ريــنو ميــجان II أامن سيــارة فى فئتـــها من إختبـــارات EuroNcap

[Sharky]

السلام عليكم

رينو ميجان 2006 السيارة الوحيدة فى العالم التي حصلت على تقيم 5 نجوم في اختبار EURO NCAP للسيارات العائليه الصغيره

http://www.youtube.com/watch?v=vwRtM8J_F8Q

منقول

[Abdallah]

وبرضة السيارة الوحيدة الى الكارت بتاعها بيملح جوة الكونتاكت وايضا السيارة الوحيدة فى حياتى الى شفت فتيسها مصر يدى تالت مكان رابع والسيارة الوحيدة الى لما تيجى تشغل التكييف البارد يطلعلك سخن يا اخى طب الاسبيرانزا وقلنا فئة سعرية قليلة وعربية لسة جديدة, انما الميجان الى تمنها بيوصل الى 140 الف تعمل كل دة ليه, ناقصة مواد خام ؟؟

[Hazem Salah]

عزيزى شاركى

الموضوع ده شيق جدا بالنسبة لى ، لسبب أنى لم أرى اثنين فى مصر اتفقوا ايجابيا على كفاءة و جودة الميجان ! لا أسمع عنها مايوحى بالثقة!!!!!

أنا شخصيا معجب جدا بهذه السيارة لما قرأته عنها فى المجلات و المواقع المتخصصة فى السيارات، كمان سمعت ان رينو فرنسا تنتج فقط موديل الهاتشباك (حاليا)، لكن السيدان من انتاج أسيوى ؟

كمان سمعت ان بها تقنية الـ steptronic و ان كانت prototype و ليست مكتملة التطور و الكفاءة مثلما فى المرسيدس و الـ BMW .
كمان لاحظت حاجة غريبة فى واحد من نسايبنا، لايستعمل المرسيدس العيون، و يستمتع بقيادة الميجان، لما استفسرت منه عن السبب ، لم أجد رد ذو اسباب و قال انه ميل شخصى !! - للناس فيمايعشقون مذاهب..
كماهو واضح انت عندك هذه العربية و ياريت تخبرنا عن ملاحظاتك عنها من خلال تجربة عملية.
و هل لها مستقبل أم أن رينو فرنسا ستدع انتاجها لمصانعها فى دول أخرى ... :(

[Sharky]

[وبرضة السيارة الوحيدة الى الكارت بتاعها بيملح جوة الكونتاكت]



دى ملاحظة أول مرة أسمع عنها رغم إن العربية بقالها معايا سنتين :shock:
و مافيش حد أعرفه قالى المعلومة دى.

[معاذ الشرباصى]

الرينو ميجان سيدان تنتج فى تركيا, زى الكليو كمان

انا كانت لى فرصة انى اسوق الميجان 2005

الصراحة العربية اكتر من ممتازة, ثبات من احسن العربيات اللى سقتها ثبات على الارض, الموتور قوى جدا, قيادتها سلسة و ممتعة جدا, كم هائل من الامكانيات و الكماليات.

العربية ببساطة تحفة ما شاء الله :)

[Sharky]

وايضا السيارة الوحيدة فى حياتى الى شفت فتيسها مصر يدى تالت مكان رابع والسيارة الوحيدة الى لما تيجى تشغل التكييف البارد يطلعلك سخن يا اخى طب الاسبيرانزا وقلنا فئة سعرية قليلة وعربية لسة جديدة, انما الميجان الى تمنها بيوصل الى 140 الف تعمل كل دة ليه, ناقصة مواد خام ؟؟

يا فندم أنا أول مرة أسمع إن الميجان الفتيس التالت بيدى رابع أنا عربيتى أوتوماتيك و مريحانى فمعرفش نظام المانيوال بس اللى أعرفه مافيش حد إشتكى منه

بالنسبة للتكيف بيطلع سخن عمرها ماحصلت معايا و لا مع أى حد أعرفه فياريت تقولنا عرفتها منين؟؟؟
هو صحيح تكيفها مش زى اليابانى بس مش معنى كدة أنه يطلع سخن

بالنسبة للكفاءة و الجودة لو حضرتك دخلت على Site Whatcar حتلاقيهم بيقولوا إن الجولف كانت مقياس الجودة فى الفئة دى دلوقتى الميجان بقت معاها يعنى أعلى فئتها فى الجودة

[Sharky]

السلام عليكم

العربية معايا عاملة 36000 كم م محصليش أى مشاكل من الإشاعات اللى سمعتها عن العربية كل اللى حصل فى يوم كنت بصيف و نزلت الصبح جيت أشغل العربية ماشتغلتش و كانت المساحات بتشتغل لوحدها و إتصلت بالكول سنتر بتاع رينو قالولى دى بطارية و حننبعتلك مهندس من فرع الأسكندرية و حيغيرها ببلاش و فعلا جى و غيرها و موضوع الكول سنتر دا بتاعها حلو جدا و بيفضل يتابعك لحد ما تتحل مشكلتك و موجودين 24 ساعة يعنى لو إحتجتيهم فى أى وقت حتلاقيهم موجودين .
التوكيل بتاعها محترم جدا ناس ذوق قوى و المكان شكله شيك و عاملين فيه كافيه طبعا ببلاش و إنترنت ببلاش و طول ما العربية فى الضمان بيغيروا أى حاجة ببلاش حتى البطارية و كمان كان التيل بتاعها ناشف شوية فى الاول قالولى إحنا بعتنا نجيب تيل جديد و أول لما يجى حنقولك و فعلا فى خلال أسبوعين كلمونى و قالولى تعالى نغير التيل (مش بقى النظام المعروف فى مصر إمشى شوية بيه و هو حيتظبط أو إنت اللى مش عارف تفرمل و الكلام من دا) قليل قوى فى مصر لما تلاقى توكيل كده بحترم كلمته و قلبه على العميل.

بالنسبة للثبات أنا جبت بيها على طريق وادى الطرون 220 و السيارة ثابتة جدا

بصراحة السيارة دى قيادتها ممتعة جدا و تخليك مش عايز تسوق غيرها لأن فيها كل اللى إنت عايزة .

السيارة دى خلت الخليج يعرفوا الرينو (رغم إن مبيعاتها هناك مش جامدة بس أول مرة رينو تبيع فى الخليج عن طريقها )

[Sharky]

im_not_tyler_durden@hotmail.com 05/05/2007 01:09:08 م

عدد القراء : 10




العربية ممتازة لكن انا ليا عليها ملاحظات
1 قطع غيارها و صيانتها غالية (العلامة الخلفية اتسرقت مرتين تمنها يقارب ال 200 جنيه)صيانةال 40000 km تكلفت 1056LE

2 العربية فراملها من اقوي الفرامل اللي انا شفتها(EBD) ولكن تستهلك التيل بشكل غريب (غيرت الامامي 11000 و 30000 km والخلفي 40000km)

3 العربية تفقد الكثير عند اعادة البيع (هيا و الهيوندي كوبيه اكتر عربيات ممكن تخسر فيها فلوس)

ولكن الحق يقال افضل عربية سوقتها اسلوب قيادتها very relaxed وال power steering بتاعها من اغرب واجمل ال power اللي سوقته ولا تقارن باي سيارة اخرى من نفس الفئة مما يجعل كل من يمتلكها يحبها الى حد الادمان

منقول من Contactcars

[Abdallah]

المعلومات دى انا استقيتها من شخص فى المنصورة واخد توكيل رينو وكنت بروحله عشان هوا كان معاه توكيل تويوتا برضو وشفت عنده العجب العجاب وبالذات فى موديلات 2005 و 2006 منهم عربية رفضت انها تدور نهائى وراحوا رفوعها بونش ولما جم يشوفوها فى التوكيل لقوا ان مكان الكارت الممغنط مملح زى البطارية كدة , انا مش بفترى على العربية يا سادة بس انا بقول الى اعرف وشىء معروف عن الميجان عيوب الفتيس الى بيسموه ستيبترونيك.
نقطة تانية افتكرتها دلوقتى كان صديق ليا فى اوائل 2006 اشترى واحدة سيدان موديل السنة وبعد ما العربية مشيت حوالى 4000 كم تقريبا فوجئنا بان تيل الفرامل بيصفر راح التوكيل قالولا التيل خلص اشترى واحد جديد وعجبى :mrgreen:

[Sharky]

السلام عليكم

أولا مش معنى إن الكارت بتاعه مملح يبقى من السيارة يمكن يكون نزل بيه المية فملح :lol:

ثانيا :بالنسبة لعيوب الفتيس حضرتك أنا معايا الفتيس الستبترونيك و مافيهوش عيوب ولا حاجة و دى كان فيه بعض السيارات الفتيس بتاها بنتش فى نقلة التانى للتالت و عالجوه بالسوفت و ير الجديد فى التوكيل ببلاش (على فكرة الفتيس الضمان بتاعه 100.000 كم دا دليل على ضمان الشركة ليه)

ثالثا: بالنسبة للتيل مستحيل يا باشا يقولوا إشترى تيل لإن السيارة فى الضمان و التيل لو فيه عيب زى ما صاحبك بيقول كانوا حيغيروا زى ماغيرولى البطارية و التيل لما كان ناشف عندى

[Sharky]

Re: الرد على الميجان

amaksoud@gmail.com 19/09/2006 02:56:44 م

عدد القراء : 546




well, the car is good, no problems with the renault card, automatic transmession or the famous rumors that u hear.

If i remember well, the Headlamp is about 800 L.E. from the agent
the 30000 KM Service is for 550 L.E
the 60000 KM service is for about 1600 L.E

the first level in automatic transmession is almost for 135000 but some showrooms make good dicounts on it.

the Renault Service is EXCELLENT

منقول من Contactcars

[Sharky]

Re : Megane Reputation

aaldaly@yahoo.com 02/08/2006 11:23:48 ص

عدد القراء : 610




The car reputation within the showrooms that do not sell this car is really bad. I admit. But when you go to the Agency EIM , you will find a lot of people buying it. By the way I bough one 2 months agoi, the car is very good , the price compared to the options in this car is very good. Other cars with same or less options are very expensive like the skoda. The car is very safe with 6 airbags, which is highly needed in our country because of bad driving and bad roads. The car fuel consumption is excellent . . The overall performance is good . and the suspension is good . All these rumors I heard before I buy the car , basically they are 3 things, . First is the gear box, second is the is the card, and third is the air condition.
Well no problems appeared to me in all three things. By the way all new megane A/C are made by Nissan which the best in all car A/C. I rarely use A/C on high levels because it will be freezing. The gearbox is ok , also, and the guarantee on it increased to 100000 Km which is almost 5 year
This means that Renault France is very confident of this car gearbox and it can guarantee it for such long period.
The car is very good and do not believe any rumors. This car sales outraged the Toyota in Egypt and a lot of companies are spreading these rumors to stop the increase in its sale.


منقول من Contactcars

[Sharky]

Megane Reputation

alomnia@yahoo.com 07/08/2006 09:47:33 م

عدد القراء : 494




I bought one last October. My consumption now is 10,665 Km. The car is very good overall especially its fuel consumption. The things you heard about the A/c, and the card are no less than rumors. I personally once left the card in the shirt which was placed with other clothes in the laundry and my wife did not notice till she took the shirt out of the laundry and the card worked afterwards perfectly. As to the gearbox, i have the manual version and i do not have any problems so far

منقول منContactcars


دى كانت ردود بعض الأفراد ملاك السيارة فى Contactcars يا جماعة السيارة دى طلعت عليها إشاعات كتيرة قوى و فى الحقيقة معظم من أمتلكوها مقتنعين بيها جدا و مش سيارات قليلة قوى حصل فيها مشاكل تبقى كل الميجان كدة :D

[Abdallah]

يا اخى انا بقول الى اعرفه والتيل مش ضمن الضمان واثبت بقة ان فى عيب , يوميها المهندس قال التيل خلص مش باظ ورد انت بقة, انا مش بهاجم السيارة لسبب الا لانى شفت منها مشاكل كتير يمكن عشان كان فى مركز صيانة بس حرام يعنى لما عربية تشتريها بـ 130 الف وفى الاخر تلاقى انك عايز تروح التوكيل عشان تنزل سوفت وير للفتيس او للتكييف ولا ايه؟؟

[Sharky]

السلام عليكم

يا فندم أنا بقول لحضرتك إن التكييف مافيهوش حاجة و لا بيزله سوفت وير .

الفتيس دا كان لبعض السيارات علشان العضة الخفيفية بين التانى و التالت يعنى مش معن كده إنه بايظ .

ثم واضح إن صاحبك دا خظه وحش قوى لأن مافيش حد غير تيل بعد 4000 كم فى الميجان ثم أنا عن نفسى بقولك إن التيل كنت حاسس إنه ناشف فقوليلى أول ما الدفعة الجديدة حتيجى حنقولك و نغيره و فعلا كلمونى و غيرته ببلاااااش لإنه بصراحة ناس محترمة جدا .

ياترى صاحبك راح التوكيل و لا مركز صيانة ؟

على العموم أنا مابكذبكش بس اللى بتقوله دا قليل جدا لما بيحصل مع حد أنا عندى فى الشارع اللى أنا ساكن فيه و اللى ورايا تقريبا 7 سيارات ميجان و كلهم بلا إستثناء بيشكروا فى السيارة جدا دا غير واحد صاحبى فى شركة Alico إشتروا 30 سيارة منها مافيش ولا واحد منهم إشتكوا من حاجة فيها دا وصاحبى دا عامل بيها دلوقتى 85000 كم