رابطة حائزى الفلوينس

[HOSSAM_GABRE]

السلام عليكم ورحمة الله
انا عضو جديد معاكم فى رابطة الرينو فلوانس
ومنقول ليكم جديد من قسم نيسان
كنت اعايز اسأل عن افض انواع حساسات الركن , ويكون شكل الشاشة بتاعتها شيك ومتناسب مع العربية
ويا ريت لو حد يرفع صور يبقى كتر خيركم
ثانيا / هى العربية مش فيها usb اقد اشغل منه الفلاشة مياشرة
وجزاكم الله كل خير
اخوكم كيميائى حسام جبر

[Hegazio]

و عليكم السلام و رحمة الله و بركاته
مخرج الكهرباء اللي موجود في الكونسول تحت فتحات التكييف الخلفية استعماله لشحن الموبايلات و اى اجهزة ليها كابل كهرباء يمكن وضعه فى المخرج زى اجهزة نفخ العجل و الكشافات الليلية اما بالنسبة للابتوب ممكن استخدام المخرج عن طريق وسيط انا كنت اشتريتة عبارة عن وحدة من ناحية بتدخل فى مخرج الكهرباء و الناحية الثانية فيها مكان للفيشة العادية علشان تحط فيها فيشة اللابتوب او اى جهاز اخر
فى اللينك دى جهاز شبيه باللى انا بوصفهولك
enercell™ 350w high-power inverter with usb - radioshack :: Electrical :: Accessories :: Electronics :: Nefsak.com

فيه شواحن يونيفرسال بتشحن من الولاعة للابتوب او جهاز مباشرة
الفكرة ان فيوز الشحن مش حيتحمل اعلي من ١٠٠ وات..اتأكد من الرقم اللي علي الشاحن واللابتوب

[luckyman]

السلام عليكم ورحمة الله امبارح كنت فى الميكانيكون العرب اللى فى شارع جوزيف تيتو اللى فى مصر الجديده واتفرجت على الفلونس وكانت مفاجاه مكنتيش متوقع انها عربيه محترمه من ناحيه التجهيزات والخامات والوسع والابعاد حاجات كتير لفتت انتباهى وبصراحه نويت ان شاء الله اجيب واحده لكن انا متردد لانى مش عارف من ناحيه الاداء العربية حتكون ازاى والتماسك ياريت الملاك يفيدونى بموضوعيه وبحياديه شديده وايه اهم العيوب وتنصحونى باى موديل وهل فى وجه مقارنه بينها وبين الاوكتافيا ؟ ايهم افضل عايز اعرف اهم عيوب الفلونس
لانى اساسا مش بحب الرينو بس رحت اشوف الداستر كسياره دفع رباعى ولما لمحت الفلونس واتفرجت عليها وعلى الخامات اعجبت بها حتى التصميم شبيه جدا بالفورد فوكس والمنديو علشان كده عايز النصيحه وجزاكم الله خيرا وشكرا مقدما

[luckyman]

ملاحظه عايز اعرف العربية من جهه التماسك على السرعات وفى السفر والتعليق بتاعها هل هو مريح والتسارع عربية بالابعاد والحجم ده مجهزه بمحرك 105 حصان 1600 سى سى هل الاداء متواضع ام مقبول ولاه جيد ومرن وممكن اعمل مناوارت تخطى سريعه وشكرا

[yalahwy2010]

ملاحظه عايز اعرف العربية من جهه التماسك على السرعات وفى السفر والتعليق بتاعها هل هو مريح والتسارع عربية بالابعاد والحجم ده مجهزه بمحرك 105 حصان 1600 سى سى هل الاداء متواضع ام مقبول ولاه جيد ومرن وممكن اعمل مناوارت تخطى سريعه وشكرا

العربية ما شاء الله ثابتة جدا جدا على الطريق
وفى الملفات متماسكة جدا.....على الرغم انها عالية.....لكن نظام التعليق بتاعها بيديها ثبات فوق الممتاز
بالنسبة للتسارع.....هى الطلعة بتاعتها مش زى اليابانى والكورى......لكن مش تقيلة اوى زى الفانتازيا
تانى حاجة فيها ميزة لاحظتها .....ان العربية مهما شالت من حمولة....سحبها فى طلعتها وتجميعها مش بيتأثر خالص.....بعكس السيفك اللى كانت معايا.....مع ان السيفك 125 حصان.....لكن لما كانت بتشيل....كنت بدوس على دواسة البنزين بقوة عشان العربية تمشى
والعربية فى المناورات كويسة جدا....ما تقلقش منها خالص.....تانى حاجة هى بتجمع كويس جدا بعد ال 80.....يعنى لما تقرص على العربية بعد ال 80 العربية بتوصل بسرعة ل 140 وانت طالع....
وطبعا بالنسبة للفرامل.....بصراحة الرينو تفوقت خالص فى فراملها عن اى عربية تانية
وبالذات الفلوانس والميجان.....فراملها بتوقفها فعلا لما تحب توقفها.....

[Hegazio]

للتذكرة بس ( تقريبا قلت الكلام ده حاجة و عشرين مرة )
الاوربي بيقيس القدرة الحصانية الصافية من العربية شبه الفعلية...
معظم الكوري و الياباني في مصر ( كله عدا دايهاتسو و سوبارو !!) بيقيس القدرة الاجمالية للموتور و هو مش راكب فيه ولا اي حاجة !!!
و ده بيبقي ١٥٪ زيادة...( نصب يعني )
كمان...مافيش فرق بين ١٠٠ حصان عند ٥٥٠٠ ار بي ام و ١٢٠ حصان عند ٦٥٠٠ ار بي ام لو مش حتحرق فوق ال ٥٥٠٠!!!

[HOSSAM_GABRE]

السلام عليكم ورحمة الله
انا عضو جديد معاكم فى رابطة الرينو فلوانس
ومنقول ليكم جديد من قسم نيسان
كنت اعايز اسأل عن افض انواع حساسات الركن , ويكون شكل الشاشة بتاعتها شيك ومتناسب مع العربية
ويا ريت لو حد يرفع صور يبقى كتر خيركم
ثانيا / هى العربية مش فيها usb اقد اشغل منه الفلاشة مياشرة
وجزاكم الله كل خير
اخوكم كيميائى حسام جبر

السؤال دا لو فى قسم نيسان كان زمان الواحد لقى 100 رد وعلى الاقل 100 ترحيب
فين المساعدة يا شباب والترحيب بالاعضاء الجدد
ارجع العربية بقى ولا ايه

[karemof]

السؤال دا لو فى قسم نيسان كان زمان الواحد لقى 100 رد وعلى الاقل 100 ترحيب
فين المساعدة يا شباب والترحيب بالاعضاء الجدد
ارجع العربية بقى ولا ايه

السلام عليكم
على فكرة أنا زميل جديد في قسم رينو لسة مرخصتش العربية
عموما أنا ممكن أجاوب على موضوع الفلاشة، العربية مفيهاش مكان للفلاشة، لكن ممكن توصل الموبيل بتاعك بلو توث على الكاسيت مش بس للمكالمات لكن ممكن تسمع الأعاني من عليه، كمان في وصلة rca شبه الأوديو فيديو بتاع التلفزيون كان في حد من الزملاء قال أن ممكن نجيب وصلة من راديو شاك لتوصيلها بالموبيل أو الأي بود مثلا بس أنا مجربتهاش لسه

[MARTINDALE]

السؤال دا لو فى قسم نيسان كان زمان الواحد لقى 100 رد وعلى الاقل 100 ترحيب
فين المساعدة يا شباب والترحيب بالاعضاء الجدد
ارجع العربية بقى ولا ايه

السبب هو السؤال نفسه ... انا هشرحلك .
الناس فعلا متعاونه وتحب تخدم لكن في قسم نيسان هتلاقي العربيات اما نازله بقالها سنين او فيه منها خليجي فبالتالي مافيش فيها ضمان من التوكيل . اما الفلونس فالخليجي منها نادر جدا وغير مرغوب والمصري نازل من 2010 ومعظم العربيات لسه ماخرجتش برا الضمان علشان كده مش هتلاقي ولا واحد تقريبا ركب حاجه في العربيه من اللي بتحتاج الخروج من الضمان .
وطبعا سؤالك عن الباركينج سينسور وده من الاشياء اللي تركيبه يخرج الضفيره برا الضمان ومحدش عملها .

[HOSSAM_GABRE]

السلام عليكم
على فكرة أنا زميل جديد في قسم رينو لسة مرخصتش العربية
عموما أنا ممكن أجاوب على موضوع الفلاشة، العربية مفيهاش مكان للفلاشة، لكن ممكن توصل الموبيل بتاعك بلو توث على الكاسيت مش بس للمكالمات لكن ممكن تسمع الأعاني من عليه، كمان في وصلة rca شبه الأوديو فيديو بتاع التلفزيون كان في حد من الزملاء قال أن ممكن نجيب وصلة من راديو شاك لتوصيلها بالموبيل أو الأي بود مثلا بس أنا مجربتهاش لسه

الف مبروك على العربية
ومرحب بيك فى قسم رينو ,
عموما حشتغل على cd او البلو توث
انا كان الكاسيت عندى فى الصنى فيه usb علشان كده بسأل

[HOSSAM_GABRE]

السبب هو السؤال نفسه ... انا هشرحلك .
الناس فعلا متعاونه وتحب تخدم لكن في قسم نيسان هتلاقي العربيات اما نازله بقالها سنين او فيه منها خليجي فبالتالي مافيش فيها ضمان من التوكيل . اما الفلونس فالخليجي منها نادر جدا وغير مرغوب والمصري نازل من 2010 ومعظم العربيات لسه ماخرجتش برا الضمان علشان كده مش هتلاقي ولا واحد تقريبا ركب حاجه في العربيه من اللي بتحتاج الخروج من الضمان .
وطبعا سؤالك عن الباركينج سينسور وده من الاشياء اللي تركيبه يخرج الضفيره برا الضمان ومحدش عملها .
:oc_sun1[1]:

عموما شكرا لمعاونتك
قسم نيسان اجتماعى جدا وفعلا انشط قسم فى المنتدى بلا منازع
اتمنى ان يكون قسم رينو بالمثل ان شاء الله
انا عموما اشتريت حساسات ركن وعرفت انهم بيتركبوا بمعرفة التوكيل بمبلغ 300 جنية بدون الخروج من الضمان
وعموما حساس الركن مش بيأثر على حاجة فى الكهرباء بتاعة العربية بس برضوا لازم نلتزم بتعليمات الوكيل ويتم التركيبب معرفتهم .
كان نفسى كمان اركب وحدات رفع لكن الموضوع مرفوض فى التوكيل لانه بيعمل مشاكل .

[Hegazio]

Parrot parking sensor
And
Spy parking sensors

[Ahmed_ibrahim]

السلام عليكم
معايا فلونس ٢٠١٢ من شهر فبراير، الصيانه في مواعيدها بس غيرتلها طلمبه البنزين و بسبب نتشه الفتيس اتغيرلها بلف سلونيد واخيرا الكاسيت مش بيخرج الcd روحت التوكيل وقالولي تصليح والاستلام بعد اسبوعين وقالولي ان ده عادي في الفلونس وده عيب معروف مع اني مشفتيهوش هنا في المنتدى قبل ما اشتريها - كان معروف بس عيب طلمبه البنزين- وقالولي كمان ان في عيب تالت الا وهو تقشير جلد داره الدركسيون بس الحمد لله لغايه دلوقتي مظهري عندي
حد ممكن يقولي اللي حصل ده طبيعي وعادي ولا في مشكله في العربيه ولا أنا سواقتي وحشه مع ملاحظه ان عامل بالعربيه ٢٢ الف كيلو وبجري بيها وبحرق عليها !!!!!
ارجو الإفادة أفاد كم الله

[yalahwy2010]

السلام عليكم
معايا فلونس ٢٠١٢ من شهر فبراير، الصيانه في مواعيدها بس غيرتلها طلمبه البنزين و بسبب نتشه الفتيس اتغيرلها بلف سلونيد واخيرا الكاسيت مش بيخرج الcd روحت التوكيل وقالولي تصليح والاستلام بعد اسبوعين وقالولي ان ده عادي في الفلونس وده عيب معروف مع اني مشفتيهوش هنا في المنتدى قبل ما اشتريها - كان معروف بس عيب طلمبه البنزين- وقالولي كمان ان في عيب تالت الا وهو تقشير جلد داره الدركسيون بس الحمد لله لغايه دلوقتي مظهري عندي
حد ممكن يقولي اللي حصل ده طبيعي وعادي ولا في مشكله في العربيه ولا أنا سواقتي وحشه مع ملاحظه ان عامل بالعربيه ٢٢ الف كيلو وبجري بيها وبحرق عليها !!!!!
ارجو الإفادة أفاد كم الله

بصراحة انا اول مرة أسمع عن الموضوع ده
طلمبة البنزين بيغيروها عشان مؤشر البنزين بيهيس.....فا بيغيروا الطلمبة كلها
والطارة برضه بتقشر وبيغيروها....بس ممكن يكون موديل 2012 يكون ركب فيها الطارة الجديدة اللى ما بتقشرش..والله أعلم
موضوع الكاسيت دا عادى....حظك جه كدة...معلش...أهم حاجة يركبولك واحد جديد....ولا تقبل التصليح

[Hegazio]

انا السي دي اتحشر و غيرولي الكاسيت خالص