رابطة حائزى الفلوينس

[Eng. Ashraf H]

الساده الكرام حائزي رينو فلوانس ، برجاء التكرم بالرد علي بعض استفساراتي مع خالص الشكر .
١_ هل مازال التوكيل جيد بعد زياده عدد السيارات المباعه ( انا بصراحه شوفت علي صفحه التوكيل علي الفيس بوك ناس بتسب و تلعن فيهم و بيتكلموا في انهم مش عارفين يحجزوا صيانه و ان الكول سنتر مش بيرض و في مشاكل كتير في الصيانه )
٢_ في حد غير الشاشه الي في التابلوه ( في التوكيل ) و ركب الي بتنزل في الفلوانس بتاعت بره ولا و هل الشاشه الي ركبها بتقري فيديو ولا اوديو بس ( عشان الكاميرا ) .
٣_ اخبار اعاده البيع ايه لو كان حد باع .
اسف علي الاطاله و شكرا علي المعلومات القيمه الي انشاء الله انا متاكد اني هحصل عليها من اقوي منتدي .

[Eng. Ashraf H]

ايه يا شباب محدش رد ليه هو انتو زعلانين مني ولا حاجه ... ده انا كنت متوقع اني هلاقي رد السنين و خصوصا من المهندس هاني .

[Abu Reem]

اخي الكريم

بالنسبة للتوكيل فانا حبيت اعمل صيانه وحاولت اتصل بالكول سنتر محدش رد فقررت الذهاب مباشرة، ورغم اني وصلت الساعة 12 ظهرا فرع ابورواش لكن الشاب اللي واقف اخد السيارة وقال لي ياريت تبقي تعمل حجز بالتليفون الاول،، قلت له انه للاسف التليفون لا يرد

المهم كانت صيانه عاديه وقلت له امتي استلمها!! وتوقعت انه يقول لي بعد 5 او 6 ساعات لكنه قالي بعد ساعتين فقط

وطبعا ده يخليك تقدر تنتظر في الكافيتيريا هناك او صاله الانتظار المكيفة

المهم.رحت مع صديق لي اتمشينا في كارفور ( قريب منهم جدا) ورجعت واخدت السيارة،، وكنت موصيهم يعلوا النور لانه واطي شويه وفعلا علوه

عموما انا لم اجربهم في اشياء كبيرة لكن عامة همه في الحاجات الكبيرة.ممكن يكونوا مش محترفين قوي، غير ان ممكن يكونوا في الاصلاحات ( الميكانيكا) او ( اصلاح الحوادث والسمكرة الخ) غاليين جدا

يعني كنت واخد خبطة قويه في الباب الخلفي يمين والرفرف اليمين والعتب،، ولما سالت التوكيل ( نفس الفرع) اصلاح الخبطة ورش الباب والرفرف ومعالجة اكره الباب والعتب قال لي التكلفة ( 13 الف ج والفترة علي الاقل 3 اسابيع)

المهم.عملتها برة عند سمكري، اخد 4 ايام فقط واعاد لي العربية زي الفل حتي انك لا تلاحظ ابدا اي فرق بين الدهان الجديد والقديم

واخد كااااااااام

2000 ج

شفت الفرق

لكن عموما هم كاعمال الصيانه الدوريه كويسين ومنظمين ومحترمين ولا تقضي وقت طويل خاصة اذا صيانه عادية

هذه تجربتي
تحياتي وتمنياتي بالتوفيق

[Eng. Ashraf H]

الاخ الفاضل Abu Reem
الف شكر علي الاهتمام و الرد .

[Mohamed Wahman]

السلام عليكم
انا كنت عايز اسأل ليه العربية مش بتفتح من الباب علي طول ولازم ادوس الزرار الاسود الاول؟؟ مش المفروض هو فيها فوتو سيل (اللي هو المربع الاسود اللي ورا الاوكره) و لو مش ده استخدامه ايه هو استخدامه؟؟ (انا فلوينس e3 2016)

[TheDark19]

السلام عليكم
انا كنت عايز اسأل ليه العربية مش بتفتح من الباب علي طول ولازم ادوس الزرار الاسود الاول؟؟ مش المفروض هو فيها فوتو سيل (اللي هو المربع الاسود اللي ورا الاوكره) و لو مش ده استخدامه ايه هو استخدامه؟؟ (انا فلوينس e3 2016)

لا الفلوينس الجديد مفيهوش فوتوسيل... مكانها موجود بس هي مش موجوده.. للاسف.

[ahmed]

هل فعلا ماتور ال 2015 و2016 هو موتور القشاي والتيدا بكل قطع غياره

[Hany Saad]

[QUOTE=ahmed;3876007647]هل فعلا ماتور ال 2015 و2016 هو موتور القشاي والتيدا بكل قطع غياره[/QUOTE

http://www.nilemotors.net/Nile/476060-hr16de.html#post3876007730

تحياتى

[ahmed]

شكرا ياباشا

[ahmed]

ياجماعه انا محتار جدا بين الكروز والفلوانس e2 زيرو مش قادر اقرر كل شوية برأي

[mghazaly]

م. هاني او أحد الأعضاء القدامى،

فين اقدر الاقي كتالوج المستخدم لفلوينس فيس ليفت وخصوصا 2016 .. حاولت مواقع كتيرة و اكتر من بلد أولربي وعربي لم أجده .. عربي أو انجليزي ان كان احدهما متوفر

شكرا جزيلا

ممكن حضرتك تلاقيهم هنا

http://www.e-guide.renault.com/891_7_ENG_L38/ressources/Download/NU891_892-7_ENG.pdf

http://www.e-guide.renault.com/914_4_ENG_L38_ZE/ressources/Download/NU914-4_ENG.pdf

[ganamalala1972]

فلوانس 2010 اجو المساعدة

معروض عليا فلوانس فابريكة برة وجوة موديل 2010 هاى لاين ما عدا فتحة السقف ب 115 الف جنية عاملة 100 الف كيلو صيانتها في التوكيل أولا اية رايكم في الكيلومترات الكتير دة ثانيا السعر عالى ولا اية رايكم بس هية ما شاء اللة تحفة ونظيفة الأهم من كل دة التكييف هل بالفعل تكييف الفلورانس ضعيف يا جماعة انا التكييف مهم عندى جدا فهل هوة ضعيف بالفعل ولا اية ومليون شكر لسيادتكم

[essam10]

ياجماعه انا محتار جدا بين الكروز والفلوانس e2 زيرو مش قادر اقرر كل شوية برأي

باشا انا زيك بالضبط بس حسمت الاختيار للفلوانس e2
المشكله انى بدور عليها فى كل التوكيلات والموزعين مش لاقيها

[islamelesswi]

النهاردة كان فى إعلان لتوتال عن زيت كوارتز انيو 5w40 وأعتقد من المفترض أن يقوم التوكيل باستبداله محل الكوارتز 9000 الذى سار الجدل عليه كاصدار قديم لا يواكب التطور فى الزيوت العالمية. ...وياريت لو حد من السادة الاعضاء قام بزيارة التوكيل الفترة القادمة يقولنا إيه الأخبار هل قاموا بالتغيير. ....واعتذر لمحاولتى لتنزيل الصورة ولكن فشلت .

[aboabdo]

السلام عليكم ورحمة الله
ارجو منكم المساعدة حيث ظهرت رسالة check injection system اثناء السير والرسالة يظهر بعدها علامة الservice والرسالة بتروح وتيجي يعني مش ثابتة وهل هناك تأثير لو مشيت والرسالة دي موجودة
السيارة رينوفلوانس 2012