ميجان: ايه حكايه الاسعار العجيبه؟

[mouraddesk]

يا جماعة كلامكو ده كلام ناس مثقفة فى عالم السيارات احنا بنخاطب عقول مش فاهمة الكلام ده و كل همها ان العربية ما تعملش مشاكل معاها و دى ثقافة لازم تتغير لان الميجان من عربيات السيفتى العالى بس الناس لسه بتدور على السعر الرخيص و العمر الطويل و استهلاك بنزين اقل و كل الكلام ده هياخد وقت علشان يتغير معلش اعذروهم و ادوهم وقتهم علشان يفهموا و يا ريت نقارن بأسعار قطع غيار العربيات اللى فى نفس الموديل و احنا نعرف الفرق بالضبط

[DR/WAFEK]

باختصار السبب الميجان ملهاش اللى التوكيل ومحدش فى مصر بيحب يعمل صيانه فى التوكيل (الاغلب)والتوكيل معروف ان سعر الحاجه مضروب فى عشره هذا فى رأىى 90 % من سبب مشكلة الميجان فى مصر

[M!SHO]

مين هيشترى عربيه الكارت بتاعها ب 35 الف ....ههههههههههههه
اكتر عربيه سمعت عنها قصص واشاعات ,,ربنا يرحمنا من الفتى

[adfarouk]

علشان كده أخدت قرار إنى مش هبيع غير لما أكون أخدت بتمن العربية و بعدين تبقى تجيب اللى تجيبه.....و شكلها أخر مرة هشترى عربية أوروبى زيرو.....

أنا معاك في النقطة الأولي لأن للأسف دي ثقافة السوق و صعب تغيرها في وقت قصير

بس مش معاك في النقطة التانية لأن متهيألي مع موضوع الجمارك بتاع 10% كل سنه ده الموضوع هيختلف و مصر كلها هتركب أوروبي تاني زي زمان و بالتالي سعر المستعمل الأوروبي مش هيبقى بالمنظر اللي الموجود دلوقتي

[Hany Saad]

أنا معاك في النقطة الأولي لأن للأسف دي ثقافة السوق و صعب تغيرها في وقت قصير

بس مش معاك في النقطة التانية لأن متهيألي مع موضوع الجمارك بتاع 10% كل سنه ده الموضوع هيختلف و مصر كلها هتركب أوروبي تاني زي زمان و بالتالي سعر المستعمل الأوروبي مش هيبقى بالمنظر اللي الموجود دلوقتي

فكر شخصى لى إن مستوى ضخ العربيات الجديدة فى السوق فى أحسن أحواله هيبقى كما هو عليه....لكنى متوقع أى نوع ضرايب أو شىء من هذا القبيل لتقليل شراء سيارات جديدة و تعويض إنخفاض ال10 % السنوى لأن بمنتهى البساطة شوارع المحروسة لن تتحمل أكثر من هذا.....

فعليا لو فضل نفس مستوى السيارات الجديدة اللى بيتباع دلوقتى سنة 2015 سوف تتحول القاهرة إلى جراج مفتوح...

لا أتوقع شخصيا إنخفاض أسعار الأوروبى أيضا لأن صناعة السيارات فى مصر سوف تتضرر بشدة....

أيضا لو فرضنا إن الحياة ضحكتلنا و الناس كلها ركبت أوروبى أحدث موديل برده سعر كسر الزيرو هيكون أوفر و خد بالك أنا بتكلم عن موديل سنة واحدة فرق مش أكتر يعنى مثلا عربية ماشية 10000 بنت ناس تشترى أعلى فئة فيها بأقل من سعر أول فئة.....!!!!!!

[adfarouk]

لكنى متوقع أى نوع ضرايب أو شىء من هذا القبيل لتقليل شراء سيارات جديدة و تعويض إنخفاض ال10 % السنوى

متهيألي مش هيقدروا يعملوا كده لأن الموضوع ده خاضع لأتفاقية الشراكة الأوروبية و فتح الأسواق بالنسبة للطرفين ....... بمعني تاني مينفعش يشيلوا الجمارك ويجيوا يحطوا بدل الجمارك ضرايب

بتوع أوروبا مش هبل أكيد

أيضا لو فرضنا إن الحياة ضحكتلنا و الناس كلها ركبت أوروبى أحدث موديل برده سعر كسر الزيرو هيكون أوفر و خد بالك أنا بتكلم عن موديل سنة واحدة فرق مش أكتر يعنى مثلا عربية ماشية 10000 بنت ناس تشترى أعلى فئة فيها بأقل من سعر أول فئة.....!!!!!!

بحترم وجهة نظرك .... بس مش معاك في النقطة دي

برده الزيزو زيرو يا باشا ..... ليه أحساس مختلف و حضرتك مجرب

[m_elkhishin]

المفروض الdepreciation بتاع أى عربية محترمة يكون 10% من قيمتها أول سنة و بعدين 5% لكل سنة بعد الأولى.....

يعنى بالنسبة لعربيتى اللى كانت ب 125000 المفروض أخسر 25% من قيمتها بعد 4 سنين إستخدام...يعنى أخسر 125000x0.25=31250
يبقى 125000-31250 =93750 جنيه.

يعنى المفروض أبيع ب 90000 مش بالأرقام الواقعة اللى بنسمع عنها.

المشكلة الرهيبة إنى مش عارف أركب إيه لو بعت و طبعا يكون فى نفس الفئة.

علشان كده قررت أدلع الميجى بتاعتى أخر دلع و أحترمها و أستمتع بها و معها لغاية لما إرادة الله تفرقنا عن بعض....

سبحان الله

هنا في السعودية العربية بتنزل على الاقل 25% أول سنة، ومن 10-15 % كل سنه بعد كده

بالنسبة للميجان كان سعرها جديد 2005 تقريبا 55 ألف، صاحبي بايعها مستعمله ماشية 55ألف كيلو ب 13 ألف ريال والعربية وكالة برة وجوة

[Sharky]

الموضوع بإختصار
90% من الميجان فى السوق حالتها سيئة جدا و صحابها مش بيعملوا ليها صيانه و لا مهتمين بيها و لا عندهم استعداد يعملوا ليها الصيانة الدورية
فعلشان كده بيبقوا عايزين يخلصوا منها بأى سعر فبيوقعوا سعر الميجان النضيفة معاهم:(

و الدليل على كده أى حد بيحب يشترى ميجان نضيفة بيدوخ على ما يلاقى واحدة حلوة و طبعا صاحبها بيكون ماسك سعر كويس علشان عارف قيمتها

لكن اللى حالتها حلوة و مستعجل بيروح فى الرجلين مع الكتير قوى المعروض اللى حالته تعبانه

[Hany Saad]

متهيألي مش هيقدروا يعملوا كده لأن الموضوع ده خاضع لأتفاقية الشراكة الأوروبية و فتح الأسواق بالنسبة للطرفين ....... بمعني تاني مينفعش يشيلوا الجمارك ويجيوا يحطوا بدل الجمارك ضرايب

بتوع أوروبا مش هبل أكيد

موضوع الضرائب شأن داخلى للدولة و ليس للإتحاد الأوروبى شأن به....يعنى لو حضرتك زودت ضرائب تسجيل سيارة جديدة حسب السعة فى المرور....ما شأن الإتحاد الأوروبى بضرائب الدولة الداخلية أو إن الدولة تعمل يوم للعربيات الزوجى و أخر للفردى أو ترفع سعر البنزين ال95 اللى العربيات الأوروبى لازم هتستخدمه فى المستقبل....؟؟ يوجد الكثير من الحلول لتعويض فرق الجمارك دون الرجوع على الحكومة فى شىء....يا بيه هى الحكومة هتغلب فى حاجة زى كده؟

حضرتك لما الجمارك ال40% تتشال يعنى الفلوانس بتاعت حضرتك تمنها هيوصل 80000 جنية طيب إزاى؟؟...معنى كده إن شريحة راكبى ال80000 هتركب الفلوانس يعنى كل الشعب هينبسط....طيب كل الشعب هيسوق فين و هيركن فين؟؟؟

السيمبول هتبقى مثلا ب 45000 و الفيات بونتو ب40000 و الدنيا هتبتسم لينا و كل اللى مش راكب عربية هيركب إستعمال و اللى معاه إستعمال هيبيع و يشترى زيرو

دى مجرد ملاحظات لازم نفكر فيها و إلا مش هينفع ننزل من بيوتنا......

بحترم وجهة نظرك .... بس مش معاك في النقطة دي

برده الزيزو زيرو يا باشا ..... ليه أحساس مختلف و حضرتك مجرب

[د.محمود صلاح]

الموضوع بإختصار
90% من الميجان فى السوق حالتها سيئة جدا و صحابها مش بيعملوا ليها صيانه و لا مهتمين بيها و لا عندهم استعداد يعملوا ليها الصيانة الدورية
فعلشان كده بيبقوا عايزين يخلصوا منها بأى سعر فبيوقعوا سعر الميجان النضيفة معاهم:(

و الدليل على كده أى حد بيحب يشترى ميجان نضيفة بيدوخ على ما يلاقى واحدة حلوة و طبعا صاحبها بيكون ماسك سعر كويس علشان عارف قيمتها

لكن اللى حالتها حلوة و مستعجل بيروح فى الرجلين مع الكتير قوى المعروض اللى حالته تعبانه

:b4_388:

وجهة نظر سليمة تماماً ,, وما تنساش دخول الميجان الخليجي سوق المستعمل أيضا بسعر واقع خالص

[Hany Saad]

:b4_388:

وجهة نظر سليمة تماماً ,, وما تنساش دخول الميجان الخليجي سوق المستعمل أيضا بسعر واقع خالص

هو كمان فيه ميجان خليجى........!!!!!!!

[ramykimo]

بصراحة حرام اللى يشترى اوروبى زيروو و فكرة كويسة جدا للى يشتريه مستعمل - تفرق خمسين الف ...كتييير

[Hany Saad]

بصراحة حرام اللى يشترى اوروبى زيروو و فكرة كويسة جدا للى يشتريه مستعمل - تفرق خمسين الف ...كتييير

...............

[ramykimo]

هو كمان فيه ميجان خليجى........!!!!!!!

ايو فيه .. انا كنت هشترى عربية ميجان خليجى 2005 اتوماتيك بس مش اعلى فئة ..العربية فعلا حالة الزيرو 38 الف كيلو و لسة نازلة من قطر من 9 شهور صاحبة كان طالب فيها 65 الف و انا كنت جاهز حصل شوية لخبطة و رجع قالى فى واحد هايخدها على سبعين.. لللاسف طارت منى..بس فعلا كانت لقطة و يتقال عليه زيرو و اهيه بسبعييييييييييين

[human]

ايو فيه .. انا كنت هشترى عربية ميجان خليجى 2005 اتوماتيك بس مش اعلى فئة ..العربية فعلا حالة الزيرو 38 الف كيلو و لسة نازلة من قطر من 9 شهور صاحبة كان طالب فيها 65 الف و انا كنت جاهز حصل شوية لخبطة و رجع قالى فى واحد هايخدها على سبعين.. لللاسف طارت منى..بس فعلا كانت لقطة و يتقال عليه زيرو و اهيه بسبعييييييييييين

70 الف اول فئه؟
يعنى تشترى هاى لاين بكام؟؟