رابطة حائزى الفلوينس

[neversighs]

انا مشكلتى اكتر دلوئتى فى البرابريز و الازاز اللى مطرطش عليهم بقع الواكس دى تفتكر لو روحتلهم دلوئتى يعملوها :u_thin1[1]:

سيبك من الجاز يا اخي جرب تينر مع الزجاج وبوليش مع الصاج وما تقلقش هتطلع باذن الله

[sanset]

يا جماعة الغطاء المتبطن الى قولتة علية من كارفور مقاس لارج ولا اكس لارج الموجود عندهم لارج بس وطولة 4 متر وحاجة بسيطة
فى حد اشتراة وينصحنا

[heromiro]

أنا اشتريت غطه من محل على كورنيش بعد الاذاعه والتلفزيون قبل الوكله متبطن برده ووتر بروف 170 جنيه هو أول متكلم كان عايز 220

[sanset]

انا من اسكندرية بس انا ملقتش برة حاجة كويسة والف شكر على الرد

[sanset]

معلش يا بوكلا انا تعبك معايا انا استلمت انهاردة بس لسة مرخصتش بس مؤشر الحرارة بيوصل للشرطة الرابعة او قبلها بحاجة بسيطة دة عادى ولا اية انا قلقان جدا جدا عشان الميجان بيبقا قبل النص اقل من الفلونس يا ريت تطمنى
واسف لازعاجك

[sanset]

اكتر حاجة دايقتنى انى بعد مستلمت العربية وانا فى البنزينة لقيت حكة فى الحتة الى ما بين الاكصدام الخلفى والرفرف الخفى ناحية العجل ورجعت التوكيل تانى وعملوها باللمعة وبعدين بالبوية
يعنى مش باينة اوى بس دمى اتحرق اخر حاجة وتانى حاجة مؤشر الحرارة قلقنى موت
التجميع احسن من الميجان وحاسس ان الموتور اقوى حاجة بسيطة بالنسبة للتقل فى الطلعة عادى جدا زى الميجان بالظبط يمكن عشان انا معايا ميجان اتعودت مش عارف بس انا مش شايف حاجة فيها
الفلونس اوسع من الميجان بكتير واشيك والتكييف محترم جدا جدا جدا لا يقارن اساسا بالميجان باى حال من الاحوال
دة كدة يا جماعة على قد الاربع ساعات الى ركبت فيهم العربية انهاردة واتفق مع بوكلا فى تقريرة فى كل شء
على فكرة لو حد حس ان فية عضة فى النقلات دة عادى جدا العضة والنقلات اخف من الميجان كتيييييير دة عشان الحساس والجيريبوكس بينزلة سوفت وير
العربية هايلة جدا جدا جدا من وجهة نظرى الضعيفة بالمقارنة باعضاء نيل موتورز الكرام
اسأل اللة التوفيق لى ولكم وحمايتنا من شر الطريق

[bukla]

معلش يا بوكلا انا تعبك معايا انا استلمت انهاردة بس لسة مرخصتش بس مؤشر الحرارة بيوصل للشرطة الرابعة او قبلها بحاجة بسيطة دة عادى ولا اية انا قلقان جدا جدا عشان الميجان بيبقا قبل النص اقل من الفلونس يا ريت تطمنى
واسف لازعاجك

يا باشا ما فيش اى تعب ولا حاجة الف مبروك ربنا يديك خيرها و يكفيك شرها
فعلا هو دة مكان مؤشر الحرارة قبل الشرطة الرابعة بحاجة بسيطة ماتقلقش هو دة مكانها ثابت فى جميع الاحوال (حر ولعة او جو معتدل) بكرة ان شاء الله اصورهولك من عربيتى علشان تطمن

[sanset]

يا أخى انت انسان محترم بجد وخلوق وديما ردودك قوية وكل مرة بتأكد انك انسان خدوم وحترم وعلى فكرة انت الى خلتنى اكتب واستشيرك يوم ما التوكيل اتأخر علية انا عمرى مفكرت اكتب تماما بس طريقتك خاتنى افهم ازاى نعرف نساعد وننقل خبراتنا وتجاربنا لبعض
فعلا مع خالص شكرى واحترامى وتقديرى لك وللمنتدى الذى ساعدنا على التواصل
اسأل اللة التوفيق والمحبة لاعضاء نايل موتورز

[neversighs]

معلش يا بوكلا انا تعبك معايا انا استلمت انهاردة بس لسة مرخصتش بس مؤشر الحرارة بيوصل للشرطة الرابعة او قبلها بحاجة بسيطة دة عادى ولا اية انا قلقان جدا جدا عشان الميجان بيبقا قبل النص اقل من الفلونس يا ريت تطمنى
واسف لازعاجك

سؤال بسيط يا أخ سنست : هل معنى كده ان دفعه شهر مايو من الفلونس جاري الان تسليمها ؟

[bukla]

ي

يا أخى انت انسان محترم بجد وخلوق وديما ردودك قوية وكل مرة بتأكد انك انسان خدوم وحترم وعلى فكرة انت الى خلتنى اكتب واستشيرك يوم ما التوكيل اتأخر علية انا عمرى مفكرت اكتب تماما بس طريقتك خاتنى افهم ازاى نعرف نساعد وننقل خبراتنا وتجاربنا لبعض
فعلا مع خالص شكرى واحترامى وتقديرى لك وللمنتدى الذى ساعدنا على التواصل
اسأل اللة التوفيق والمحبة لاعضاء نايل موتورز

يا نهار ابيض اية كل الكلام الجميل دة
واضح انك انسان خلوق و مجامل قوى انا طبعا اشكرك جدا جدا على كل كلمة قولتها عليا و اؤيدك جدا جدا فى كل كلمة قولتها على المنتدى لان لو حضرتك اخدت جولة فى الاقسام الاخرى حتلاقى ان فية اعضاء بيعرضوا مساعدتهم للاخرين مش بس بالنصيحة او المشورة لكن بتوصل احيانا للتوصيل من مكان لمكان دة واحد مرة من الاعضاء عربيتة كان فيها مشكلة و عطلانة لقيت بعض الاعضاء سألوة عن سكنة علشان لو هو قريب منهم يوصلوة الشغل معاهم فى طريقهم منتهى الترابط و الاخوة بين اعضاء الاغلبية منهم ما يعرفوش شكل بعض حتى
يارب يديم العلاقة الطيبة و يقدرنا جميعا على مساعدة احلى اعضاء فى احلى منتدى

[sanset]

بص يا باشا انا معرفش
انا كنت حاجز فى نص شهر 2 واستلامى المفروض فى اخر 4 بس اتاخرو ولسة مستلمها النهاردة ومن غير ورق قالولى اسبوع حتى من غير نمر تجارية قالولى عندهم بس مجددوهاش
بس لما كنت فى توكيل العامرية كانت فى فلونس كتير كلهم 2 رصاصى فاتح و2 اسود ووحدة فضى ووحدة احمر وحوالى 12 اواكتر فيرانى غامق

[heromiro]

يا باشا ما فيش اى تعب ولا حاجة الف مبروك ربنا يديك خيرها و يكفيك شرها
فعلا هو دة مكان مؤشر الحرارة قبل الشرطة الرابعة بحاجة بسيطة ماتقلقش هو دة مكانها ثابت فى جميع الاحوال (حر ولعة او جو معتدل) بكرة ان شاء الله اصورهولك من عربيتى علشان تطمن

تمام كده هو ده مؤشر الحراره بيكون كده

[sanset]

متأكدين يا جماعة ان المؤشر عند الخط الرابع دة مايل اوى ناحية النص الاخير
انا هروح بكرة الصيانة عشان لمبة الاشارة الى فى التابلوة منورة على طول وعشان كود الكاسيت
موضوح الحكة الى لاقيتها ضيع الوقت عقبال ما لمو ولقطوها بالبوية والصيانة كانو مشوا
لو فية حد عيزنى اسألة على حاجة فى الصيانة يقول انا تحت امركم
على فكرة يا جماعة احنا ممكن نعمل نادى اصدقاء رينو ونتقابل يوم فى الاسبوع فى مكان ونتعرف على بعض بس طبعا الرأى الول والاخير لبوكلا لانة صاحب فكرة الفلونس من جميع النواحى وهوة الى جمعنا هنا وشجعنا والاعتراف بالحق فضيلة

[amro_abuabdo]

بما ان عندك اطفال يبقى لاغنى عن فرش للعربية (اسأل مجرب)ا:l_bhuhhh[1]:ما جاهز او تفصيل فدة بيرجع لامكانياتك فى من دة كويس ومن الاخر كويس برضة لكن يفضل انك تحاول ما تسترخصش لان عربيتك ما شاء الله ربنا يحفظهالك فخمة و تستاهل انك تجيبلها احسن حاجة

الف شكر لرد حضرتك و بصراحة جزاك الله خيرا مفيش سؤال سألتك عليه الا لما افدتني
بس معلش لو ممكن تفاصيل اكتر اكون شاكر ليك يعني مثلا الاقي فرش كويس جاهز فين و يكون تقريبا في حدود كام و ايه سبب الفرق الكبيرفي السعر ما بين التفصيل و الجاهز؟؟؟؟ عشان لو فيه فروق جوهرية يبقي الواحد يتحمل فرق الفلوس و يفصل لكن لو مفيش يبقي ملوش لازمة

[amro_abuabdo]

يا جماعة الغطاء المتبطن الى قولتة علية من كارفور مقاس لارج ولا اكس لارج الموجود عندهم لارج بس وطولة 4 متر وحاجة بسيطة
فى حد اشتراة وينصحنا:u_thin1[1]:

بص يا با شا انا جبته الي هو ب 206 هو كويس جدا بس يا دوب علي اد العربية بالعافية و هو مش مغطي العتب كويس و طبعا مش واصل للعجل بس هو فيه 2 سوسته واحدة عند شنطة العربية وواحدة عند باب السواق و فيه 4 خطاف باستك
يعني الخلاصة هو بالقفل علي اد العربية بس مش مريح قوي