رابطة حائزى الفلوينس

[tareksedra]

الف مبروك يا استاذ bukla العربيه جميله جدا انا عندى اللون الشامبين الحقيقه ما شفتش لون وحش على العربيه دى كل الالوان لايقه عليها وده شىء نادر انه يكون فى عربيه كل الوانها جميله ربنا يبارك للجميع و يحفظنا يارب

[bukla]

الف مبروك يا استاذ bukla العربيه جميله جدا انا عندى اللون الشامبين الحقيقه ما شفتش لون وحش على العربيه دى كل الالوان لايقه عليها وده شىء نادر انه يكون فى عربيه كل الوانها جميله ربنا يبارك للجميع و يحفظنا يارب

الله يبارك فيك يا باشا
فعلا معاك حق من النادر اننا نلاقى عربية لايق عليها كل الالوان زى الفلوينس بس دة اعتقد بيرجع للخطوط الانسيابية للعربية و كبر حجمها كمان اللون الشامبين كان من الالوان المفضلة عندى بس بصراحة اللى ما خلنيش اجيبة ان الصالون رمادى مش بيج زى ما بنشوف فى صور الموديلات اللى برة لكن عموما ربنا يباركلك فيها اللون دة ما شاء الله برضة جميل قوى ليه

[sanset]

ربنا يكفيك شر الطريق يا بوكلا
متنساش تسأل الدعة التانية هتوصل امتة انا من اسكندرية وكنت حاجز فى فبراير ولسة مستلمتش

[littel_pooh]

عندك حق ,مبرووك

[Amr ElShimy]

hi all
i have been register with Mohamed Zaki 135,000 LE edition but now i don't have the money for these days if any one need to join or received my car just call me in order to arrange with him time and date
0118066660

[neversighs]

كده عندنا صور للفلونس الفضي البلاتينوم والفيراني الغلمق يا ريت الاخوه اصحاب الفلونس بالالوان الاخرى يبعتوا صور لسياراتهم

[sanset]

توكيل اسكندرية اتصل انهاردة وقال الاستلام يوم الاحد بجد بشكر بوكلا جدا جدا والجنرال خالد جدا جدا لمساندتهم لى واعطائى معلومات وارقام تليفونات وايميلات
وشكر خاص لياسر علام مدير مبيعات رينو اسكندرية لأنة زعلان جدا ومكنش فى بايدة حاجة وكان مستنى وزعلان زى
دعواتكم يا رجالة رينو أسأل اللة التوفيق لى ولكم وخالص شكرى وتقديرى مرة اخرى

[bukla]

توكيل اسكندرية اتصل انهاردة وقال الاستلام يوم الاحد بجد بشكر بوكلا جدا جدا والجنرال خالد جدا جدا لمساندتهم لى واعطائى معلومات وارقام تليفونات وايميلات
وشكر خاص لياسر علام مدير مبيعات رينو اسكندرية لأنة زعلان جدا ومكنش فى بايدة حاجة وكان مستنى وزعلان زى
دعواتكم يا رجالة رينو أسأل اللة التوفيق لى ولكم وخالص شكرى وتقديرى مرة اخرى

يا باشا لا شكر على واجب و الف مبروك مقدما ان شاء الله تستلم على خير و تنضم لوحوش رينو اولآ و لرابطة حائزى الفلوينس ثانيآ

[khaledbmw]

طب لو سمحت يا أستاذ بوكلا هو أنت شايف أن الجلد بتاع الكراسي جودته كويسة ؟

[bukla]

طب لو سمحت يا أستاذ بوكلا هو أنت شايف أن الجلد بتاع الكراسي جودته كويسة ؟

بصراحة انا شايف ان جودتة ممتازة احسن من اى فرش جلد شوفتة فى السوق لدرجة انى قررت ما اركبش فرش للعربية لبعض الوقت علشان استمتع بفرشها الاصلى شوية

[amro_abuabdo]

يا تري يا جماعة ايه احسن حاجة عشان المحافظة علي فرش العربية خصوصا اني معايا الفئة الي ب 125000 و هية فرشها قماش و انا عندي اطفال صغيرين يا تري الفرش الجاهز كويس و لا التفصيل احسن و اذا كان احسن احسن في ايه؟؟؟ لان فيه فرق كبير جدا بينهم في السعر

[bukla]

يا تري يا جماعة ايه احسن حاجة عشان المحافظة علي فرش العربية خصوصا اني معايا الفئة الي ب 125000 و هية فرشها قماش و انا عندي اطفال صغيرين يا تري الفرش الجاهز كويس و لا التفصيل احسن و اذا كان احسن احسن في ايه؟؟؟ لان فيه فرق كبير جدا بينهم في السعر

بما ان عندك اطفال يبقى لاغنى عن فرش للعربية (اسأل مجرب)اما جاهز او تفصيل فدة بيرجع لامكانياتك فى من دة كويس ومن الاخر كويس برضة لكن يفضل انك تحاول ما تسترخصش لان عربيتك ما شاء الله ربنا يحفظهالك فخمة و تستاهل انك تجيبلها احسن حاجة

[heromiro]

أنا في معرض جنب بيتي منزل ألوان تحفه algray الفاتح جامد جدا والأسود كمان

[tareksedra]

انا بفكر اركب فرش جلد تفصيل للعربيه وكنت ناوى دى تكون اول حاجه اعملها فى العربيه لكن من يوم ما استلمت العربيه عامل نفسى مطنش شويه على موضوع الفرش فرش العربيه راقى جدا و احساسك برقى فرش العربيه مخلينى عايز استمتع بيه شويه قبل ما اركب الفرش رغم انى متاكد ان الفرش التفصيل هيكون مستواه راقى برضه

[neversighs]

أنا في معرض جنب بيتي منزل ألوان تحفه algray الفاتح جامد جدا والأسود كمان

فيه الفضي و فيه الفيراني الفاتح .... حضرتك تقصد ايه بال grey الفاتح ؟