رابطة حائزى الفلوينس

[asaber]

خد بالك لا يكون بيقولك على اول فئة اتوماتيك اللى ب 130 عند التوكيل و عايز يبيعها ب 137

علي اللي ب 140 ال Dynamic

[M.Elwan]

مساء الخير عليكم جميعا
خوفنى شوية من اعادة البيع خاصة ان كمان خمس سنوات الجمارك على الاوروبى هاتنزل ل50% ولية واحد صاحبى شغال فى المصرية قالى ابعد عن الرينو خالص عاوز تشتر ى يبقى باسات او كورولا الجديدة علشان اعادة البيع وقطع الغيار بس مش عارف الكورولا شكلها مش عاجبنى ولها استايل خاص وأنا بادور على عربية ستايل وامكانيات واعادة البيع تكون ماسكة نفسها وبعدين عرفت ان فى عربية جديدة نازلة مصر كمان 6 شهور nissan qashqai
شكلها حلو وخاصة انها تقفيل england

انا برد على نقطة الجمارك بس
الجمارك دلوقتى 32 % + 18% الضرايب وبعد 5 سنين حتبقى 21 % + 18% ضريبة ورسم تنمية يعنى حتبقى 39% فى 2015

وبالنسبة لاعادة البيع انا شايف ان الموضوع ليه علاقة اكتر بموديلات الشركة لنفس العربية يعنى مثلا السيراتو رغم انها لسه جديدة بس الشركة نزلت نسخة احدث بفتيس احدث فطبعا ده حيأثر على سعر اعادة البيع للموديل الجديد اللى اصبح قديم
ونفس الامر بالنسبة للباسات والجيتا الشكل الحالى لان الشكل الجديد منهم نزل برا ومتوقع نزولة لمصر قريب جدا وده طبعا حيأثر على سعر اعادة البيع للشكل الحالى اللى حيبقى قديم لما الجديد ينزل خصوصا ان الجيتا والباسات نازلين بتصميم جديد من الصفر مش مجرد تعديل او اضافات على الشكل الحالى زى السيراتو مثلا

[waelatef]

اشتري من الوكيل ولا الموزع

انا حاسس ان محمد زكي ده خواجه فرنساوى من رينو

مش عارف اشتري من موزع ولا يكون ملعوب في العربية "جنوط - استبن" مش عارف
انا من سكان اكتوبر ؟

كمان بيقولوا ان فيه مركز جديد في ابو رواش لسه بيتبنى

ياريت لو حد عنده نصائح للشراء خاصة وانا خبرتي في موضوع الشراء والبيع زيرو

[bukla]

انا جايبلكم الفيديو دة علشان تشوفوا الفلوينس من اول ما كانت هيكل معدنى لغاية ما ركب فيها كل اجزائها
اتمنى انكم تستمتعوا بية
YouTube - Renault Fluence technische Informationen 2/2

[tarek_rcc]

طول عمرك كبير يا بوكلا ....
ماشاء الله عليك يا كبير الفلوينسين

[bukla]

طول عمرك كبير يا بوكلا ....
ماشاء الله عليك يا كبير الفلوينسين

يا باشا اخجلتم تواضعنا

[profahmed_i]

هل يمكن تعديل كرسي السائق

صباح الخير على احلى ناس , هل يمكن تعديل كرسي السائق في التوكيل ليصبح التحكم فيه بالكهربا وهل الهاي لاين الكرسي كهربا ولا مانويل زي الفئة dynamic

[waelatef]

خلاص يا جماعة اقتنعت مليون فى المية كل اما بأقارن بين فلوانس واى حاجة تانية تبفى الفلونس مرسى ليكم جميعا وشكرا لرددودكم وارجو ان تقبلونى عضو جديد فى الرابطة ودلوقتى اقدر أقول شبو فلونسممكن بقى حاجة اخيرة يا جماعة ممكن تليفون الاستاذ محمد زكى والعنوان بالظبط وشكرا جزيلا مرة اخرى

[mada0202]

يا جماعة انا عايز اقول انى بقيت احلم بالفلونس - ايه العربية دى - حاجة بسم ما شاء الله
لدرجة لما بشوفها ماشية فى الشارع افضل اقول عربيتى اهى عربيتى اهى
انا معايا فيرنا حاليا و ان شاء الله ربنا يقدرنى قريب و انزل اجيبها - هى هتبهدلنى اكيد علشان اعرف اجيبها بس ولا يهم - انا حاسس انها زى حتة الالماظ .

ربنا يباركلم فيها ان شاء الله - و اول ناس هقولهم اول ما انزل و اشتريها

امين

[zizo1971]

يا جماعة حد عندة مشكلة فى مؤشر البنزين او مساحات العربية
يا ريت لو حدة عندة مشكلة يرد عليا

شباب, انا معايا اول فئة اتوماتيك و راضى -الحمدلله- عن العربية لاقصى درجة، بس للامانة و اشارة لمشكلة مؤشر البنزين انا فعلا عندى مشكلة ،بعد شهر من الاستخدام ابتدى مؤشر البنزين لا يعبر بصدق عن كمية البنزين اللى فى التنك، بمعنى احيانا ابقى لسه مفول والاقى المؤشر مش على الآخر او مثلا يقول ان التنك فاضى وانا متأكد ان فيه ينزين، واحيانا يغير القراءة زيادة او نقصان بكل فورى.
المهم..فى صيانة ال5000 اقلتلهم على المشكلة و بالصدفة كان فى واحده واقفة جنبى و عندها نفس التعليق، اللى حصل انهم قالولى ان دى مشكلة طرمبة البنزين و انهم عملوا خطوة معينة فى الطرمبة و لو العيب اتكرر هايغيروها.
المهم ان العيب فضل و كلمنى مهندس الصيانة يطمن فقولتله لسه في مشكلة قاللى ابقى شرفنا فى التوكيل فقولتله بقى فى صيانة ال 10000 انشاءالله.

المهم من حوالى 10 ايام متهيألى العيب اختفى.

هذا للامانة وشكرا

[waelatef]

http://www.youtube.com/watch?v=H5BVlcHtKe8&feature=related

واللة يا جماعة واضح ان رينو هاتدخل داخلة جامدة جدا بالعربيات الرهيبة بتعاتها انا مش عارف اية التصميمات دى وروعة التكنولجى اللى فيها بصراحة رينو انا متوقعلها انها هاتحقق مراكز متقدمة فى البيع بمقارنتها بالشركات التانية انا عاوزكم تشوفوا الفيديو دة وتنبهروا معايا بالعربية دى من رينو ولاحظوا انها من غير اكرة فى الابواب ومن غير مرايات المرايات موجودة فى الابواب وهى عبارة عن كاميرا حقيقى روعة وبعدين شوفوا جمال الفوانيس بتاعتها اسيبكم مع الفيدوا واحكموا بنفسكوا

[waelatef]

اناحابيت تنبهروا معايا بالفيديو دة والعربية دى واضح اوى ان رينو هاتحقق مراكز اولى فى السوق الفترة اللى جاية ولاحظو فى الفيديو ان العربية من غير اكرة للابواب وما فيش مرايات المريات عبارة عن كاميرا فى الابواب بجد قمة التكنولجى اللى ممكن تلاقياها فى عربية وبعدين شوفوا الفوانيس جامدة جدا فعلا رينو فلوانس بجميع فئاتها عربية بشواتى

[bukla]

اناحابيت تنبهروا معايا بالفيديو دة والعربية دى واضح اوى ان رينو هاتحقق مراكز اولى فى السوق الفترة اللى جاية ولاحظو فى الفيديو ان العربية من غير اكرة للابواب وما فيش مرايات المريات عبارة عن كاميرا فى الابواب بجد قمة التكنولجى اللى ممكن تلاقياها فى عربية وبعدين شوفوا الفوانيس جامدة جدا فعلا رينو فلوانس بجميع فئاتها عربية بشواتى

الف شكر على الفيديو
فعلا تحفة بس متهيألى ان احنا قدامنا مش اقل من 20 سنة علشان عربية زى دى تنزل عندنا و يبنو ليها محطات شحن او تغيير البطارية

[bukla]

يا جماعة انا عايز اقول انى بقيت احلم بالفلونس - ايه العربية دى - حاجة بسم ما شاء الله
لدرجة لما بشوفها ماشية فى الشارع افضل اقول عربيتى اهى عربيتى اهى
انا معايا فيرنا حاليا و ان شاء الله ربنا يقدرنى قريب و انزل اجيبها - هى هتبهدلنى اكيد علشان اعرف اجيبها بس ولا يهم - انا حاسس انها زى حتة الالماظ .

ربنا يباركلم فيها ان شاء الله - و اول ناس هقولهم اول ما انزل و اشتريها

امين

ربنا يرزقك و ان شاء الله تجيبها من غير بهدلة و تتمتع بيها (امين)
انا كان معايا لانوس قبل الفلوينس يعنى شبية الفيرنا صدقنى الفرق كبيييييييييييييييييييير قوى

شباب, انا معايا اول فئة اتوماتيك و راضى -الحمدلله- عن العربية لاقصى درجة، بس للامانة و اشارة لمشكلة مؤشر البنزين انا فعلا عندى مشكلة ،بعد شهر من الاستخدام ابتدى مؤشر البنزين لا يعبر بصدق عن كمية البنزين اللى فى التنك، بمعنى احيانا ابقى لسه مفول والاقى المؤشر مش على الآخر او مثلا يقول ان التنك فاضى وانا متأكد ان فيه ينزين، واحيانا يغير القراءة زيادة او نقصان بكل فورى.
المهم..فى صيانة ال5000 اقلتلهم على المشكلة و بالصدفة كان فى واحده واقفة جنبى و عندها نفس التعليق، اللى حصل انهم قالولى ان دى مشكلة طرمبة البنزين و انهم عملوا خطوة معينة فى الطرمبة و لو العيب اتكرر هايغيروها.
المهم ان العيب فضل و كلمنى مهندس الصيانة يطمن فقولتله لسه في مشكلة قاللى ابقى شرفنا فى التوكيل فقولتله بقى فى صيانة ال 10000 انشاءالله.

المهم من حوالى 10 ايام متهيألى العيب اختفى.

هذا للامانة وشكرا

لله الكمال وحده
للأسف من سوء حظك ان عربيتك يكون فيها العيب دة لكن برضة الحمد الله انة عيب مالوش تأثير على عوامل الامان فى العربية او بيعطل العربية و يخليك ما تقدرش تستعملها لغاية ما يتصلح بالاضافة الى توكيل محترم بيوجد الحل المناسب لاصلاح العيب حتى و لو بتغيير الطرمبة على حسابهم من غير تلاكيك او اي كلام من بتوع بعض التوكيلات الاخرى زى سوء الاستعمال او انت بس بيتهيألك و العربية مافيهاش عيب ولا حاجة
المهم ان شاء الله يارب يكون العيب اختفى فعلا و ما يرجعش تانى

[M.Elwan]

http://www.youtube.com/watch?v=H5BVlcHtKe8&feature=related

والله يا جماعة واضح ان رينو هاتدخل داخلة جامدة جدا بالعربيات الرهيبة بتعاتها انا مش عارف اية التصميمات دى وروعة التكنولجى اللى فيها بصراحة رينو انا متوقعلها انها هاتحقق مراكز متقدمة فى البيع بمقارنتها بالشركات التانية انا عاوزكم تشوفوا الفيديو دة وتنبهروا معايا بالعربية دى من رينو ولاحظوا انها من غير اكرة فى الابواب ومن غير مرايات المرايات موجودة فى الابواب وهى عبارة عن كاميرا حقيقى روعة وبعدين شوفوا جمال الفوانيس بتاعتها اسيبكم مع الفيدوا واحكموا بنفسكوا

خدو بالكو من اول جملة فى الفيديو

this car was developed for the ISRAEL Market