رابطة حائزى الفلوينس

[Elegance]

الشرف لينا
و الف مبروك عليك ربنا يكفيك شرها و يديك من خيرها ان شاء الله

زى ما قال الاخ العزيز saintsero
انا كنت عايز اعرف اخبار العربية معاكى اية انا فاكر انك كنت اشتكيتى مرة من ان العربية ما دارتش معاكى من اول مرة و قولت ليك غيرى محطة البنزين هل الحمد الله ما عملتش معاكى اى حاجة تانى؟

الحمد الله كلة تمام دلوقتي و غيرت البزينة زي ما انت نصحتني و مبسوطة اوي و سافرت بيها كمان و كانت مشاء الله مريحة بس السحب و التجميع بطيء شوية

[hic]

++++++++++++++++++++1

[hess]

معلش يا جماعة سؤال لو قدامك لانسر 2011 بوما (هاف سبورت) و فلوانس تختار إيه ؟

[amirwilliam]

مساء الخير عليكم جميعا
انا كنت مشغول شوية بالعربية اليومين اللي فاتوا وده طبيعي جدا

انا لحد دلوقتي معنديش اي شكوي من السيارة :) عملت بيها 900 كم في اسبوع، و مقصرتش معايا في حاجة.
طبعا النتشة اللي بين الاول و التاني باينة قوي لكن مش مضايقني خالص.

و اخيرا رخصت و قررت اني اول حاجة هاعملها اني اركب فرشحاجة نضيفة قوي فدورت علي المنتدي لقيت jeans car و شوفت شغلهم في الصور و عجبني جدا.

خطيبتي عايزه تجبلي هديه للعربية بس انا مش شايف ان العربية ناقصها حاجة علشان انا كمان جبتها من سمير ريان و هما ادوني الدواسات و العطا هدية.

أنا بس عندي سؤال مهم بالنسبة للXenon انا كنت بفكر اركبه بس محتاج اعرف هوه ايه اللي بيتغير في العربية علشان يركب. هل بغير اللمبات فقط اللي لمبات xenon و كده خلاص. و هل له تأثير علي كهرباء السيارة او الضمان؟

ابالنسبة للتكييف انا أؤكد للجميع انهمن احسن التكييفات في السيارات التي استعملتها حتي الان.
من أكثر الحاجات اللتي اعجبتني هي أداء الفرامل في السيارة بصراحة فوق الممتاز الحمد لله.

[bukla]

معلش يا جماعة سؤال لو قدامك لانسر 2011 بوما (هاف سبورت) و فلوانس تختار إيه ؟

طبعا فى الاول مرحبا بيك فى قسم رينو
ثانيا طرح السؤال دة فى قسم رينو و كمان جوة رابطة حائزى الفلوينس الاجابة علية حتكون معروفة
انا شايف ان حضرتك فتحت الموضوع دة فى قسم المقارنات و دة المكان الطبيعى للحصول على اراء متعددة من اخوة اعضاء ليهم ميول مختلفة
و برضة حجاوبك على سؤالك
فلوينس بدون تفكير و لو حتى لمدة 5 دقايق
ربنا يوفقك فى اختيارك ان شاء الله

[moh_gawad]

الحمد الله توكيل رينو محترم مش زى بعض التوكيلات الاخرى اللى بتفرض على العميل انة يروحلهم كل 3 شهور علشان ياخدوا فلوس و خلاص مافيش حاجة تستدعى ذهابك للتوكيل غير فى حالتين اما عندك مشكلة ظهرت فجأة و قالولك فى التليفون انك لازم تروحلهم علشان يعالجوها و الحالة الثانية مواعيد الصيانة الدورية المعتادة مجانا كل 5000 كيلو و دة اختيارى يعنى لو مش عايز تروح ماتروحش و مش حيأثر على الضمان او كل 10000 كيلو و دة اجبارى علشان صيانة العربية اولا و علشان الضمان ثانيا
بالتوفيق ان شاء الله


جرب ترفع الصور على الموقع ده و ان شاء الله توفق
ImageFra.me - Image Hosting & Photo Sharing

شكرا جزيلا .
أما صور الجراب تلاقوها إن شاء الله على اللينكات التاليه

http://img38.imagefra.me/i57k/moh_gawad/2ag_9ff_ucges.jpg

http://img38.imagefra.me/i57k/moh_gawad/2af_ce5_ucges.jpg

http://img38.imagefra.me/i57k/moh_gawad/2ae_171_ucges.jpg

أتمنى أن يحوز إعجابكم وكما ذكرت أنا أشتريته من موبيل سموحه

[moh_gawad]

معلش يا جماعة سؤال لو قدامك لانسر 2011 بوما (هاف سبورت) و فلوانس تختار إيه ؟

ما تزعلش منى مفيش وحه للمقارنه الفلوينس دى عربيه كلاس جدا والانسر عربيه شفتها تاكسى وكمان يتتأجر كتير (مع كامل إحترامى للسادة الأفاضل مالكيها) أما الsaftey فحدث ولا حرج والتكنولوجيا الرينو أعلى بكتير

[bukla]

مساء الخير عليكم جميعا
انا كنت مشغول شوية بالعربية اليومين اللي فاتوا وده طبيعي جدا

انا لحد دلوقتي معنديش اي شكوي من السيارة :) عملت بيها 900 كم في اسبوع، و مقصرتش معايا في حاجة.
طبعا النتشة اللي بين الاول و التاني باينة قوي لكن مش مضايقني خالص.

و اخيرا رخصت و قررت اني اول حاجة هاعملها اني اركب فرشحاجة نضيفة قوي فدورت علي المنتدي لقيت jeans car و شوفت شغلهم في الصور و عجبني جدا.

خطيبتي عايزه تجبلي هديه للعربية بس انا مش شايف ان العربية ناقصها حاجة علشان انا كمان جبتها من سمير ريان و هما ادوني الدواسات و العطا هدية.

أنا بس عندي سؤال مهم بالنسبة للxenon انا كنت بفكر اركبه بس محتاج اعرف هوه ايه اللي بيتغير في العربية علشان يركب. هل بغير اللمبات فقط اللي لمبات xenon و كده خلاص. و هل له تأثير علي كهرباء السيارة او الضمان؟

ابالنسبة للتكييف انا أؤكد للجميع انهمن احسن التكييفات في السيارات التي استعملتها حتي الان.
من أكثر الحاجات اللتي اعجبتني هي أداء الفرامل في السيارة بصراحة فوق الممتاز الحمد لله.

اولا الف مبروك ربنا يكفيك شرها و يديك من خيرها
ثانيا للاسف لو عايز تركب زينون او اى حاجة تحتاج تعديل فى ضفيرة الكهرباء لازم يكون فى التوكيل علشان كدة اوعى تركب اى حاجة فى العربية ليها علاقة بالكهرباء برة التوكيل علشان متلغيش الضمان

[moh_gawad]

اولا الف مبروك ربنا يكفيك شرها و يديك من خيرها
ثانيا للاسف لو عايز تركب زينون او اى حاجة تحتاج تعديل فى ضفيرة الكهرباء لازم يكون فى التوكيل علشان كدة اوعى تركب اى حاجة فى العربية ليها علاقة بالكهرباء برة التوكيل علشان متلغيش الضمان

+1111111111111111111111111

[hess]

طبعا فى الاول مرحبا بيك فى قسم رينو
ثانيا طرح السؤال دة فى قسم رينو و كمان جوة رابطة حائزى الفلوينس الاجابة علية حتكون معروفة
انا شايف ان حضرتك فتحت الموضوع دة فى قسم المقارنات و دة المكان الطبيعى للحصول على اراء متعددة من اخوة اعضاء ليهم ميول مختلفة
و برضة حجاوبك على سؤالك
فلوينس بدون تفكير و لو حتى لمدة 5 دقايق
ربنا يوفقك فى اختيارك ان شاء الله

شكرا يا باشا ما انا عملت كده فعلا بس كله بيقول فلوانس في النهاية ... بس برده حاسس إن الشكل الخارجي بيأثر على الآراء

[Abomar77]

بصوا يا فلوينسية .... انا عملت مختصر مفيد في معطم التعليفات والتجارب بتاعة زملائنا الاعضاء في الموصوغ كله بخصوص الغئة ال e3 لل ب 142 الف ... عشان هيا دبة اللي هستلمها ان شاء الله .....

============================

أوتوماتيك - Dynamic 142000.00

كل اللى فات و تزيد عنهم:
- جنوط رياضية 16 بوصة
- تكيف هواء أوتوماتيك " Bi-Zone" يمكن ضبط كل جانب عل حده
- مخرج خلفي للتكيف
- مفتاح كارت - ستارت بوتن " رينو كارد "
- نظام تشغيل التلقائي للمصابيح -Auto lighting sensor
- نظام التعرف على الأمطار وتشغيل المساحة تلقائياً - Rain sensor
- نظام تأخير غلق الإضاءة - Follow Me Home
- نظام تشغيل الأضواء عن بعد
- مصابيح ضباب
- مراية جانبية يمكن ضبطها و طيها كهربائياً مع تدفئة ذاتية
- راديو CD MP3 و بلوتوث و عدد 6 سماعات
- مقبس 12 فولت بصندوق التخزين بمسند إليد الأمامي
- درج تبلوه مزود بإضاءة وتبريد مع التكيف
=============================================
مره ركنت جمب محل عشان انزل اشتري حاجه ونسيت ادوس علي ال start/stop ورحت المحل وانا معايه الكارت وكان المسافه اكتر من 8 متر ورجعت ولما دخلت العربيه اكتشفت انها دايره !!!!

تعالو بقي شوفو التجربه دي مره تانيه كان معايه واحد صاحبي واديتو الكارت ونزل من العربيهولما بعد شويه بتاع 2 متر ظهر في الشاشه key car not detected وراح بعيييييييييد اوي اكتر من 100 متر وانا فضلت قاعد في العربيه وقعد يبعد ويبعد
ومشيت بالعربيه عكس ماهو ماشي وفضلت دايره و 100 100 والكاسيت شغال والتكيف ولا اكن في حاجه غريبه
قلت اجرب ابطلها ودوست علي الزرار راحت مبطله عادي جدا والمرايات اتضمت وحولت اشغلها تاني مشتغلتش
بس هو ده الحصل
وجهه نظري البسيطه ان كده لقدر الله اني نسيت ابطل العربيه ونزلت كده ممكن اي واحد فاهم او حتي مش فاهم ياخد العربيه ويجري
هو ممكن الواحد ينسي العربيه دايره عشان ملهاش صوت فالواحد مبيحسش بحاجه
ياريت الاخوه الاستلمت علي خير تجرب التجربه البسيطه دي ويقوله رئيهم فالموضوع
اسف علي الاطاله
================================================
وضبط الكاوتش
35 امامى و 32 خلفى
==================
rbm بتاع العربية عن 3.5 اول 1500 كيلو
=========================
- تتأكد ان ما فيهاش حكات فى اى حتة يعنى تراجع عليها كويس من كل الجوانب
2 تتأكد من وجود الاستبن (مقاس اصغر و مش جنط علشان ما تتخضش) و الكوريك و مفتاح العجل و طقم مسامير علشان الاستبن مش زى الجنوط و القاطرة (قطعة معدنية علشان لو حابب تقطر حد او لاقدر الله محتاج تتقطر) و حافظة انيقة فيها الكاتالوجات و الصيانة و طفاية السجائر (قطعة منفصلة على شكل كوباية بغطى) و ولاعة السجائر و الايريال
3- المفروض ان يكون حد فى المعرض فاهم فى العربية علشان يشرحلك كيفية تشغيل الكاسيت و يديك الكود بتاعة و يديك فكرة سريعة عن العربية, هيا العربية مش معقدة قوى يعنى انت ممكن تعرف كل حاجة بعدين عن طريق قراءة الكاتالوج و التجربة بس لازم يدولك فكرة اولية عن الاساسيات زى الفتيس و الكارت وكيفية التعامل معهم
4- الاوراق عبارة عن عقد البيع من المعرض ليك باسمك فية رقم الشاسية و رقم الموتور و لو باقى الورق جاهز بعض المعارض المحترمة بتديلك شهادة البيانات و البعض الاخر بيديلك صورة من الاقرار الجمركى اللى فية رقم الشاسية و الموتور بتاع عربيتك و انت بتروح تطلع شهادة البيانات من المرور اللى المعرض تبعة
يارب ماكونش نسيت حاجة و يكتبلك السلامة و تستلم على خير فى اقرب وقت ان شاء الله
========================================
رينو تخرج من المصنع فيها عيب واضح كده المهم خلصت المرور و قلت اطلع على التوكيل و كلمتهم على التليفون و انا فى الطريق الاوبريتور راحت محوالانى على مدير صيانه العبور ولقيته بيقولى ما تجيش اركن لو سمحت على جنب و اطفى العربيه و بعدين قال لى نزل الدراع اللى بيشغل المساحات و دراع الانوار لاخر مشوارهم لتحت وبعدين قال لى شغل العربيه و رجع الدراعات تانى مكانها و المشكله راحت
================================
استهلكت 35لتر فى مسافه 333 كيلو بمعدل 190 كيلو للصفيحه (الصفيحه 20 لتر)
======================================
فعلا هو دة مكان مؤشر الحرارة قبل الشرطة الرابعة بحاجة بسيطة ماتقلقش هو دة مكانها ثابت فى جميع الاحوال
==============================================
- يكون الكارت فى محيط العربية
- الفتيس يكون على P
- رجلك تكون على الفرامل
تدوس على ال start button حتدور العربية غير كدة العربية مش حتدور و لو فى اى حاجة من اللى سبق قولت علية محصلتش حتلاقى مكتوب على الشاشة بتقولك انت المفروض تعمل اية
نقطة تانية العربية مش حتدور او تبطل باى وسيلة تانية غير start button لكن فى حالة ان حصل اى مشكلة و العربية مادارتش بالطريقة اللى فاتت ما تحاولش تعمل اى حاجة غير انك تكلم التوكيل اما بقى لو ما بطلتش من اول ضغطة لزرار start button ممكن تعيد الضغط على الزرار 5 مرات متتالية العربية حتبطل و بعدين دور تانى و بطل لو مافيش مشكلة و كلة تمام اما لو عملتها تانى و مرضيتش تبطل من اول ضغطة كلم التوكيل علطول
العربية مافيهاش انذار لكن اطمن عمرها ما حتفتح او تدور لو الكارت بعيد عن محيطها
الطلعة بتاعت العربية حتتغير مع الوقت لما الكومبيوتر يسجل طريقة سواقتك بس انصحك فى اول 1500 كيلو خلى رجلك حنينة و RBM ما يعديش 3.5
الفوج لايت الامامى بيشتغل من الدراع الشمال فى منتصفةيوجد بكرة بسوستة لو لفيتها لقدام لفة حينور الفوج لايت الامامى و البكرة حترجع مكانها لو عايز تطفية لف البكرة لقدام تانى حيطفى و نفس الموضوع لنور الضباب الخلفى بس تلف نفس البكرة للخلف
ارجوا انى اكون افدتك و لو عندك اى سؤال تانى اسأل و لا يهمك
==============================================
يا جماعة هتلاقو الدواسات فى شنطة العربية فى كيس كبير شفاف مكتوب علية رينو واول دواسة متدبس فيها ورقة كرتون صغيرة ككتوب عليها رينو وهية عبارة عن اربع دواسات مقاس الارضية بالظبط وشمواة اسود
==================================================
-follow me home ده نظام مفيد فى المناطق المظلمة...ببساطه حضرتك بعد ما تطفى العربية أدى رعاش بدراع النور مرة واحدة هتلاقى النور الكبير نور و فضل منور و بيطفى لوحده بعد دقيقتين و هو الوقت اللازم لغاية ما توصل لباب بيتك علشان يكون منورلك الطريق.....فيه كمان عربيات بتقدر تتحكم فى فترة الإضاءة دى و تقدر تحددها من 30 ثانية و حتى دقيقتين.

2-TYRE PRESSURE MONITORING SYSTEM للأسف الفلوانس مش نازله بيه.


أنا فعلا حطيت نيتروجين من 3 أيام....العربية و لله الحمد زى الحرير على الطريق و فى المطبات بس للأسف مش قادر أحكم ده من الكاوتش الجديد اللى غيرته و لا من النيتروجين و لا الأتنين مع بعض....لكن حاسس بفرق فظيع فى نظام التعليق بتاع العربية لأن ده أول كاوتش أبدله بعد الكاوتش الستوك بتاعها.
==============================================
أعتذر ليكم لعدم مشاركتى فى الفترة السابقة لظروف شغل قهرية
نظام ال follow me home مش كدة لكن فى زرار فى الكارت لما تدوس علية و انت برة العربية بينور الكشاف الامامى لمدة 30 ثانية علشان اكتر من سبب
تعرف العربية فين لو راكن فى جراج مثلا
ينور الطريق ليك بعد ما تنزل من العربية لو راكن فى مكان مظلم
لو حسيت مثلا ان فية حد بيحوم حولين العربية او قاعد عليها لو نورت النور ممكن يفتكر ان فية حد فى العربية
===============================================
شوف يا جميل بالنسبة لمحدد السرعة و مثبت السرعة انت عندك 3 زراير :
1- زرار تحت مسند اليد الامامى و ده اللى بيشغل الحالتين و يوقفهم وليه دوستين دوسة لفوق و دوسة لتحت
2- زرار شمال الديريكسيون و عليه (+) و (-)
3- زرار يمين الديريكسيون و عليه (R) و (O)
- اول حالة و دى سهلة اوى و موجودة فى كل العربيات لما بتبقى ماشى و مش عايز السرعة تزيد مثلا عن 100 كم بتدوس بنزين لحد اما السرعة تقرب على 100 و تدوس على الزرار رقم 1 دوسة لفوق حتظهرلك السرعة اللى انت ماشى عليها فى الشاشة اللى قدامك بعديها تدوس على الزرار 2 + او - لحد لما تظبط السرعة اللى على الشاشة على 100 دا بقى يخليك مهما جريت ما تعديش سرعة 100 و لو عايز تلغيها بتدوس على زرار 3 على O او تدوس على زرار 1 و ترجعه لطبيعته تانى
- الحالة التانية و دى المتعة كلها لما تدوس على زرار 1 لتحت و بعدين تدوس على زرار 2 و تظبط السرعة على 100 بتشيل رجلك من على البنزين خالص والعربية بتفضل ماشية على 100 و لو عايز تفرمل او تهدى بتدوس فرامل عادى ولو عايز ترجع لسرعة 100 تانى اللى انت مظبطها على الشاشة بتدوس على الزرار رقم 3 و بتدوس دوسة على R بتقوم العربية لوحديها ترجعك تانى على سرعة 100 ولو عايز تزود السرعة عن 100 او تنقصها بتدوس على الزرار 2 + او - من غير ما تدوس بنزين خالص و لو عايز تلغيها خالص بتدوس على زرار 1 و ترجعه لطبيعته
يا رب اكون قدرت افيدك و بالنسبة للبلوتوث دا انا بستعمل السماعة لان اساسا ما عنديش
============================================
اما البلوتوث فهو سهل جدا و ممتع فى نفس الوقت
فى الكاسيت زرار المنيو (مكانة يمين تحت) تضغط علية و بعدين تلف البكرة اللى فى الكونترول اللى خلف الدركسيون لغاية منيو البلوتوث و تضغط علية ثم اتبع الكلام المكتوب على الشاشة
الممتع فية انك بجانب استعمال التليفون فى المكالمات العادية ممكن عن طريق البلوتوث تستخدم تليفونك (لو فية الامكانية) كوحدة صوت بمعنى انك تشغل اى اغانى من موبايلك تسمعها فى سماعات العربية بصوت واضح و قوى و نقى جدا
===============================================
ضافه بسيطه كمان جرب الvoice commands و سجل الارقام على ال vehicle phonebook هيعجبك الاوبشن ده برضه عندك لغايه 40 رفم تقدر تسجل ال voice tag بتعاهم و تتصل بالصوت
===============================================
شوف اى عربية بيتكسر زجاجها ممكن تتفتح من جوة و حتى لو فيها انذار حيضرب لما يفتح الباب و بعدين يسكت لما يقفل الباب انا معرفش الفئة بتاعة حضرتك اللى بمفتاح بريموت مش بكارت زيى نظامها اية بس بردة حتى لو الباب اتفتح مش ممكن تدور من غير مفتاحها و كمان انت بتقول انك قفلت بالريموت و انت جوة العربية و معاك الريموت مش يمكن يكون دة هو السبب اللى خلى العربية تفتح من جوة لوجود الريموت لو عايز تجرب صح ادى الريموت لحد (تعرفوا طبعا) و خلية يقفل العربية و انت جواها و يمشى بعيد و بعد كدة حاول تفتح العربية من جوة و بعدين انا كنت قريت فى الكاتالوج ان فية نظام اسمة dead lock و دة اللى بيخلى العربية ما تفتحش من جوة ولا من برة و تشغيلة يتم بانك تدوس على زرار الغلق اللى فى الريموت مرتين متتاليتين ورا بعض وكدة مش حتفتح لا من جوة و لا من برة علشان تفتح لازم تضغط على زر الفتح من الريموت جرب الحاجتين دول و قولى على النتيجة
================================================== سم الله بسم الله الرحمن الرحيم
اولا الف مبروك على العربية ربنا يكفيك شرها و يديك من خيرها ان شاء الله
بالنسبة لأستفساراتك الأجابة كالتالى
- ازاى اشغل الlighting sensor لانه المفترض انه النور ينور لما ادخل فى ضلمة او نفق مثلا وده مش بيحصل (الدراع اللى على شمال الدركسيون لف رأسة للامام لحد ما يبقى السهم على Auto و لو انت واقف فى مكان ذو اضائة منخفضة و العربية دايرة حتلاقى النور نور و مش حيطفى الا اذا بطلت العربية او طلعت فى مكان منور بس يكون نور قوى نور شمس يعنى)
- مساند الراس ازاى بتتحرك للامام وللخلف (مسند الراس مقسوم نصفين و انت قاعد على الكرسى مد ايديك الاتنين و امسك النصف الامامى الملامس لراسك و شدة ناحيتك لغاية ما يكون مريح راسك)
- ازاى اميل الكنبة الخلفية وازاى اقفلها ( طى ) (الكنبة الخلفية مقسومة ثلث و ثلثين افتح الباب الخلفى من ناحيتك او حتى من الناحية التانية حتلاقى اعلى الكنبة الخلفية بجانب القايم الخلفى منطقة منخفضة فيها دراع صغير حركة بايد و شد ظهر الكنبة بايدك التانية للامام)
- فى بكرتين تحت الدركسيون على الشمال واحدة بتاعت درجات اضاءة التابلوه والتانية مش عارف بتاعت ايه ( التانية بتاعة رفع و خفض فانوس الاضائة الامامى لو انت مركب ناس فى الكنبة الخلفية و مالى الشنطة او طالع مطلع حرك البكرة على 2 حتلاقى الاضائة الامامية اتحركت لتحت لكن فى الظروف الطبيعية دائما سيبة على صفر)
- هل نظام التدفئة الذاتية للمرايات الجانبية بيشتغل اوتوماتيك ولا فى حاجة بتشغله (دى بصراحة مش عارفها بس حشوف فى الكاتالوج و ابقى اقولك)
بس كدة كفاية احسن شكلى كدة طمعت اوى فيكوا (اى خدمة اطمع زى مانت عايز و على فكرة كل اللى قولتهولك دة حدعمهولك بصور اخر اليوم)
- هل نظام التدفئة الذاتية للمرايات الجانبية بيشتغل اوتوماتيك ولا فى حاجة بتشغله (التدفئة الذاتية للمراية بتعمل مع الزجاج الخلفى بمعنى ان زر التدفئة الذاتية للزجاج الخلفى اللى فى وسط زراير التكييف بيشغل الاثنين مع بعض)

==================================================

زى ما شرحت سابقا و العربية واقفة الضغط على زرار المنيو اللى فى دراع المساحة لاعلى او اسفل ضغطة ضغطة حتى الوصول لمنيو الضبط
للدخول فى منيو الضبط يجب الضغط على على نفس زرار المنيو اللى فى دراع المساحة لاعلى او اسفل و لكن المرة دى ضغط مستمر لمدة 3 ثوانى حتلاقى المنيو فتحت يمكن التحرك فى منيو الضبط الجديدة اللى فتحت لاعلى و اسفل بنفس الزرار اللى فى دراع المساحة حتلاقى مكتوب بالانجليزية جملة على ما اتذكر كانت auto lock while vehicle move و جنبها مربع فاضى انزلى عليها و اضغطى على زرار المنيو اللى فى دراع المساحة لاعلى او اسفل باستمرار لمدة 3 ثوانى حتلقى ظهر جوة المربع x كدة الخاصية تم تفعيلها
يتم الخروج من المنيو بنفس طريقة الدخول
============================

طبعا مع الشكر لكل الزملاء اللي كتبوا تجاربهم القيمة جداً ....
وبالتوفيق ان شاء الله

[bukla]

بصوا يا فلوينسية .... انا عملت مختصر مفيد في معطم التعليفات والتجارب بتاعة زملائنا الاعضاء في الموصوغ كله بخصوص الغئة ال e3 لل ب 142 الف ... عشان هيا دبة اللي هستلمها ان شاء الله .....

============================

أوتوماتيك - dynamic 142000.00

================================================
وضبط الكاوتش
35 امامى و 32 خلفى
المقاييس السابقة على الطريق السريع فى الحالة السفر
اما داخل المدينة مقياس الهواء الصحيح
32 امامى و 29 خلفى
================================
استهلكت 35لتر فى مسافه 333 كيلو بمعدل 190 كيلو للصفيحه (الصفيحه 20 لتر)
الاستهلاك متغير على حسب طريقة السواقة و ظروف الطريق
يعنى سواقتى انا على سبيل المثال
طريق اسكندرية راجع محمل 5 افراد مشغل تكييف و الشنطة مليانة الاستهلاك 12.4 لتر فى مسافة 189.1 كيلو بمعدل 305 كيلو للصفيحة (الصفيحة 20 لتر)
داخل القاهرة معدل الاستهلاك فى المتوسط 220 كيلو للصفيحة (الصفيحة 20 لتر)
============================

طبعا مع الشكر لكل الزملاء اللي كتبوا تجاربهم القيمة جداً ....
وبالتوفيق ان شاء الله

الف شكر على مجهودك فى تجميع كل هذا الكم من المعلومات لافادة كل اللى عايز يعرف اى حاجة عن الفلوينس
ملحوظة بعد اذن صاحب المشاركة (قمت بالتعليق و تعديل نقطتين بس فى المعلومات السابق ذكرها)
جزاك الله كل خير

[Abomar77]

الف شكر على مجهودك فى تجميع كل هذا الكم من المعلومات لافادة كل اللى عايز يعرف اى حاجة عن الفلوينس
ملحوظة بعد اذن صاحب المشاركة (قمت بالتعليق و تعديل نقطتين بس فى المعلومات السابق ذكرها)
جزاك الله كل خير

ربنا يخليك لينا يا بوكلا .....

ربنا جعلك سبب في اعجابي بالعربية .....

المفروض تشارك بتوع المبيعات في رينو في الارباح ..... ههههههههههههههه

[Hegazio]

ماهو شريك .. هو و أبو سامية .. هيه هيه

[bukla]

ربنا يخليك لينا يا بوكلا .....

ربنا جعلك سبب في اعجابي بالعربية .....

المفروض تشارك بتوع المبيعات في رينو في الارباح ..... ههههههههههههههه

ناس كثير بتقولى الحكاية دى بس للاسف التوكيل عامل فيها عبيط و لا حياة لمن تنادى هاهاهاهاهاها

ماهو شريك .. هو و أبو سامية .. هيه هيه

بقى كدة برضة تكشفنى هاهاهاها
طب اية رأيك بقى انى مش باعتلك حصتك فى الشركة و حكشفك انت كمان
يا جماعة حيجازيو شريك و من المؤسسين كمان