هل توكيل رينو فى مصر سحب جميع الفلوانس للإصلاح ؟

[Hany Saad]

معلش أنا فعلا سمعت أن فى مشكلة فى الميجان ال2005 فى حين ما نزلت و كانت المشكلة فى بيت الدوارة كانت السبارة نع صديق ليه تدور 25 ثانيه و تبطل و التوكيل نفسة ما كانش عارف يشخص العيب و ظلت السيارة أكثر من أسبوعيين لغاية ما أكتشفوا العيب و أبيتدوا يغيروه فى فى ال2005 كلها

حضرتك سمعت لكن إحنا راكبين العربيات....مشكلة صديق حضرتك مشكلة فردية و ليست فى كل ال2005...المشكلة الفعلية اللى فى 2005 هى نتشة الفتيس اللى عالجوها بتغيير السوفت ويير....لكن أنا شارى فى يوليو 2006 يعنى كانت المشكلة إنتهت.....


بالمثل...التويوتا موديل 2008 و 2009 فتيس MMT كله مشاكل...سنة 2010 تويوتا غيرت الفتيس و العربية أصبحت رائعة بشهادة ملاكها...هل هنفضل نقول على التويوتا عربيات وحشة كلها مشاكل أوعه تركبها....بالتأكيد لأ....وارد إنه يكون فيه مشكله فى موديل معين أو سنه معينه لكن مش معنى كده إن كل إنتاج الشركة دى للسنوات القادمة معيب....هى دى الإشاعات دون وعى اللى هتودينا ورا الشمس....

خد بال حضرتك...البائع فى معارض السيارات بياخد bonus على البيع من شركات السيارات و كمان بياخد أوامر من صاحب المعرض بالتركيز على نوع على حساب أخر و ذلك لأسباب عديدة منها ...عمولة أخر السنة على إجمالى المبيعات لصاحب المعرض أو نزول موديل أجدد و يجب التخلص من الموديل القديم و التركيز عليه أو عرض خاص على نوع معين لو أخد كمية معينه أو أو....إذا البائع لكى يحقق هذا الغرض لازم يقول حاجة تخوف حضرتك من الموديل اللى إنت جاى علشانه...علشان يحولك على الموديل اللى هو عايز يبيعه...اللى أنا بقوله هو الغالبية العظمى من تجار السيارات.....

[ashraf1112]

ياجماعة الاشاعات دى متوقعة من زمان على سيارة ناجحة زى دىة


انا رايح احجز واحد تانية لمراتى اليوم هى معاها اوبترا وعاوزة تبدل

[tarek7elmy]

يا جماعه الوكيل في مصر ما يقدر يخفي شئ.. لو فيه اي عيوب فالسياره رينو الفرنسيه هي اللي هتسحب والعالم كلو هيعرف زي ما حصل في كل الشركات في الفتره الاخيره وزي ما حصل مع رينو نفسها لما سحبت فلوينس الكوريه من الخليج .
بس باعتبار اني احد مالكي السياره من 15 يوم فقط اعترف اني مش مرتاح من العفشه الى حد ما كمان احيانا بحس ان الفتيس بيهنج .. لكن انا ما زلت في فترة التليين وحكمي غير نهائي ارجو من مالكي الفلونس القدامى التدخل بالرأي .

حاول تشوف العجل مظبوط على كام , علشان العربية بتيجى من التوكيل و العجل على ضغط 40
لازم تظبط العجل على 29
او 32 فى العجل الامامى و 29 خلفى زى ما التوكيل بيقول

[engahmedmahfouz]

طب المفروض إن سعر الدولار قل يبقى المفروض إن اسعار العربيات تنزل بقى ولا إيه

[neversighs]

مافيش اى زيادة و المدير دة بيشتغلك ...مافيش حاجة اسمها مصروفات مكنتش بتتحسب و الوزير اصر على اضافتها

ازى يعنى حاجة للدولة مكنتش بتتحسب و بعدين غيرو رايهم ..يعنى الحكومة كانت مطنشة على فلوسها مثلا و بعدين قررو يرجعو فى كلامهم ..كلام مش منطقى خالص

الراجل مش بيشتغلني ولا حاجه يا واو واتفضل شوف هذا الرابط

ContactCars | توقعات بزيادة &#34جديدة&#34 في أسعار السيارات

[adfarouk]

أتمنى هذا حضرتك لأن العملية مش ناقصة....بس اللى أنا فاهمه إن فى معارض ووكلاء كتير محضره لوايح أسعار جديدة بداية من الأسبوع القادم و مزودين الأسعار كام باكو....ما بين الجمارك و زيادة الدولار و إرتفاع اليورو و كلام فاضى من اللى أنت فاهمه علشان يزود و خلاص....يا ريت لو الأسعار ثابته تأكدولنا الوضوع ده.......أنا فهمت من حد شارك قبل كده إن الفلوانس مثلا زادت 3 ألاف جنيه فى كل فئتها للى ناوى يحجز جديد....يا ريت التوضيح من الأعضاء و لكم جزيل الشكر......

العربية فعلاً زادت 3000 جنية على كل فئاتها ... بس الكلام ده كان قبل القرار الأخير بتاع جمركة فاتورة العربية بالكامل

أتوقع هيكون فيه زيادة تانية خلال الكام يوم اللي جايين بسبب القرار الجديد

[adfarouk]

أعتقد سبب الأشاعة دي ممكن يكون أجابتة في الخبر ده

12 شركة ترفع حصصها إلى 88.2% من سوق السيارات خلال النصف الأول من 2010

01اغسطس 2010 09:52 ص
القاهرة - استحوذت 12 شركة سيارات على 88.2% من إجمالي مبيعات السوق في النصفالأول من العام الحالي وفقا لتقرير مجلس معلومات سوق السيارات ال اميك بزيادة 5.2نقطة مئوية عن حصصها فى النصف الأول من 2009 .
وشهدت قائمة الكبار تغيرات ملموسة الا ان المفاجأة الكبرى تمثلت فى تراجع شركةتويوتا 4 مراكز دفعة واحدة من المرتبة الثالثة إلى السابعة بعد ان تراجعت حصتها منمبيعات النصف الأول إلى 4% مقارنة ب 9% فى النصف الأول من 2009 .
وتصدرت شيفروليه ترتيب الشركات من حيث مبيعات النصف الأول بحصة قدرها 26.2% ارتفاعا من 24.5% تليها هيونداى بحصة بلغت 21.4% ارتفاعا من 17.5% فيما قفزتالعلامة كيا إلى المركز الثالث فى مبيعات سوق السيارات بحصة قدرها 8.6% مقارنة ب 5.3% خلال نفس الفترة من العام الماضي بينما حافظت العلامة نيسان على حصة 6.4% منالمبيعات لتستقر في المركز الرابع .
وتلقت سبرانزا الصينية دفعة وضعتها فى المركز الخامس من حيث المبيعات بحصة 5.4% من السوق ارتفاعا من 4.6% وحافظت سوزوكى على المركز السادس بحصة 4% فيما سجلت العلامة رينو أداء قويا من حيث المبيعات خلال النصف الأول من العام لتحتل المركز الثامن بعد ان تضاعفت حصتها السوقية الى 3.3% بدلا من 1.7% .

https://www.arabfinance.com/news/new...aspx?Id=173920

[refattosa]

اللي اعرفه ان اللي كانت ب 135 و بعدين 138 بقت ب 144........!!!!!!

[ahmed92]

اللي اعرفه ان اللي كانت ب 135 و بعدين 138 بقت ب 144........!!!!!!

حضرتك جبت السعر دة من فين

[refattosa]

حضرتك ممكن تكلم السبع حيقولك 138 و الاسعار الجديدة نازلة بكرة حتساله طب الزيادة في حدود كام حيقولك 6000 ج

بس الكلام ده انا عارفه من الاسبوع الفات من واحد صاحبي تاجر عربيات بس انل برضه سالت وراه

[refattosa]

بس طبعا مفهوم انك لو حتحجز حايبقي بالسعر الجديد

[Hany Saad]

بس طبعا مفهوم انك لو حتحجز حايبقي بالسعر الجديد

كده تبقى العملية نظيفة ميه فى الميه....

و زى ما " جات "......... راحت.....العربية زادت 9000 جنيه....

و تهنئة قلبية من الحكومة المصريه لدول الإتحاد الأوروبى... و كل " جات " و أنتم بخير....

[refattosa]

بالضبط كدة يا باشا لا واية كمان ال 4 % بتوع اول السنة اتشفطوا كمان في الزحمة

و كل زيادة و انتو ا طيبين

[wawoo]

حضرتك ممكن تكلم السبع حيقولك 138 و الاسعار الجديدة نازلة بكرة حتساله طب الزيادة في حدود كام حيقولك 6000 ج

بس الكلام ده انا عارفه من الاسبوع الفات من واحد صاحبي تاجر عربيات بس انل برضه سالت وراه

مافيش الكلام دة ..وبلاش اطلاق ارقام عشوائية "مافيش اى زيادة " غير الزيادة اللى عملها التوكيل من شهر بسبب العملة ..اى زيادة اخرى هى شطارة من اصاحب المعارض عشان يستغلو الهوجة بتاعت تغير الموصفات ..

[refattosa]

مافيش الكلام دة ..وبلاش اطلاق ارقام عشوائية "مافيش اى زيادة " غير الزيادة اللى عملها التوكيل من شهر بسبب العملة ..اى زيادة اخرى هى شطارة من اصاحب المعارض عشان يستغلو الهوجة بتاعت تغير الموصفات ..

بهدوء بس و من غير انفعال الاول كل سنة و انت و طيب

اتمني طبعا ان كلامي يطلع غلط

بس ده مش كلام معارض ده كلام السبع اللي من اكبر موزعي


رينو و ما ينفعش يضرب ارقام من دماغه ده غير ان نفس الكلام


اتقاللي من واحد عايز يشتري و قاعد يلف علي الموزعين


و في الاخر برضه انا نفسي الكلام يطلع غلط