تجربتى مع الفلوانس

[neversighs]

انا كنت عايز اعرف يا استاذ wal هل غسلت الموتور بتاع الفلونس ولا لسه. وناوي تغسله في التوكيل ولا بره انا بسئل السؤال ده عشان الموضوع الكل عرفه بتاع الاسلاك البينه في الموتور

بمناسبه الاسلاك الباينه .. هل ممكن شراء غطاء الموتور من التوكيل؟

[wal]

ربنا ياركلك فيها

ألف مبروك يا أستاذ وائل ،ربنا يديك خيرها و يكفيك كل شرها .

الله يبارك فى حضراتكم شكرا

انا كنت عايز اعرف يا استاذ wal هل غسلت الموتور بتاع الفلونس ولا لسه. وناوي تغسله في التوكيل ولا بره انا بسئل السؤال ده عشان الموضوع الكل عرفه بتاع الاسلاك البينه في الموتور

انا لسه ماغسلتش الماتور بس لو فكرت فى الموضوع دا هيبقى فى التوكيل طبعا مستحيل اغسل ماتور الفلوانس فى بنزينة دا انا ماعملتهاش فى الالنترا يبقى هعملها فى دى

الف الف مبروك يا مان علي العربيه و اختيار موفق ان شاء الله تابع الصيانه في التوكيل و العربيه هتبقا معاك تمام لغايت ما تزهق انت منها

الله يبارك فى حضرتك وفعلا الصيانات فى التوكيل هى اللى بتحافظ على السيارة برغم ارتفاع اسعارها

الف مبروووووك يا باشا وربنا يديك خيرها ويكفيك شرها

الله يبارك فيك ياباشا شكرا

بمناسبه الاسلاك الباينه .. هل ممكن شراء غطاء الموتور من التوكيل؟

انا لسه ماروحتش التوكيل فمش عارف هل غطاء الماتور بيتباع كاوبشن ولا لأ

[mah_khourshid]

بمناسبه الاسلاك الباينه .. هل ممكن شراء غطاء الموتور من التوكيل؟

يارييييييت حد يرد علي السؤال المهم ده
انا فعلا محتاج غطاء والموضوع ده اتناقش قبل كده واتقال ان ده عشان درجات الحراره القليله
بس الموضوع بالنسبالي مسئله نفسيه
لم حد يعرف هل ياتري في امكانيه في تركيب الغطاء في التوكيل وسعره كام وياريت يكون غطاء الفلونس ميكونش غطاء موديل تاني
شكرا

[abbadr]

أنا عملت تست درايف في العبور النهاردة و ماكنتش حاجز و لا حاجة . سألت على الاستاذ عبد الحليم زي ما خورشيد باشا قاللي و فعلا راجل ذوق جدا و طلع معايا لمدة ربع ساعة تقريبا و عملت كل اللي كان نفسي فيه . و هقولكم ملحوظاتي على العربية ( أنا معايا لانوس حاليا ) أولا العربية على أرض الواقع جميلة جدا و تحبها من أول نظرة ( مع أني كنت مقرر أجيب اللون الاسود بس بصراحة متقدرش تقول ايه أحسن لون فيها الفضي رائع و الفيراني الفاتح و الغامق برضه جامدين دول اللي أنا شوفتهم هناك و بصراحو احترت أكتر ) ثانيا أول حاجة حسيت بيها انها تقيلة شوية لحد سرعة 30 تقريبا بس لو دوست بنزين جامد بتديك تسارع محترم و من غير ما تحس ان العربية اتلجمت لثانية ثم اطلقت و الحتة دي عجبتني اوى , بس بصراحة الطلعة الاولى مش عاجباتي أوي و ياريت الاستاذ وائل و الاستاذ خورشيد يفيدوني في النقطة دي بالذات أصل انا مابسوقش اتوماتك كتير يعني هل هي ذي الجيتا و الاوكتافيا في الطلعة و لا أقل شوية . و هل الأداء بيتحسن بعد كام ألف بدرجة ملحوظة , و هل بنزين 95 هيفرق في الاداء . كل دي اسئلة بصراحة محيراني و مهمة جدا بالنسبة ليا في اتخاذ قرار الشراء . ثالثا : اكتر حاجة عجبتني اني بعد دقيقة واحدة من التحرك بالعربية كنت سايقها اكنها معايا من سنين , مع ان أبعاد العربية كبيرة بس بصراحة سواقتها شديدة السلاسة و التحكم فيها ممتع , ( اما سقت الكروز كانت صعبة شوية ابعاد العربية )
العفشة انشف سنة من الميجان و تعتبر ناعمة بس محترمة فغلا و متماسكة جدا و أنا دخلت في حتت مكسرة شوية و تحس فعلا أن العربية بتعديها بمنتهي السلاسة بدون ارهاق للسائق و الباور جميل جدا , و مفيش أي أصوات غريبة
( الكروز فيها بعض الأصوات البسيطة و انشف من الفلونس )
بانسبة للتكييف برضة أضعف شوية من الياباني و الكوري بس معقول جدا لكن مش تلاجة
يعني انا حاولت انقلكم احساسي بمنهى الأمانة و يارب اكون أفادتكم و ياريت الاستاذ وائل و الاستاذ خورشيد يشاركونا . و اسف للاطالة

[melmegharbel]

بعد الألف الأولى إحساس التقل ده بيقل جدا

[mah_khourshid]

أنا عملت تست درايف في العبور النهاردة و ماكنتش حاجز و لا حاجة . سألت على الاستاذ عبد الحليم زي ما خورشيد باشا قاللي و فعلا راجل ذوق جدا و طلع معايا لمدة ربع ساعة تقريبا و عملت كل اللي كان نفسي فيه . و هقولكم ملحوظاتي على العربية ( أنا معايا لانوس حاليا ) أولا العربية على أرض الواقع جميلة جدا و تحبها من أول نظرة ( مع أني كنت مقرر أجيب اللون الاسود بس بصراحة متقدرش تقول ايه أحسن لون فيها الفضي رائع و الفيراني الفاتح و الغامق برضه جامدين دول اللي أنا شوفتهم هناك و بصراحو احترت أكتر ) ثانيا أول حاجة حسيت بيها انها تقيلة شوية لحد سرعة 30 تقريبا بس لو دوست بنزين جامد بتديك تسارع محترم و من غير ما تحس ان العربية اتلجمت لثانية ثم اطلقت و الحتة دي عجبتني اوى , بس بصراحة الطلعة الاولى مش عاجباتي أوي و ياريت الاستاذ وائل و الاستاذ خورشيد يفيدوني في النقطة دي بالذات أصل انا مابسوقش اتوماتك كتير يعني هل هي ذي الجيتا و الاوكتافيا في الطلعة و لا أقل شوية . و هل الأداء بيتحسن بعد كام ألف بدرجة ملحوظة , و هل بنزين 95 هيفرق في الاداء . كل دي اسئلة بصراحة محيراني و مهمة جدا بالنسبة ليا في اتخاذ قرار الشراء . ثالثا : اكتر حاجة عجبتني اني بعد دقيقة واحدة من التحرك بالعربية كنت سايقها اكنها معايا من سنين , مع ان أبعاد العربية كبيرة بس بصراحة سواقتها شديدة السلاسة و التحكم فيها ممتع , ( اما سقت الكروز كانت صعبة شوية ابعاد العربية )
العفشة انشف سنة من الميجان و تعتبر ناعمة بس محترمة فغلا و متماسكة جدا و أنا دخلت في حتت مكسرة شوية و تحس فعلا أن العربية بتعديها بمنتهي السلاسة بدون ارهاق للسائق و الباور جميل جدا , و مفيش أي أصوات غريبة
( الكروز فيها بعض الأصوات البسيطة و انشف من الفلونس )
بانسبة للتكييف برضة أضعف شوية من الياباني و الكوري بس معقول جدا لكن مش تلاجة
يعني انا حاولت انقلكم احساسي بمنهى الأمانة و يارب اكون أفادتكم و ياريت الاستاذ وائل و الاستاذ خورشيد يشاركونا . و اسف للاطالة

تجربه تستحق التحيه يااستاذ abbadr
فعلا الفلونس تتحب من اول نظره وانا شايف احسن لون فيها الاسود والرمادي الغامق بس انا جبت فضي لانه عجبني وهوه الكان قدامي (انا لحد دلوقتي مسوقتش العربيه لاني لسه في اسكندريه)
وبالنسبه للطلعه هي فعلا تقيله شويه بس مش لدرجه التعليق وده عشان الوزن وعلي فكره العربيات الالماني كلها كده وممكن تبقي اتقل من كده
انا عن نفسي هحط 92 لان دي امكانياتي طبعا بعد معرفت من التوكيل ان بنزين 92 مش وحش
بس انا مقتنع بحاجه مدام انت تقدر تحط 95 يبقي احسن 100% لانه بالتاكيد انقي بكتير من 92

انا شايف مينفعش تقارن الكروز بالصاروخ الفلونس مينفعش تقارن الكوري بالاوروبي هي دي وجهه نظري الشخصيه

بالنسبه للتكيف هو عجبني بصراحه لما شغلتو بس لسه مجربتوش لما العربيه تكون سخنه ومركونه في الشمس

معلش انا اسف انا كان نفسي افيدك بس زى مقلتلك انا لسه حتي مرخصتهاش ولا سقتها

بجد نصيحه لو ان شاء الله ناوي تجبها يبقي مش هتندم
بس متكنش ناوي تبعها قبل 5 سنين
وتابع الصيانه في التوكيل طبعا كل 5000 كم
ومتعملش اي حاجه بره التوكيل مهما كانت صغيره او كبيره



واكيد استاذ wal واستاذ bukla يكونو تعلقهم ادق بكتير واكيد عندهم نصايح اكتر مني

اسف علي الاطاله

[abbadr]

يا خورشيد باشا ألف شكر على سرعة الرد و ربنا يحفظلك العربية و يكفيك شرها , وفعلا الفضي أكتر لون مناسب هنا في مصر و مستنيين تقاريرك عن العربية

[abbadr]

طبعا أنا معاك ان الاوروبي لا يقارن بالكوري بس أنا كنت بفكر اشتري الكروز قبل ما اشوف الفلونس و علشان كده سقتها كذا مرة ( بتاع واحد صاحبي ) فقولت احاول اوضح الفروق بين العربيتين من خلال تجربتي ليهم على اساس انهم متقاربين في الفئة السعرية

[mah_khourshid]

طبعا أنا معاك ان الاوروبي لا يقارن بالكوري بس أنا كنت بفكر اشتري الكروز قبل ما اشوف الفلونس و علشان كده سقتها كذا مرة ( بتاع واحد صاحبي ) فقولت احاول اوضح الفروق بين العربيتين من خلال تجربتي ليهم على اساس انهم متقاربين في الفئة السعرية

انا كمان سوقت الكروز ايام مكان معايه سيراتو بصراحه معجبتنييش خالص ولما سقت الفلونس عرفت اني مسوقتش عربيات قبل كده

نصيحه متجبش كوري وحاول تطلع من موضوع الكوري وتبعد عنه وتركب اوربي او ياباني علي حسب امكانياتك وميولك

[neversighs]

الالوان أذواق .. الفضي فالفلونس روعه لانو اصلا مش فضي ده بلاتيني واللون اسمو بلاتينيوم فالبروشور وده بيكون فضي فاتح جدا .. وطبعا ده انسب لون للاجواء والظروف المصريه خاصة بعد سنه استعمال مثلا هتلاقي اللون الفضي اكثر الاوان تماسكا وحفاظا على نفسو .

[samy2010]

استاذ wal الف مبروك و ان كانت مأخره يا ترى ايه الاخبار معاك و ايه اخر ملحوظاتك عن الفلوينس و ياترى لك عليها اى تحفظ و هل جربت بنزين 95 انا سامع انه هيكون افضل و خصوصا فى طلعه العربيه انا حاجز الفئه 135000 و ربنا يسهل و استلم

[I.S.L.A.M]

شكرا على الموضوع الجامد ده وربنا يباركلك فى العربية

[osha966]

ارتفاع الفلوينس عن الأرض 12 سم بعد تحميل السيارة

[osha966]

يا جماعة الفلوينس مفروض انها من أكتر السيارات توفيرا للوقود -أنا قرأت على موقع الشركة انها بتعمل 6.5 لتر كل 100 كم وده أحسن من الأوكتافيا والفوكاس

[mah_khourshid]

انا مش مع حضرتك
الفلونس بتسحب جامد