تجربتى الشخصية مع الكليو لمدة 5 سنوات (ارجو التثبيت)

[mossobhy]

انا معايا رينو كليو 2002 _1200 سي سي عربيه جامده جدا اللي في ناس كتير ماتعرفوش اني العربيه دي موديل 2002 و2003 ماتور انفينتي وموديل 2001و2002و2003 تقفيل فرنساوى ومن اول مو2004 لغايه 2008 كل ده تقفيل تركي وبتختلف من ثبات العربيه والماتور انا العربيه جايب بيها 180 علي العين السخنة جامده اه انتا بتحس بخفيه الطبيعي بتاع اي عربيه بعد ال 180 اه هيا فيها عيوب شويه بس بصراحة جامده جدا يعني انا اول ماجبتها جيت ادور العربيه تدور وتفصل كشفت عليها طلعت طلمبة البنزين انا كنت عاوز المبينة بتاعت البنزين بس مش الطلمبة كلها روحت التوكيل قالي لا لازم تشتري الطلمة كاملة قولتلو بكام قالي ب1200 سيبتو ومشيت روحت غيرتها بره اصلي وربنا وب400 جنيه وتركيب 50 جنيه يعني كلها ب420 جنيه واشتريت الطلمبه بقي كمله مش المبينة بس لا الطلمبة كلها بالتركيب بكلو ب450 والحمد لله تمام ظهر عيب تاني جيت بدور العربيه ضارت بس حاسس في طرقعة في الشكمان ولمبة التشيك منورة والعربيه بتترعش وصوت الماتور عالي مش عارف في ايه وكنت في مدينة نصر وطبعا مش هاخلي اي حد يلعب فيها فسألت ناس قالولي واحد بيصلح فرنساوى بس قدام الوفاء والامل اللي في الحي العاشر فرحتلو بيها وماشي واحده واحده كشف عليها بالكمبيوتر قالي دا عي موبينه وبوجيهات المبينه دي اللي مطلعا 4 كتاوتللبوجيهات هاتلاقوها جمب رشاش الانجيكشن بالظيبط فبسألو بكام دى قالى ب800 جنيه والبوجيهات ب140 جنيه الحاجات دي ياجدعان اصلي كلها مش تركي ولا الكلام ده لا كل حاجه اصلي فرنساوى المهم سيبتو برده وقولتلو طب دي تنزلني المنطقة قالي اه انا ساكن في رمسيس يا جماعة قالي انتا كده ماشي علي 2 سليندر بس لاني في بوجيهين بايظين كمان المهم خت العربيه ومشيت لغايه رمسيس كنت بجيب الرابع وانا ماشي علي 30 والحمد لله وصلتني لغايه رمسيس وجبت المبينه من واحد في غمرة اسمو الضبع ده يا جدعان عندو كل الحاجات بتاعت الرينو لانو اصلن مابيبعش غير قطع غيار الرينو فكل قطع الغيار عندو ورخيص واللهي وحاجاتو اصلي انا جايب من عندو طلمبة نزين وبوجيهات وموبينه فجيبتها من عندو ب420 جنيه اصلي بردو محدش مصدق طبعا انها اصلي انا برده مكنتش مصدق ودتها عند كزا واحد قالي اصلي والمهم ركبتها وركبت بوجيهات ب90 جنيه والعربيه بقت تمام الحمد لله قعدت فتره وبعديها ومن قيمت 10 تيام بالظبط العربيه ماقتهاش بتسحب معايا ومابتأمركش ولا اي حاجه الص وماتسحبش رحت كشفت عليها اسطوانة وديسك وبليه جبت الاصلي يا جماعة ب550 جنيه من عند الضبع ده بردو انا يا جماعة وديتها لميكانيكي فعلن مالوش حل وغيرت الاسطوانة والديسك والبليه يعني طقم ديبرياش كامل وانا عاوز اقولكو اني العربيه عاملة 132 فالراجل قالي العمر الافتراضي بتاع الاسطوانة والديسك والبليه خلاص انتها فركبت الجداد دول ودلوقتي العربيه الحمد لله تمام ومافيهاش اي مشكله وهيا علي فكره عربيه جامده جدا جد وفي الدريفتات اصلي علي فكره وفي الغرز تقيله جدا انا بعد ماركبت طقم الديبرياش ده التاني بس كن عاوز اجرب كده جاب معايا 60 فهيا عربيه جامده جدا وانصح اللي ييب رينو كليو يجيب من اول مو 2001 لغايه مو 2003 علشان تقفيل فرنساوى ومتور انفينتي لكن لو حد ساق من اول 2004 لغايه 2008 وساق 2001 لغايه 2003 هايحس الفرق علي الطريق بعد ال150

طيب ممكن نعرف الضبع ده فين عشان انا لسه متظبط فى موبينة ب 800 جنيه والدبرياج بيشاور عقله

[ramykimo]

صباح الفل انا عايز اشترى رينو 2002 و فى واحدة حالتها كويسة استعمال سيدة عاملة 66 الف كيلو و سعرها 38500 بس انا محتاج ميكانيكى كويس يجى يشوفها معايا..العربية فى المهندسين ممكن تقولى لى ميكانيكى كويس؟

[altodd]

ياجماعة انا معروض عليا واحدة رينو كليو 2002 فبريكة برة وجوة
وفيها سنتر وتكيف وبور يعنى نصف كمليات وعملة 76الف
وصحبها عايز 39الف رئيكم اة فى السعر دة

[aklmohamed]

لوممكن من فضللك عنوان الضبع اللى فى غمرة ويا سلام لو تليفونه تبقى ريحتنى جدا ومعلش بقى كمان اسم الميكانيكى اللى بتتعامل معاه وعنوانه و تليفونه وربنا يبارك لك

[nermeeo]

موضوع مفيد

[andlo]

[gdwl]ياشباب ارجوا الاهتمام والرد عليا لحسن انا محتاس جداجدا

عطلت مني السيارة وقطروني" بس مش عند الميكانيكي بتاعي" وقالي ده موتور ترمبة البنزين باز "فستك"
ونصحني اجيب موتور ترمبة بنزين الاكسنت وجبتهولو بس واجهته صعوبة في فتح غطاء الترمبه لانه معندوش الاداه الخاصه بيه " ده انا عرفته فيما بعد .. خلو بالكوا ليه طاقيه خاصه " وطبعا بعد محاولات مريره كسر الغطاء اللي هوه عبارة عن صموله كبيره سوداء بلاستيك وروحت اشتريت واحده غيرها من واحد في شارع الوحده طلعت مش اصليه ..المهم الميكانيكي المحترم محمد بليله كان عنده واحده اقصدته فيها ومتأخرش بس برده لسه بتسرب بنزين وريحة البنزين في العربيه تجيب حساسيه غير ان البنزين بيطير زي العصافير روحتله تاني غيرلي الاولسيه ولسه المشكله قائمة اللي مجنني ان العربيه ساعات بتتاخر معايا في الدواره وده بيخدني جدا وبحتاس التسرب من الترمبه ده ممكن يكون سبب تأخير الدواره ولا دي مشكلة مازات قائمة في موتور الترمبه .....ارجوا المساعده ... وجزاكم الله خيرا[/gdwl]

[ramy_gamal]

اولا حضرتك كان لازم تروح لحد متخصص فى الرينو .. تمام
وبعدين ليه حضرتك جبت بتاعت الاكسنت ما بتاعت الكليو والميجان موجودة كتير جدا وسعرها مش غالى انا جايبها من سنه ب 250
وبعدين وهو بيكسر الصاموله كان ممكن يكلفك تمن التنك كله لان بوز التنك فبر وكان ممكن يتكسر وهو بيكسر الصاموله ... ممكن حضرت تجيب الصاموله استعمال مش غاليه هتعمل حوالى 60 جند مع الاولسيل هتلاقى مفيش اى تسرب للبنزين ان شاء الله
موضوع تاخير الدوارة مش عارف موتور الطلمبه بتاع الاكسنت ليه علاقه !!!!
فى حاجه كمان وهو بيركب الموتور قفل على الخراطيم بتاعتها بافيز ولا لأ لان كدة ممكن يكون فى تهريب ممكن تروح تانى ل الميكانيكى يشيك عليها

[wael_adly]

اصدقائى الاعزاء تسمحولى اخذ من وقتكم شوية واحكليكم على اللى حصلى فى مركز محمود عثمان (عثمان موتورز) - شارع محمد اشتناوى متفرع من شارع فيصل (بعد محطة التعاون)
رحتلهم عشان عندى مشكلة صغيرة عبارة عن ان العربية لما بدور الكنتكت شغال والمارش شغال بس ما بتدورش غير بعد 4 أو 5 دقايق المشكلة التانية أن جوان غطاء التكهات جايب زيت:
وديت العربية الساعة 10 صباحا استلموا منى العربية وخذوا بيانتى وبيانات العربية ومشيت على انتظار تليفون منهم انهم خلصوا
وبعد مكالمت كثيرة رحت استلم العربية لاقيت العربية حالتها ساءت عن الاول كتير بقت بتقطع جامد وبتطلع رحيت بنزين نى ومكتومه سالتهم ايه اللى حصل قالولى
1. البوجيهات عندك مش بتعات العربية رغم انى مغيرهم قريب وجايبهم من بائع قطع غيار رينو وهما حطو طقم قديم من عندهم عشان اجرب بيه العربية وتمن البوجيهات 185 جنيه
2. الشيخ عادل قال ان طرمبة البنزين عندى ضعيفة ولازم تتغير رغم انى لما بفتح كونتكت بسمع صوت الطرمبة شغاله ممكن تغيرلها ماتور 250 جنيه
3. البوابة عندك لازم تتغير وتمنها 3500 جنيه
4. حساس الحرارة بايظ وتمنه 400 جنيه وعايز فيشه تمنها 200 جنيه
5. حساس الشكمان بايظ وتمنه 1000 جنيه والمفاجأة انت ما عندكش علبة بيئة ودى مش موجودة بتتركب فى العربية وقت صنعها فقط
6. حساس الكرنك بايظ وتمنه 500 وفيشه 350 جنيه
7. المروحه دى مش بتاعته عايز مروحه 500 جنيه
8. سيرفوا الفرامل عايز يتغير
9. احنا غيرنا زيت وفلتر 500 كيلو 350 جنيه
10. جوان غطاء التكهات 350 بتركيبه
وحسسونى ان العربية ما تنفعش تمشى اصلا رغم انى كنت رايحلهم بيها وهى بتجيب سرعة 140
وبعد كلام وشد وجذب دفعت 700 جنيه تغيير زيت 5000 كيلو وفلتر وجوان غطاء التكهات ومشيت بالعربية
تانى يوم سمعت صوت حاجة بتخبط فى الماتور وهى دايرة فتحت الكبوت لاقيت قربة المياه مشروخة رغم انها كانت سليمة قبل ما اروح عند عثمان والصوت يخبط ويروح صحابى دلوني على المهندس على فى المقطم ماكدبتش خبر خت رقمه واتصلت بيه وقلتله على المشكلة قال مش فاضى تعاللى بعد يومين رحتله زى ما قال وحكيت على كل اللى حصل عند عثمان بص على العربية وقال هنغير قربت المياة وتجيب طقم بوجيهات وتجيب موبينه والعربية هتظبط قلت ماشى اروح اجبهملك واجى قالى مش فاضى النهاردة تعال بعد 4 ايام عشان عنده شغل قلت ماشى ورحتله الساعة 7 الصبح خذ العربية ومشيت رحت على شغلى رجعتله الساعة 5 مساءا ماكنش عمل حاجة فى العربية وبدا شغل فيها الساعة 7 مساء وحسسنى انه بيفهم وفك الوش وقعد ينضف البوابة ويرش اسبراى وركب الحاجة اللى قال عليها وطلعنا نجرب وكانت المفاجأة العربية زى ماهى وصوت الخبط موجود والتقطيعه موجودة وكأن العربية متكتفة ومش قادرة تمشى(بس مرضاش ياخذ فلوس مصنعيه) وقالى على ميعاد اجيله تانى بس مش قبل 4 ايام عشان عنده شغل والعربية فيها شغل كتير ومشيت من عنده على انتظار الميعاد الاخر ؟ اكلمه مايرضش ـ اكلمه يقولولى تعبان مافتحش النهارده ـ مايرضش زهقت سألت على مكانيكى تانى قالولى على الاسطى على عز الدين رحت خت ميعاد ووديت العربية الراجل فعلا صنيعى شاطر ظبط العربية ورجعها احسن من الأول والحمد الله وتعب فيها ربنا يبارك له
العيوب اللى وجدها :
1. غطاء التكهات اللى عمله محمود عثمان فوتو مسامير عمود التكهات خلوا التكهات تخبط فى وش السلندر
2. البوابة سليمة والطرمبة سليمة (الرشاشات هى اللى مش كويسه)
3. فى خرم فى الشكمان رغم انى عند عثمان سألتهم على الشكمان ليكون مخروم قالولى لا
4. غير طقم جوانات
5. غير رشاشين واعمل الصح بجد فى العربية وختها اكنها عربية تانية
وفى النهاية اقدر اقلكم ان عثمان موتورز اللى فى محطة التعاون عالم نصابين ومش بيفهموا حاجة عايزين ياخدوا فلوس وخلاص بالاضافة انهم ماعندهمش صنايعيه شويت عيال صغيره لا بيعرفوا يقروا ولايكتبوا والشيخ والبيه ابو نظاره منظره فقط لا غير

[albasha]

أولاً الحمد لله قدر الله وماشاء فعل
ثانياً ألف مبروك العربيه لما بتكون مبرجله بيبقي الواحد مخنوق منها ومش عارف يعمل أيه وفي نفس الوقت ميقدرش لا يسيبها كده ولا يستغني عنها حاله صعبه جداً

ثالثاً مركز عثمان تعاملت معاهم مره كنت بجرب تعاملاتهم كان عندي مشكله تأخير في الدواره أو ماشابه مش فاكر الكلام ده من زمن المهم سريعاً جداً حساس سرعه
اللي فاكرها كويس العدادات عندي كانت بتهيس فغيرلي العدادات بعدادات عنده استيراد ب 400 جنيه بعدها بالصدفه كنت في الحرفيين سألت عليها قاللي 250 جنيه الفرق كبير بغباء ده غير العدادات أصلاً منظرها سئ ومخليه شكل الطابلوه عندي سئ
البيه فك الوش اللي عندي علشان نضيف وركبه علي عداداته ولصقها بسيليكون بس تقريباً كان مستخسر السيليكون شويه فساب أجزاء مش مقفوله كويس فمع الوقت من خلال الفتحات ديه دخل تراب وبقي المنظر سئ جداً

المهم الحمد لله علي كل شئ في الأخر انت كتبت عناوين كل الناس ونسيت تكتب عنوان الاسطى على عز الدين

علشان نضيفه لقائمة الناس المحترمين

[wawamoha]

مساعده الله يكرمكم

السلام عليكم
بفكر اجيب للمدام عربيه كليو او سيمبول بس اوتوماتيك ممكن مساعده:
١ هل فيه عيوب في اوتوماتيك الكليو او السيمبول؟
٢ سعر العربيه يكون في حدود كام ؟
٣ اكشف عل العربيه فين ؟ يعني كمبيوتر وكده وتعرفم بياخد كام في الكشف؟
شكرا ليكم كلكم يا احلى منتدى