هل رينو لم ترتقى بعد للشركات اليابانية والالمانية ؟؟؟؟

[waleedabbas]

معلش الموضوع مش ثقافه ده حقيقه انا حكي لحضرتك حكايه انا كان معايا ميجان مودل 2006 وكان ركب معايا استاذي دكتور هولندي استاذ اسنان كبير في جامعه اكتا في هولندا كنت بوصله المطار واول ما ركب الميجان قال فرنش كار بنبره تهكميه فسالته قالي لما تكون عايز تقول لواحد عربيتك مش قد كده تقوله فرنش كار وقالي عربيات ضعيفه والكولتي مش قد كده وان في هولندا نمره واحد الماني او ياباني وهو راكب باسات وعنده كمان مرسيدس وان العربيات الفرنسيه كلها كمبيوتر وحساسات كلها بيظه بصراحه حسسني اني راكب عربيه صيني يعني ده كمان راي الناس في العربيات الفرنساوي حتي في اوروبا

معلش طبعا كل الاحترام لحضرتك وكلام حضرتك بس حضرتك برضه بتقول ده حقيقه بناء على ايه ؟
بناء على كلام واحد هولندى هل الراجل ده خبير عالمى فى السيارات ماهو اكيد زى الفكر ال عندنا فى دول كتير بعض الناس بتفكر كده وبتنخدع بالمظاهر والدعاية لكن الفرنساوى ضعيف وكواليتى مش قد كده ده كلام غير الواقع تماما وكمان الكمبيوتر والحساسات بقت عيب فى العربية؟؟ ماهو معظم الالمانى كمبيوتر وحساسات اكتر من الفرنساوى وبفضل الله عن تجربة سنين طويلة مع الفرنساوى وراى معظم ال راكبين فرنساوى لا فى كمبيوتر بيعطل ولا حساسات بايظة ولا اى حاجة من الكلام ده
وبعدين الاستاذ الهولندى ده بلده بتصنع ايه عشان يعيب على فرنسا ؟ اه احنا مش زى هولندا طبعا لكن احنا كده بقينا زيهم بنعيب على دول متقدمة عننا بمراحل لكن لا احنا ولا هولندا نطول نعمل اى عربية زى العربيات الفرنسى
وف الاخر كل واحد ليه وجهة نظر

[zkralla]

ركب معايا استاذي دكتور هولندي استاذ اسنان كبير في جامعه اكتا في هولندا

هو استاذ فى احد فروع الطب مش استاذ فى الهندسه تخصص سيارات يعنى كلامه ممكن يتحط بجانب اى كلام فتاى من المصريين الى بيموتوا فى الفتى خاصتا أنه بيقولك أنه راكب فولكس ومرسيدس يعنى كلامه مش عن تجربه و حكايه عربيات ضعيفه ديه مردود عليها بواقع عملى يؤكد أن كلامه مش صحيح
اخر حاجه على الفتتين من كام يوم كنت فى الوكاله فقلت بالمره اسال على قطع غيار لوجان فسالت واحد بتاع رينو عن عربيات متقطعه لوجان قالى لأ لسه ما نزلتش واضاف - تعديل على كلامى - وقالى بنبره الخبير العالم ببواطن الامور " ديه على فكره مش امسها لوجان ديه اسمها رينو لوجانه .............." طبعا شكرته على المعلومه القيمه ومشيت

[Col. Eng. Khaled]

وقالى بنبره الخبير العالم ببواطن الامور " ديه على فكره مش امسها لوجان ديه اسمها رينو لوجانه .............." طبعا شكرته على المعلومه القيمه ومشيت

ههههههههههههههههههههه

معلش مشاركتي مفيهاش معلومة بس ما قدرتش أمسك نفسي ........

[ehaballam]

رينو زيها زي اي عربيه اوروبي محترمه جداً
بس هي ثقافه مش اكتر زي ثقافة الفيات اللي ارتبطت بالـ128
الفرنساوي ارتبط عند الناس بالبيجو والسواقين وبالداتشيا وبالستروين اللي متداول بين الناس ان قطع غيارها غاليه لدرجة انها اغلى من العربيه نفسها :b4_592:
وطبعاً محدش بيسأل كله بيسمع ويفتي وكمان انا واثق 100% ان لو اي واحد من اللي بيتكلمو تعب نفسه وراح سأل وشاف ريفيوهات الناس وركب اي عربيه من دول ...هيتسطل!!

الشركات دي كان كل ذنبها انها عملت عربيات عشان تعيش فعاشت واخدت زمنها وزمن غيرها فارتبط عند الناس عربيه بقالها اكتر من 40 سنه بتجري في الشوارع ،بعربيه عالزيرو !!!

الموضوع زي مامصطفى قال بالضبط , مبدئيًا الألماني أعلى ودي حقيقة كلنا عارفينها .... بس بالنسبة للياباني , أي اوروبي أعلى من الياباني , ودا بشرط إنك تقارن الفئة بنفس الفئة .