رابطة حائزى الفلوينس

[merododo]

ان شاء الله ربنا يباركلك فيها ويكفيك شرها سؤال ومحتاج اجابه يااخوه نزلت النهارده السبع اوتوماتيف لقيت عنده العربيه فئة 150000 وممكن يدهالي 147000 تنصحوني اشتري دلوقتي والا استنا شهرين لغاية موديل 2012 ماينزل مع اني عارف ان الشكل مش هايتغير ويمكن السعر يزيد 3000 جنيه تنصحوني بأيه احسن بعت عربيتي من 10 ايام ومحتاس والله من التفكير وحد

[merododo]

ياريت حد ياشباب يرد عليا ويساعدني في الاختيار وجزاكم الله خير اشتري 2011 والا اصبر شويه واحجز 2012 مع العلم ان اخر سعر وصلتله من احد البائعين 145000 للعربيه فئة 150000 موديل 2011

[pipelineeng]

يا جماعة كل سنة وانتو طيبين انا بصراحة كدة بفضل الله وبفضل أعضاء المنتدى ده و خصوصن الاخ بوكلا نويت ان شاء الله على الفلوانس ونزلت الميكانيكيون العرب و شوفتها وجبت منهم سعر 138500 و 20% خصم على الصيانة و10% على قطع الغيار
بصارحة الناس كلها هنا مخاوفانى من العربية وبيقولولى حاتخسر فيها جامد لو حبيت تبيعا شوف الميجان عاملة ازاي تمنها 50000-60000 الف جنيه ابعد عن الرينو وانا علشان خبريتى محدودة فى الموضوع ده مش عارف أعمل ايه؟؟؟؟
وكمان يا جماعة فى ناس تانية بيخاوفونى من الميكانيكيون العرب فهل فى مكان تانى ممكن اجيب منو ولا أتوكل على الله و أجيب من عاندهم وخلاص؟
أنا فى أشد الحيرة من موضوع الـ Resell ده وخايف نفسى تشييل من العربية
ياريت حد يفيدني فى الموضوع ده يائما يقنعني يا يوجهنى لعربية تانية

[Mohamed_Ashour]

يا جماعة مشكله عوامة البنزين التوكيل حلها والعوامة الجديدة المعدلة نزلت من فرنسا - اى حد عندة المشكلة دى يكلم التوكيل يحجز معاهم - انا روحت ظبطوا العربية وبقت زى الفل الحمد لله.

[m.bialy]

ما تزعلش منى بس موضوع ما تفتحش الكابوت خلال فترة الضمان دة مش ممكن أنا أصلا مهندس كهرباء وأخدت دورات فى ميكانيكا السيارات أيام الكليه (من 13 سنه)ومش من النوع إللى بيسوق وخلاص لازم كل كام يوم أبص بصه كدة وأحاول أتعلم. على فكرة أنا جبت maintenance manual بتاعها من على النت صحيح أنا لسه ما قريتش فيه بس أكيد الواحد حيتعلم منه كتير ويبقى عارف إيه إللى جوة العربيه

ممكن اللينك بتاع ال maintenance manual لو سمحت

[mohamedkordy]

والله شكلك شغال فى التوكيل

السلام عليكم و رحمة الله و بركاتة
التكييف ضعيف يبقى عليك و على التوكيل علشان يكشف على التوكيل و يشوفة محتاج شحن و لا فية مشكلة تانية
مياة التبريد ما تفرقش معاك طالما العربية مش بتسخن و لكن برضة قول لهم فى التوكيل على الموضوع دة مع انى مش عارف انت عرفت منين ان مية التبريد ناقصة لانك ما يجبش انك تفتح الكابوت بتاع العربية عند اى حد غير التوكيل و دى نصيحة علشان ما حدش يفتى فى العربية عن غير علم
اما موضوع النتشة بين الاول و التانى فهى للاسف معتمدة على طريقة سواقتك و خصوصآ طلعتك من الثبات لو غيرتها مش حتحس بيها
ارجوك مرة تانية ما تخليش حد يلعب فى العربية و روح التوكيل لانة الوحيد اللى حيعالج اى مشكلة بدون تخريب و الحمد الله ان التوكيل بتاعنا واحد من احسن توكيلات العربيات فى مصر ان ما كانش احسنهم جميعا
بالتوفيق ان شاء الله

والله انا حاسس انك شخصيا شغال فى التوكيل من كتر مانتا عايز محدش يفتح الكبوت الا فى التوكيل اذا كان كتالوج العربيه نفسه بينصحك بفحوصات اسبوعيه وشهريه وفى حاجات يوميه كمان يبقى ازاى مفتحش الكبوت طبعا لازم افتح الكابوت واطمن على العربيه مش استنى المشكله تحصل وبعدين اقطرها للصيانه

[wawoo]

والله انا حاسس انك شخصيا شغال فى التوكيل من كتر مانتا عايز محدش يفتح الكبوت الا فى التوكيل اذا كان كتالوج العربيه نفسه بينصحك بفحوصات اسبوعيه وشهريه وفى حاجات يوميه كمان يبقى ازاى مفتحش الكبوت طبعا لازم افتح الكابوت واطمن على العربيه مش استنى المشكله تحصل وبعدين اقطرها للصيانه

و هو حضرتك شغال فين نحب نتعرف ياريت ..و تعرف اية عن الرينو ولا الفلوينس ..اذا كانت عامل موضوع كاتب انك اشتريت فورد ....سبحان الله
و بتقول رايك فى صيانة عربية تانية بناء على اية ان شاء الله ..ياريت تحتفظ بنصائح العظيمة لنفسك ...

مافيش فى كابوت الفلوينس فحوصات اسبوعية ولا شهرية ولا يومية ...دة عشان يكون عندك فكرة يعنى ...لو فكرت تشترى رينو يعنى فى يوم من الايام

[bukla]

والله انا حاسس انك شخصيا شغال فى التوكيل من كتر مانتا عايز محدش يفتح الكبوت الا فى التوكيل اذا كان كتالوج العربيه نفسه بينصحك بفحوصات اسبوعيه وشهريه وفى حاجات يوميه كمان يبقى ازاى مفتحش الكبوت طبعا لازم افتح الكابوت واطمن على العربيه مش استنى المشكله تحصل وبعدين اقطرها للصيانه

بسم الله الرحمن الرحيم
لو تعليق حضرتك ليا بإنك حاسس انى شغال فى التوكيل يحمل معنى الاتهام يبقى مش حرد غير بحسبى الله و نعم الوكيل و انصحك بالاستغفار و افكرك بالايه الكريمه ﴿يا أيها الذين آمنوا اجتنبوا كثيراً من الظن أن بعض الظن إثم﴾
و لو عايز تعرف ليه انا بفكرك بالأيه دى بالذات ابحث عنى معناها او تفسيرها و حتعرف بالضبط انا اقصد ايه
اما بخصوص نصيحتى بعدم فتح الكابوت للعربيه فأنا كنت و مازلت بنصح و بعمل كده فى اللانوس كمان اللى هى ابسط بكثير من الرينو و اى حد ممكن يفهم فيها و نصيحتى كانت مبنيه على ان الرينو بالذات من العربيات اللى لو حد مش فاهم فيها و حاول يعدل او يصلح حاجه فيها بدون خبره سابقه ممكن تعمل مشاكل معاه مايخرجش منها ابدا اما اللى عنده الخبره الكافيه يتفضل يفتح الكابوت و يعمل اللى نفسه فيه
فى الاخر ربنا يهديك و يهدينا جميعا
السلام عليكم و رحمه الله و بركاته

[mohamedkordy]

بسم الله الرحمن الرحيم
لو تعليق حضرتك ليا بإنك حاسس انى شغال فى التوكيل يحمل معنى الاتهام يبقى مش حرد غير بحسبى الله و نعم الوكيل و انصحك بالاستغفار و افكرك بالايه الكريمه ﴿يا أيها الذين آمنوا اجتنبوا كثيراً من الظن أن بعض الظن إثم﴾
و لو عايز تعرف ليه انا بفكرك بالأيه دى بالذات ابحث عنى معناها او تفسيرها و حتعرف بالضبط انا اقصد ايه
اما بخصوص نصيحتى بعدم فتح الكابوت للعربيه فأنا كنت و مازلت بنصح و بعمل كده فى اللانوس كمان اللى هى ابسط بكثير من الرينو و اى حد ممكن يفهم فيها و نصيحتى كانت مبنيه على ان الرينو بالذات من العربيات اللى لو حد مش فاهم فيها و حاول يعدل او يصلح حاجه فيها بدون خبره سابقه ممكن تعمل مشاكل معاه مايخرجش منها ابدا اما اللى عنده الخبره الكافيه يتفضل يفتح الكابوت و يعمل اللى نفسه فيه
فى الاخر ربنا يهديك و يهدينا جميعا
السلام عليكم و رحمه الله و بركاته

لا حول ولا قوه الا بالله متهيالى واضح من كلامى انى كنت بهزر بخصوص التوكيل على العموم انا اللى حئولك الله يسامحك على ظلمك ليا واضح انك مقرتش كويس الكلام المكتوب انى بقول الانسان لازم يشيك على عربيته بنفسه وده طبقا لتوصيات الكتالوج العربيه

[heromiro]

أنا عندي صوت غريب قوي وعالي لما برجع بالعربيه للخلف حد عنده نفس المشكله ؟؟؟

[malbarbary]

طب بالنسبة لحكاية الضمان لو عايز اركب جي ام على السماعات دي طبعا مش عند الوكيل عند
اي حد بتاع سماعات هل ده معناه اني لو ركبته هطلع من الضمان مع العلم اني مركب زينون عالي بره التوكيل

[ahmed_lama]

الساده حائزي الفلوانس.. انا واخد القرار خلاص الحمد لله بس ناوي علي 2012 بأذن الله تعالي
بس سؤال واحد لطيف كده قاللي ان الفلوانس تركي.....؟؟؟؟

وطبعا ده كانت صدمه بالنسبه لي..


انا ركبت بيجو 408, 308 وكمان سيتي بس برضه مش فلوانس...


حاسس ان المقارنه بس تكون مناسبه مع السيفك الهاي لاين
بس طبعا فرق السعر لصالح الفلوانس...


فبرجاء الافاده عشان كل حد اسأله يحذرني منها,..

انا صراحه معرفش حد اشتراها..

بس انا هنا اظن ان كل الناس المالكه للعربيه هيدوني راي صريح :)



وشكرا

[Hegazio]

malbarbary
انت بتفهم و الله و حاسس بيك .. نفسي أعلي الساوند سيستم بس الاحتياطات كالتالي ( بسؤال الوكيل )
سماعات فقط ( حتاخد وصلة صوت من السماعات الخلفية ) مافيش مشكلة
جي إم .. ممنوع اخد او لعب في وصلة الضفيرة .. الحل من وجهة نظرهم من البطارية مباشرة مافيش مشكلة ( إزاي ماعرفش )

بس ياريت تقول لي حتركب إيه .. أو الأهم هو حتركبه فيـــــــــــن؟!!!

[Hema_law]

السلام عليكم ورحمة الله و بركاته
أنا كان لي تجربه مع الرينو الفلوانس أنا اشترتها من شهر واحد ألفين واحدعشر ولغاية دلوقتي عامل بيها حوالي 12 الف كيلو بصراحه أنا كنت بقارن بيها وبين الاكتوفيا علما بان بالنسبه لي الاختلافات الي بنهما/1ً... فرق سعر اعادة البيع وده ممكن الي يخلي اي حد يفكر اكتر من مره عشان تختار ما بنهما بس اعتقد ان الفلوانس تفقوق الاكتوفيا في الكماليات والشكل

بالنسبه الفلوانس مميازاتها
1-عربيه رقيه جدا تحس انك لابس بدله على مقاسك وشيك ومش اي حد يلبسها
2-الثبات الي فيها خاصه في السرعات العاليه غير اي عربيه
3-الفرامل الي فيها غير طبيعه يعني لو انت ماشي على 120ودست فرامل العربيه تمسك نفسها ما نعومش منك وده بعكس العربيات الكوري و الياباني وبعض الاوروبي وههحلكم الحكايه ديه بجد عشان ربنا يكرمكم الي يشتري عربيه يخد بقاله من النقطه ديه
أنا بقالي شهرين نايم على السرير عشان الموضوع ده والحمدلله
أنا كنت سايق عربيه الانتر بتاعت اختي 2011 على طريق صحروي أفلت عليا مقطوره كنت سايق ع 120 فدست فرامل ودخلت يمين شويه العربيه انقلبت بي خمس مرات والعربيه كان سقفها ع الارض
4-وسع العربيه مش طبيعي فعلا
5-التكيف الخلفي ولبلوتوث


عيوابها
من وجهه نظري ومش عارف ممكن تشاركوني فيها
1- سعر اعادة البيع
2-في مشكله اكتر من مالك قالوا عليها بخصوص صوت صفره
بس عن نفسي عايز أخد بجد رأيكم وياريت تفيدوني أنا لسه اقدمي 4 اشهر لغايه لما أبدا اسوق تاني ان شاء عشان الحادثه فبكر ابيع العربيه عشان سعرها ميقلش وكده تيجي عليا بخساره لغايه ما الواحد ربنا بقومه بالسلامه

[bukla]

السلام عليكم ورحمة الله و بركاته
أنا كان لي تجربه مع الرينو الفلوانس أنا اشترتها من شهر واحد ألفين واحدعشر ولغاية دلوقتي عامل بيها حوالي 12 الف كيلو بصراحه أنا كنت بقارن بيها وبين الاكتوفيا علما بان بالنسبه لي الاختلافات الي بنهما/1ً... فرق سعر اعادة البيع وده ممكن الي يخلي اي حد يفكر اكتر من مره عشان تختار ما بنهما بس اعتقد ان الفلوانس تفقوق الاكتوفيا في الكماليات والشكل

بالنسبه الفلوانس مميازاتها
1-عربيه رقيه جدا تحس انك لابس بدله على مقاسك وشيك ومش اي حد يلبسها
2-الثبات الي فيها خاصه في السرعات العاليه غير اي عربيه
3-الفرامل الي فيها غير طبيعه يعني لو انت ماشي على 120ودست فرامل العربيه تمسك نفسها ما نعومش منك وده بعكس العربيات الكوري و الياباني وبعض الاوروبي وههحلكم الحكايه ديه بجد عشان ربنا يكرمكم الي يشتري عربيه يخد بقاله من النقطه ديه
أنا بقالي شهرين نايم على السرير عشان الموضوع ده والحمدلله
أنا كنت سايق عربيه الانتر بتاعت اختي 2011 على طريق صحروي أفلت عليا مقطوره كنت سايق ع 120 فدست فرامل ودخلت يمين شويه العربيه انقلبت بي خمس مرات والعربيه كان سقفها ع الارض
4-وسع العربيه مش طبيعي فعلا
5-التكيف الخلفي ولبلوتوث


عيوابها
من وجهه نظري ومش عارف ممكن تشاركوني فيها
1- سعر اعادة البيع
2-في مشكله اكتر من مالك قالوا عليها بخصوص صوت صفره
بس عن نفسي عايز أخد بجد رأيكم وياريت تفيدوني أنا لسه اقدمي 4 اشهر لغايه لما أبدا اسوق تاني ان شاء عشان الحادثه فبكر ابيع العربيه عشان سعرها ميقلش وكده تيجي عليا بخساره لغايه ما الواحد ربنا بقومه بالسلامه

اخى العزيز لقد تم دمج هذا الموضوع فى بداية موضوع جديد يسمى رابطة حائزى فلوينس سيدان و ميجان هاتش باك 3 --مشاركات 2011 و ذلك لاضافة الشقيقه ميجان 3
و قد قمت بالرد على مشاركتك فى الموضوع الجديد