هل رينو لم ترتقى بعد للشركات اليابانية والالمانية ؟؟؟؟

[Mohamed.Ramah]

النهردة كنت قاعد مع عدة افراد واخدنا الحديث طبعا عن السيارات وكانوا بيتكلموا على الجيتا والباسات والهوندا سيفيك جيت انا قولت حد شاف الرينو فلونس الجديدة ولسة حبتدى اتكلم كلة زم طبعا واللى يقول دة فرنساوى انت بتقارن اية باية بعد الهوندا الالمانى ياجماعة طب مش عجباكوا فى اية كل الفرنساوى زبالة ولا رينو ولابيجو وكانى بالظبط فتحت عليا النار طب اية ياجماعة اللى خلى الاشخاص دة كلها تزم بالطريقة دة مع انى اتبعت اسلوب العقل والمنطق وبدات اناقش وافهم واتكلم على التوكيل والمعاملة ومميزات عربيات رينو من واقع قراتى ومشاركتى وتعلمى من مواضيعكم وولا كانى قولت حاجة كلة مصر وكلة مش موافق طب اية السبب هل العربيات الفرنساوى مزمومة بالشكل دة لية !!!!! ياريت بلاش حد يقولى نظام تسويق ودعاية لانة توكيل رينو معروف واشهر من نار على علم سواء فى الصيانة او العربيات ومدى التكنولوجيا والاعتمادية فهل الرينو او الشركات الفرنساوى فى مصر لم ترتقى بعد للشركات الالمانية واليابانية

[Ralliart]

رينو زيها زي اي عربيه اوروبي محترمه جداً
بس هي ثقافه مش اكتر زي ثقافة الفيات اللي ارتبطت بالـ128
الفرنساوي ارتبط عند الناس بالبيجو والسواقين وبالداتشيا وبالستروين اللي متداول بين الناس ان قطع غيارها غاليه لدرجة انها اغلى من العربيه نفسها :b4_592:
وطبعاً محدش بيسأل كله بيسمع ويفتي وكمان انا واثق 100% ان لو اي واحد من اللي بيتكلمو تعب نفسه وراح سأل وشاف ريفيوهات الناس وركب اي عربيه من دول ...هيتسطل!!

الشركات دي كان كل ذنبها انها عملت عربيات عشان تعيش فعاشت واخدت زمنها وزمن غيرها فارتبط عند الناس عربيه بقالها اكتر من 40 سنه بتجري في الشوارع ،بعربيه عالزيرو !!!

[Amr_Moh]

انها ثقافة الفكر المحدود

بعداً عن نظرية إعادة البيع الخاصة بالسوق والتجار رينو تتفوق على الياباني "الشغال إستدعاءات وتصليح" ولا تقل كفاءةً عن بعض الألماني

[SaberMan]

عن تجربه العربيه الميجان بتفكرنى بالعربيات الشيك التقيله بتاعة زمان.. متور , فرامل , راحه , شكل , وسع ,شياكه , امان , انتشار سهوله فى القياده,عزل صوت و حراره ممتاز (ضيف على كده ستاير و زجاج اخضر فابريكه ) , استهلاك ممتاز.. المشترى هيعوز ايه تانى ؟؟
العربيه عندى بدون جنوط فيها الباكيتات سوده فى الجناب و فى الاكصدام الخلفى و الامامى عريضه غير فى اى عربيه يبانى او المانى حتى بصراحه تسوى كل قرش ادفع فيها .

[dr.amr]

بالعكس الفرنساوي من انضف العربيات اللي ممكن تركبها في حياتك
انا شايف انه احسن من الياباني
ويمكن بعد الالماني والسويدي والانجليزي علطول

[M_samir]

العربية دى فعلا مظلومة فى مصر وبعد ما اشتريتها عرفت اننا بلد اشاعات بجد العربية دى ممتازة وما تستهلش كل دا

[frhateg]

دي بتبقي ثقافة شعوب . يعني في دول الخليج ياباني و امريكي و مش كل الياباني ..معظمهم بيفضل التويوتا بجميع موديلاتها و نادر الهوندا و المازدا و في مصر من فترة كان الكل بيفضل البيجو لغاية لما دخل الكوري . وفي دول المغرب العربي بيفضلوا الفرنساوي لقرب الثقافة . بس انا عن نفسي اقدر الفرنساوي جدا .

[Col. Eng. Khaled]

رحمة الله على "محمد نصير"

الراجل ما بقالوش كام سنة واخد توكيل رينو ، أكيد لازم وقت كبييييير جدا على الثقة ما تبقى موجودة عشان التوكيل يقدر يغير الفكرة و يدخل وسط و حوش ألمانيا و اليابان "كتوكيلات و خدمة

عملاء" .

ده رأيي الشخصي يحتمل الصواب و الخطأ .

[tamer61]

رحمة الله على "محمد نصير"

الراجل ما بقالوش كام سنة واخد توكيل رينو ، أكيد لازم وقت كبييييير جدا على الثقة ما تبقى موجودة عشان التوكيل يقدر يغير الفكرة و يدخل وسط و حوش ألمانيا و اليابان "كتوكيلات و خدمة

عملاء" .

ده رأيي الشخصي يحتمل الصواب و الخطأ .

كلامك صح يا جنرال و الدليل على كلام حضرتك إنتشار الميجان في الخمس سنوات الماضيه بالإضافه طبعا لإنتشار اللوجان الكبير و المتوقع و هو في إزدياد و معروف عن توكيل رينو إحترامه لعملائه ورعايته لسياراته الموجوده في مصر وعلى هذا الأساس ستتغير النظره لهذه الماركه قريبا جدا. و تقبل خالص تحياتي

[medo2o1o]

انا ليا راى يقبل الصواب و الخطأ
السؤال يجب تعديله الى هل وصلت السيارات اليابانية الى رينو
طبعا الالمانى محدش يقدر يقول حاجة ده حتى ستروين لما عملت عربية جامدة قالت عليها unmistakably german

[Mohamed.Ramah]

رينو زيها زي اي عربيه اوروبي محترمه جداً
بس هي ثقافه مش اكتر زي ثقافة الفيات اللي ارتبطت بالـ128
الفرنساوي ارتبط عند الناس بالبيجو والسواقين وبالداتشيا وبالستروين اللي متداول بين الناس ان قطع غيارها غاليه لدرجة انها اغلى من العربيه نفسها :b4_592:
وطبعاً محدش بيسأل كله بيسمع ويفتي وكمان انا واثق 100% ان لو اي واحد من اللي بيتكلمو تعب نفسه وراح سأل وشاف ريفيوهات الناس وركب اي عربيه من دول ...هيتسطل!!

الشركات دي كان كل ذنبها انها عملت عربيات عشان تعيش فعاشت واخدت زمنها وزمن غيرها فارتبط عند الناس عربيه بقالها اكتر من 40 سنه بتجري في الشوارع ،بعربيه عالزيرو !!!

انا متفق معاك اغلبية الكلام بدون تجربة ولاكن الفكر السائد والتعريف المسيطر عندهم ان اليبانى والالمانى دة حاجة والباقى حاجة تانية وقيس على كدة كل حاجة مع ان فى فى اليبانى عيوب تصنيع ومشاكل عمرها ما حصلت فى الرينو لو الستروين مثلا او لو حصلت حتبقى محدودة وليها حل دا كفاية ان البيجو حتى وقتنا هذا تاكسى بس حدة اسلوبهم فى الدفاع بالطريقة دة خلانى اشتغرب اية السبب !!!!!!

انها ثقافة الفكر المحدود

بعداً عن نظرية إعادة البيع الخاصة بالسوق والتجار رينو تتفوق على الياباني "الشغال إستدعاءات وتصليح" ولا تقل كفاءةً عن بعض الألماني

فعلا دا كفاية ان كمراكز صيانة وتوافر قطع غيار وعمالة مدربة افضل توكيل هو رينو

عن تجربه العربيه الميجان بتفكرنى بالعربيات الشيك التقيله بتاعة زمان.. متور , فرامل , راحه , شكل , وسع ,شياكه , امان , انتشار سهوله فى القياده,عزل صوت و حراره ممتاز (ضيف على كده ستاير و زجاج اخضر فابريكه ) , استهلاك ممتاز.. المشترى هيعوز ايه تانى ؟؟
العربيه عندى بدون جنوط فيها الباكيتات سوده فى الجناب و فى الاكصدام الخلفى و الامامى عريضه غير فى اى عربيه يبانى او المانى حتى بصراحه تسوى كل قرش ادفع فيها .

متفق معاك + 111111111111111 بس جة الرد ما اغلبية الالمانى واليبانى ماشى لغاية وقتنا هذا فى الشوارع فانة افضل
قريبى باع التيوتا كرورلا 2004 وجاب الميجان 2005 طبعا فى فرق بس قال للاحسن ومشتكاش من حاجة بالعكس دا كان حاسس انة راكب عربية متطورة اكتر ومريحة مع انة مش جايب فئة عالية ولا حاجة وكمان مستعملة بس كانت حالتها محترمة وشاريها من معرض وليها كتاب الصيانة وفعلا لما اشترى اقتنع بيها ودة لانى رشحتها لية وبيشكر فيها جدا

بالعكس الفرنساوي من انضف العربيات اللي ممكن تركبها في حياتك
انا شايف انه احسن من الياباني
ويمكن بعد الالماني والسويدي والانجليزي علطول

فعلا كتكنولوجيا احسن من اليبانى لاكن لما ناقشت فى كدة اتقالى اليبانى موتور وعفشة ونظام تعليق احسن من الفرنساوى !!!!!!!!! مع ان انا شايف الميجان الفلونس تقارب او احسن من الهوندا سيفيك مع فرق السعر للهوندا الكاملة

العربية دى فعلا مظلومة فى مصر وبعد ما اشتريتها عرفت اننا بلد اشاعات بجد العربية دى ممتازة وما تستهلش كل دا

العربية جميلة فعلا وربنا يباركلك فيها

دي بتبقي ثقافة شعوب . يعني في دول الخليج ياباني و امريكي و مش كل الياباني ..معظمهم بيفضل التويوتا بجميع موديلاتها و نادر الهوندا و المازدا و في مصر من فترة كان الكل بيفضل البيجو لغاية لما دخل الكوري . وفي دول المغرب العربي بيفضلوا الفرنساوي لقرب الثقافة . بس انا عن نفسي اقدر الفرنساوي جدا .

فعلا هى ثقافة شعب وعدم حب التغيير عندهم اليبانى دة حاجة مقدسة والالمانى دقة فى الصناعة وموديلاتة من زمان اللى ماشية فى شوارعنا حتى الان دليل على ذلك

[Mohamed.Ramah]

رحمة الله على "محمد نصير"

الراجل ما بقالوش كام سنة واخد توكيل رينو ، أكيد لازم وقت كبييييير جدا على الثقة ما تبقى موجودة عشان التوكيل يقدر يغير الفكرة و يدخل وسط و حوش ألمانيا و اليابان "كتوكيلات و خدمة

عملاء" .

ده رأيي الشخصي يحتمل الصواب و الخطأ .

والله حضرتك بالرغم من قصر الفترة قدر يحقق معادلة صعبة ويرضى كافة العملاء والاهتمام بالتوكيل لاكن السوق متجة اكثر للكورى

كلامك صح يا جنرال و الدليل على كلام حضرتك إنتشار الميجان في الخمس سنوات الماضيه بالإضافه طبعا لإنتشار اللوجان الكبير و المتوقع و هو في إزدياد و معروف عن توكيل رينو إحترامه لعملائه ورعايته لسياراته الموجوده في مصر وعلى هذا الأساس ستتغير النظره لهذه الماركه قريبا جدا. و تقبل خالص تحياتي

الفكرة المناقشة مش على عربيات السنة فقط وزى اما احنا شايفين اللوجان بين مؤيد ومعارض فالفكرة كانت الموضوع عن الموديلات اليبانى او الالمانى من قديم الازل وماشية فى شوارعنا حتى الان وطبعا نقطة ( توكيل رينو إحترامه لعملائه ورعايته لسياراته الموجوده في مصر وعلى هذا الأساس ستتغير النظره لهذه الماركه قريبا جدا.) +111111 دة انا متفق معاك فيها وان شاء الله فى تقدم وشكرا على مرورك

انا ليا راى يقبل الصواب و الخطأ
السؤال يجب تعديله الى هل وصلت السيارات اليابانية الى رينو
طبعا الالمانى محدش يقدر يقول حاجة ده حتى ستروين لما عملت عربية جامدة قالت عليها unmistakably german

انا فعلا مستغرب ومتفق ان الالمانى درجة اعلى من الفرنساوى ولاكن اليبانىى كل بيقيس بالموتور والعفشة والاعتمادية من زمان من اول موديلات السبعينيات ودة اللى وصلنى لكتابة الموضوع ان مستغرب يعنى بيقارنو الهوندا سيفيك مثلا بالفلونس ودة انا شايفة مينفعش وان حتى لو المقارنة بين الجيتا والفلونس حتبقى المعادلة متوازنة اكتر

[د.محمود صلاح]

الفكر ده مرتبط في اذهان الناس من زماااان ,, أكيد بوجود عربية من رينو كان حظها سئ في الصيانة وقطع الغيار لدرجة المثل الشائع " اللي معاه رينو ربنا يعينو "

والقول بالقول يذكر

" المازدا فاسده " اطلقت على المازدا 323

[megamoudy]

احسن مش عاوزين ناس تركب رينو كتير

انا بحس اني مميز عن غيري

الحمد لله عربيتي موديل 97 ثباتها هايل جدا جدا وجبت بيها لغاية 160 كيلو

غير اني ملاحظ حاجة عربيات رينو عموما بتتميز بالشياكه والفخامه

[fouady]

إلى الاسف العربيات الفرنساوي كلها مش واخدة وضعها هنا علشان محدش فاهم حاجة إلى الاسف وكمان الفيات وال سيات زي الفرنسي بس أنا شايف انهم بدقه ياخده وضعهم وكل حاجة بالتدريج هترجع