المساعدة يا جماعة : فتيس الميجان 2

[mazenameen]

أنا أشتريت ميجان هاتش باك موديل 2006 مستعملة (استربتونيك) و بعد يومين كنت بجرب أنقل على الفتيس المانيوال لقيتة بيفضل على النقلة الأولى و مش راضي يغير . صاحبها قالي دي فيشة هو فاصلها و الكهربائي ممكن يوصلها.
أيه رأيكو و اصلح الموضوع ده إزاي؟؟؟؟؟

[ecybrarian]

طيب فين الفيشة دي؟؟؟ اي كهربائي ممكن يعملها ولا لازم متخصص في الرينو

[Sharky]

لما تنقل للمانيوال لازم انت اللى تنقل
مش حتنقل لوحدها الا لو دخلت فى المنطقة الحمراء فى عداد rpm

[د.محمود صلاح]

لو بتنقل للتاني يدويا وما بترضاش تنقل ... يبقى روح للتوكيل للصيانة وان شاء الله تطلع الموضوع بسيط

[mazenameen]

هي مش بتنقل للتاني أصلا ، طب ممكن أعرف مراكز الصيانة الكويسة و اللي سعرها مناسب؟؟؟

[Ahmed Selim]

فرنش موتورز فى الرحاب و عين شمس
الميكانيكيون العرب فى شارع السندباد

أستنى برضه رد من الأخ Gaazar91 لأنه كان أتدرب فترة فى الميكانيكيون.....جايز يكون عنده علم بالموضوع ده

[ecybrarian]

فرنش موتورز فى الرحاب و عين شمس
الميكانيكيون العرب فى شارع السندباد

أستنى برضه رد من الأخ Gaazar91 لأنه كان أتدرب فترة فى الميكانيكيون.....جايز يكون عنده علم بالموضوع ده

قصدك gazzar91 ...طب ما يسأل الراجل إللي قال له على الفيشة يعمل ايه بالظبط؟؟

[Ahmed Selim]

قصدك gazzar91 ...طب ما يسأل الراجل إللي قال له على الفيشة يعمل ايه بالظبط؟؟

بالظبط يا باشا

أنا بس خايف يكون فيها أشتغالة من نوع ما

[heha]

لو ماكنتش خلصت للراجل اللى أشتريت منه كل فلوسه أستنه لما تتأكد أن الموضوع مش كبير أصل بصراحه أى حاجه ناحية الفتيس بتقلق مش كده يا جماعه ولا أه

[human]

ماعتقدش فيه حاجه اسمها فيشه فاصلها
لو هو فاصلها طيب ليه ماركبهاش قبل ما يبيع و لو هيه بسيطه طيب ليه سايبها و لما اى كهربائى يبقى اخاف انه كان بيسيب ناس تعك فى العربيه
انا قلقت و مش قصدى اقلقك بس شوف اى مركز معتمد يبص عليها

[heha]

ماعتقدش فيه حاجه اسمها فيشه فاصلها
لو هو فاصلها طيب ليه ماركبهاش قبل ما يبيع و لو هيه بسيطه طيب ليه سايبها و لما اى كهربائى يبقى اخاف انه كان بيسيب ناس تعك فى العربيه
انا قلقت و مش قصدى اقلقك بس شوف اى مركز معتمد يبص عليها

++++++++++++++++++1

[gazzar91]

فرنش موتورز فى الرحاب و عين شمس
الميكانيكيون العرب فى شارع السندباد

أستنى برضه رد من الأخ gaazar91 لأنه كان أتدرب فترة فى الميكانيكيون.....جايز يكون عنده علم بالموضوع ده

أنا هاكلم واحد من المهندسين هناك بس أنا حاسس إنه مش حوار فيشة لأن فتيس الميجان الـ dp0 ماهواش بالبساطة دي بس ممكن فعلاً يطلع الموضوع بسيط و أنا أتمنّى كدة..... و الله أعلم
إستنوا مني رد و إن شاء الله أحاول أفيد...
في رعاية الله..............

[gazzar91]

أنا لسة قافل مع المهندس محمد فاروق على التليفون و قاللي "أي مشكلة في Electronics في الفتيس الـ DP0 بتاع الميجان ممكن تبوظ نقلات المانيوال"
و لما قلتله على حوار الفيشة دي قاللي "حاسس إنها إشتغالة" و أنا أشاركه في نفس الرأي
أنا لو منّك هاقلّه "طيب ممكن توديني عند الصنايعي اللي فكهالك علشان أركبها".... بس كده.. شوف و طمنا
في رعاية الله..

[Ahmed Selim]

بالظبط يا باشا

أنا بس خايف يكون فيها أشتغالة من نوع ما

و لما قلتله على حوار الفيشة دي قاللي "حاسس إنها إشتغالة" و أنا أشاركه في نفس الرأي

ده اللى أنا خايف منه برضه...........

الحل فعلاً أنك تكلمه تسأله على الراجل اللى فكها عشان تركبها عنده و شوف رد فعله هيكون عامل أزاى.

[hondaaaa]

أنا أشتريت ميجان هاتش باك موديل 2006 مستعملة (استربتونيك) و بعد يومين كنت بجرب أنقل على الفتيس المانيوال لقيتة بيفضل على النقلة الأولى و مش راضي يغير . صاحبها قالي دي فيشة هو فاصلها و الكهربائي ممكن يوصلها.
أيه رأيكو و اصلح الموضوع ده إزاي؟؟؟؟؟

بص يا باشا عايز افهمك حاجة الاول ..مشاكل الفتيس الاتوماتيك وخصوصا الاستربتونيك بتنقسم لمشكلتين 1- مشاكل فى الكهربا او بمعنى اصح الحساسات ..ودى بتبقى بسيطة وبتتحل عن طريق تغير الحساسات او برمجة 2- مشاكل ميكانيكية ودى بتبقى خاصة بالاجزاء الا جوا الفتيس زى طلمبة الزيت وزى راس البلوف وزى الكلاتشات ودى بتبقى مشاكلها جامدة واحيانا مبتتصلحش زى مثلا ان يكون الفتيس فى تفويت او تهريب زيت من البلوف ودى ملهاش حل الا تغير الفتيس بالكامل ....بس متقلقش انا اعتقد ان مشكلة الفتيس عندك فى الكهربا او حساس لان الفتيس عندك بيشتغل على الاتوماتيك كويس لكن على الاستربتونك مبشتغلش كويس وعند تجربة كان حصل نفس المشكلة دى معاية بس الفرق انة كان مبيشتغلش لا على الاتوماتيك او الاستربتونيك وطلعت المشكلة ان فى ترس فى طلمبة الزيت بلاستيك انكسر ووقف عملية النقل ...فمشكلتك مش مكانيكية خالص دا مشكلة كهربا