رابطة حائزى الفلوينس

[ALshahba]

صباح الفل علي الفلونساوية ....انا غيرت زيت موبيل في مركز معتمد لموبيل 1 والراجل حطلي 4 لتر وقالي المقياس كده مظبوط والمقياس الديجيتال كان مظبوط برضه ...بعد 4 أيام النهارده لقيت في كورة نقصت ...هل ده غلط ومفروض اكمل باقي ال 4.3 زي الكتالوج فأحط باقي ال 300 مللي ولا اكمل عليها كده ...شكراً

ياريت يكون القياس والعربيه واقفه وبارده وبقالها فتره طويله واقفه
لان وهي ماشيه بيكون الزيت توزع في جميع اجزاء الموتور ..... فحيديلك قراءه غير مظبوطه

اما لو كان الكاتالوج بينص علي كميه معينه او لقيت القياس والعربيه بارده مازال ناقص..... طبعا تلتلزم بتعليمات الكاتالوج

في امان الله

[asherif1177]

ياريت يكون القياس والعربيه واقفه وبارده وبقالها فتره طويله واقفه
لان وهي ماشيه بيكون الزيت توزع في جميع اجزاء الموتور ..... فحيديلك قراءه غير مظبوطه

اما لو كان الكاتالوج بينص علي كميه معينه او لقيت القياس والعربيه بارده مازال ناقص..... طبعا تلتلزم بتعليمات الكاتالوج

في امان الله

كلام مظبوط

[eng isec]

شكرا لرد حضرتك و لزوقك يا بشمهندس هاني بس انا كنت بالاكسل بجري بردة علي 120 بس ماكنتش بسمع صوت خلخلة الهوا دة فا انا مستغرب
حاجة كمان كنت في زحمة و كنت ماشي علي سرعة 20 كيلو لمدة ساعتين كدة
المهم لاقيت سخونة من الدواسات
ببص في الكونسول اللي في نصف العربية من تحت لاقيت السخونة جاية من ماسورتين بيض في نصف العرية و كانو سخنين جدا لدرجة اني مقدرتش احط ايدي عليهم
كنت عايز اعرف اية المسورتين دول و رغم ان دية حاجة استثنائية بس هل ليها حل موضوع السخونة دية
و شكرا لزوقك مقدما

[عمر مصطفي محمد]

صباح الفل ياجماعة..عندي استفسار بسيط...بالصدفة وانا بنضف العربية لقيت زي ضفيرة فيها كذا سلك كهرباء مربوطين ببعض كده ظاهرين من تحت الدركسيون شمال بالظبط تحت علبة الفيوزات اللي جوه العربية قريب من مفتاح الكبوت...هل دا عادي ولا مش المفروض يكونوا ظاهرين قدامي كده..

[hany2]

صباح الفل ياجماعة..عندي استفسار بسيط...بالصدفة وانا بنضف العربية لقيت زي ضفيرة فيها كذا سلك كهرباء مربوطين ببعض كده ظاهرين من تحت الدركسيون شمال بالظبط تحت علبة الفيوزات اللي جوه العربية قريب من مفتاح الكبوت...هل دا عادي ولا مش المفروض يكونوا ظاهرين قدامي كده..

أنا 2015 ظاهرين عندي برضه بس ممكن تدخلهم لجوا مش هيبانوا عادي :)

[Salah_sr]

الشكل الجديد نازل متى لو سمحتم و أسعاره

[asafan1970]

السلام عليكم
عندى مشكلة عاوزة خبراء الرينو يفيدونى
السيارة فلوانس 2016 استلامتها من حوالي شهرين وكنت باحس ساعات بوجود تنتيش فى العربية
كنت فاكر الحقيقة ان ده تنتيش فتيس وكده لحد ماعرفت ان الفتيس و الموتور الحاليين من انتاج نيسان ومفيهمش مشكلة التنتيش القديمة

المهم من كام يوم (كان الجو حر جدا وكنت مشغل التكييف) وبعدين لقيت العربية بتنتش كتير وبشكل متكرر...فقلت انا لازم اوديها التوكيل ....وانا راجع البيت كان تنك البنزين فيه حوالي التلت فدخلت البنزينة فولت العربية وسبحان الله بعد كده العربية مشيت زى الفل ومفيش اي مشكلة ابد
السؤال ياشباب ده ممكن يكون ايه....ناس بتقولي خلي التوكيل يكشف علي طرمبة البنزين.....بس انا مستغرب دى العربية مشيه 800 كيلو يععني مكملتش الف كيلو وهيبقى فيها مشكلة طرمبة!!!!
ياريت راى الخبراء

[Hany Saad]

السلام عليكم
عندى مشكلة عاوزة خبراء الرينو يفيدونى
السيارة فلوانس 2016 استلامتها من حوالي شهرين وكنت باحس ساعات بوجود تنتيش فى العربية
كنت فاكر الحقيقة ان ده تنتيش فتيس وكده لحد ماعرفت ان الفتيس و الموتور الحاليين من انتاج نيسان ومفيهمش مشكلة التنتيش القديمة

المهم من كام يوم (كان الجو حر جدا وكنت مشغل التكييف) وبعدين لقيت العربية بتنتش كتير وبشكل متكرر...فقلت انا لازم اوديها التوكيل ....وانا راجع البيت كان تنك البنزين فيه حوالي التلت فدخلت البنزينة فولت العربية وسبحان الله بعد كده العربية مشيت زى الفل ومفيش اي مشكلة ابد
السؤال ياشباب ده ممكن يكون ايه....ناس بتقولي خلي التوكيل يكشف علي طرمبة البنزين.....بس انا مستغرب دى العربية مشيه 800 كيلو يععني مكملتش الف كيلو وهيبقى فيها مشكلة طرمبة!!!!
ياريت راى الخبراء

اعتقد دى مشكلة بنزين مش نظيف بدليل انك لما فولت راحت، حاول تغير البنزينه اللى بتفول منها و تختار بنزينه نظيفة زى امارات او وطنية

تحياتى

[asafan1970]

شكا باشمهندس هانى علي اهتمامك
بس انا عندى ملحوظتين

1- ان البنزين الي كان فى التنك وكما ذكرت تلت التنك تقريبا كان متبقة من التفويلة السابقة يعنى لو كان البنزين فيه مشكلة كانت العربية نتشت من اول ما فولت فى المرة السابقة بل علي العكس العربية كانت ماشية بشكل ممتاز وبدات المشكلة عند وصول التنك للتلت

2- انا بحط بنزين من موبيل الي فى الرحاب وطول عمرى بحط منها والبنزين عندهم ممتاز جدا والتفويلة الي ظهرت فيها التنتيشة في تلتها الأخير والتفويلة الي بعدها المشكلة اختفت كانت من نفس البنزينة

علشان كده عندى شعور ان المشكلة حصلت عند انخفاض كمية البنزين داخل التنك الي حد التلت

وانا بسمع ان كمية البنزين داخل التنك ليها علاقة بعمل الطرمبة بس عموما انا مبفهمش خالص في الميكانيكا قربما يكون كلامى غلط......

مش عارف بصراحة

[asherif1177]

[justify]

السلام عليكم
عندى مشكلة عاوزة خبراء الرينو يفيدونى
السيارة فلوانس 2016 استلامتها من حوالي شهرين وكنت باحس ساعات بوجود تنتيش فى العربية
كنت فاكر الحقيقة ان ده تنتيش فتيس وكده لحد ماعرفت ان الفتيس و الموتور الحاليين من انتاج نيسان ومفيهمش مشكلة التنتيش القديمة

المهم من كام يوم (كان الجو حر جدا وكنت مشغل التكييف) وبعدين لقيت العربية بتنتش كتير وبشكل متكرر...فقلت انا لازم اوديها التوكيل ....وانا راجع البيت كان تنك البنزين فيه حوالي التلت فدخلت البنزينة فولت العربية وسبحان الله بعد كده العربية مشيت زى الفل ومفيش اي مشكلة ابد
السؤال ياشباب ده ممكن يكون ايه....ناس بتقولي خلي التوكيل يكشف علي طرمبة البنزين.....بس انا مستغرب دى العربية مشيه 800 كيلو يععني مكملتش الف كيلو وهيبقى فيها مشكلة طرمبة!!!!
ياريت راى الخبراء

وعليكم السلام ورحمة الله وبركاته،،،

وكل سنة واعضاء الجروب كلهم طيبين،،،،

بالنسبة للموضوع بتاعك انا معايا موديل 2015 وللأسف أنا عندي نفس المشكلة وزيك كده كنت فالاول فاكر انه ممكن يكون من البنزيين فغيرت محطة البنزين وفضل الموضوع مستمر قلت ممكن يكون من الفتيس وقررت اروح التوكيل وقلتلهم على المشكلة دي، اخدوا العربية كشفوا عليها وعلى الكمبيوتر وملقوش حاجه وقالولي العربية كويسة ومفيهاش حاجة فطلبت يطلع معايا مهندس ونعمل تجربة وفعلا طلع معايا مهندس الصيانة والعربية بردوا بدأت تنتش وساعنها رد عليا المهندس وقالي ان دي نتشة من التكييف.

وقالي كده بالظبط ( ان ده بيحصل لما الكمبرسور بيعمل engage على الماتور ولما يفصل وده مرتبط بدرجة الحرارة الخارجية ودرجة الحرارة اللي انت ظابط عليها التكييف وان النتشة دي بتبان قوي لما تكون في مرحلة تسارع لكن بيقل الاحساس بيها على السرعات ) طبعا انا مبفهمش في مواضيع الميكانيكا والتكييف والكلام ده بحكم إني مهندس مدني المهم انا مقتنعتش بكلامه وقلتله إني مش مقتنع قام قايلي افصل التكييف وجرب وفعلا فصلنا التكييف وجربنا اختفى الموضوع رجعنا شغلنا التكييف تاني رجعت النتشة تاني.

وانت قلت في وسط كلامك (كان الجو حر جدا وكنت مشغل التكييف)

معلش طولت عليك بس هو ده اللي حصل وانا سألت اكثر من واحد راكب العربية قالولي انها ساعات بتحصل معاهم وساعات مبتحصلش

ومن ساعتها وانا بحاول اتعايش مع الموضوع فياريت لو تجرب الكلام اللي انا قلتهولك ده وتشوفوا حيحصل معاك بردوا ولا لأ

وياريت لو حد من الخبراء في رينو يكون عنده حل او يكون عرف يتغلب على الموضوع ده بطريقة معينة.

تحياتي،،،،[/justify]

[asafan1970]

اشكرك استاذ شريف علي ردك وكل سنة وانت والجروب بخير
بس علشان نقدر نحدد المشكلة
في ظروف الحر وتشغيل التكييف محصلتشي معايا المشكلة دي وانما انا لاحظت انها حصلت مع ارتفاع الحرارة وانخفاض منسوب البنزين للتلت بس مجربتش اطفي التكييف
بس هي كما ذكرت اختفت تماما بعد التفويل مع وجود نفس للحرارة والتكييف شغال برده

سؤالي استاذ شريف هل ظهور المشكلة عندك كان والتنك مليان ولا كان فيه اقل من النص مثلا

وياريت ياجماعة حد يشاركنا بخبرته

[asherif1177]

اشكرك استاذ شريف علي ردك وكل سنة وانت والجروب بخير
بس علشان نقدر نحدد المشكلة
في ظروف الحر وتشغيل التكييف محصلتشي معايا المشكلة دي وانما انا لاحظت انها حصلت مع ارتفاع الحرارة وانخفاض منسوب البنزين للتلت بس مجربتش اطفي التكييف
بس هي كما ذكرت اختفت تماما بعد التفويل مع وجود نفس للحرارة والتكييف شغال برده

سؤالي استاذ شريف هل ظهور المشكلة عندك كان والتنك مليان ولا كان فيه اقل من النص مثلا

وياريت ياجماعة حد يشاركنا بخبرته

بص بصراحة انا مركزتش مع موضوع التنك ده بس اقدر اقولك ان الموضوع بيتكرر معايا كتير بس بشكل غير منتظم وانا محاولتش اركز في المتغيرات لأن ظروف التشغيل مش ثابته دايماً بسبب اختلاف درجات الحرارة بين الصبح والظهر والليل خصوصاً هنا في الرياض

بس اللي انا اتأكدت منه انها بتختفي تماما لما ببطل التكييف وده بعد ما جربت اكتر من مره بتكييف ومن غير تكييف

لكن عموماً انا حاخد نظريتك واركز معاها واقولك على النتيجه اللي حوصلها

وياريت فعلاً حد يشاركنا بخبرته وكويس انا شايف المهندس هاني مشارك في المناقشة لو يقدر يفيدنا بخبرته ونقدر نوصل لتشخيص صحيح للمشكله ومنه نقدر نلاقي حل

[asafan1970]

بص ياباشمهندس خلينا نتواصل ونحاول نحدد المشكلة وانا كلمت التوكيل والناس مخترمين وطالبوا مني اجرب تاني وحضرتك برده انصحك فول العربية النعارده وابدا ودائما سيب التكييف شغال ونلاحظ هل هتظهر المشكلة مع اختلاف منسوب البنزين.....وانا برده بجرب من جانبي......ورمضان كريم

[asherif1177]

بص ياباشمهندس خلينا نتواصل ونحاول نحدد المشكلة وانا كلمت التوكيل والناس مخترمين وطالبوا مني اجرب تاني وحضرتك برده انصحك فول العربية النعارده وابدا ودائما سيب التكييف شغال ونلاحظ هل هتظهر المشكلة مع اختلاف منسوب البنزين.....وانا برده بجرب من جانبي......ورمضان كريم

تمام انا حفول العربية ان شاء الله النهارده او بكره حسب الظروف وكده كده انا مبقدرش ابطل التكييف هنا
وادينا على تواصل ويارب ان شاء الله نلاقي حل واشكرك على ذوقك ورمضان كريم

[asherif1177]

بص ياباشمهندس خلينا نتواصل ونحاول نحدد المشكلة وانا كلمت التوكيل والناس مخترمين وطالبوا مني اجرب تاني وحضرتك برده انصحك فول العربية النعارده وابدا ودائما سيب التكييف شغال ونلاحظ هل هتظهر المشكلة مع اختلاف منسوب البنزين.....وانا برده بجرب من جانبي......ورمضان كريم

تمام انا حفول العربية ان شاء الله النهارده او بكره حسب الظروف وكده كده انا مبقدرش ابطل التكييف هنا
وادينا على تواصل ويارب ان شاء الله نلاقي حل واشكرك على ذوقك ورمضان كريم

السلام عليكم ورحمة الله وبركاته،،،

أخبار حضرتك ان شاء الله تكون أمورك تمام

[justify]استكمالاً لكلامنا احب اقول لحضرتك إني عملت زي ما قلتلي وفولت العربية مرتين الاسبوع اللي فات ده وغيرت محطة البنزين اللي انا متعود احط منها، وفضلت مراقب الموضوع وللإسف الموضوع حصل معايا تاني، مرة والعربية التنك فل ومرتين تانيين واحد والتنك أعلى من النص بشرطة ودي كانت بليل واتكررت اكتر من مرة في نفس المشوار والتانية كانت والتنك تحت النص وكانت في يوم تاني
[/justify]

بس في نفس الوقت انا زي ما قلت لحضرتك الأول انا لاحظت ان الموضوع ده مستمر مع التكييف وان طول ما التكييف شغال والكومبريسور مش فاصل الموضوع مش بيحصل

يا ترى حضرتك وصلت لحاجة مع التوكيل؟؟

تحياتي،،،