هل توكيل رينو فى مصر سحب جميع الفلوانس للإصلاح ؟

[neversighs]

انا اتصلت انهاردة بالتوكيل لسؤالة عن الموضوع دة قال لى ان الكلام دة غير منطقى و غير صحيح بالمرة و كمان طلب منى اسم المندوب دة علشان يفهم هو بيقول كدة لية ويعرف يتعامل معاة و كان تفسيرة للحكاية دى ان المندوب عمولتة من العربية دى اقل من عربيات تانية فيمكن بالمحاولة دى يغير تفكير الزبون لعربية يكون عمولتة منها اكبر
كمان اتصلت بالمصرية للسيارات فرع الميرغنى علشان اسأل على العربية على انى بفكر احجزها فرد عليا مندوب المبيعات ان العربية موجودة و سألتة على انى سمعت كلام عن ان العربية فى مشاكل فى عفشتها و الفتيس بتاعها قال لى ان الكلام غير صحيح بالمرة و ان العربية ممتازة بشهادة كل اللى اشتروها من عندهم
الطلب الاخير من صاحب الموضوع ان يحاول مشكورا بأى طريقة يجيب اسم المندوب و رقم تليفونة زى ما الاخ شاركى طلب علشان نفهم منة هو جاب الكلام دة منين

بالاضافه يا بوكلا اني اتصلت النهارده بمدير احد فروع رينو لكني اعرفو شخصيا واتصلت بيه على محموله الخاص قاللي مفيش تعليمات من فرع الرئيسي بكده و احنا بالفعل موقفين المبيعات من اسبوع وده لكل العربيات اللي تبعنا الفلونس واللوجان وحتى الكيا وده بسبب ان كل فواتير السيارات الجديده بتتغير علشان الزياده الجديده فالاسعار اللي اقرها وزير الماليه واللي هتنزل من اول الاسبوع ده هتكون فحدود ال 1500 جنيه .
انا قلتلو ان الوزير نفى اي زياده على جمارك السيارات المستورده قاللي الزياده مش عالجمارك نفسها ولكن الزياده هتكون فحدود من 3 الى 5 فالميه على بنود انضافت على المصروفات ما كانت بتتحسب والوزير اصر على اضافتها .

[momo10000]

يا وحووووووووووش ..... احمد صاحب الموضوع اعرفه عن قرب .... دا انسان محترم جدا جدا .... ومش قاصد بأي شكل انه يطلع اشاعه او يهاجم مالكي الفلونس او يستفز حد....

ببساطه ... واضح ان المعارض بتقول اي كلام للعملاء عشان متأخرين في التسليم ... و احمد عمل الموضوع دا ليستوضح الامر مش اكتر ...

حصل خيرررررررررر يا وحووووووش ...

[Sharky]

مافيش مشكلة يا ايمن

يا ريت يجيب لي اسم العميل و نمرة تليفونه علشان نساعد الراجل دا

[wawoo]

خاطر ورد فى بالى ان المصرية للسيارات مش عايز يسلم العميل لحد ما يشوف موضوع زيادة الاسعار بناء على زيادة الجمارك
اهوا يقول نكسب تلات اربع تلاف جنية من الهوا والله اعلم

المصرية مش عاوزين يسلمو هما احرار ..انما يطلعو اخبار و اشعات مغرضة بالمنظر دة ..يبقى فيها كلام تانى ...

طيب المصرية مش عاوزة تسلم ...و المعرض التانى "اوتو رضا" دة كمان مش عاوز يسلم هو كمان...
هى المعارض متفقة على اشاعة محددة و لا اية ...و لية صاحب الموضوع مش عاوز يتعاون و يقلنا مين اللى اتسحبت عربيتة دة من التوكيل و بيقول معاة رقم الشاسية...

[neversighs]

هل يا جماعه السياره ده بدأت تتحارب ولا ايه ؟ انا شايف ان معظم المقبلين على شراء الاوكتافيا او الجيتا او الاسترا بيعمل شيفت عالفلوينس حيث النفوق في الشكل والكماليات والسعر .... الحكايه ايه بالضبط ؟

[bukla]

هل يا جماعه السياره ده بدأت تتحارب ولا ايه ؟ انا شايف ان معظم المقبلين على شراء الاوكتافيا او الجيتا او الاسترا بيعمل شيفت عالفلوينس حيث النفوق في الشكل والكماليات والسعر .... الحكايه ايه بالضبط ؟

اعتقد انها هية دى الحكاية فعلا واضح انهم اكتشفوا ان العربية متفوقة شكلا و موضوعا و توكيلا و فوق كل دة ارخص 20 ل 30 الف جنية يبقى الحل استغلال السمعة السابقة لرينو

[tareksedra]

هل يا جماعه السياره ده بدأت تتحارب ولا ايه ؟ انا شايف ان معظم المقبلين على شراء الاوكتافيا او الجيتا او الاسترا بيعمل شيفت عالفلوينس حيث النفوق في الشكل والكماليات والسعر .... الحكايه ايه بالضبط ؟

دائما هناك اعداء للنجاح

[wawoo]

هل يا جماعه السياره ده بدأت تتحارب ولا ايه ؟

يا عزيزى الحرب بدائت من زمان ...من قبل الفلوينس ..الميجان السابقة تعرضت لحرب بشعة ..لكن يبدو ان الامور تغيرت الان بعد انهيار السيارات اليابانة فى مصر ...تويوتا و متسوبيشى و غيرها

فى معرض سيارت مستعمل فى اول الشارع عندنا ..مركون عندة سيارات تويوتا كورولا الشكل الجديد ..

و كنت راكب دايهاتسو تريوس من كام يوم فى الكنبة الخلفية ..و العربية كانت عاملة بالضبط زى مراجيح الملاهى و كانت حتتقلب من شوية ملافات تافهة جدا ...مش عارف العربية دى بجد بتتباع ازى فى مصر و هى بالمستوى الهزيل دة من الاتزان و الثبات ...مش غريبة ان التوكيل بيدلل عليها دلوقتى بعد ما اتكشفت عيوبها لناس كتير ...

و على فكرة احنا ليسة فى البدايات الحرب بس ..التقيل ليسة جى ....

[الريس]

عن تجربة
اي عربية مش موجودة عند المصرية او مكسبها مش كبير
تبقى عربية زبالة و فيها عيوب الدنيا

و لما يتغير الحال يتغير الوصف و التقييم فورا

[wawoo]

انا قلتلو ان الوزير نفى اي زياده على جمارك السيارات المستورده قاللي الزياده مش عالجمارك نفسها ولكن الزياده هتكون فحدود من 3 الى 5 فالميه على بنود انضافت على المصروفات ما كانت بتتحسب والوزير اصر على اضافتها .

مافيش اى زيادة و المدير دة بيشتغلك ...مافيش حاجة اسمها مصروفات مكنتش بتتحسب و الوزير اصر على اضافتها

ازى يعنى حاجة للدولة مكنتش بتتحسب و بعدين غيرو رايهم ..يعنى الحكومة كانت مطنشة على فلوسها مثلا و بعدين قررو يرجعو فى كلامهم ..كلام مش منطقى خالص

[Hany Saad]

معلومة للتوضيح بالنسبة لنسبة الزيادة الجديدة فى الجمارك....فعلا فى زيادة حوالى 9% (ده اللى كان مكتوب لكنى مش متأكد من النسبة) و دى كتبوها رسمى فى أهرام الجمعة و أخبار اليوم السبت....و تفسيرها إن الحكومة كانت بتسيب نسبة بسيطة من تمن العربية و ما بتحطش عليه جمارك و ده فى سبيل الضمان و خدمات ما بعد البيع و تشجيع الوكلاء على إستغلال هذه المبالغ و إستثمارها فى تطوير و التوسع فى مراكز الخدمة.....بعد تطبيق إتفاقية الجات إكتشفت الحكومة إنها بتخسر فدورت فى دفاترها القديمة و قررت إلغاء هذا الإعفاء البسيط اللى كانت بتسيبه للوكلاء....لكن فعليا الجمارك ثابته زى ما هيه لكن كل الحكايه إن كان فيه شريحه معفاه و أصبحت غير معفاه....

نقطة أخرى للتوضيح....ماذا يحدث لو بعد 9 سنين من الأن أصبحت السيارات الأوروبية معفاه من الجمارك....
الإجابة كل الشعب هيركب زلموكة و بالتالى محدش هيقدر يتحرك من ركنته نصف سم.....

قوم الحكومة كل سنة بعد ما تضحك على الإتحاد الأوروبى و تخفض 10% من قيمة الجمرك تقوم تحفانه بضريبة جديدة جهنمية من تحت الطرابيزه تعوض بيها هذا النقصان فى الموارد أولا و تحمى بيها البلد من إزدحام خانق قاتل يشل البلد و شوارعها و قد سبق و أشرت لهذا قبل كده و أهوه كلامى طلع صح.....

[Hany Saad]

أبلغت مصلحة الجمارك وكلاء السيارات بأنه سيتم تحصيل جمارك بنسبة9%

من قيمة السيارات المستوردة عند الإفراج الجمركي عنها.

وقال أحمد فرج سعودي رئيس مصلحة الجمارك: إن هذه الجمارك لم يكن يتم تحصيلها منذ عام2007 علي أساس تقديم الوكلاء خدمات ما بعد البيع, والضمان والصيانة للسيارات, ولكن تبين أن هذا يعد مخالفا لاتفاقية الجات الدولية الخاصة بالجمارك.

المصدر جريده الاهرام

[wawoo]

أبلغت مصلحة الجمارك وكلاء السيارات بأنه سيتم تحصيل جمارك بنسبة9%

لا لا مافيش 9% و لا 5 % و لا غيرها..دى طلعت افتكاسة صحفية من الصحفى المزكور ..حاجة كدة لزوم الغلاسة قبل رمضان واساسا مينفعش الجمارك تتغير كدة بقرار ..و تاكد ان الحكومة مش بتتنازل عن ماليم احمر لو عارفة ان ليها حق فية ...

قال وزير المالية يوسف بطرس غالي "ليس صحيحاً وجود زيادة في فئات التعريفة التي تبلغ حاليا 40 % على السيارات سعة 1600سي سي، و135% على ما يزيد عن ذلك".
وكانت جريدة " الاهرام " قد أفادت الاربعاء بوجود زيادة فى تعريف الجمركية على الجمارك .
وأوضح أبوالفتوح ان العبرة عند التقييم الجمركى للسيارة - طبقا لنص المادة السابعة من اتفاقية الجات - بالقيمة التعاقدية للصفقة أى الثمن المدفوع فعلا مع إضافة عناصر التكلفة الفعلية التى يتحملها المستورد ولم تدرج فى الصفقة.

[mostafashokry]

الفتيين بيشجعوا و إحنا بنشجع معاهم....

نفس الكلام ده سمعته قبل كده لما إشتريت الميجان سنة 2006...بعد لما إشترتها رحت المصرية فرع جرين بلازا فى الإسكندرية و سألت البياع إنما إيه أخبار الميجان....طلع فيها كل القطط الفاطسة و الغير الفاطسة....و لما سألته ليه...ملقتش عنده أى جواب مقنع....الفتيين.....

و بعدين عرفت إن التاجر طارق إسماعيل و اخد كمية ضخمة جدا من الميجان و متحكم فى السوق و حارق سعرها...علشان كده المصرية بيضرب فيه تحت الحزام.....

سوق مفهوش أى أخلاق و لا مبادىء....البقاء للأخبث......

معلش أنا فعلا سمعت أن فى مشكلة فى الميجان ال2005 فى حين ما نزلت و كانت المشكلة فى بيت الدوارة كانت السبارة نع صديق ليه تدور 25 ثانيه و تبطل و التوكيل نفسة ما كانش عارف يشخص العيب و ظلت السيارة أكثر من أسبوعيين لغاية ما أكتشفوا العيب و أبيتدوا يغيروه فى فى ال2005 كلها

[Hany Saad]

لا لا مافيش 9% و لا 5 % و لا غيرها..دى طلعت افتكاسة صحفية من الصحفى المزكور ..حاجة كدة لزوم الغلاسة قبل رمضان واساسا مينفعش الجمارك تتغير كدة بقرار ..و تاكد ان الحكومة مش بتتنازل عن ماليم احمر لو عارفة ان ليها حق فية ...

قال وزير المالية يوسف بطرس غالي "ليس صحيحاً وجود زيادة في فئات التعريفة التي تبلغ حاليا 40 % على السيارات سعة 1600سي سي، و135% على ما يزيد عن ذلك".
وكانت جريدة " الاهرام " قد أفادت الاربعاء بوجود زيادة فى تعريف الجمركية على الجمارك .
وأوضح أبوالفتوح ان العبرة عند التقييم الجمركى للسيارة - طبقا لنص المادة السابعة من اتفاقية الجات - بالقيمة التعاقدية للصفقة أى الثمن المدفوع فعلا مع إضافة عناصر التكلفة الفعلية التى يتحملها المستورد ولم تدرج فى الصفقة.

أتمنى هذا حضرتك لأن العملية مش ناقصة....بس اللى أنا فاهمه إن فى معارض ووكلاء كتير محضره لوايح أسعار جديدة بداية من الأسبوع القادم و مزودين الأسعار كام باكو....ما بين الجمارك و زيادة الدولار و إرتفاع اليورو و كلام فاضى من اللى أنت فاهمه علشان يزود و خلاص....يا ريت لو الأسعار ثابته تأكدولنا الوضوع ده.......أنا فهمت من حد شارك قبل كده إن الفلوانس مثلا زادت 3 ألاف جنيه فى كل فئتها للى ناوى يحجز جديد....يا ريت التوضيح من الأعضاء و لكم جزيل الشكر......