامسونج اللى فوق دة "

[abou_ruqi]

على كدة اللى راكب جيتا فاكر نفسة راكب المانى علشان هى بتنتج فى البرازيل و بعدين حضرتك ماديتناش اى معلومة موثقة او من مصدر موثوق فية تثبت بيها كلامك

دا أنا الوحيد اللي اديت معلومة موثقة !! أنا الوحيد اللي حاطيت رابط لصفحة الويكييبديا الخاصة بالـ sm3 !!!!
إنت عدائي ليه كده بدون مبرر ؟؟؟

أما بالنسبة للجيتا أنت شايف إن دور البرازيل في الفولكس فاجن هو نفسه دور كوريا في الشيفورليه ؟؟؟

البرازيل بتجمع الفولكس , أما كوريا فبتصنع الشيفورليه (دايو سابقاً)

فرق كبير بين التجميع و التصنيع

[wawoo]

دا أنا الوحيد اللي اديت معلومة موثقة !! أنا الوحيد اللي حاطيت رابط لصفحة الويكييبديا الخاصة بالـ sm3 !!!!
إنت عدائي ليه كده بدون مبرر ؟؟؟
,

هى صفحة الويكيبديا معجزة يعنى ان حد يوصلها .. اية بقى المعلومة الى انت وصلتلها او فهمتها من الصفحة !!!؟؟

[neversighs]

انت اللى وصلت لوحدك ..برغم انى وضحتلك بالصور و بالادلة انها مش تصميم سامسونج ولا نيسان حتى ..

و ياريت تجاوبنى بوضوح .."مين اللى مصمم طبلوة السامسونج اللى فوق دة "

على حد علمي والمذكور عالنت ان ال sm3 واللي متاخده منها الفلونس هي من تصميم شركه سمسونج الكوريه .
جايز حضرتك بتسأل السؤال ده علشان ترجع تقول ان الميجان هتش باك 3 فيها نفس التابلوه وده لازم يكون تصميم رينو الفرنسيه.
هقولك التابلوه هوهو اللي موجود في SM3 وطبعا ده ظهرت قبل الفلونس والميجان 3 .
ثم حضرتك ليه مصر في تناول موضوع التصميم مع انو امر مفروغ منو انو تصميم سمسونج الكوريه - الموضوع الان انحصر في مكونات السياره .

[wawoo]

هقولك التابلوه هوهو اللي موجود في SM3 وطبعا ده ظهرت قبل الفلونس والميجان 3 .
ثم حضرتك ليه مصر في تناول موضوع التصميم مع انو امر مفروغ منو انو تصميم سمسونج الكوريه - الموضوع الان انحصر في مكونات السياره .

يعنى يا نفر انت عاوز تقول الاتى :

1- ان رينو اخدت تصميم الطبلوة من سامسونج و نازلة فى الميجان 3
2- ان السامسونج sm3 نزلت قبل الميجان 3

هو دة كلامك و لا انا فهمت غلط ..يارت تجاوبنى "بنعم ام لا "

[neversighs]

يعنى يا نفر انت عاوز تقول الاتى :

1- ان رينو اخدت تصميم الطبلوة من سامسونج و نازلة فى الميجان 3
2- ان السامسونج sm3 نزلت قبل الميجان 3

هو دة كلامك و لا انا فهمت غلط ..يارت تجاوبنى "بنعم ام لا "

انا مش فاهم ليه يا واو انت واخد المسأله تحدي !!
يا اخي انا مش مسئول في شركة رينو انا زيي زيك باخد معلوماتي من مواقع الانترنت وهدفي الوصول للمعلومه الصح اللي هيتبني عليها قرار بالشراء.
المعلومه اللي عندي ان تصميم السياره فلونس التركيه متاخد من السياره sm3 المصممه والمصنعه في شركه سمسونج الكوريه .
اللي فات ده كلام مكتوب في المواقع . اما مسأله التابلوه لم اقرا عليها شئ . هل هو مندرج مع التصميم ولا لأ معرفش . بس بالاستنتاج - بقول بالاستنتاج - بما ان السياره التركيه متاخده من الكوريه والاتنين نفس شكل التابلوه يبقى التابلوه من سمسونج بردو .
ولو عند حضرتك معلومه اكيده في هذا الشأن انا اول المرحبين بيها .ولو اني مش فاهم ده كلو ايه علاقتو بالموضوع .
حضرتك الان معترض على فكره ان الفلونس مكوناتها كوري وبتقول المكونات الاساسيه فرنساوي .
يا ريت حضرتك تثبت الكلام ده . بالعكس اتمنى ذلك , ياريت متورها فرنساوي والجيربوكس الماني - كده الواحد يشتريها وهو مطمن .

[horas3000]

اقول تاني

ده اصلا مشروع بين نيسان و رينو و سامسونج يعني ياباني فرنسي كوري مشترك

اما مين اللي مصمم الطبلون فهو واحد من ضمن الفريق المكلف بتصميم العربية كلها و في اعتقادي الشخصي انه او انهم من فرنسا بحكم ان رينو هتنزله في الميجان برضة

[neversighs]

علشان اريحكوا من الجدل الغريب دة انا بعت ايميل لشركة رينو فى فرنسا سألتهم فية عن الفلوينس من ناحية مصدر انتاج مكوناتها و علاقتها بالسامسونج الكورى و اتمنى انهم يردوا لحسم هذا الجدل القائم من غير اى اساس او معلومة موثقة

فكره ممتازه يا بوكلا بس ياريت يردو عليك لاني اتصور ان معلومه زي كده تعتبر سر حربي عند الشركه .

[abou_ruqi]

يا جماعة بجد أنتوا هجوميين بدون داعي فعلا , وحاسس إنكم قسمتوا المشتركين في الموضوع لفريق شايف إن ميجان 3 تصميم رينو فرنسا وفريق شايف إنها تصميم رينو سامسونج الكورية

فلو حتفضلوا على كده وحنخسر بعض بسبب عربية أنا شايف الموضوع يتقفل احسن

فممكن نهدى شوية ؟

شوفوا كده الرابط ده كده

Samsung SM3 2010 (the Megane III Sedan Korean) new images and data : All automotive car reviews blog

بيقولك

The Korean subsidiary of Renault, Samsung , presented new images of their SM3 2010 , a model that had virtually all of the future Megane III Sedan to show the French firm in Frankfurt this year.

سامسونج الكورية التابعة لرينو قدمت صور لـ SM3 2010 الموديل اللي مستقبلا سيقدم في فرانكفورت على أنه ميجان 3 من قبل الشركة الفرنسية

الموضوع بتاريخ 6-2009 يعني من سنة


يعني العربية سامسونج أصلا و حتتقدم على إنها ميجان 3

مسألة التصميم بلده إيه , دي ما تفرقش في حاجة , يعني ما يهمناش قوي لإن تصميمات العربيات بيتم في بيوت خبرة خاصة بالتصميم فقط لا غير و غالبا ما بتكون من خارج الشركة المصنعة Outsourcing
وأغلب السيارات الكورية بيتم تصميمها خارج كوريا , مثلا دايو كانت تصميم جيرجيتو جوجيارو في إيطاليا , كيا بيتم تصميمها في بيت خبرة كيا في الولايات المتحدة هيونداي ماتريكس تصميم بنيني فيريرا في إيطاليا و هكذا

التصميمات الشركة بتشتريها جاهزة من أي مكان , وهذا لا يعني إن العربية من إنتاج البلد إللي صممتها و إلا لأعتبرنا اللانوس إيطالية

المشكلة فين بقه أنا مش فاهم بصراحة , حاليا صعب قوي يكون بلد المنشأ هو جنسية الماركة لإن العربية الواحدة بيشترك فيها عدة شركات من عدة دول , ويبقى بلد المنشأ على الورق الرسمي هو أخر بلد يتم التصدير منها يعني بلد التجميع النهائي للعربية

يعني الفلونس رسميا هي عربية تركية و صعب قوي تحصر كل الدول اللي اشتركت في التصنيع قبل تركيا
والفولكس برازيلي وصعب تحصر كل الدول اللي مشتركة في العربية قبل البرازيل

ومش سرإذا قلتلكم إن الصين شريك رئيسي في كل العربيات اللي شايفنها سواء بمكون صغير لا يذكر أو عدة مكونات مؤثر حتى لو كانت العربية بي ام

فموضوع بلد المنشأ ده ما يشغلكوش قوي لإن حاليا مفيش حاجة اسمها عربية فرنساوي 100% و عربية ياباني 100% و عربية كوري 100%

[neversighs]

عندي احساس - إلى أن يثبت العكس - إن الفلونس دي مكوناتها تركي x كوري فقط ولا تحمل من فرنسا سوى علامة الرينو .

[wawoo]

انا مش فاهم ليه يا واو انت واخد المسأله تحدي !!
يا اخي انا مش مسئول في شركة رينو انا زيي زيك باخد معلوماتي من مواقع الانترنت وهدفي الوصول للمعلومه الصح اللي هيتبني عليها قرار بالشراء.
.

يا اخى العزيز الموضوع مش حكاية تحدى و غيرة ..و انا كمان باخد معلوماتى من الانترنت لكن المعلومات لازم تعملها فلتر عقلانى شوية ..يعنى ازى رينو حتاخد تصميم الميجان 3 من كوريا .

شوف يا اخى انا حقولك على استنتاجاتى بعد المعلومات اللى وصلتلها :

- الميجان 3 متصممة بالكامل فى رينو فرنسا "رينو عندها مركز تصميم على اعلى مستوى فى قلب باريس نفسها" من جوة و من برة و دى النسخة الهاتش باك اللى بتحمل تاريخ الميجان كلها ..و بيتم تصنعها فى فرنسا و اسبانيا و تصدرها لدول اوروبا الغربية .

- الفلونس و السامسونج الجديدة تم تطورهم من خلال عمل تعديلات فى الميجان 3 عشان العربية تكون العربية سيدان و يتم تصنعها فى كوريا و تركيا و دول اخرى عشان تسوق فى كوريا و تركيا و كل الدول اللتى تفضل السيدان .

معلومات مؤكدة :

-الفلونس و السامسونج سيارة واحدة تم تطورها و تصميمها من الاصل "ميجان 3 " بمعرفة 400 مهندس من رينو فرنسا و اليابان و كوريا ..

- شاسية الفلونس و السامسونج مطور من شاسية النيسان سفلى الللى نزلت مصرمن فترة "تمنها كان فوق "ال170" لانها يابانى .

- شركة سامسونج دى ممكلوكة بنسبة 80% لرينو ...يعنى اى حاجة تطلع منها هى رينو فعلا لكن باسم سامسونج للحفظا على العلامة التجارية فى كوريا ..

...
نجى بقى للمهم و هو مكونات السيارة .. وهى المعلومات اللى تهمنى و تهمك .

الاكيد ان السامسونج و الفلونس سيارة واحدة ..لكن السامسونج بتصنع فى كوريا و الفلونس فى تركيا ..
يبقى الخلاصة انك حتلاقى فى السامسونج معظم مكونتها كورى ..بينما الفلونس حتلاقى معظم مكنوتها تركى .
حتقولى و اية اللى يمنع ان التركى يكون فيها مكونات كورى او حتى العكس الكورى يكون فيها مكونات تركى ..حقولك مافيش ما يمنع خالص غير ان العملية عملية اقتصادية بحتة ...يعنى لو فى قطعة مش بتتصنع فى تركيا من مصانع مغزية قريبة ممكن تجى من كوريا "مافى اى مشكلة " وكمان العكس صحيح بالنسبة للنسخة الكورى ..

يعنى الخلاصة ان النسخة التركى معظم مكونتها حتكون من تركيا و ممكن بعضها من كوريا و بعضها من فرنسا او اى دولة اخرى رينو بتصنع فيها اى قطع مغزية .

يعنى انت فى الاخر بتاخد عربية بضمان من رينو بغض النظر مكونتها اتصنعت فى كام دولة و هى سياسة جميع الشركات فى الوقت الحالى , اما انك عاوز تعرف فيها كورى اد اية و تركى اد اية و الموتور و خلافة متصنع فين ..اجابة الاسئلة دى مش حتلاقيها على النت حتلاقيها عند ادارة التصنيع فى رينو الفرنسية ...

لكن تقدر تعرف بعض المعلومات لان رينو تركيا مثلا بتصنع الشاسية و بتصنع جسم السيارة و بتصنع اجهزة التعليق و الكليو والكليو استيشن و الميجان السابقة كل دة سيارات رينو خرجت من تركيا قبل كدة و بعضها كمان نزل فرنسا دة غير ان الكليو4 الجديدة خالص اللى حتخرج من عندهم كمان .

لكن بدل ما تحير نفس فى كل المتاهة دى ..العربية موجودة و تقدر تشوفها بنفسك و تحكم بنفسك على المستوى بتاعها و على ادئها بعد كدة من تجارب اصحبها اللى اشتروها ..و انت تقرر بقى مستوها يكون فين بالنسبة للكورى و بالنسبة للاوروبى و هل سعرها مناسب ولا لاء بالنسبة لكل دة .

[adventurer]

السلام عليكم اسمحوا لى بالمداخله املا الشركات دى قامت بغرض الكسب ف
اى حاجه تجيب لهم مكسب اكتر هيعملوه من غير الاضرار بسمعه الشركه مثلا الجيتا عباره عن جولف بشنطه بعد نجاحها فى العالم كله حاولوا يسوقوها فى امريكا فشلت ولما عملوا تقصى عرفوا ان الامريكان بيفضلو العربيه بشنطه فعدلوا الجولف وذودوها بشنطه وعلشان التكلفه عملولها مصنع مخصوص فى المكسيك بتطلع منه كل الجيتا وبس والى مش مصدق يفتح كبوت الجيتا على الكارتير اليمين هيلاقى المكسيك كمان اللى معاه فيكترا الشكل الجديد المانى لو بص على حزام المان هيلاقيه صناعه رومانى فى اسفل تثبيته بأرضيه السياره كمان واحد من الاخوه راسل شركه اسكودا علشان يعرف الاوكتافيا صينى ولا لا ردت عليه الشركه بأن السياره تشيكى ويتم التعامل مع بعض المكونات الصينينه تخيل الاوكتافيا بكل جودتها تحوى مكونات صينيه يبقى الفكره مش بلد التصميم او المكونات وانما مصلحتى فين وذوقى ايه انا مصلحتى عربيه على ذوقى بثق فى ان والدها الشرعى مختارلها افضل مكونات مش بخلان عليها يعنى ومحل ثقه عندى ـ الصانع يعنى ـ من خلال السمعه وتوكيل محترم مش كل حاجه يقولى عيب مستخدم والباقى مش مهم

[neversighs]

انا شايف ان كل ارائنا مبنيه على استنتاجات ومفيش شئ مؤكد .
هنترك الأيام هي اللي تحكم على السياره ده.
اتمنى تكون جودتها على مستوى شكلها الرائع .وتبقى الفلونس عند حسن ظن الجميع.

[wawoo]

انا شايف ان كل ارائنا مبنيه على استنتاجات ومفيش شئ مؤكد .
هنترك الأيام هي اللي تحكم على السياره ده.
اتمنى تكون جودتها على مستوى شكلها الرائع .وتبقى الفلونس عند حسن ظن الجميع.

يعنى بعد كل المعلومات اللى جبتهالك دى ..رايك انها استنتجات...