عاوز اركب ارضيه جلد للعربيه بنفسى

[zkralla]

عاوز اركب ارضيه جلد للعربيه بنفسى ( كان فيه موضوع فى المنتدى بيتكلم عن كده وطريقته أنا شايف أنها سهله
بس المشكله فى فك الكراسى والكنبه
حد عنده فكره ازاى افك الكراسى الاماميه والكنبه

[alex_life1989]

تقريبا يا باشا حتبقى صعب اوى فكرة زى دى

[abotasneem]

انا مانصحش بكدة ، انا لما ركبت الارضية الجلد دى الصنايعى قعد فيها يوم كامل والموضوع مش سهل خالص و فيه تفصيل و خياطة كدة .
بس عموماً ربنا يوفقك.

[zkralla]

تقريبا يا باشا حتبقى صعب اوى فكرة زى دى

انا مانصحش بكدة ، انا لما ركبت الارضية الجلد دى الصنايعى قعد فيها يوم كامل والموضوع مش سهل خالص و فيه تفصيل و خياطة كدة .
بس عموماً ربنا يوفقك.

الف شكر على اهتمامكم
بس فيه كذا واحد عمل الحكايه من الاعضاء وبيقولوا الموضوع مش صعب قوى وموضوع الخياطه والتفصيل مش بيبقى الا لو عاوز تعمل الارضيه حته واحده وعرض القماش ما اضاش معاك يبقى هتركب قطعتين فى بعض ممكن تخيطهم عند أى حد بعد ما تأخد المقاس كويس
ده رابط الموضوع

http://www.nilemotors.net/Nile/113515-a.html

[amruzo]

عايز اقولك حاجه في مثل مصري بيقول ادي العيش لخبازه

[cementman]

ممكن تعمل الموضوع ده من باب المتعة لكن ممكن تزهق
ساعتها الصنايعى هيبيع و يشترى فيك و تبقى مضطر تعملها عند أول واحد تقابله

[zkralla]

عايز اقولك حاجه في مثل مصري بيقول ادي العيش لخبازه

المشكله لما يكون فيه خباز كويس وميغلبكش غير أنك هتضيع يوم كامل عند الصنايعى
بص أنا عندى سروجى قالى جيب الخامات ويأخذ 50 جنيه يعنى مش مشكله بس انا ليه مزاج اعمل الموضوع بنفسى خاصتا أن الموضوع سهل مش محتاج صنيعى

[zkralla]

ممكن تعمل الموضوع ده من باب المتعة لكن ممكن تزهق
ساعتها الصنايعى هيبيع و يشترى فيك و تبقى مضطر تعملها عند أول واحد تقابله

بالظبط كده هو الموضوع ليه هدفين اولا أنا بحس بمتعه لما اعمل حاجه بأيدى
ثانيا عشان الصنايعى كده كده بيكرهك فى الدنيا ( الا من رحم ربى )وأنا بصفه عامه مش باحول استعين بصنيعى فى أى حاجه حتى فى البيت الا فى الحاجات المعقده الى مش أى حد يقدر يعملها أو الحاجات الى فيها بهدله


مفيش حد يعرف طريقه فك الكراسى ازاى

[huseinshawky]

فعلا الموضوع صعب و منصحش حد يعملوا لوحده

[adhamsabry51]

بص يا باشا نصيحه لوجه الله بلاش تعمل كده انا اعرف واحد راح ركبها عند صنايعي مش قد كده و اهو اسمه صنايعي يعني عمل الموضوع دغ قبل كده و العربية عملت برومه من تحت الجلد ده في الأرضيه و طبعا عفن في الموكيت و بقت شغلانه كبيرة فالأحسن روح عند حد الناس تعرفه و جربته وخليه هو يعملهالك

[zkralla]

يعنى كل الناس اجتمعت بلاش الموضوع ده
يبقى أنا مع رأى الجماعه ومش عامل الموضوع خلاص
بس ياريت برضه الى عنده فكره عن طريقه فك الكراسى والكنبه يقولها من باب العلم

[Egyzizo]

أنا كنت واقف مع السروجى وهو شغال .. الفك بسيط ..
الكراسى الأمامية بمسامير مثبتة فى الأرض ، بس مش عارف عندك المفتاح اللى مقاسها واللا لأ ..
والكنبة هى اللى فيها تكة كده إن ليها مشأبية عايزة فن شوية فى تخليصها

[Super_Star_h]

الكرسيين اللى قدام فى كل كرسى 2 قضيب ماشى عليهم
حتى لو جيت ترجع وتقدم الكرسى هتلاقى طبعآ ماشى عليهم رايح جاى رايح جاى
المهم بص على القضيبين دول هتلاقى عند بداية كل قضيب مسمار
وفى اخر القضيب من ورا مسمار
يعنى الكرسى فيه 4 مسامير
بس مش بيتفكو بمفك لانهم عايزين مفك اللى هو شبه الالنكيه
بس المثلث اللى فيه 8 زوايا .. انما الالنكيه 4 زوايا بس
المهم اسأل عليهم هما بيتباعو بالطقم اشترى طقم هينفعك
لان العربيه كلها مساميرها كده
فكهم وارفع الكرسى بأيديك هتلاقيه اترفع
بس فى جنب الكرسى حته بلاستيك ( الجناحات ) دى ليها مسمار ( مفك صليبه )
وهتشيل برضو الحته اللى فى النص اللى هى قاعدة الفتيس كلها بالزراير بتاعة الازاز اللى ورا
برضك مسامرهم فى الاخر كده مكان مخرج هوا التكييف من تحت ( مفك صليبه )
الكنبه اللى ورا دى بقى بتطلع عافبه .. وتدخل حشر
لو فتحت الشنطه ورا هتلاقى الكنبه داخله حشر ما بين صاج العربيه
ودى تركيبها وحلها صعب لازم يكون حد معاك عشان يساعدك
وبعد كده خلاص فكيت الكراسى كلها والبلاستيكه بتاعة الفتيس بالطفايه بالولاعه بكله
هتلاقى العربيه طبعآ على الفرش بتاعها الاصلى ( اللى هو الموكيت )
تركيب الجلد بقى شغلانه لانك هتفك كمان الجلد بتاعة الباب من تحت كلها
عشان تدخل من تحتها الجلد بتاع الارضيه
وعلى فكره العربيه ارضيتها فيها عالى وواطى كتير اوى اوى
يعنى مش هينفع تجيب جلد وتحطه حته واحده كده
السروجى بيقطع الجلد وياخد المقاس ويخيط وبعدين يركب ويلصق حتت معينه بالكوله
نصيحه منى عليك ان تتقبلها او لا
بلاش تعمل الحوار ده عشان مش هتعرف تعمله
ولو عملته شغلك مش هيطلع مضبوط فيها
مش هتخسر حاجه اما تروح لسروجى وتقوله محتاجه كام متر جلد
يا تجيبه انت على حسابك وتنقى النوع اللى انت عايزه
يا اما تسيبه هو يشتغل فيها برحته
على فكره انا لما عملت جلد عند السروجى قعدت جمبه 24 ساعه وهو بيعملها
لدرجة انى كنت بساعده فى الشغل بتاع العربيه كله
والموضوع صعب جدآ جدآ ومعقد
وربنا يوفقك يا معلم

[aelhossan]

طب لو الجلد باظ يا معلم هتعمل ايه؟؟؟؟؟؟؟؟

[Eng.Geo]

الكرسيين اللى قدام فى كل كرسى 2 قضيب ماشى عليهم

حتى لو جيت ترجع وتقدم الكرسى هتلاقى طبعآ ماشى عليهم رايح جاى رايح جاى
المهم بص على القضيبين دول هتلاقى عند بداية كل قضيب مسمار
وفى اخر القضيب من ورا مسمار
يعنى الكرسى فيه 4 مسامير
بس مش بيتفكو بمفك لانهم عايزين مفك اللى هو شبه الالنكيه
بس المثلث اللى فيه 8 زوايا .. انما الالنكيه 4 زوايا بس
المهم اسأل عليهم هما بيتباعو بالطقم اشترى طقم هينفعك
لان العربيه كلها مساميرها كده
فكهم وارفع الكرسى بأيديك هتلاقيه اترفع
بس فى جنب الكرسى حته بلاستيك ( الجناحات ) دى ليها مسمار ( مفك صليبه )
وهتشيل برضو الحته اللى فى النص اللى هى قاعدة الفتيس كلها بالزراير بتاعة الازاز اللى ورا
برضك مسامرهم فى الاخر كده مكان مخرج هوا التكييف من تحت ( مفك صليبه )
الكنبه اللى ورا دى بقى بتطلع عافبه .. وتدخل حشر
لو فتحت الشنطه ورا هتلاقى الكنبه داخله حشر ما بين صاج العربيه
ودى تركيبها وحلها صعب لازم يكون حد معاك عشان يساعدك
وبعد كده خلاص فكيت الكراسى كلها والبلاستيكه بتاعة الفتيس بالطفايه بالولاعه بكله
هتلاقى العربيه طبعآ على الفرش بتاعها الاصلى ( اللى هو الموكيت )
تركيب الجلد بقى شغلانه لانك هتفك كمان الجلد بتاعة الباب من تحت كلها
عشان تدخل من تحتها الجلد بتاع الارضيه
وعلى فكره العربيه ارضيتها فيها عالى وواطى كتير اوى اوى
يعنى مش هينفع تجيب جلد وتحطه حته واحده كده
السروجى بيقطع الجلد وياخد المقاس ويخيط وبعدين يركب ويلصق حتت معينه بالكوله
نصيحه منى عليك ان تتقبلها او لا
بلاش تعمل الحوار ده عشان مش هتعرف تعمله
ولو عملته شغلك مش هيطلع مضبوط فيها
مش هتخسر حاجه اما تروح لسروجى وتقوله محتاجه كام متر جلد
يا تجيبه انت على حسابك وتنقى النوع اللى انت عايزه
يا اما تسيبه هو يشتغل فيها برحته
على فكره انا لما عملت جلد عند السروجى قعدت جمبه 24 ساعه وهو بيعملها
لدرجة انى كنت بساعده فى الشغل بتاع العربيه كله
والموضوع صعب جدآ جدآ ومعقد
وربنا يوفقك يا معلم

+111111111111
انما الكنبة ممكن تتفك عادي مش خناقة يعني
هي متثبتة بأربع مسامير برده بس مكانهم في الحتة اللي طالع منها الجزء اللي بيركب فيه حزام الامان
بتفكهم وخلاص شد