ميجان: ايه حكايه الاسعار العجيبه؟

[human]

يا وحوش
انا ببص على كونتاكت كارز بلاقى العربيه لما بتبقى اخرها مطلوب فيها 72 و اكيد لسه هيتكلموا و بيقولوا فابريكه و مش عارف ايه و واصله لغايه 65 كمان

ايه النظام هيه واقعه كده ليه بزياده؟؟
ولا العربيات ديه مشمومه و لا ايه

عايز حد فاهم يفهمنى عشان افهم ازاى العربيه سعرها كده

ديه ماحصلتش افيو!!

[human]

ماحدش عنده رد ولا ماحدش عارف ولا الكل مبسوط من الاسعار اللى ببلاش ديه؟

[mouraddesk]

لا انت فعلا كلامك صح فى تفاوت كبير فى الاسعار بس بترجع فعلا لنظافه العربيه ان شفت عربيات مطلوب فيها 65 و اتفصلت ب 40 و صاحبها وافق و طلعت فضيحة بس العربية النظيفة فعلا ما بتنزلش عن 68 و احنا فعلا عاوزين نحاول نعمل ليمت للسعر اللى طالع نازل و مقلق الناس من العربية

[human]

لا انت فعلا كلامك صح فى تفاوت كبير فى الاسعار بس بترجع فعلا لنظافه العربيه ان شفت عربيات مطلوب فيها 65 و اتفصلت ب 40 و صاحبها وافق و طلعت فضيحة بس العربية النظيفة فعلا ما بتنزلش عن 68 و احنا فعلا عاوزين نحاول نعمل ليمت للسعر اللى طالع نازل و مقلق الناس من العربية

40 الف و كمان 68 ديه تعتبر ببلاش!!!
ده كلام فاضى بجد
ديه الانسر اللى كانت ب90 الف جديده و الميجان ب 130 الف سعرها اكتر من كده مستعمله!
فيه حاجه مش مظبوطه
لما كانت الرينج 75-85 كنا بنقول مضروب السعر
دلوقتى بنتكلم فى 68 الف!! ليه يعنى

[Hany Saad]

40 الف و كمان 68 ديه تعتبر ببلاش!!!
ده كلام فاضى بجد
ديه الانسر اللى كانت ب90 الف جديده و الميجان ب 130 الف سعرها اكتر من كده مستعمله!
فيه حاجه مش مظبوطه
لما كانت الرينج 75-85 كنا بنقول مضروب السعر
دلوقتى بنتكلم فى 68 الف!! ليه يعنى

يا جماعة حد فاكر أول دفعة ميجان ii كانت نازلة بكام.....
170000 جنيه عدا و نقدا....و بعدين تم تخفيض الجمارك ونزلت للاسعار اللى كلنا عارفينها.....إزاى واحد يشترى عربية ب170000 ويبعها بعد خمس سنين ب60000

خير إن شاء الله.......

علشان كده أخدت قرار إنى مش هبيع غير لما أكون أخدت بتمن العربية و بعدين تبقى تجيب اللى تجيبه.....و شكلها أخر مرة هشترى عربية أوروبى زيرو.....

[human]

يا ميجى بوى ديه العربيه الاسرنزا a620 اللى كانت ب 115 من 3 سنين مش هتتباع ب 60 ال مستعمله!!

ازاى الميجان كده؟!!
ديه ركوبه يعنى عربيه محترمه و توكيل محترم و العربيه تحفه بكل المقاييس ازاى فيه واحد يبيعها بالمبلغ الواقع ده
و كمان العربيه مطلوبه!!! يعنى مش عربيه مضروبه بالنار و اللى معاه بيدلل عليها

ده الناس بتدوخ لغايه ماتجيب واحده كويسه يكون صاحبها عايز يبيعها
و كميه الرفاهيه اللى فيها تحفه

يعنى حد يدفع فى كرولا 2005 80 الف جنيه عشان ياخد بيهم ايرباج و موتور يصلحه عند الواد بليه و كمان 1300!! و الميجان بنت الناس الكويسين ب 70 م يفاصلوا؟

[Hany Saad]

يا ميجى بوى ديه العربيه الاسرنزا a620 اللى كانت ب 115 من 3 سنين مش هتتباع ب 60 ال مستعمله!!

ازاى الميجان كده؟!!
ديه ركوبه يعنى عربيه محترمه و توكيل محترم و العربيه تحفه بكل المقاييس ازاى فيه واحد يبيعها بالمبلغ الواقع ده
و كمان العربيه مطلوبه!!! يعنى مش عربيه مضروبه بالنار و اللى معاه بيدلل عليها

ده الناس بتدوخ لغايه ماتجيب واحده كويسه يكون صاحبها عايز يبيعها
و كميه الرفاهيه اللى فيها تحفه

يعنى حد يدفع فى كرولا 2005 80 الف جنيه عشان ياخد بيهم ايرباج و موتور يصلحه عند الواد بليه و كمان 1300!! و الميجان بنت الناس الكويسين ب 70 م يفاصلوا؟

سوق مغلوط...و حاجة بقت تقرف...يعنى العربية بقت أرخص من الفيرنا الإستعمال مع كامل إحترامى للفيرنا.

المشكلة لما تيجى تتكلم عن سعر أعلى علشان عربيتك نظيفة جدا يقوللك يا باشا سعر السوق كده و الكلام اللى إنت فاهمه و كأنك بتفاصل فى سوق الخضار.

علشان كده قررت أركبها حتى أخر قطرة و بعدين no more عربيات زيرو....كسر زيرو و أفاصل براحتى و أشترى الfull option البانوراما بسعر أول فئة أتوماتيك و سلملى على الزيروووووووووووووووووو................

[Ahmed Nouh]

سوق المستعمل يحكمه التجار والسماسره

وبما ان الفئه دى هى نفس الفئه بتاعت ان العربيه بتهنج ولما ميه المساحات بتخلص بيجيلها تشنجات وان كمبيوتر العربيه فى ظهر النمر اللى ورا فبالتالى حضرتك بتشوف الاسعار اللى عليها الميجان دلوقتى

والله انا بقالى فتره بفكر جديا فى شقلبه اللانسر ودفع ثمنها فى ميجى او حتى لو هدفع فرق بسيط لكن يحكمنى انى مش لاقى واحده حالتها نضيفه بجانب عده حاجات تانيه مش من بينها عيب فى الميجان

[human]

طيب و ايه الحل؟؟؟
مافيش حاجه توقف الناس ديه؟
و كمان اللى بيشترى بيستنصح اوى و يقولك العربيه ب 65 فى كل حته و الله العظيم واحد من اللى بيسمعه ده راح يشترى واحده من اعلان
و مبسوط اوى راح يبص عليها و كلمنى يقولى العربيه اققل واجب مقلوبه قبل كده و ممكن تكون فيها ربع او نص و ملزق الدنيا بالعافيه

ادى نوعيه العربيات اللى ب65 الف و المشكله هيه اللى عملت سعر مقرف للعربيه مع طبعا السمعه القديمه للميجان مخليه السعر زباله

مافيش حل غير ان لو حد يبيع يثبت على سعر اعلى و مايبعش

الحربيه كويسه و ممتازه و اللى بيبيع بيبيع عشان يركب فئه اعلى مش عشان العربيه قرفاه و رغم كده السعر واقع
سبحان الله


ده واحد كاتب عايز يشترى لانسر عيون صفيه موديل 1991 ب 38 الف!! تخيلوووواااااا!!

[Hany Saad]

المفروض الdepreciation بتاع أى عربية محترمة يكون 10% من قيمتها أول سنة و بعدين 5% لكل سنة بعد الأولى.....

يعنى بالنسبة لعربيتى اللى كانت ب 125000 المفروض أخسر 25% من قيمتها بعد 4 سنين إستخدام...يعنى أخسر 125000x0.25=31250
يبقى 125000-31250 =93750 جنيه.

يعنى المفروض أبيع ب 90000 مش بالأرقام الواقعة اللى بنسمع عنها.

المشكلة الرهيبة إنى مش عارف أركب إيه لو بعت و طبعا يكون فى نفس الفئة.

علشان كده قررت أدلع الميجى بتاعتى أخر دلع و أحترمها و أستمتع بها و معها لغاية لما إرادة الله تفرقنا عن بعض....

[mouraddesk]

يا جماعة كل الكلام اللى فات ده صح الصح و انا واحد من الناس لسه مشترى شهر 12 اللى فات و طلع عينى و عين اهلى علشان الاقى عربية ميجان نظيفة للاسف ان كل او معظم المعروض تعبان جدا و متبهدل و ده عامل سمعة وحشة للعربية انا عربيتى بالكتالوج و دفتر الصيانة و كل الصيانة فى التوكيل و مش عربية مكلكعة و لا حاجة و الكمبيوتر بتاعها مش عفريت فى العلبة بس المهم انك يكون عندك ثقافة عن الحديث فى عالم السيارات الميجان بالنسبة للستروين 128 و انا عن نفسى لوفكرت ابيع هبيع علشان اشترى الاحدث منها و كل العربيات الجديدة مش معقدة بس احنا اتنقلنا نقله تانية و الناس لسه واخده على البيجو و المرسيدس و الفيات بتاع زمان ده انا عربية بنت خالتى بى ام و للعلم بتنزل من غير استبن لان التكنولوجيا اللى مستخدمة فى العجل لسه مش موجودة عندنا و لو قلت لحد كده هيقول لك ايه عربية من غير استبن دى اى كلام و قيس على كده بقى و ثقافة المشترى المصرى و التجار و السماسرة

[Hany Saad]

طبعا لازم نضيف سمعة الرفرف الفيبر اللى المعلم بوحه السمكرى قعد يشتم فيه علشان وقفله شغله....

و اللى يقولك حساسات إيه و اللى يقولك الكارت ب25000 جنيه و زرار الstart و....طبعا العربية نزلت سنة 2005 لما كان الإيرباج إختراع....

تخيل بأه لما سنة 2005 تتكلم عن حساس مطر و 6 إيرباج و حساس ضوء وcruise control و حاجات كده محدش سمع عنها أصلا و لغاية دلوقتى يدوبك فى 2010 بتبدى الحاجات دى تبقى موجودة.....

طبعا الناس طلعت القطط الفاطسة فى العربية و باقى المنافسين دمروا سمعتها علشان يداروا خيبتهم التقيلة......

كمان العربية دى مش أى حد يركبها....يعنى شاشات بالأنجليزى و العربية كل حاجة فيها بتكلمك و عايزه واحد عنده حد أدنى من الثقافة...لما بعض المعلمين الجداد ركبوها للأسف معرفوش يتعملوا معاها و طبعا كونهم فى السوق دمروا البقية الباقية من سمعتها فى الأرض.

[human]

عارف يا ميججى
انا ماحستش بقيمه الفيبر ده الا مره المفروض كانوا يبقى فيهم ردود جامده و ببص لقيت ولا اكنهم حد لمسهم

ابويا بيضحك و يقولى هوه الرفرف بتاعك فايبر قلتله اه قال اشرب!!
طبعا ممكن اقضى سنيتن اقنعه ان الرفرف ده احسن بكتير من اصاج

و كل ماشوف الميجى و الرفارف اللى ورا متبهدله عشان المعتاد انهم يتحكوا اققول يا ريت كانوا ظبطوا الحته ديه فايبر

[ahmed4000]

هى من العربيات اللى سعرها بيبقى نازل دايما لعوامل كتيرة من اهمهها خوف الناس منها علشان اشاعات الكومبيوتر اللى بيبوظ والرفرف اللى بيتحرق ....الخ وبالتالى مبيبقاش عليها طلب كبير على المستعمل

[Hany Saad]

عارف يا ميججى
انا ماحستش بقيمه الفيبر ده الا مره المفروض كانوا يبقى فيهم ردود جامده و ببص لقيت ولا اكنهم حد لمسهم

ابويا بيضحك و يقولى هوه الرفرف بتاعك فايبر قلتله اه قال اشرب!!
طبعا ممكن اقضى سنيتن اقنعه ان الرفرف ده احسن بكتير من اصاج

و كل ماشوف الميجى و الرفارف اللى ورا متبهدله عشان المعتاد انهم يتحكوا اققول يا ريت كانوا ظبطوا الحته ديه فايبر

حضرتك ده كلام الناس الفاهمة اللى زيك اللى هما راكبين الميجان......إنما بالنسبة للملوش شوية فى العربيات عايز صاج علشان بالنسبة له ده أقوى.

طبعا لتنشيط المعلومات فيه حاجة إسمها elastic collision أو التصادم المرن يعنى لما جسمين يرتطموا ببعض بيمتصوا الصدمة من بعض دون إرتداد و بتتحول لنوع أخر من الطاقة زى صوت أو كسر أو حرارة و هى دى فكرة الفبر سواء فى الرفرف أو الإكصدام و طبعا لحماية الركاب....يعنى حضرتك الفبر هو اللى بيشيل أثر الصدمة دون التأثير على ركاب السيارة.... وده أعلى كتير من وجه نظر الأمان لركاب السيارة و للمارة لو لا قدر الله خبطت حد....

أما بالنسبة للnon elastic collision أو التصادم الغير مرن لو جسمين خبطوا فى بعض بيرتدوا عن بعض و ده فى حالة الصاج هتلاقى العربية كلها إتحركت بفعل الصدمة و ده طبعا بيخلى الركاب يتخبطوا جامد جدا....ده غير طبعا لو رفرف معدن الخبطة بتبقى مهولة للعربيتين اللى خبطوا بعض و كمان لو لا قدر الله حد من المشاة إتخبط برفرف صاج أو إكصدام صاج بتكون العواقب وخيمة.