إسكندرية... شرم الشيخ بالميجان....؟؟؟؟

[M_samir]

انا شايف ياباشا انك مقلق زيادة عن اللزوم ان شاء الله تكون رحلة سعيدة
انا عربيتى بعمل بيهل 1500 كم فى الاسبوع والحمدلله مش بتزعلنى
ياريت تطمنا لما ترجع واكيد ان شاء الله هتحكيلنا تفاصيل سعيدة مع الميجان
ماتنساش دعاء السفر وانك تاخد بالاسباب وتكشف كويس على عربيتك قبل ما تسافر

[chato_eg]

فعلا يا هاني الميجان ليها طعم خاص في الرحلات , احنا المكتب عندنا احيانا بنطلع سفريات لأماكن كثير وبتكون العربيات جاية من المالك او المقاول كلها متعبة في السفر سواء كانت كورولا او اوكتافيا او لانسر , في المرة اللي سافرنا بعربيتي الكل كان مبسوط جدا من أداءها في السفر وكانو مرتاحين فيها اكثر من ال c180 بتاعة الدكتور .. تخيل ؟؟

ما أنا عارف و متأكد
بس إللى مجربش ما يعرفش

[mohabelnegm]

لما كان معايا بيتلز فى شرم من 5سنيين رحت و جيت من شرم الشيخ للقاهرة أربع مرات و بفضل الله ماحصلش أى عطل فى ألأربع مرات.

[mohabelnegm]

عموما خلى بالك فى منطقه الملفات قبل أبو زنيمة أمشى على مهلك و قبل كمين أبو رديس أحيانا بيكون فى رادار.

[yalahwy2010]

عملتها مرة وكانت تحفة
رحلة جميلة جدا

[Sharky]

طلعت بيها مرة القاهرة - شرم الشيخ و العودة و كانت تمام الحمد لله

و فيه مرة القاهرة - مرسى مطروح - مارينا و العودة للقاهرة فى نفس اليوم
و كانت الحمد لله تمام

و تقريبا كل سنة القاهرة - مارينا


الحاجة الوحيدة اللى عملتها معايا كانت بعد ما وصلت مارينا فى سنة
تانى يوم البطارية نامت و غيرتها

غير كده الحمد لله معملتش معايا اى دقة نقص

[ecybrarian]

حط معاك كويل ولا اتنين احتياط..وغير بوجيهات قبل مل تسافر ...وتروح وترجع بألف سلامة

[Hany Saad]

يا وحوش هى دى الروح الحلوة بتاعتكم اللى عودتونى عليها...

متشكر جدا على ردودكم الجميلة....أنا الحمد لله لسه مغير أربع كويلات و إن شاء الله هغير الكاوتش قبل السفر.

أنا لسه فاضلى حوالى 2500 كيلو على صيانة ال40000 رأيكم أعملها قبل السفر و لا بعد ما أرجع إن شاء الله...

أنا متشكر مرة أخرى على ردودكم الجميلة و إن شاء الله تبقى رحلة حلوة....و أشارككم بالتفاصيل إن شاء الله....

[Col. Eng. Khaled]

أنا لسه فاضلى حوالى 2500 كيلو على صيانة ال40000 رأيكم أعملها قبل السفر و لا بعد ما أرجع إن شاء الله...

- ياريت تعمل الصيانة قبل ما تطلع ، من إسكندرية لشرم حوالي 1400 كم رايح جاي ......... و الفسح مغرية هناك .

[abasse]

[wawoo]

تروح و ترجع بالسلامة يا بوى ...و انت حجزت فى فندق هناك ولا حتنزل ازى

[ecybrarian]

يا وحوش هى دى الروح الحلوة بتاعتكم اللى عودتونى عليها...

متشكر جدا على ردودكم الجميلة....أنا الحمد لله لسه مغير أربع كويلات و إن شاء الله هغير الكاوتش قبل السفر.

أنا لسه فاضلى حوالى 2500 كيلو على صيانة ال40000 رأيكم أعملها قبل السفر و لا بعد ما أرجع إن شاء الله...

أنا متشكر مرة أخرى على ردودكم الجميلة و إن شاء الله تبقى رحلة حلوة....و أشارككم بالتفاصيل إن شاء الله....

ومغير بوجيهات امتى؟؟ على فكرة البوجيهات هي اهم اسباب بوظان الكويلات(-: اسألني انا :-) وياريت لو تعمل الصيانة قبل ما تسافر..
انا معي كويل احتياطي في العربية، خده مني وخليه معاك ولما ترجع بالسلامة ابقى رجعه لي.طبعا بتعرف تغير كويلات بنفسك ومعاك مفتاح 10

ربط عفشة وظبط زوايا واتكل على الله وانبسط وابعت لنا الصور :-)

[Ahmed Selim]

عملتها 3 أو 4 مرات بالميجان.......المرة الوحيدة اللى حصل فيها حاجة كانت ان العربية طلعتلى رسالة gearbox overheating عشان كنت ماشى فوق ال 160 كم لمدة حوالى نصف ساعة و كنت مغير زيت الفتيس ( يعنى مكنش الزيت الأصلى اللى جاى فيها ) و كل اللى عملته بعد ما كلمت 16202 انى نزلت بالسرعة ل 120 كم و قبل ما أخلص المكالمة كانت الرسالة أختفت

الراجل فى التوكيل قالى متمشيش فوق ال 160 كتير طالما مغير زيت الفتيس و مش الأصلى اللى كان جاى فيها.

غير كده زى الفل.

خلى بالك فى الطريق بعد نفق الشهيد أحمد بدوى لأنه بيبقى 2 way مفيش بينهم فاصل و كمان الطريق العلامات الأرشادية عليه تحس أنها مش كافية.

قبل شرم ب 100 كم تقريباً هتلاقى حوالى 80 كم طريق طوالى و زى الفل ( ده اللى كنت جايب فيه 160 ) و بعد لما يخلص هتلاقى 15 أو 20 كم ملفات بعضها حاد جداً فى وسط الجبال.

تروح و ترجع بالسلامة إن شاء الله.

[Hany Saad]

عملتها 3 أو 4 مرات بالميجان.......المرة الوحيدة اللى حصل فيها حاجة كانت ان العربية طلعتلى رسالة gearbox overheating عشان كنت ماشى فوق ال 160 كم لمدة حوالى نصف ساعة و كنت مغير زيت الفتيس ( يعنى مكنش الزيت الأصلى اللى جاى فيها ) و كل اللى عملته بعد ما كلمت 16202 انى نزلت بالسرعة ل 120 كم و قبل ما أخلص المكالمة كانت الرسالة أختفت

الراجل فى التوكيل قالى متمشيش فوق ال 160 كتير طالما مغير زيت الفتيس و مش الأصلى اللى كان جاى فيها.

غير كده زى الفل.

خلى بالك فى الطريق بعد نفق الشهيد أحمد بدوى لأنه بيبقى 2 way مفيش بينهم فاصل و كمان الطريق العلامات الأرشادية عليه تحس أنها مش كافية.

قبل شرم ب 100 كم تقريباً هتلاقى حوالى 80 كم طريق طوالى و زى الفل ( ده اللى كنت جايب فيه 160 ) و بعد لما يخلص هتلاقى 15 أو 20 كم ملفات بعضها حاد جداً فى وسط الجبال.

تروح و ترجع بالسلامة إن شاء الله.

أنا مش عارف أشكرك إزاى على المعلومات القيمة دى لأنى بصراحة أبيض فى الطريق ده و أول مرة أدوسه...فأى معلومة بتبقى مفيدة جدا لى.....

أنا لى سؤال لو سمحتلى.....أنا بصيت على جوجل إرث و لقيت الطريق كل الأتى...أنا هطلع على مصر إسكندرية الصحراوى و بعدين أركب المحور و منه على الدائرى لغاية لما انزل طريق السويس اللى همشى فيه لغاية الشروق و أخش على طريق إسماعيلية الصحراوى لغاية طريق فاقوس / الفردان و تقريبا بعبر كوبرى الفردان فوق قناة السويس و أنزل لتحت تقريبا من هناك باخد طريق رأس سدر / القنطرة شرق و بعدين منه طريق رأس سدر / نفق الشهيد أحمد حمدى و بعدين طريق الطور / رأس سدر و منه إلى طريق الطور / شرم الشيخ.....طبعا شكله مشوار محترم.....أنا أخرى كان إسكندرية مطروح....لكن حابب أجرب و أشوف مناطق جديدة و كمان أختبر الميجان.

يا ريت لو حضرتك أو أى من الوحوش عنده أى تعديل لخط السير ده يشاركنى بيه و هل فيه أماكن كويسه أقف أريح فيها علشان الأطفال متتعبش من طول الرحلة.

[Hany Saad]

ومغير بوجيهات امتى؟؟ على فكرة البوجيهات هي اهم اسباب بوظان الكويلات(-: اسألني انا :-) وياريت لو تعمل الصيانة قبل ما تسافر..
انا معي كويل احتياطي في العربية، خده مني وخليه معاك ولما ترجع بالسلامة ابقى رجعه لي.طبعا بتعرف تغير كويلات بنفسك ومعاك مفتاح 10

ربط عفشة وظبط زوايا واتكل على الله وانبسط وابعت لنا الصور :-)

أنا فعلا بعمل صياناتى كلها فى التوكيل بإنتظام و علشان كده لما الكويلات باظت من 500 كيلو فى ال37000 إتحملوا معايا فى التكلفة مشكورين.

طبعا فكرة كويل إحتياطى و مفتاح عشرة فكرة فى الجون...و مش عارف أشكرك أد إيه على روحك الحلوة دى و عرضك الكريم....و لكنى غالبا هعمل زى حضرتك و أخلى معايا كويل إحتياطى للأمان فى العربية و لو إن ميجى لما عملتها جت فى 3 مع بعض واحد قطع خالص و 2 كانوا بيضربوا بره.

أنا لسه مغير فلتر تكييف و منظف فلتر الهواء...لكن بناء على نصايح الوحوش هعمل صيانة ال40000 بدرى و أغير فيها الزيت و فلتر الهواء وفلتر الزيت و البوجيهات و أربط العفشة.

اللى معطلنى شوية بس إن الكاوتش البريدجستون النقشة الجديدة gr90 مش هتوصل قبل يوم 2 يونيو....فشكلى هستناه و بعدين أطلع الرحلة.

أشكر حضرتك جدا على مساعدتك و على عرضك الكريم و أشكر كل الوحوش على ردودهم الجميلة......

نسيت أقول إنى كنت مغير بوجيهات فى صيانة ال20000