المساعدة يا جماعة : فتيس الميجان 2

[gazzar91]

بص يا باشا عايز افهمك حاجة الاول ..مشاكل الفتيس الاتوماتيك وخصوصا الاستربتونيك بتنقسم لمشكلتين 1- مشاكل فى الكهربا او بمعنى اصح الحساسات ..ودى بتبقى بسيطة وبتتحل عن طريق تغير الحساسات او برمجة 2- مشاكل ميكانيكية ودى بتبقى خاصة بالاجزاء الا جوا الفتيس زى طلمبة الزيت وزى راس البلوف وزى الكلاتشات ودى بتبقى مشاكلها جامدة واحيانا مبتتصلحش زى مثلا ان يكون الفتيس فى تفويت او تهريب زيت من البلوف ودى ملهاش حل الا تغير الفتيس بالكامل ....بس متقلقش انا اعتقد ان مشكلة الفتيس عندك فى الكهربا او حساس لان الفتيس عندك بيشتغل على الاتوماتيك كويس لكن على الاستربتونك مبشتغلش كويس وعند تجربة كان حصل نفس المشكلة دى معاية بس الفرق انة كان مبيشتغلش لا على الاتوماتيك او الاستربتونيك وطلعت المشكلة ان فى ترس فى طلمبة الزيت بلاستيك انكسر ووقف عملية النقل ...فمشكلتك مش مكانيكية خالص دا مشكلة كهربا

+111111111111111111

[د.محمود صلاح]

حضرتك mazenameen مطلوب توضيح النقطة دي : -

المفروض لما تقلب على المانيوال على الاول وانت واقف >>> تتحرك شوية بالعربية لحد سرعة 20 مثلا وبعدين تزق الفتيس للأمام ينقل للثاني وهكذا ...

ولكن لو انت واقف وحطيت على الأول >>> وحبيت وانت واقف تنقل للتاني >>> الفتيس مش هينقل عشان العربية ما اتحركتش ..

ده اللي بيحصل عندك ؟

[momo10000]

الحل السليم انت تروح المقطم .... وتعمل كشف علي الفتيس ... لو حل المشكلة في منتاول ايدك ... توكل علي الله ... لو مُبالغ فيه ... كلمني وخلي العبد لله يتعامل ...

[mazenameen]

فعلا أنا مجربتش أمشي و بعدين أنقل. بس أنا كلمت مهندس و قالي ان دي مشكلة في كارت الفتيس و حلها بسيط. هاروح مركز الصيانة و أطمنكؤ يا رجاله. فعلا ألف شكر الواحد فعلا مطمن علشان وحوش الميجان هنا.

[ecybrarian]

ماتنساش بقى تبلغتا بالنتيجة..كان فيها ايه بالظبط، واتصلحت ازاي وبكام وعند مين.؟؟ عشان الفايدة تعم وكلنا نستفيد

[subzero_freez]

انا كان معايا ميجان 2006 حاول ونتا ب نتقل بالستبرونيك شد ال دراع عليك ل ورا جامد شوية .. انا كانت ب تعمل معايا كده و اشتغلت

[heha]

فعلا أنا مجربتش أمشي و بعدين أنقل. بس أنا كلمت مهندس و قالي ان دي مشكلة في كارت الفتيس و حلها بسيط. هاروح مركز الصيانة و أطمنكؤ يا رجاله. فعلا ألف شكر الواحد فعلا مطمن علشان وحوش الميجان هنا.

يعنى كل التجارب بتعتك دى وأنت واقف طب ماهو الفتيس أعتقد أنه مش هينقل غير لما تتحرك ممكن تجرب تنقل وأنت ماشى قبل ماتروح مركز الخدمه وتكلف نفسك