رابطة حائزى الفلوينس

[gharana]

كل عام وانتم بخير يا رجالة ورمضان كريم علينا اجمعين.
الحمد لله عملت يوم 1 رمضان صيانة ال5000 كم: العربيه كانت عامله 6500 كم و كان ميعادي الساعه 10:00,توكلت عاى الله و طلعت على فرع المقطم ,وصلت متأخر نصف ساعه لأني ماكونتش عارف أوصل,المهم سلمتهم العربيه و كانت الصدمه قال لي إنشاء الله هاتستلم العربه الساعه 2:00,ليه 4:00 ساعات على اه,المهم دخلت الإستراحه و بدأت رحلة النوووووووم, طبعاً لو فاكرين انا كنت رايح ب 3 مشكلات ,
1-ال cd بيعلق و مابيطلعش بسهوله.
2- مؤشر البنزين اللي كان بيقرأ خطأ.
و أهم مشكله كانت
3- في صوت الصفاره اللي في تيل الفرامل الخلفي

أول لما جت الساعه 2:00 روحت للمهندس علشان استلم العربيه قال لي معلش لسه شويه,(اووووووف)
2:15 لسه
2:30 لسه
3:00 أصل في مشكله في الserver مع رينو فرنسا علشان لازم ننزل سوفت وير جديد لمؤشر البنزين بس الحمد لله إتحلت و هاتمشي بعد 10 دقائق(أخيراً).
المهم فعلاً إستلمت العربيه و قبل لما امشي سألت عن مشكلة الcd فقال لي علشان انت بتشغل cd مش أصلي و كمان مخربش أوي,فخلي بالك ده ممكن يبوظ العدسه الكاسيت.
-أما بالنسبه للفرامل فقال لي ده كان عاوز تنظيف فقط.
المهم أخذت عربيتي و جريت على البيت على طول و مع أول دوسة فرامل(الصفاره زي ما هي) مش عاوز اقول كنت محبط اد اه.
و الله كنت عوز ارجع اتخانق معاهم بس الزحمه على الأوتوستراد هي اللي منعتني,رحت مكلم التوكيل في التليفون و كلمت خدمة ما بعد البيع و طلعت فيهم كل اللي منرفزني و قالتلي ممكن احجزلك ميعاد تاني قريب بس للأسف عندي سفر و شغل و مش فاضي,المهم انا ناوي اروح اتخانق في صيانة ال 10000 كم.

السلام عليكم
التوكيل في المقطم لم يعجبني خالص بصراحة المكان ضيق على عدد السيارات وبيتأخروا في استلام وتسليم السيارة، بس ممكن تجرب صيانة العبور بصراحة حاجة تانية خالص سواء المهندس محمد عمر رئيس الورشة او المهندسين في الاستقبال سوف تكون سعيداً جداً بس روح ماتخليش كل ما تركب العربية تتنكد خلص الموضوع وبعدين هما فتحين كل ايام الاسبوع والسلام

[gharana]

[frame="7 80"]
اشكرك جدا على تعاونك الدائم للافادة و ذلك يدل على شخصكم الكريم و لا يصدر الا من انسان محترم طيب الفطرة ( و الله كلام جامد الصراحة كان لازم ادخل اداب :)

طبعا انا مش محتاج تذكرة بطريقة حل موضوع البنزين دة انا دلوقت بعمل ماجيستير فى الموضوع بتاعك و لاكن هل هذة المشكلة مسجلة عند التوكيل و محدد ميعاد لحلها نهائيا ؟ ولا سايبين النهاية مفتوحة ؟:)
[/frame]

السلام عليكم
بالنسبة لموضوع مؤشر البنزين فلا تقلق خالص علشان ده توكيل محترم ومش بيحسسك ان الموضوع عادي وانت بس مش واخد بالك وبدق على حاجات صغيرة مش مستاهله زي بعض من التوكيلات ما بيعملوا مش كلهم هما شغالين مع الشركة الام من زمان الى ان وصلوا انهم عملوا عوامات جديدة حتى تناسب البنزين المصري والمهم ان هي جاية في الطريق ان شاء الله وحتى كما التوكيل كلمنى قبل رمضان علشان يعرف بالظبط العدد المحتاج للتغيير علشان لما توصل يبدأوا في التغيير " على فكرة ان متابع مع مسئول كبير في الصيانة وقد اكد لى الكلام ده يعني مش اشتغاله وربنا يكرم:b4_384:

[Dr A7mad]

السلام عليكم يا احلى اعضاء في المنتدى .. انا بفضل الله استلمت الفلوينس من اسبوعين بعد اما تابعت الموضوع هنا لمدة 6 شهور تقريبا و الحمدلله مش مخيبة املي خالص بل بالعكس تستاهل فلوسها و ماشاء الله انا ابتديت اشوفها بتنتشر جدا و الناس كلها بتشكر فيها.... ربنا بس يحفظنا ويدينا خيرها و يبعدنا عن شرها .. امين

كان عندي سؤال بسيط .. هو في صيانة 1000 كم و لا اول صيانة بتبقة ال 5000 و لو سمحتو ممكن تقولولي اروح توكيل العبور ازاي علما باني ساكن في مصر الجديدة؟

لكم جزيل الشكر

[wawoo]

[bor=#0073ff]ياريت يا شباب نشارك فى الجزء الثانى من الرابطة لان الموضوع دة تضخم جدا ..

المشاركات الجديدة فى الجزء الثانى ..>>>>>> >>>

http://www.nilemotors.net/Nile/236780-3-2011-a.html

شكرا [/bor]

[ahmadm]

السلام عليكم
بالنسبة لموضوع مؤشر البنزين فلا تقلق خالص علشان ده توكيل محترم ومش بيحسسك ان الموضوع عادي وانت بس مش واخد بالك وبدق على حاجات صغيرة مش مستاهله زي بعض من التوكيلات ما بيعملوا مش كلهم هما شغالين مع الشركة الام من زمان الى ان وصلوا انهم عملوا عوامات جديدة حتى تناسب البنزين المصري والمهم ان هي جاية في الطريق ان شاء الله وحتى كما التوكيل كلمنى قبل رمضان علشان يعرف بالظبط العدد المحتاج للتغيير علشان لما توصل يبدأوا في التغيير " على فكرة ان متابع مع مسئول كبير في الصيانة وقد اكد لى الكلام ده يعني مش اشتغاله وربنا يكرم:b4_384:

شكرا جزيلا على الاهتمام ربنة يكرمك طيب هل المودلات الجديدة هاتنزل بالعوامات الجديدة ؟

[bukla]

السلام عليكم يا احلى اعضاء في المنتدى .. انا بفضل الله استلمت الفلوينس من اسبوعين بعد اما تابعت الموضوع هنا لمدة 6 شهور تقريبا و الحمدلله مش مخيبة املي خالص بل بالعكس تستاهل فلوسها و ماشاء الله انا ابتديت اشوفها بتنتشر جدا و الناس كلها بتشكر فيها.... ربنا بس يحفظنا ويدينا خيرها و يبعدنا عن شرها .. امين

كان عندي سؤال بسيط .. هو في صيانة 1000 كم و لا اول صيانة بتبقة ال 5000 و لو سمحتو ممكن تقولولي اروح توكيل العبور ازاي علما باني ساكن في مصر الجديدة؟

لكم جزيل الشكر

ارجو من السادة حائزى الفلوينس و الميجان 3 استخدام الموضوع الجديد بالنسبة لسؤال حضرتك حتلاقى الاجابة فى رابط الموضوع الجديد دة

http://www.nilemotors.net/Nile/236780-3-2011-a.html

[ahmadm]

[frame="7 80"]
اشكرك جدا على تعاونك الدائم للافادة و ذلك يدل على شخصكم الكريم و لا يصدر الا من انسان محترم طيب الفطرة ( و الله كلام جامد الصراحة كان لازم ادخل اداب :)

طبعا انا مش محتاج تذكرة بطريقة حل موضوع البنزين دة انا دلوقت بعمل ماجيستير فى الموضوع بتاعك و لاكن هل هذة المشكلة مسجلة عند التوكيل و محدد ميعاد لحلها نهائيا ؟ ولا سايبين النهاية مفتوحة ؟:)
[/frame]

السلام عليكم يا استاذ بوكلا انا حسيت انك افتكرت ان انا بتريق عليك فى ردي اللى فوق دة و طنشتنى فى الرد و انك زعلت انا والله العظيم مش بتريق خالص و على العموم انا بعتذر لو الكلام زعلك

[gharana]

شكرا جزيلا على الاهتمام ربنة يكرمك طيب هل المودلات الجديدة هاتنزل بالعوامات الجديدة ؟

السلام عليكم
والله في الحقيقة المنطق بيقول انهم لازم ينزلوا العوامات الجديدة في العربيات الجديدة بس مش عارف اديلك رأي اكيد تنزل بس العوامات ونقوم بالسؤال بعد كده وربنا المستعان وشكراً:b4_592:

[mmww]

يا شباب هو الفلوانس اللي في مصر غير اللي في السعودية من حيث المحرك والحاجات دي
لحسن في واحد صاحبي عايز يشتريها من السعودية وينزلها مصر فمش عارف انتم اية رئيكم ؟؟؟؟؟؟؟

[meridian71]

أنا يا جماعه مش عارف أشكركم إزاى. أنا الحمد لله إستقريت إنى أشترى فلوينس و كلمت التوكيل اللى فى سور نادى الزمالك النهارده و ظبطت معاهم إنهم يحجزولى اللون الغيرانى اللى ب 150ألف اللى فيها كل حاجه لإن اللى ب 167ألف خلاص مش بتنزل مصر لكن الغريب إنهم قالولى إنهم زودوا الباركنج سنسور على اللى حجزتها . لكن أنا بصراحه لسه خايف من تجميع العربية. هو ممكن يا جماعه الواحد يركب زينون؟

[Hegazio]

علي فكرة كان من شهور الفئة دي هي اللي ما بتنزلش و ال 167 هي اللي بتنزل
و كانت فيها فتحة سقف و باركنج سنسور
التوكيل ممكن يركبلك زينون ( من عنده او من بره ) و يبقي ما خرجتش من الضمان .. طبعا الأوفر من بره .. بس اسأله علي الأنواع اللي هو بيوصي بيها

[Hegazio]

سؤال بقي يا جماعة اقوي من مجرد العوامة الجديدة في موديل 2012

هل .. فيه اي تغيير في موديل 2012؟
فيس ليفت ؟ .. فيس 2 ... بطيخ أحمر ؟

[merododo]

لو حد يااخوه بيفكر يبيع عربيته الفلوانس بس تكون تاني فئه بعد الهاي لاين يعني بفتحة سقف ويكون لونها شامبين او فيراني وتكون 2011 وتكون بحالة المصنع ممكن يقولي وشكرا ليكم كلكم علي المعلومات الهادفه

[merododo]

ممكن تساعدوني يااخواني لو حد يعرف حد بيبيع فلوانس زيرو الفئه اللي بعد الهاي لاين اللي ب 150000 يدلني عليه

[meridian71]

ممكن تساعدوني يااخواني لو حد يعرف حد بيبيع فلوانس زيرو الفئه اللي بعد الهاي لاين اللي ب 150000 يدلني عليه

ممكن تروح التوكيل فى سور نادى الزمالك أو محمد زكى القطامية. موجودة بضاعة حاضرة و أنا حأستلم إن شاء الله بكرة من التوكيل فى المهندسين. إدعوا لى ربنا يبارك لى فيها.