تجربتى مع الفلوانس

[wal]

الف مبروك يا باشاااا وربنا يباركلك فيها

الله يبارك فيك ياباشا شكرا

[wal]

تقرير رائع

الف مبروك و ربنا يبارك لك

الله يبارك فيك شكرا

[wal]

طبعا شاكر جدا لرد حضرتك و معلش بس انا عارف انه من كتر الاسئلة بتاعتي حضرتك مخدش بالك من السؤال ده معلش انا اسف بتقل عليك:

* ايه الي من الافضل ان الي بيستلم العربية يجربه فيها قبل ما ياخدها و يمشي يعني التكييف مثلا او الكاسيت؟؟؟

و كمان بالنسبة للاوراق هل باخد شهادة بيانات او بطلعها من المرور و لا لاء؟

و جزاك الله خيرا

العفو ياباشا ومفيش تعب ولا حاجة واسال براحتك
-المفروض اللى بيستلم سيارة جديدة يجرب كل حاجة ان امكن قبل الاستلام يعنى تشغل الكاسيت وتجرب السى دى شغال ولا لأ وتشغل التكييف وتشوف كمية البرودة اللى طالعة من الهوا وتجرب الانوار والاشارات وفوانيس الشبورة وتبص على السيارة من الخدوش الخارجية وتشوف لمض الايرباجز وفرامل الاى بى اس فى التابلوه وان مافيهمش اى مشاكل وفى الغالب السيارة مابيبقاش فيها حاجة بس مجرد زيادة تأكيد
-بالنسبة لية انا خدت من التوكيل خطاب المرور وصورة الافراج الجمركى وروحت على مرور بين السرايات وطلعت شهادة بيانات موجهة للمرور اللى رخصت فيه واى حد هيستلم من التوكيل هيعمل القصة دى

[abbadr]

الف شكر يا باشا على ردك ... يعني لو مقارنة سريعة بينها و بين الالنترا بما انها عربيتك القديمة يبقى تمام .. و ياريت تطمني على احساسك بالنقلة التانية ده يعني حسيت انها بتنتش و لا حاجة بسيطة ماتقلقش . اصل الواحد يعني سمع على فتيس الميجان انه كان في بعض المشاكل و ياريت يا باشا لو ممكن اكلم حضرتك . عشان بفكر احجز العربية و عايز استفسر منك لو مكنش يزعجك طبعا و مرة تانية ألف شكر على مساعدتك لينا و ربنا يجعله في ميزان حسناتك

[HeroNine]

الف مبروك وفي حماية الله وربنا يبارك لك فيها ويحميك

[amro_abuabdo]

شاكر جدا لتوضيح حضرتك
و معلش كان ليه استفسار تاني بخصوص الترخيص

كنت عايز اعرف ترخيص العربية بيتكلف كم؟؟

[Astra200]

ماذا عن ال eps وال gps وهل الموديل معاك بفتحة سقف ؟

هل ممكن عمل مقارنة مع الأوكتافيا ؟

[mah_khourshid]

ياجماعه انا عايز اعرف حاجه منكو مهمه وعايز شويه تخيل معايه دلوقتي لو هجيب فلونس الب 125000 بعد 3 او 4 سنوات لو حبيت ابعها هتجيب كام
يعني مثلا الميجان 2007 كانت معديه ال 135000 سعتها لو بتتباع دلوقتي بالعافيه 60000 مع ان كله بيشكر فيها
فانا عايز شويه تخيل معايه
ضروري جدا عشان الموضوع ده شاغل دماغي جدا جدا

[bukla]

ياجماعه انا عايز اعرف حاجه منكو مهمه وعايز شويه تخيل معايه دلوقتي لو هجيب فلونس الب 125000 بعد 3 او 4 سنوات لو حبيت ابعها هتجيب كام
يعني مثلا الميجان 2007 كانت معديه ال 135000 سعتها لو بتتباع دلوقتي بالعافيه 60000 مع ان كله بيشكر فيها
فانا عايز شويه تخيل معايه
ضروري جدا عشان الموضوع ده شاغل دماغي جدا جدا

السؤال دة صعب قوى انك تلاقى لة اجابة دلوقتى لو العربية اثبتت كفائتها و حققت انتشار مع الايام حتلاقى سعر اعادة بيعها بقى كويس

[wal]

ياجماعه انا عايز اعرف حاجه منكو مهمه وعايز شويه تخيل معايه دلوقتي لو هجيب فلونس الب 125000 بعد 3 او 4 سنوات لو حبيت ابعها هتجيب كام
يعني مثلا الميجان 2007 كانت معديه ال 135000 سعتها لو بتتباع دلوقتي بالعافيه 60000 مع ان كله بيشكر فيها
فانا عايز شويه تخيل معايه
ضروري جدا عشان الموضوع ده شاغل دماغي جدا جدا

انا مش عارف الموضوع دا شاغل دماغك لية وزى ماقال الاخ bukla محدش يقدر يحدد حاجة زى دى دلوقتى وعموما معروف ان من عيوب الرينو سعر اعادة البيع ولازم تكون عارف كدة قبل ماتشترى لو انت بتغيير السيارة كل شوية بس بالنسبة لية الموضوع دا مايفرقش لانى ان شاء الله مش ناوى اغير تانى وانا شايف ان الفلوانس فيها مميزات كتير تخليك ماتغيرش العربية بسهولة يعنى ممكن تبقى عربية العمر

[wal]

ماذا عن ال eps وال gps وهل الموديل معاك بفتحة سقف ؟

هل ممكن عمل مقارنة مع الأوكتافيا ؟

نظام ال gps الاصلى غير متوافر مع السيارة بجميع فئتها بس ممكن ينزل اوبشن فى التوكيل او تركبه من برة واجهزة الgps بقت موجودة كتير وانواع مختلفة اماeps فعلى ما اعتقد ان دا نظام الثبات الالكترونى فهو مش موجود بالسيارة
-الاوكتافيا سيارة ممتازة برضة وانا سوقتها مرة واحدة للتجربة فمش هقدر احكم عليها قوى بس انا مبحبش شكلها الخارجى بصراحة ومن غير زعل (رأى شخصى)

[wal]

شاكر جدا لتوضيح حضرتك
و معلش كان ليه استفسار تاني بخصوص الترخيص

كنت عايز اعرف ترخيص العربية بيتكلف كم؟؟

ترخيص السيارة أتكلف حوالى الف جنية لمدة 3 سنواتت

[wal]

الف شكر يا باشا على ردك ... يعني لو مقارنة سريعة بينها و بين الالنترا بما انها عربيتك القديمة يبقى تمام .. و ياريت تطمني على احساسك بالنقلة التانية ده يعني حسيت انها بتنتش و لا حاجة بسيطة ماتقلقش . اصل الواحد يعني سمع على فتيس الميجان انه كان في بعض المشاكل و ياريت يا باشا لو ممكن اكلم حضرتك . عشان بفكر احجز العربية و عايز استفسر منك لو مكنش يزعجك طبعا و مرة تانية ألف شكر على مساعدتك لينا و ربنا يجعله في ميزان حسناتك

بالنسبة للنقلة كانت حاجة بسيطة قوى وماتقلقش خالص وفى الغالب كمان مش هتحس بيها اما بالنسبة للمقارنة بين الفلوانس والالنترا انا كان معايا النترا مانيوال 2005 يعنى مفيش وجه مقارنة مع الفلوانس مفيش اى ميزة كانت فى الالنترا عن الفلوانس غير استهلاك البنزين كان قليل فى الالنترا بصراحة بس بعد كدة مفيش اى حاجة تانى

[wal]

الف مبروك وفي حماية الله وربنا يبارك لك فيها ويحميك

الله يبارك فيك وربنا يكرمك شكرا

[amro_abuabdo]

ترخيص السيارة أتكلف حوالى الف جنية لمدة 3 سنواتت

متشكر اوي علي رد حضرتك انا كنت فاكر ان السنة الواحدة بألف جنيه مش الثلاث سنوات بس حضرتك صححت لي المعلومة جزاك الله خيرا
يعني الواحد يروح المرور و معاه الف جنيه و لا اكتر عشان الطفاية و التأمين الاجباري و الحاجات دي؟ يعني كله علي بعضه الف جنيه و لا اكتر حاجة بسيطة؟؟

و بجد مش عارف اشكر حضرتك ازاي انا فعلا ضيقتك علي الاخر بس سمحني و ربنا يجعله في ميزان حسناتك و يبارك لك فيها يا رب