رابطة حائزى الفلوينس

[Elegance]

السلام عليكم، انا ناوي ان شاء الله اشتري فلوانس، بس كنت عايز اعرف اذا كان ممكن اجربها test drive

علي فكرة ممكن تكلم التوكيل 16202 و تحجز عشان test drive

استاذ fluence
اكون مشكورا لو تعرف مكان كويس اشتري منه قلم دوكو نوعه كويس واسمه ، المشكلة ان في انواع كتيره في السوق بش مش كويسه

شكرا

انا اشتريتة من مكتبة في سوق الرحاب

[saintsero]

والله يا باشا كله واحد .. انا من زمان ما اشتريتش قلم دوكو بس افتكر ان اسلوب اختياري كان مبني علي اغلي قلم دوكو الاقيه فين

وعموما اسأل لك باردو يا saintsero وربنا يتوب علينا كلنا ومنستخدموش نهائي

يارب اجمعين
شكرا جدا لاهتمامك

[fluence]

السلام عليكم، انا ناوي ان شاء الله اشتري فلوانس، بس كنت عايز اعرف اذا كان ممكن اجربها test drive

بالتوفيق ان شاء الله ومبروك مقدما

تقدر تطلب 16202 وده رقم مختصر لرينو .. وتسأل عن اي فرع فيه تست درايف
حيقولوا لك ويحددوا معاك

وهما ناس ذوق جدا

بس مهما عملت تست درايف .. العربيه وهم لما تعيش جوا بقي
واي شيء تحت امركم جميعا

[heromiro]

في حد يعرف مكان اجيب منه قلم دوكو يكون قريب من المهندسين
حد يعرف اذا كان بيتباع في كارفور ولا لأ

[amrsamy010]

السلام عليكم

ياجماعة حد ثبت الستاير علي الرخصة بتاعة الفلوانس ؟ ولوماثبتهاش اول مرة عتد الترخيص ينفع يثبتها وهو بيجدد واية الاوراق المطلوبة
ياريت حد يكون ثبت الستاير ويقولنا

تحياتي

[tarekway]

كم تكلفة ترخيص الفلواينس لمدة سنه؟

[Elegance]

السلام عليكم

ياجماعة حد ثبت الستاير علي الرخصة بتاعة الفلوانس ؟ ولوماثبتهاش اول مرة عتد الترخيص ينفع يثبتها وهو بيجدد واية الاوراق المطلوبة
ياريت حد يكون ثبت الستاير ويقولنا

تحياتي

انت بتقول للراجل اللي بيعمل الفحص و هو بيكتبها و لما تدخل جوة علي الشباك بتاكد علية انه يكتب ستائر فابريقة انا عملتها علي الرخصة

[Elegance]

كم تكلفة ترخيص الفلواينس لمدة سنه؟

اولا بتشتري طافية الحريق 121 جنية
الترخيص 370 جنية
التامين 60 او 100 مش متاكدة

بس انا فكرة ان كل الليلة مكلفتش اكتر من 700 جنية و مديتش حد رشوة خالص

[Elegance]

في حد يعرف مكان اجيب منه قلم دوكو يكون قريب من المهندسين
حد يعرف اذا كان بيتباع في كارفور ولا لأ

علي فكرة ممكن تلاقية في اي مكتبة مثلا سمير و علي

[tarekway]

اجيب كود الكاسيت منين ؟

[heromiro]

علي فكرة ممكن تلاقية في اي مكتبة مثلا سمير و علي

شكرا هرُوح إن شاء الله لو جبت حاجة كويسة هعرفكو هنا في منتدى

[ahmouda2009]

موضوع شيق و ممتاز قريته كله في يوم واحد من الاول للاخر في انتظار اتخاذ قراري بالشراء بعد تمحيص كل الاراء و مرور وقت كافي لتجربة الفلوينس بالذات اعلى فئة فيها و ربنا ييسر الحال، على العموم يا ريت حد يفهمني ايه موضوع قلم الدوكو ده و ازاي بيستخدم و هل كل لون سيارة ليه لون محدد من القلم ولا ايه؟ اصلي اول مرة اسمع عن الموضوع ده (معلش جهل شوية) وانا سيارتي ماتريكس بيستاج 2005 وفيها تجريح كتير، ارجو الافادة و تقبلوا تحياتي.

[easy2002]

السلام عليكم ورحمة الله وبركاته
بصراحة ياجماعة من كتر ما قريت من مدحكم عن العربية دي نويت أجيبها لكن عاوز أعرف منكم هل العربية دي فيها مشاكل زي الميجان ولا غيروا فيها ؟؟؟؟؟؟؟

[easy2002]

ايه يا جماعة أنتم فين العربية عاجباني جدا بس عاوز أطمن

[bukla]

السلام عليكم ورحمة الله وبركاته
بصراحة ياجماعة من كتر ما قريت من مدحكم عن العربية دي نويت أجيبها لكن عاوز أعرف منكم هل العربية دي فيها مشاكل زي الميجان ولا غيروا فيها ؟؟؟؟؟؟؟

ايه يا جماعة أنتم فين العربية عاجباني جدا بس عاوز أطمن

و عليكم السلام و رحمة الله و بركاتة
العربية معايا بقالها سنة و الحمد الله ممتازة و ما فيهاش اي مشاكل باستثناء موضوع مؤشر البنزين اللى فجأة من حوالى اسبوع مابقاش بيجي على الاخر لما بفول بنزين و هو دة العيب الوحيد اللى حصلى فى السنة دى و الحمد الله انه عيب ما لوش تأثير على قيادة العربية قصدى يعنى مابيعطلهاش و حصل اكتير من الاخوة هنا
انا ان شاء الله رايح التوكيل علشان صيانة ال 20000 يوم الاحد القادم و حقول لكم عملو اية علشان يحلو المشكلة دي
غير كدة انا الحمد الله مستمتع بالعربية لأقصى الحدود
بالتوفيق ان شاء الله