فلوانس vs ميجان II ....فئة الديناميك...الإضافات و النواقص...

[wawoo]

المقارنة دى جيدة لكن هى ينقصها بعض تفاصيل و اختلافات مهمة منها مثلا ...

- موتور جديد
- فتيس جديد بتصميم افضل لاداء احسن و عومة اكثر فى نقل السرعات
- فرامل قرص مهواة اكبر فى الامام و قرص فى الخلف
- نظام بور ستيرينج جديد و اكثر حساسية و دقة
- نظام اى بى اس جديد و مطور
- حساسات للركن فى الخلف
- طبعا تصميم جديد لهيكل السيارة ليناسب مقايس الامان لسنة 2010
- نظام عزل كهربى و الكترو استاتيكى مطور لحماية السيارة من اى تدخلات كهربية او موجية
- اجزاء الهيكل الامامية اصبحت صاج و ليس فيبر كما فى الميجان السابقة .
- تصميم جديد لطبلوة السيارة يراعى سهولة الاستخدام و التعامل مع السيارة اكثر من التصميم السابق..

باختصار الفروق بين الموديلان ليس مجرد كماليات اضيفت او حزفت انما الفكرة انة موديل جديد يحمل عدة سنوات من التطوير و التحسين فى مختبرات و مراكز تصميم رينو لينافس لعدة سنوات قادمة ..

[Hany Saad]

المقارنة دى جيدة لكن هى ينقصها بعض تفاصيل و اختلافات مهمة منها مثلا ...

- موتور جديد
- فتيس جديد بتصميم افضل لاداء احسن و عومة اكثر فى نقل السرعات
- فرامل قرص مهواة اكبر فى الامام و قرص فى الخلف
- نظام بور ستيرينج جديد و اكثر حساسية و دقة
- نظام اى بى اس جديد و مطور
- حساسات للركن فى الخلف
- طبعا تصميم جديد لهيكل السيارة ليناسب مقايس الامان لسنة 2010
- نظام عزل كهربى و الكترو استاتيكى مطور لحماية السيارة من اى تدخلات كهربية او موجية
- اجزاء الهيكل الامامية اصبحت صاج و ليس فيبر كما فى الميجان السابقة .
- تصميم جديد لطبلوة السيارة يراعى سهولة الاستخدام و التعامل مع السيارة اكثر من التصميم السابق..

باختصار الفروق بين الموديلان ليس مجرد كماليات اضيفت او حزفت انما الفكرة انة موديل جديد يحمل عدة سنوات من التطوير و التحسين فى مختبرات و مراكز تصميم رينو لينافس لعدة سنوات قادمة ..

من الطبيعى جدا بعد الميجان ii إنتاج سنة 2003-2004 أن نحصل فى سنة 2010 على تطورات ثورية بعد مرور 7 أعوام من البحث و التطوير...طبعا تركيزى كان على الكماليات و ليس على الأساسيات و لكن لو حابب نتكلم على الأساسيات...يبقى رينو لم تنجح إنها تimpress عشاق الميجان بالتطوير اللازم لتغيير سيارتهم و النظر بإبهار للمولود الجديد الفلوانس الذى سوف ينافس لعدة سنوات قادمة حسب قولك.

-الموتور هو نفسه الk4m مع تطوير بسيط و إعطاؤة variance جديد و لكن إين هذا الموتور من الموتور الثورى الtsi للvw ال1.4 ليتر و قدرة 122 حصان عند لفات منخفضة جدا... عزم خرافى و إستهلاك متدنى للبنزين....هو ده التطوير و طبعا واخد أحسن موتور ل3 سنوات متتالية.

-الفتيس إنتقل من الdp0 إلى الdp2 أنعم و أسلس نعم و لكن هل هذا هو التطوير المتوقع من رينو....إين هذا من الفتيس الdsg ال7 سرعات الثورى من vw و دقة نقلاته .....هو ده التطوير.


-بعد 7 سنوات من البحث و التطوير و الإنتظار أكيد مش الأتى اللى هو اللى هيفرق معايا :

- فرامل قرص مهواة اكبر فى الامام و قرص فى الخلف (الميجان ii قرص فى الخلف).
- نظام بور ستيرينج جديد و اكثر حساسية و دقة
- نظام اى بى اس جديد و مطور ( فرامل الميجان ii جببااااارة )
- حساسات للركن فى الخلف (غير متوفرة فى فئة الديناميك أساس المقارنة).
- طبعا تصميم جديد لهيكل السيارة ليناسب مقايس الامان لسنة 2010 ( مع إزالة 4 إيرباجز من فئة الديناميك و ما تحتها...أكثر فئات مبيعا)
- نظام عزل كهربى و الكترو استاتيكى مطور لحماية السيارة من اى تدخلات كهربية او موجية ( لم تكن هناك أدنى شكوى فى الميجان ii ...بمعنى تطوير غير ملحوظ أو مهم).
- اجزاء الهيكل الامامية اصبحت صاج و ليس فيبر كما فى الميجان السابقة . ( لا يعتبر تطوير على الأقل بالنسبة لى شخصيا).
- تصميم جديد لطبلوة السيارة يراعى سهولة الاستخدام و التعامل مع السيارة اكثر من التصميم السابق.. ( أقل شىء بعد 7 سنوات...)

فى سنة 2010 أنت تتوقع أن تحصل على أحدث تطورات العصر و ده اللى نجحت فيه الميجان ii بجدارة عندما نزلت الأسواق و أطاحت بالمنافسين بشدة بعد التطورات الرهيبة اللى كانت موجودة فيها مقارنة بالمنافسين وقت نزولها فى 2004......الفلوانس طورت نعم و لكن هل نجحت فى إنها تimpress عشاق الميجان بعد مرور 7 سنوات من البحث و التطوير.....و الإنتظار.......؟؟!!

[wawoo]

......الفلوانس طورت نعم و لكن هل نجحت فى إنها تimpress عشاق الميجان بعد مرور 7 سنوات من البحث و التطوير.....و الإنتظار.......؟؟!!

اعتقد ان الفرق واضح جدا بين المودلين و اكيد شركة عملاقة زى رينو مكنتش بتلعب خلال 7 سنوات .. الفرق كبير جدا "بغض النظر عن التغيرات اللى بتسميها "نواقص " فى عنوان موضوعك

التطوير مش مجرد ايرباج اتشال او اتحط فى تطوير كبير فى التصميم و الانتاج والخامات و كل دة حدث نتيجة شغل مهندسين و مطورين خلال 7 سنوات او اكتر ..

مش لازم التطوير كلة انت تشوفة او تقارنة بالورقة و القلم .لان معظم التطوير بيتم فى هندسة السيارة و فى حاجات كثير مستخبية معظمها مش حيظهر الفرق فية غير خلال استعملها مدة و اظن دة واضح من تجارب الناس اللى اشتروها..

و انا فى رايى التطوير مؤثر جدا و لكن انت يمكن متحيز شوية للموديل القديم "لانك تمتكلة بالفعل " و دة طبيعى و مش مقتنع ان هناك تطوير كافى يقنعك لانك حسبت التطوير مجرد ايراج زيادة او كمليات هنا او هناك ..لكن الحقيقية الفرق اكبر من كدة بكتير ..بدليل نجاح الفلوينس فى الخليج مثلا " مقارنة بمودلات كثير لرينو قبل كدة" ...

[Hany Saad]

اعتقد ان الفرق واضح جدا بين المودلين و اكيد شركة عملاقة زى رينو مكنتش بتلعب خلال 7 سنوات .. الفرق كبير جدا "بغض النظر عن التغيرات اللى بتسميها "نواقص " فى عنوان موضوعك

التطوير مش مجرد ايرباج اتشال او اتحط فى تطوير كبير فى التصميم و الانتاج والخامات و كل دة حدث نتيجة شغل مهندسين و مطورين خلال 7 سنوات او اكتر ..

أنا معاك تماما إن التطوير مش مجرد إيرباج إتشال و إتحط لكن أنا كنت برد على نقطة حضرتك
" - طبعا تصميم جديد لهيكل السيارة ليناسب مقايس الامان لسنة 2010 "

مش من الطبيعى إن التطوير بعد 7 سنين إنك تشيل 4 إيرباجز فى مناطق فى منتهى الأهمية و أقول ده تطوير....أنا مش بتكلم على حساس مساحات إتشال و لا إتحط أنا بتكلم على 2 إيرباجز جانبى و 2 إيرباجز خلفى و بعد كده أقول مقاييس الأمان لسنة 2010....لو هنتكلم على مقاييس أمان سنة 2010 يبقى لازم نحط كمان knee airbags على ال6 اللى كانوا موجودين فى فئة المانيوال مش نشيل 4 و نقول مقاييس أمان 2010..!!!

مش لازم التطوير كلة انت تشوفة او تقارنة بالورقة و القلم .لان معظم التطوير بيتم فى هندسة السيارة و فى حاجات كثير مستخبية معظمها مش حيظهر الفرق فية غير خلال استعملها مدة و اظن دة واضح من تجارب الناس اللى اشتروها..


و انا فى رايى التطوير مؤثر جدا و لكن انت يمكن متحيز شوية للموديل القديم "لانك تمتكلة بالفعل " و دة طبيعى و مش مقتنع ان هناك تطوير كافى يقنعك لانك حسبت التطوير مجرد ايراج زيادة او كمليات هنا او هناك ..لكن الحقيقية الفرق اكبر من كدة بكتير ..بدليل نجاح الفلوينس فى الخليج مثلا " مقارنة بمودلات كثير لرينو قبل كدة" ...

واضح إن حضرتك لم تقراء إختبار القيادة اللى عملته للفلوانس و اللى اشدت بيه جدا جدا بها كسيارة....و أنا لو نازل أشترى سيارة جديدة دلوقتى مش هلاقى أجمل و لا أحسن و لا أرقى من الفلوانس علشان أشتريها.....لكن حضرتك مش واخد بالك من وجهة نظرى طول الوقت ده....أنا مش بقول إن الفلوانس سيارة وحشة بالعكس أنا نفسى يمكن أشتريها للعمل و ده بس علشان موضوع التحيز اللى حضرتك بتشير إليه.....

لكن أنا برد على كلام حضرتك من ناحية التطوير و التحديث و خلافه....عمر ما كان التطوير إيرباج إتشال و إتحط...لكن كمان لما تنزل نفس الموتور بعد 7 سنين ده مش تطوير...لما الخامات يبقى فيها cost reduction ملحوظ من جميع من ركبوا السيارتين ده مش تطوير....لما العزل يقل ده مش تطوير....

لو أنا نازل أشترى عربية تحديث لسيارتى من نفس الشركة المصنعة بعد 7 سنين على الموديل القديم و ألاقى حاجات مؤثرة متشالة و الموتور لسه 105 حصان و الفتيس عليه تعديل بسيط ...لا أعتقد إن ده اللى انا مستنيه بعد 7 سنوات من التطوير زى ما حضرتك بتقول...لو ده فى رأيك تحيز يبقى أنا فعلا متحيز ........

[ecybrarian]

الحقيقة أنا كدا هاخرج عن الموضوع..فمعلش استحملوني قليلا..
مافيش حاجة اسمها 7 سنوات تطوير..الموبايل والإنترنت كانوا موجودين في الستينيات..والمساعد الماكفيرسون موجود في الأربعينات..والنور الزينون تم استخدامه في دبابات امريكية في حرب فايتنام..والجي بي اس طبعا عارفين..ما ترونه الآن هو تاريخ قديم نسبيا عما يحدث في معامل التطوير والأبحاث في الشركات والجامعات هذه الأيام..
طيب دا معناه إن مافيش تطوير بيحصل..لأ في...بس أنا باسميه تطوير بدعي :-))) يعني تطوير من اجل البيع ليس إلا..وقد تختلف استراتيجيات التطور البدعي البيعي من شركة لأخرى..مثل كيا وهيونداي عندهم عربية مجددة كليا all new كل ثلاث او اربع سنوات..في حين رينو (فرنسا) قد تزيد حتى 5 سنوات أو أكثر..وبي ام ومرسيدس حتى 10 سنوات

نرجع لأصل النقاش..التطوير من موديل إلي موديل..ناخد مثلا ما السيراتو..التطور بين السيراتو الجديدة والقديمة تطور ثوري بالنسبة للمشتري ..أنا طبعا متوقع إنكم عارفين الفروقات فامش هاقولها..والتطور بين ميجان I وميجان II تطور ثوري على نفس المعايير..وما يقصده Meggieboy إن فروقات التطور بين الفلوينس والميجان اقل مما يتوقعه ملاك الميجان الذين كانوا يتوقعون نقلة ثورية كما حدث بين ميجان I وميجان II..الاستاذ Meggieboy لم ينفي ابدا أن هناك تطور من الميجان II للفلوينس..ولكنه كان يقصد أنه اقل من المتوقع ليس إلا..والله الموفق

[wawoo]

لو أنا نازل أشترى عربية تحديث لسيارتى من نفس الشركة المصنعة بعد 7 سنين على الموديل القديم و ألاقى حاجات مؤثرة متشالة و الموتور لسه 105 حصان و الفتيس عليه تعديل بسيط ...لا أعتقد إن ده اللى انا مستنيه بعد 7 سنوات من التطوير زى ما حضرتك بتقول...لو ده فى رأيك تحيز يبقى أنا فعلا متحيز ........

هو الموتور اللى 105 حصان اللى نازل هو هو الموتور الى 105 حصان اللى من سبع سنين ...

مافيش تطوير فى كفاءة الموتور مافيش تطوير فى صوت الموتور مافيش تطوير فى استهالك الموتور مافيش اى خامات جديدة او تكنولوجيا جديدة من اى شكل و نوع خلال كل السنين دى ...

دة انت كدة بتتكلم على عربية صينيى مش شركة رينو العريقة ..امال كل المختبرات و كل مراكز الابحاث و كل المهندسين دول عملو اية خلال كل السنين دى و كل الفلوس اللى اتصرفت عليهم دى راحت فين ..

عشان ينزلو "نفس الموتور و فتيس علية تعديل بسيط" فى رايك . .و الغريب فى الموضوع التناقض فى رايك عن الفلوينس ...

و أنا لو نازل أشترى سيارة جديدة دلوقتى مش هلاقى أجمل و لا أحسن و لا أرقى من الفلوانس علشان أشتريها

طيب لما انت مش حتلاقى اجمل ولا احسن ولا ارقى من الفلويسن عشان تشتريها ....امال ازى مش مقتنع بالموديل الجديد ...مهو لو انت عاوز تطوير يوصلها لمستوى المرسيدس اس كلاس مثلا ..و بنفس السعر " برغم ان سعر العملة بيقل و قيمتها الشرائة بتقل " يبقى دة شىء صعب جدا حاليا ..و حتسنى كتير على تطوير بالمستوى دة ..


رينو فلوينس هى ثمرة التعاون بين فرق المهندسين من فرنسا و اليابان و كوريا و تركيا ....و خبرات كل المهندسن دول من كل هذة الدول ..

و انت مقتنع ان التطوير مش كافى و الفرق مش مبهر بالدرجة الكافية ..و ان "النور فى العتب الخلفى و الزجاج الوان تاتش الخلفى " من الحاجات المؤثرة اللى اتشالت ..

اظن دة راى مجحف جدا فى حق الفلوينس و الجيل الجديد عموما و واضح جدا تحيزك للموديل السابق بكل عيوبة و مشكلة اللى مستمر حتى الان مع كتير من الناس و التوكيل "بدون ذكر تفاصيل" ..

[Renault Fluence is the fruit of close collaboration between engineering
teams from France, Japan, Korea and Turkey. This joint-development
approach, which involved task-sharing between four parties with such
diverse cultures, turned out to be a particularly stimulating challenge
within the Renault-Nissan Alliance.
The synergies permitted by the Alliance included the use of a shared
platform and assemblies, as well as the prospect of additional sales in
Korea, which ensured a first class economic model for the project.
Renault Fluence is based on the same platform as Mégane III and
employs a Mégane II subframe, Nissan rear suspension (from Nissan
Sentra), a high-end climate control system (shared with Laguna and
Mégane) and Renault-Nissan Alliance powertrains, the objective being to
profit from the best that each existing platform has to offer and to
capitalize on proven technologies.]

[Hany Saad]

هو الموتور اللى 105 حصان اللى نازل هو هو الموتور الى 105 حصان اللى من سبع سنين ...

مافيش تطوير فى كفاءة الموتور مافيش تطوير فى صوت الموتور مافيش تطوير فى استهالك الموتور مافيش اى خامات جديدة او تكنولوجيا جديدة من اى شكل و نوع خلال كل السنين دى ...

دة انت كدة بتتكلم على عربية صينيى مش شركة رينو العريقة ..امال كل المختبرات و كل مراكز الابحاث و كل المهندسين دول عملو اية خلال كل السنين دى و كل الفلوس اللى اتصرفت عليهم دى راحت فين ..

عشان ينزلو "نفس الموتور و فتيس علية تعديل بسيط" فى رايك . .و الغريب فى الموضوع التناقض فى رايك عن الفلوينس ...

و أنا لو نازل أشترى سيارة جديدة دلوقتى مش هلاقى أجمل و لا أحسن و لا أرقى من الفلوانس علشان أشتريها

طيب لما انت مش حتلاقى اجمل ولا احسن ولا ارقى من الفلويسن عشان تشتريها ....امال ازى مش مقتنع بالموديل الجديد ...مهو لو انت عاوز تطوير يوصلها لمستوى المرسيدس اس كلاس مثلا ..و بنفس السعر " برغم ان سعر العملة بيقل و قيمتها الشرائة بتقل " يبقى دة شىء صعب جدا حاليا ..و حتسنى كتير على تطوير بالمستوى دة ..


رينو فلوينس هى ثمرة التعاون بين فرق المهندسين من فرنسا و اليابان و كوريا و تركيا ....و خبرات كل المهندسن دول من كل هذة الدول ..

و انت مقتنع ان التطوير مش كافى و الفرق مش مبهر بالدرجة الكافية ..و ان "النور فى العتب الخلفى و الزجاج الوان تاتش الخلفى " من الحاجات المؤثرة اللى اتشالت ..

اظن دة راى مجحف جدا فى حق الفلوينس و الجيل الجديد عموما و واضح جدا تحيزك للموديل السابق بكل عيوبة و مشكلة اللى مستمر حتى الان مع كتير من الناس و التوكيل "بدون ذكر تفاصيل" ..

[renault fluence is the fruit of close collaboration between engineering
teams from france, japan, korea and turkey. This joint-development
approach, which involved task-sharing between four parties with such
diverse cultures, turned out to be a particularly stimulating challenge
within the renault-nissan alliance.
the synergies permitted by the alliance included the use of a shared
platform and assemblies, as well as the prospect of additional sales in
korea, which ensured a first class economic model for the project.
renault fluence is based on the same platform as mégane iii and
employs a mégane ii subframe, nissan rear suspension (from nissan
sentra), a high-end climate control system (shared with laguna and
mégane) and renault-nissan alliance powertrains, the objective being to
profit from the best that each existing platform has to offer and to
capitalize on proven technologies.]

مش عارف ليه حضرتك محسسنى إنك مشرف التطوير بتاع فلوانس و طريقة وصفك للمختبرات و شركة عريقة و ثمرة تعاون و كلام كبير و كأنك شاهد على عملية التطوير بنفسك.....

لو هى شركة عريقة و مختبرات و تطوير و صرف إمال كلام حضرتك ده معناه إيه؟للموديل السابق بكل عيوبة و مشكلة اللى مستمر حتى الان مع كتير من الناس و التوكيل "بدون ذكر تفاصيل" ..

يعنى هى دى شركة و دى شركة و لا مركز التطوير ده لسه فاتح قريب و المهندسين اللى فيه تعيين جديد؟

أنا مالك للميجان ii و جربت الفلوانس و قلت رأى بمنتهى الحيادية.....يا ترى حضرتك جربت الميجان ii قبل كده علشان تحكم عليها؟ و تقدر تقارن التطوير اللى بتتكلم عليه فعليا مش من المقالات؟ أنا لا أعتقد...لأنك لو كنت جربتها كنت أكيد هتفهم وجهه نظرى على طول...دى حاجة لازم تجربها علشان تقدر تتكلم عليها.....

نسيت برده أوضح لحضرتك إن ده مش رأى لوحدى ده رأى كل ملاك الميجان ii اللى ركبوا أو جربوا الفلوانس....بل بالعكس ده فى ناس منهم قرروا يجربوا العربية لما قلت رأى فيها إنها كويسه.....ولو أنا متحيز يا ترى كل ملاك الميجان ii متحيزين؟ و لو الميجان ii نجحت إنها تخلى كل ملاكها متحيزين ليها دى شهادة تحسب لها كسيارة......

واضح برده إن حضرتك لسه مش قادر تتفهم وجهه نظرى اللى برده حاول العضو المحترم هشام مكى توضيحها دون جدوى....

الفلوانس عربية رائعة لو أنا مجربتش الميجان ii لكن لو جربت الميجان ii مش هتحس بحاجات جديدة مؤثرة تشدك للفلوانس و تحسسك بالتغيير.....

أعتقد إن الموضوع كده إنتهى من ناحيتى على الأقل و أسيب الأعضاء المحترمين يستمتعوا بباقى موضوعات المنتدى الشيقة........

[tarek_rcc]

الاخ الكريم wawoo والصديق العزيز Meggieboy :
أولا:- أختلاف الرأى لا يفسد للود قضية ..
ثانيا- مناقشة هكذا موضوعات لا شك يثرى المنتدى بالمعلومات لجميع الاعضاء من ناحية فنية ( تقنية) ويرد على كثير من أستفسارات الأعضاء بالنواحى المختلفة ...
ثالثا- انا من الناس اللى بالفعل استفادات فعلا من المنتدى ولا اخفيكم سرا ان 90% من قرارى بشراء رينو فلوينس كان بسبب نقاشات الاخوة الاعضاء وتجاربهم و.... وخصوصا الصديق العزيز بوكلا ...
ومنتظرين مساهماتكم بباقى مواضيع المنتدى ...
كل عام وحضراتكم بخير
اخوكم مهندس / طارق صوابى

[hamata]

الفلوانس شكلها مش حلو فعلا, و الشنطة عالية من ورا شكلها غريب, بس الميجان 3 احلى من الفلوانس و من الميجان 2

[wawoo]

لو هى شركة عريقة و مختبرات و تطوير و صرف إمال كلام حضرتك ده معناه إيه؟للموديل السابق بكل عيوبة و مشكلة اللى مستمر حتى الان مع كتير من الناس و التوكيل "بدون ذكر تفاصيل" ..

الميجان السابقة السيدان كانت محاولة من رينو للدخول للاسواق المتوسطة و تصنيع سيارة سيدان مناسبة للاسواق الناشئة و كان قرار تجميعها فى تركيا لهذا السبب فى الاساس و كانت المصانع التركية فى بدايتها و كنت خبره هذة المصانع فى اولها ..و معظم المشاكل كانت نتيجة عدم ملائمة الموديل السابقة لظروف التشغيل العجيبة فى دول العالم الثالث ....مش بسبب عدم كفائة المهندسين و المطورين بدليل ان النسخة الاوروبية الهاتش باك كانت بلا مشاكل تقريبا لانها من المصانع الاوروبية و لكن هناك فرق كبير فى السعر ..
الان المصانع التركية مستواها فى التصنيع و التجميع ارتفع خلال هذة السنين و دة واضح جدا فى مستوى الفلوينس و الميجان الجديدة ..و بالفعل الشركة بتفكر جديا تنقل كل انتجها الان اللى المصانع التركية ..


و عشان كدة الفلوينس تم تطويرها بمساعدة الدول دى و عشان تلائم ظروف التشغيل دى و هو دة سبب الاستعانة بخبرات من دولة زى تركيا و زى كوريا و الخبرة اليابانية و دة لا يعيب شركة رينو فى شىء بما انها تمتكل معظم هذة الخبرات و المصانع الان ..

و لمعلوماتك الفلوينس متوفرة فى اسواق اخرى بعدة مواتير و هناك عدة اختيارات فى ناقل الحركة و كذلك معظم الكماليات اللى انت بتقول انها اتشالت متوفرة بشكل او باخر..و طبعا الاختيارات دى مش حتنزل مصر بسبب ان السعر حيكون وقتها مش مناسب و مش منافس فى السوق المصرى ...

و لكن بالفعل الفلوينس بهذة الكماليات و بهذة الموصفات تقدم باقة متميزة و تكنولوجيا جديدة بسعر معقول ينافس جدا فى السوق المصرى و تحقق المعادلة الصعبة بين سيارة اوروبية التصميم بسعر مناسب ..و بالفعل هناك مابيعات جيدة بالسوق المصرى و العربى و هو مالم تحققة الميجان 2 المعجزة التى لن تتكرر فى رايك على مدى سنوات....

اعتقد كدة انا وضحت رايى بشكل كبير و الفلوينس موجودة و بسهولة جدا يمكن التعرف على الفرق و التطوير اللى حصل على كل المستويات بداية من التصميم و الخامات و هندسة السيارة نفسها .

[chato_eg]

مين قال إن الميجان II الهاتشباك خالية من العيوب ؟؟؟
مافيش حاجة فى الدنيا خالية من العيوب
حتى و إن ظهرت بعض العيوب فى السيدان أكثر زى البطارية و لا الكاوتش ال GoodYear فبرضه بعض الأشياء الهامة زى حزام الأمان و شريط الإيرباج مكررة فى الهاتشباك من تجربتى...
علشان كده رينو بتعتمد سياسة لإرضاء العميل و التبديل الفورى على أعلى مستوى علشان الزبون ما يحسش بمشكلة..و الحمد لله التوكيل فى مصر معتمد و منفذ جيد للسياسة...

ده غير إن سنة 2004 كانت الكثير من الكماليات فى الميجان حكرا على سيارات ضعفها فى السعر...و ما بدأتش المنافسة تظهر غير فى 2007 على الأقل...

و فرق السعر بين السيدان و الهاتشباك مش كبير و لا حاجة
أنا شارى عربيتى ب 135 ألف...العقيد خالد شارى عربيته ب 138 أعتقد...بس هو عنده مثبت و جنوط 16 و مرايات ضم....أنا عندى تكييف touch و فتيس أوتوماتيك بس...و الهاتشباك إللى كانت كاملة مكملة و موديل 2008 بانوراما و فى نوفمبر 2007 كانت ب 148 ألف....

فى النهاية أحب أوضح إن الفلوانس شكلها مش هتبيع ال 5 آلاف عربية فى أول سنة نزول لها فى السوق المصرى زى ما الميجان II عملت....
و إن الهاتشباك منها ( الميجان III )...نادرة أوى أوى...و بالمناسبة دى أهنىء أوماترا توكيل فيات على المبيعات العظيمة إللى حققوها على حساب ماركة زى رينو كان المفروض تكتسح المبيعات دى...لكن التركيز فى البيع على العربية الأكيد بايعة كويس زى اللوجان فى رينو و السيراتو فى كيا هو إللى مخلى الكليو وقفت لحد موديل 2008 و انتهت من السوق و كمان فى فجوة من اللوجان للفلوينس للأسف السكالا مش هتسدها...و كمان فى عربيات زى الداستر إللى شفتها مرتين بس ماشية فى الشارع تخلى الواحد يستغرب هما ناسيين إنهم بيبيعوا العربيات دى و لا إيه ؟؟؟

و الحقيقة كمان بما إنى اتفتحت فى الكلام..ألوم على عدم توقر الموديلات إللى بمواتير TCe .....
كلام Meggieboy مظبوط....VW بق لها كام سنة محسسانة بتفوقها ال,حد من خلال الموتور ال TSI و الفتيس ال DSG....بس دلوقتى بقى فيه نفس التقنيات من فيات و أوبل و غيرها و من ضمنهم رينو....طيب أوبل و موجود ال Easy-Tronic و لو إنى ماحبتهوش...و فيات و فيه ال DUal-Logic و ماجربتهوش
ليه مافيش TCe .؟؟؟؟....كنت متوقع لما شفت الفلوانس و الميجان لأول مرة إن التخفيف فى التكلفة دى هتبقى مرحلة و هتعدى بعد الأزمة الاقتصادية..إنما كده كتيير....ده حتى مافيش فى العرض واحدة ميجان 3 باب و لا RS مش هنقول Trophy ....

إنتم مش متصورين قد إيه توكيل فيات فى مصر ده حجمه صغير مقارنة بتوكيل رينو...و دلوقتى كل العربيات الهاتشباك إللى فوق ال 90 ألف و تحت ال 175 ألف متباعة من عندهم...باستثناء بعضا من ال 308 و على استحياءا شديدا 207 ...غير كده سيتروين ماتت...الأسترا الجديدة سعرها معدى أوى فالناس بتشترى جولف 6 طبعا و الفوكس ما عندهاش جديد و ألفا روميو مالهاش وكيل و أودى مالهاش قدرة شرائية

[magedfarid]

و لكن معجبنيش خالص فكرة إنى لازم أنزل دراع المساحة كل مرة أركن العربية علشان السايس ميبوظش الكبوت لو جه يرفع المساحات..ده غير تأثير هذه الحركة على الزجاج و العمر الإفتراضى لكاوتشة المساحة لأن أول تحذير عن المساحات إتعلمناه هو عدم تشغيلها على الناشف.

معلش يا باشا

مش فاهم الجزء ده خالص

ليه لازم انزل دراع المساحه

[Hany Saad]

معلش يا باشا

مش فاهم الجزء ده خالص

ليه لازم انزل دراع المساحه

ديزاين الكبوت مخلى دراعات المساحات ساقطة لتحت قوى....فلو حاولت ترفع الدراعات بإيدك كالمعتاد علشان تنظف الزجاج مش هينفع و دراع المساحات هيتحاش فى الكبوت....

الحل إنك تنزل عصاية تشغيل المساحات للأسفل بعد غلق العربية هتلاقى المساحات إتحركت و بقت فى وضع رأسى و ساعتها تقدر ترفعها و تبعدها عن الزجاج......

طبعا المشكلة الكبرى لو إنت كنت مستعجل و ركنت بسرعة تجيب حاجة و جه السايس الغشيم إياه و حاول يرفع دراعات المساحات بقوة ساعتها أكيد أكيد الكبوت هيبوظ الكبوت فى المنطقة دى........

[ecybrarian]

الحقيقة أنا كنت كاتب رد بس مسحته..تقبلوا مودتي

[wawoo]

...و بالمناسبة دى أهنىء أوماترا توكيل فيات على المبيعات العظيمة إللى حققوها على حساب ماركة زى رينو كان المفروض تكتسح المبيعات دى...

إنتم مش متصورين قد إيه توكيل فيات فى مصر ده حجمه صغير مقارنة بتوكيل رينو...

انا الحقيقة مش عارف انت جايب معلوماتك منين و بتهنى توكيل فيات على اية
..انا حكتلبك ارقام جمارك شهر اكتوبر و انت بقى تستنج المابيعات العظيمة اللى عملها توكيل فيات !!!

- توكيل رينو فى المرتبة الرابعة 4 و سدد للجمارك مبلغ 7 ملاين جنية
-توكيل فيات سدد للجمارك 800 الف جنية و فى المرتبة ال 18 ايوة الثامنة عشر ...

ياريت توضحلى فين المابيعات العظيمة دى ...؟؟؟ ؟؟!!!

ملحوظة الارقام دى من تقريرا الجمارك لشهر اكتوبر 2010