شكرا رينــــــو فرنســـا

[Sharky]

رامى إحنا كلنا هنا إخوات فى المنتدى و إللى بيقدر يساعد حد بيساعده

إن شاء الله مشكلتك تتحل

[Ramy_Tantawi]

السلام عليكم .
اخباركم ايه يا جماعه ؟ يا رب تكونوا جميعاً بخير ان شاء الله .

انا لسه راجع من مقابلتي مع المهندس محي مدير صيانة رينو والتفاصيل كالآتي :-
الأول اوصاني السلام عليك يا استاذ احمد Sharky وقاللي ان حضرتك كلمته يوم السبت بخصوصي .
ثانياً- الحقيقه تشخيص المشكله فضل تقريباً قرابة الساعتين كل شويه يطلع حد بالعربيه يجرب ويدخل تاني لغاية ما المهندس محي طلع ومعاه واحد المهم جربوا . انا قلت بس هييجوا يقولولي العربيه بتاعتك محتاجه عربيه ولا حاجه.

رجعت تاني مع المهندس محي قاللي اعراض الحمد لله ماكنتش انا حاسس بيها تقريباً او مش واخد بالي منها :pان الدبرياج عندي اتقل من الطبيعي وان الدبرياج عندي بيفصل فوق اوي متأخر يعني وحاجه تالته مش فاكره بس برضه ليه علاقه بالدبرياج.

علاج المشكله قاللي اننا هانغير طقم الدبرياج ان شاء الله بس ده بيحتاج وقت شويه هتبات العربيه معانا فا اضطريت اروح بيها والراجل قاللي تعالى اي وقت تحبه وان شاء الله هانتخذ الازم

بس الراجل الحقيقه قاللي هقولك على نصيحه وانا قلت اعرضها عليكم وتفكروا معايا.قاللي احنا سلمنا خلاص ان في مشكله في طقم الدبرياج وهيتغير ان شاء الله فا انت امشي بيها 20 الف كمان ولا حاجه كده كده العربيه مافيش فيها مشكله توقفها يعني واستفيد بالمده دي ضمان يعني وتعالى بعد ال 20 الف دول نغيرلك الطقم .

الحقيقه انا مش عارف هل اعمل كده فعلا واستنى شويه على اساس الطقم التاني يغطي فتره تانيه اكون خرجت فيها من الضمان ! ولا اغير دلوقتي على اساس انه عيب صناعه زي ما الراجل قال وحقك تغير الموضوع ده في الضمان من بكره لو عاوز .

هانتظر ردود حضراتكم وشكراً جزيلاً.

[Sharky]

حمد الله على السلامة يا رامى

بصراحة رأى م/ محى فكره كويسه إنك تستفيد من الدبرياج الجديد بعد ما ضمان العربية يخلص
لكن دا يتوقف على حاجتين:

1- العربية عندك عاملة كام كيلو و ضمانها كان أد إيه

2- المشكلة دى عامله إزعاج قوى ليك و لا لأ ؟

[Ramy_Tantawi]

الله يسلمك يا احمد .

1- العربيه يا سيدي عامله 26ك الف تقريباً .
2- المشكله مزعجه لما بتظهر طبعاً والدنيا تتزحم خصوصاً لما اكون راجع من 6 اكتوبر واقف على المحور يومين تلاته بعدين استلم كوبري 15 مايو يومين كمان وبعدين حبيبي الأخير كوبر 6 اكتوبر اللي بقعد فيه من 5 ايام وانت طالع لغاية ما اوصل بيتنا :p

الواحد يا أخي والله عمره راح في الزحمه دي انا حاسس اني ممكن اعجز ولا حاجه فوق الكوبري وانا مش واخد بالي :D

عموماً المشكله ممكن استحملها ان شاء الله

[mahamedaraby]

عربيه محترمه من ناس محترمين والله

يارب كل توكيلات بلدنا تبقى محترمه يارب

[Hussein_Ramdan]

لو كان الموضوع حصل فى غبور كان قالو الموتوز كلو باظ يابية عايزين نعمل عمرة :)

[Sharky]

الجديد مع توكيل رينو فى مصر و رينو فرنسا

و انا بعمل أخر صيانة للعربية لقيت المهندس بيقولى علية الدريكسون عايزة تتغير الصيانة إللى جايه قلتله بكام قالى فى حدود 1500 جم من غير تركيب و لما قلت للمهدس محى مدير صيانة العبور قالى لما تيجى الصيانة الجاية حنديك خصم كويس عليها فانا بصراحة مارديتش أستنى و قمت باعت لرينو فرنسا إن العربية عندى معديتش 40000 الف و محتاجة تغير علبة دريكسيون و دى كانت بتتغير ببلاش فى الضمان و دلوقتى أنا برة الضمان فياريت تتصلح مجانا أو أخد عليها خصم (رغم إن دا عيب فى شوارعنا المكسرة ش فى الميجان ).

دا الإيميل إللى جالى من خالد شرف النهادرة

Dear Sir,

Renault France contacted us regarding your case and we have printed the car history
There i think that you have only a problem in the steering box that we are willing to help you. So you can come and change the steering box only for 500 pounds as EIM Goodwill..

Best Regards
Khalid sharafeldin
Deputy After Sales Director.
EIM
Egypt

مرة أخرى شكرا رينو فرنسا و شكرا رينو مصر

[Ramy_Tantawi]

أولاً مبرك يا احمد باشا وان شاء الله تركب علبة الدركسيون والعربيه تكون في أحسن حال ان شاء الله .

الحاجه الثانيه هي للأمام دائماً رينو فرنسا ورينو مصر وده تأكيد فعلاً ان الناس دي محترمه وبيأكدوا على احترامهم يوم بعد يوم .

[Ahmed Taha]

أوروبي

عشان أوروبي بيحترموا عملائهم.

[Abo_Lina]

ايه الحلاوة دي ..طب انا عاوز اعمل صيانة ال 60 الف ببلاش


توكيل محترم و تحس انهم ناس مش مصريين اصلا :boxing_smiley:

[Ahmed Selim]

ناس ذوق ذوق ذوق الصراحة

شاركى باشا ممكن تقولنا أعراض العلبة البايظة معاك كانت أيه ؟

[Sharky]

بصراحة يا أحمد أنا مش حاسس بيها لكن ساعات بحس إن فيه تخبيط خفيف فى الدريكسيون فى الشوارع المكسرة لكن فى الشوارع العادية حاسس إن العفشة زى الفل و مافيهاش مشاكل

هو على العموم التوكيل قالى إن دى بدايات علبة دريكسيون و مافيش مشاكل لو مشيت عليها

فأنا ناوى أستنى لحد ما أعمال الصيانة إللى جاية و أشوف النظام إيه

[Ahmed Selim]

شكراً يا باشا

أنا بيحصل معايا نفس الموضوع برضه

يا ريت تبقى تقولى و أنت رايح عشان أروح معاك على الأقل تبقى فرصة أنى أشوفك

[Sharky]

إن شاء الله أول ما قبل ما أروح حاقولك
أنا ناوى أعملها فى توكيل العبور إن شاء الله بس حاستنى فترة يعنى أجيب أخر العلبة إللى معايا شوية

[Ahmed Selim]

مستنى منك ميعاد أن شاء الله و بأذن الله نروح مع بعض