ريــنو ميــجان II أامن سيــارة فى فئتـــها من إختبـــارات EuroNcap

[Abo_Lina]

الكارت المملح

الكارت ملح ? ىمكن دا Option في العربية وانا معرفش ,ممكن مثلا احط بسكوت في العربية يطلعلي بسكوت مملح ,او احط سمك يطلع فسيخ !!
اساسا الكارت بتاع الميجان من مواد بلاستيكية وليست معدنية فانه يملح دي معجزة :o :D

[أبو عبدالله]

والله جراك الله كل خير يا أخي عبدالله
فأنت طرحت النقطه اللي انا دايما بكلم فيها والناس معارضه بدون فهم ...........

يا أخي الحبيب انت بتدفع تمن عربيه في فئة تعتبر فئة قريبه من العالي يعني لما تدفع 130 الف جنيه وتلاقي في الأخر مشكله زي اللي اخونا عبدالله طرحهم او غيرهم وانا برضه اعرف الكلام ده من داخل توكيل رينوا نفسه ان العربيه فيها مشاكل كتير كهربيه يبقى دي حاجه مش كويسه بدليل ان العربيه يعتبر الآن مالهاش أي مبيعات خالص .......

وبعدين عربية حضرتك مش مقياس ولا اتنين ولا تلاته احنا بنتكلم عموما
يعني لما الاقي في التوكيل كذا واحد جاي بيشتكي من نفس المشكلة يبقى اكيد في حاجه غلط في العربيه هما ممكن يكونوا اتعرضوا لتأثير معين مسبب لهذه المشكله وانت لم تتعرض لها ....... وهكذا يعني

[أبو عبدالله]

وبعدين مسألة السيارة الوحيده في العالم دي مش ......... فيها تضخيم ومزايده شويتين يعني
لأن في عربيات كتير في فئة العربيات العائلية الصغيره حاصله على الخمس نجوم ومنهم تويوتا أوريوس وكورولا 2007 الجديده وجولف والأسترا الجديدة

[Abo_Lina]

ا/ عبد الله انت معاك ميجان?

[Abo_Lina]

انا ملاحظ ان اغلب الملاحظات السلبية تاتي ممن لا يمتلكون السيارة و كلها اشيإ طريفة تنتمي الى فقرة غرائب الطبيعة !(?) وعلى العكس فكل من اعرفه ويمتلك السيارة لا يعاني من اي من هذه المشاكل )الخرافية) ..و اجد هذا طريفا في حد ذاته

[Sharky]

السلام عليكم

فعلا يا أستاذ Tyler_Durden للأسف كل اللى بيشتكى من السيارة دى الناس اللى معندوش الميجان !!!!!
كل اللى معجب بالسيارة اللى عنده الميجان !!!!

يا جماعة كل شوية تطلع طرائف و عجايب على السيارة دى و مافيش حد من اللى جايب السيارة دى بيشتكى منها يا جماعة مش عربية و لا إتنين حصل فيهم حاجة تبقى السيارة وحشة دا إن حصل أصلا

يا ريت اللى شاكك فى السيارة و بيقول فيها عيوب يسأل الناس اللى معاه السيارة

و يا ترى إيه هى العيوب الكهربائة اللى فى السيارة

على فكرة سعر السيارة نزل لإن قطع غياره ناااااااااااااااار و كتر الإشاعات اللى عليهها خلى الناس تخاف تشتريها

بمناسبة الطرائف أخر حاجة سمعتها عن الميجان
واحد الكمبيوتر بتاع سيارته طفى لوحده راحت السيارة مقلوبة عاطول :lol:

[Abo_Lina]

بمناسبة الطرائف أخر حاجة سمعتها عن الميجان
واحد الكمبيوتر بتاع سيارته طفى لوحده راحت السيارة مقلوبة عاطول :lol:

:shock: :? :lol:

فعلا اشياء غريبة الواحد بيسمعها يا ا/ Shark اغلب التجارب مع الميجان هي من نوعية انا سمعت و واحد اعرفه قاللي ! يعني ا/ابو عبد الله بيققول انه بيبقى قاعد في التوكيل ويلاقي ناس داخلة عندها مشاكل والاستاذ معاه سريون!واحد معاه دايهاتسو ازاي وليه راح توكيل رينو?

بالنسبة لسعر اعادة البيع اعتقد المسؤول عنه هوالتوكيل الذي يعتمد سياسة تسعير Honest but Stupid يعني مثلا توكيل تويتا يرفع اسعار سياراته سنويا عن الموديل الذي يسبقه مع عدم اختلاف ال options بين الموديلين! مما يساهم في احتفاظ الموديل القديم بسعره الى حد كبير

[marwan_147]

عارفين لية الحقد على الميجان .. لانها فعلا تستحق ان يحقد عليها اى شخص معندوش ميجان