و بعدين بقي ياميجان

[WalidAdel]

انا معايا ميجان 2007 اشتريتها من فتره و ماعملتش فيها حاجه من ساعة ماجيبتها و لكن الايام دي بقي مستلماني حاجات غريبه بتحصل
في يوم من ذات الايام وانا ماشي التكييف فصل و بصيت علي الحراره لاقيتاه مرتفعه جدا بطلت التكييف هدية شويه و رجعت تاني وقفت بالعربيه و بطلتها لحد ماتبرد حلفت ماهي دايره تاني شيلتها وديتها عند ميكانيكي في الحرفيين شغال في الفرنساوي بس (بيجو و رينو) قالي قعدنا ندور و نفحص في العربيه لحد ماكتشفنا ان الفيوز بتاع المروحه اتحرق الميكانيكي شعره ايوه شعره و بعدين دارت العربيه لاقينا ريحة شياط طالعه جامد قالي دي المروحه محروقه كده الغريب انه مستغرب اوي ازاي العربيه مش عايزه تدور علشان المروحه محروقه و غيرناها ب 350 جنيه و مش عارف جاب ايه كده ب 50 و هو خد 100 جبيه مصنعيه و مروح من عنده الساعه 3:30 الفجر من الساعه 9 كل دا علشان مروحه
المهم قولت الحمد لله جهه اخويا راكب العربيه امبارح دارت عادي بس عماله تقطع منه و مش عايزه تسحب كلمنا الميكانيكي قالك دي موبينه و عايزه تتغير فهاروح اغيرها
المهم بقي الموبينه دي تتجاب جديده ولا اجيبها استيراد و امشي المصلحه علي كده و تعمل كام جديد و استيراد
حاجه اخيره هو انا كل ما العربيه تفتكر حاجه تبوظ اخويا مش فاضي و بيسافر كتير و كده مش نافع انها تقف منه تماما دي فمافيش حد اروحلوا عنده جهاز يكشف علي الحاجات اللي عايزه تتغير و نغيرها مره واحده و اخلص لان كده العربيه مش امان واخويا بيسافر كتير و معاه فلوس و بيرجع بليل و كده
افيدوني افادكم الله

[Ahmed Selim]

البوبينة = الكويل.........بيعمل من 150 الى 500 جنيه حسب بلد الصنع....اللى ب 150 أو 200 ده هتلاقيه صينى...........بلاش منه

عاوز تكشف على العربية كشف محترم يبقى التوكيل أو أحد مراكز الخدمة المعتمدة.......و موضوع المروحة ده مش مريحنى مش عارف ليه.........أنا مرة العربية سخنت معايا جامد.....التكييف فصل و العربية فضلت ماشية عادى.....و العيب كان من حاجة ملهاش علاقة بالكهرباء و لا التكييف خالص.

[Hany Saad]

انا معايا ميجان 2007 اشتريتها من فتره و ماعملتش فيها حاجه من ساعة ماجيبتها و لكن الايام دي بقي مستلماني حاجات غريبه بتحصل
في يوم من ذات الايام وانا ماشي التكييف فصل و بصيت علي الحراره لاقيتاه مرتفعه جدا بطلت التكييف هدية شويه و رجعت تاني وقفت بالعربيه و بطلتها لحد ماتبرد حلفت ماهي دايره تاني شيلتها وديتها عند ميكانيكي في الحرفيين شغال في الفرنساوي بس (بيجو و رينو) قالي قعدنا ندور و نفحص في العربيه لحد ماكتشفنا ان الفيوز بتاع المروحه اتحرق الميكانيكي شعره ايوه شعره و بعدين دارت العربيه لاقينا ريحة شياط طالعه جامد قالي دي المروحه محروقه كده الغريب انه مستغرب اوي ازاي العربيه مش عايزه تدور علشان المروحه محروقه و غيرناها ب 350 جنيه و مش عارف جاب ايه كده ب 50 و هو خد 100 جبيه مصنعيه و مروح من عنده الساعه 3:30 الفجر من الساعه 9 كل دا علشان مروحه
المهم قولت الحمد لله جهه اخويا راكب العربيه امبارح دارت عادي بس عماله تقطع منه و مش عايزه تسحب كلمنا الميكانيكي قالك دي موبينه و عايزه تتغير فهاروح اغيرها
المهم بقي الموبينه دي تتجاب جديده ولا اجيبها استيراد و امشي المصلحه علي كده و تعمل كام جديد و استيراد
حاجه اخيره هو انا كل ما العربيه تفتكر حاجه تبوظ اخويا مش فاضي و بيسافر كتير و كده مش نافع انها تقف منه تماما دي فمافيش حد اروحلوا عنده جهاز يكشف علي الحاجات اللي عايزه تتغير و نغيرها مره واحده و اخلص لان كده العربيه مش امان واخويا بيسافر كتير و معاه فلوس و بيرجع بليل و كده
افيدوني افادكم الله :u_thin1[1]:

الميجان لازم تحترمها علشان تحترمك (طبعا مش دايما بس إلى حد كبير)......

هل حضرتك مداوم على الصيانات الدورية و لا لأ؟؟؟

لأن الصيانات الدورية اللى كل 5000 كم بتخلى إلى حد كبير لو فيه عطل لسه بيشاور عقله يبان معاهم فى التوكيل (طبعا بتكلم عن عطل كهرباء أو ميكانيكا بس تكون واضحة)

الميكانيكى ده متروحلوش تانى خالص علشان هو اللى طيرلك المروحة لما شعر الفيوز.... بدل ما يعالج العيب الأساسى اللى علشانه طار الفيوز راح مشعره و لغاه و بالتالى دخل طيار عالى على موتور المروحة راح حرقها......المفروض هو يتحمل تمن موتور المروحة لكن أكيد ده مش هيحصل....


طبعا عيب التنتيش ده عيب كويلات سبق و إتكلمنا عليه كتير و كمان أستاذ جزار قال إزاى تقدر تكشف عليهم ده لو حابب طبعا لكن نصحتى ليك بلالالالالالالالالالالالالالالالاش إستعمال أو إستيراد إلا لو حابب ترمى فلوسك على الأرض و خصوصا إنك بتقول إن أخوك بيرجع بفلوس بالليل...

أنا عن نفسى أنصح بالأصلى من التوكيل فى حدود 550 جنيه للواحد و هما أربعة (مش عارف هيكون كام واحد ضارب عندك) و دول التعديل الجديد اللى المفروض العمر الإفتراضى بتاعهم بقى أطول بشهادة الوحوش و بإعتراف التوكيل نفسه و عليهم ضمان سنة....

أو تسأل الوحوش عن صنف كويس هما ركبوه من بره و أعتقد سعره بيكون فى حدود 250 جنيه للواحد....

[Mohd_Adel_Amin]

المروحة حصلت معايا قبل كده وكان فيوز السرعة الثانية واتغير في التوكيل (مش فاكر بكام بس كان سعر رخيص قوي ) وبدون اي مشاكل , بلاش الميكانيكي ده لأنه واضح انه مش كويس ..التوكيل قد يتهيأ لناس كثير انه غالي بس لو قارنت الموقف اللي حصلك بالموقف اللي حصلي هتلاقي انك اتكلفت اكثر في نفس المشكلة ده غير القرف والبهدلة مع الصنايعية وتعب القلب, استعين بالله واطلع بيها على التوكيل ظبطها كويس وهتكلفك شوية في اول زيارة وبعدين تابع الصيانات الدورية (اللي سعرها ميفرقش كثير بين التوكيل والسوق) وهتلاقي العربية كويسة معاك ..

[Hany Saad]

المروحة حصلت معايا قبل كده وكان فيوز السرعة الثانية واتغير في التوكيل (مش فاكر بكام بس كان سعر رخيص قوي ) وبدون اي مشاكل , بلاش الميكانيكي ده لأنه واضح انه مش كويس ..التوكيل قد يتهيأ لناس كثير انه غالي بس لو قارنت الموقف اللي حصلك بالموقف اللي حصلي هتلاقي انك اتكلفت اكثر في نفس المشكلة ده غير القرف والبهدلة مع الصنايعية وتعب القلب, استعين بالله واطلع بيها على التوكيل ظبطها كويس وهتكلفك شوية في اول زيارة وبعدين تابع الصيانات الدورية (اللي سعرها ميفرقش كثير بين التوكيل والسوق) وهتلاقي العربية كويسة معاك ..

[Amr_Moh]

موضوع المروحة دة حصل مع أكمل بنفس الطريقة
بس واضح انك فحتها حرارة لدرجة انها مرديتش تدور كان زمانك بتجبلهة متور مش مروحة

أما موضوع الببينة فده تقرير كامل عنه...... بسيطة

http://www.nilemotors.net/Nile/79485-a.html

[yalahwy2010]

هو الميكانيكى ده اسمه طايع؟
اسمر كدة ومن غير شعر...أقرع يعنى
الكويلات أنا كنت غيرت 3 مرة واحدة...واتخرب بيتى يوميها
بس اشتريت نوع ايسمع فاليو ...ومش الأصلى كمان.....وشغال لغاية دلوقتى الحمد لله
شوف كدة المهندس طلعت بيبيع الفاليو الأصلى ب 250 تقريبا او أكتر...بس هو كان حاطط السعر بتاعه فى المواضيعه
محمد الشرقاوى دا ميكانيكى 10|10 ....وكان شغال فى التوكيل...موجود فى الحرفيين....بيفهم اوى وما بيعكش وما بيفتيش

[WalidAdel]

طبعا شكرا لكل الشباب اللي ردوا عليا بس في حاجه
انا مع الاستاذ Meggieboy لان دا كان نفس تحليلي للموضوع لما اخويا حكالي عليه و قولتلوا دا مش كويس بس هو مقتنع بيه مش عارف ليه انا مارحتش معاه اليوم دا اصلا
انا روحت معها انهارده للراجل علشان موضوع الكويلات دا هو اسمه مركز العسكري اما مستشقي البيباوي و شغال في الفرنساوي كله بيجو ستروين و رينوا كشفنا علي الموبينه لاقيني واحد ضععيف و واحد قاطع خالص المهم روحنا لربنو سنتر و جيبنا ال Beru الماني ب 225 جنيه و طقم بوجيهات okemo ب 75 جنيه و غيرناهم و الراجل اخد 50 جنيه مصنعيه
و عنده واحد شغال في العفشه اسمه حماده خاليته كشفلي علي العفشه بتاعة العربيه قال عندي :
بطاحه يمين (تتغير)
مقص يمين (هايوشف فيه ايه لو جلب هاتغير لو بيضه هايكبسها)
و مساعد عند الفك هايكشف عليه
بارتين دريكسيون لو فيهم امل هايكبس البيض لو بايطيين خالص هايتغيروا

الجنب الشمال بقي
بطاحه (مش وحشه تمشي)
بارتين دريكسيون (نفس الموضوع)
و المقص (نفس الكلام)

العربيه اخويا بطلها علشان تهدي شويه و بعدين جهه يدورها مادارتش سالنا الميكانيكي قال لو كنت سيبتها شويه كانت هاطلعلك علي شاشة الكمبيوتر Stop

بس دا كل اللي حصل انهارده في الحرفيين و العربيه مشيت كويس الحمد لله

[Ahmed Selim]

معلش حاول تقنع أخوك يشوف حد غير الراجل ده

الشغل اللى قالهولك فى العفشة معناه أن تقريباً العفشة منتهية.....طيب هل أنت بتحس ان العربية عفشتها سيئة و أنت سايق ؟؟؟

البطاحات هل بايظ فيها الكاوتش ولا البلى و لا الأتنين ؟؟؟

البارات الأربعة ممكن تجيبهم جداد من مصر الجديدة فى حدود 600 الى 700 جم

شغل الكبس ده نصيحة بلاش منه.....هيكبسهم....و لو نفع هتمشى بيهم فترة قليلة قوى و هيبوظوا تانى.....و هتدفع تمن قطع تانية و هتدفعله مصنعية تانى.

[Ahmed Selim]

صحيح.........هى العربية مشاية كام كيلو ؟؟

[WalidAdel]

العربيه ماشيه حوالي 100 الف لان العداد بتاعها ملعوب فيه
و العفشه بتزيق بس و هو لما جهه يكشف علي البطاحات جخل بوز الزراديه بين البطاحه و الصاج و قعد يهز قعدت تطلع و تنزل معاه بسهوله اوي و كانت بتطلع مسافه حلوه يعني لكن الناحيه التانيه مكنتش كده خالص