رابطة حائزى الفلوينس

[ahshaalan]

متشكر يا باشا علي الرد. ممكن اعرف الطارق مكانو فين و لو ليه رقم تليفون يبقى كتر خيرك. انا سئات في سمير ريان و قالي 139

[bukla]

السلام عليكم و رحمه الله و بركاتة
تمت بحمد الله صيانة ال 20,000 و التكلفة بالكامل في صورة الفاتورة المرفقة


طبعا حتلاحظوا ان الفاتورة فيها تكلفة زيادة خاصة بتغيير تيل الفرامل و فلتر التكييف
انا قبل ما اروح كنت بشتكى من حاجتين مؤشر البنزين ما كانش بيدى قراية مظبوطة لما بفول و كمان كنت بسمع صوت شخللة خفيف فى الشوارع اللى فيها مطبات كتيرة
تم علاج مؤشر البنزين بإعادة برمجة الكومبيوتر و تنظيف حاجة بصراحة مش فاكر اسمها اية و عن اسبابة قالولى البنزين فى مصر بيكون فية نسبة رصاص عالية و دة السبب فى عدم القراءة بدقة و الله اعلم اذا كان دة فعلا السبب لكن الحمد الله ظبط معايا دلوقتى
اما الصوت فكان على حسب قولهم بسبب صاجة قدام تحت الاكصدام محتاجة تتربط و الحمد الله مابقاش فية اى اصوات
بالنسبة للتيل انا الحمد الله ما كنتش بشتكى من الفرامل خالص لكن لما سألت على معدل تغيير التيل قالولى كل 20,000 بزيادة او بناقص 5000 على حسب استعمال كل واحد بالنسبة ليا التيل كان ممكن يستخدم كمان 3000 او 4000 كيلو لكن علشان الامان و كمان انا ماكنتش حروح الصيانة غير بعد 5000 كيلو على الاقل فوافقت على تغييرة
اما فلتر التكييف فبرضة ما كنتش بشتكى من التكييف فى حاجة بس لقيت علية تخفيض 20% و الصيف داخل فقلت اغيرة بالمرة
و طبعا ما نسيتش اسأل على السوفتوير الجديد الخاص بالفلوينس و الاجابة بالفعل فى سوفتوير جديد لكن مش لكل العربيات هما بيعملوا كشف على سيريال العربية و يشوفوا اذا كانت محتاجة للتحديث و لا مش محتاجة
المهم انا عربيتى طلعت من العربيات اللى محتاجة للتحديث
السؤال بقى التحديث دة خاص بأية
الاجابة انة تحديث خاص بالايرباجز و توقيت عملها فى لا قدر الله الصدمات الامامية و كمان معدل انتفاخ الهواء فى الايرباج
حقولكم على معلومة للى مايعرفهاش الايرباج الخاص بالفلوينس نوع متطور مش مجرد ايرباج بيتنفخ فى حالة الصدمة و خلاص لكن كمان قوة انتفاخة مرتبطة بقوة الصدمة و دة اللى بيقيسة كومبيوتر العربية ربنا يكفينا كلنا شر الحوادث
اتمنى انى اكون افدتكم و اللى عندة اى استفسار انا تحت امره
بالمناسبة حصل فعلا تغيير فى اسعار الصيانة و قطع الغيار حقول لكم على تفاصيلة فى الموضوع المثبت الخاص بأسعار قطع غيار و الصيانة الخاص بالفلوينس
بالتوفيق ان شاء الله

[Elegance]

متشكر يا باشا علي الرد. ممكن اعرف الطارق مكانو فين و لو ليه رقم تليفون يبقى كتر خيرك. انا سئات في سمير ريان و قالي 139

العفو يس انا هانم مش باشا


معرض الطارق في الدقي الرقم الموحد 19850

[amrden]

أنا لسع عامل صيانة 15000 وكنت بشتكى برضه من مؤشر البنزين ولكن بقى كله تمام و عاملو التحديثات

[tarek7elmy]

GPS Navi. & Multimedia System for RENAULT FLUENCE

حد شاف نظام الملاحة(GPS Nav System) للفلوينس الى كان فى معرض الاهرام
ساءلت هناك
كان بالتركيب ب ستة الالف جنيه
كتيير جدا طبعا
بس انا دورت على الانترنت ولقيت حاجات تانية تشبه ب 2000 و 3000 جنية مصرى

ايه رايكم

GPS Navi. & Multimedia System for RENAULT FLUENCE products, buy GPS Navi. & Multimedia System for RENAULT FLUENCE products from alibaba.com


2009 Renault Megane III Car DVD Player - 2010 Renault Megane III 7 HD touchscreen and Bluetooth DVD GPS Unit - 2011 Renault Megane All in One Unit GPS System

[malbarbary]

حد شاف نظام الملاحة(gps nav system) للفلوينس الى كان فى معرض الاهرام
ساءلت هناك
كان بالتركيب ب ستة الالف جنيه
كتيير جدا طبعا
بس انا دورت على الانترنت ولقيت حاجات تانية تشبه ب 2000 و 3000 جنية مصرى

ايه رايكم

gps navi. & multimedia system for renault fluence products, buy gps navi. & multimedia system for renault fluence products from alibaba.com


2009 renault megane iii car dvd player - 2010 renault megane iii 7 hd touchscreen and bluetooth dvd gps unit - 2011 renault megane all in one unit gps system

لقيت واحد بيركب فلونس جي بي اس في شارع دمشق ب 3900 سعر معقول جدا وناووي حبة كدة واجيبه

[ahshaalan]

العفو يس انا هانم مش باشا

معرض الطارق في الدقي الرقم الموحد 19850

انا اسف ماختش بالي من ال profile

[heromiro]

السلام عليكم

من فترة كنت شفت موضوع من احد الاعضاء عن شاشة جديدة للفلوانس بتركب في التوكيل ب 6000 جنية وبعد بحث وعناء الحمد لله قدرت اجيب الشاشة بكل مشتاملاتها اقل بكتيير لو حد عايز انا حاضر واسيبكو مع الصور

ممكن أعرف حضرتك اشترتها بكام ومنين ؟هو فيها dvd w gps?

[hebaly]

انا عايزة رايكم الفلوانس ولا النيسان قاشقاى

[Elegance]

انا عايزة رايكم الفلوانس ولا النيسان قاشقاى

و الله انا ارشحلك الفلونس و بجدارة

[hebaly]

شكرا لك انا فعلا بفكر فيها من فترة

[ahmzd]

أنا أيضا أرشح الفلوينس وخصوصا أن القاشقاي لا يوجد منها أوتوماتيك على حد علمي.. كما أن سيادتك ستنتقلين من سيتروين إلى فلوينس والاثنتان تنتميان للمدرسة الفرنسية مع ميزة أن الأخيرة بها نكهة ياباني من نيسان، ونكهة كوري من سامسونج، ونكهة تركي في تقفيلها بجانب النكهة الفرنسية الأصلية طبعا.. وبالتالي أتوقع أن تكون هذه التوليفة جيدة إن شاء الله.. ولقد شكر فيها ملاكها كلهم حسبما رأيت في هذا المنتدى الجميل.. لا تنسي الاستخارة وبالتوفيق إن شاء الله.

[Hassanelrafe]

أعزائي ملاك فلوانس

مبروك لكم جميعا و ربنا يحفظكم
اختيار موفقققققققققق فعلا

اخوكم حسن الرافعي

[ahshaalan]

السلام عليكم: عندي سؤال لخبراء الفلونس: هو ايه الفرق ما بين فلونس 2010 و 2011

[tarek7elmy]

ممكن أعرف حضرتك اشترتها بكام ومنين ؟هو فيها dvd w gps?

ممكن نعرف الموصافات والسعر والمكان و امكتنية تركيبه فى التوكيل