السى دى العادى لميجان 2007 هاتشباك

[farahat]

فين تحديدا..عمري ما لاحظت tuner list او update list دول مكتوبين في اي حته

بقى معك العربية كل دة و مخدتش بالك !! ؛)
هتلائي مكتوب تحت على اليمين مكتوب نوعه

[Abo_Lina]

قصصدك الي تحت زرار mode ?
Update list دي وظيفة من وظائف الزرار

[farahat]

أنا معاك ، في موديل تاني بيبقى فيه مكتوب tuner-list

[chato_eg]

أنا السى دى بتاعى UPDATE list. ايه بقى معنى update list & tuner list ؟

[farahat]

شوف يا سيدي ، ال-update-list فيه إمكانية توصيل Aux-in ، يعني ممكن توصل صوت خارجي على ال- CD عن طريق جاك ،
وبالتالي ممكن توصل MP3 عليه مباشرةً ، بس د عيبه إن هيبقى عندك سلك بجاك خرج من التابلوه عشان يتوصل على ال-MP3 أو ال-I-Pod .
ال- tuner-list مافيهوش الميزة ده

[chato_eg]

جميل جدا......لكن اسمح لى أطرح عدة استفسارات
1- كيفية توصيل ال player الخارجى و مين ممكن يقوم بالموضوع ده ( هل فى التوكيل مثلا ؟)
2- هل من الممكن التحكم فى وظائف ال player من خلال الذراع خلف الدركسيون أو السى دى نفسه ؟
3- جودة الصوت أسوأ من السى دى ؟( لانى لاحظت ان أى حاجة جاية من ال FM transmitter بيتبقى جودة صوتها أقل بكتير من ال CD ... و ده شىء كان متوقع لكن مش بالدرجة دى ).
و شكرا جزبلا للاهتمام....

[farahat]

الفكرة إن إنت بتوصل الكابل من ال-MP3 player على ال-CD مباشرةً ، يعني قبل فيه جاك زي بتاع الهيدفون كدة يركب على ال-MP3 والناحية التانية يبقى واصل على ال-CD بتاع ال-megane ، فاهم قصدي ؟
و في الحالة ده مش هيبقى في حاجة لاسلكي خالص ، يعني مفيش إمكانية للوش وال شوشرة في الصوت ، جودة الصوت هتعتمد على ال-MP3 إلي إنت بتستعملو

دلوقتي إنت عندك ال-SRC كالأتي : CD ، FM ، MW ، LW ، هيزيد عليهم واحد جديد اسمو AUX ، و دة لما تحول عليه هيشغل الصوت إلي جي من ال-MP3 زي ما هو بالضبط
و كدة هتستعمل نفس ال-CD و تعلي و توطي الصوت بالضبط أكنك مشغل CD ، إلي هيحصل إن هيبقى فيه عندك SRC زيادة عشان ال-AUX

و لا شكر على واجب ، إذا مكناش هنسعد بعض في ال-megane ، أمل هنسعد مين :)
و أنا تحت أمر أي حد عند اسئلة في ال Megane ، خصوصاً لو اسئلة في الإلكترونيات أو التكنولوجيا بتاعتها (عشان دي شغلتي)

[chato_eg]

أشكرك جدا جدا
لكن أنا فعلا مش عارف إزاى أوصل السى دى بال MP3 Player ....
مافيش أى جاك و لا فتحة فى السى دى....
أنا فاهم الفكرة العامة و شفتها فى عربيات زى السيتروين و الكيا Cee'd لكن مش لاقى فى الميجان فتحة أوصلها مباشرة بكابل!!!

[farahat]

المشكلة في ال-Megane إن التوصيلة دي في ضهر ال-CD للأسف ، يعني لزم تطلع ال-CD برة و توصل عليه القبل مباشرةً ، و بعدين ترجعه تاني و تسيب الطرف التاني من الكبل طالع برة التابلوه
التوصيلة دي مش موجودة غير في ال-update list

[chato_eg]

يعنى لازم فى التوكيل.....انا أخاف أخلى حد يمد إيده عليها...
طيب هو الكبل اللى أنا محتاجه له اسم معين ؟ و أجيبه منين ؟ و إذا كنت هاسيبه مدلدل كده من التابلوه ، طيب السى دى هيرجع يتركب تانى مكانه إزاى و الكبل نازل من التابلوه ؟

[farahat]

إنت محتاج قبل stereo عادي ، و تأس طرف واحد منه و هو إلي يتوصل على ال-CD ، وال طرف التاني يفضل زي ما هو و يوصل على ال-MP3 .
ممكن تفوته من ورا التابلوه (من تحت عند فتحات التكيف كدة ) ، و كدة يبقى مش باين و شكلو كويس ، و كمان التابلوه يقفل كويس

[chato_eg]

حضرتك محسسنى إن الموضوع سهل
تفتكر ممكن أعمله أنا ؟؟ و خصوصا ماليش تجارب عميقة مع الكهرباء و الاكترونيات....
و شكلها ايه الفتحة فى السى دى اللى بوصل فيها كابل الstereo المقصوص ؟

[farahat]

هو سهل فعلاً ، بس لازم يكون عندك مبادئ الكهربا و كدة ، أظن انك ممكن تشوف التوكيل الأول

[chato_eg]

متشكر جدا لحضرتك و خصوصا للردود السريعة... و تعبتك معايا أوى أوى ....
و أتمنى إنهم يرضو يركبو الكابل فى التوكيل و ما يعترضوش......

[farahat]

لو ماكنش ، أنا ممكن أعملهولك إن شاء الله ، و مفيش مشكلة