عملتيها يا ميجى!

[meso76]

يا لهوي دي كوارس!!!! أنا يوم ما البولو بتاعتي بتحتاج حاجة بـ500 جنيه باشد في شعري. أظن الواحد يبعد عن الميجان ويدعي لأصحابها أحسن.

فى حاجات كتير بتخلى معظم ملاك الميجان بيحبوها جدا ... انا عن نفسى رغم الموقف ده بس لازلت باحترم العربية دى جدا
بص مثلا على الموضوع ده (كان حصلى زمان اول ما اشتريت العربية) ..

http://www.nilemotors.net/Nile/65909-a.html

مش بقدر انسى الموقف ده

[meso76]

مش مقتنع ان دى المشكلة

هو دة التوكيل الى قالك كدة و لا الميكانيكيون العرب؟؟؟

ما هم لما غيروا الكويلات المشكلة اتحلت ... (عملتها عند الميكانيكيون العرب)

هو انت لازم تعمل الشغل في التوكيل؟؟؟ في ناس في الحرفيين وفي صقر قريش يعملوا لك الشغل دا بربع الثمن

بصراحة يا باشا عمرى ما عملت اى حاجة فى العربية (موتور او عفشة) برا التوكيل ... بخاف جدا من الموضوع ده ... (يمكن علشان ليا خبرات مش ظريفة مع الميكانيكية زمان فى عربية ابيزا موديل 94)

111111111111111111 حصلت معايا

الأربعة مع بعض بردو ... دى اكتر حاجة انا مستغربها، اصل لو واحد بس باظ اعتقد ان العربية حتمشى (حتى لو فى رجرجة جامدة)

[yasserelsayad]

للاسف الميجان هى اللى خليتنى مبقتش احب رينو وحلفت انى ما اجيب رينو تانى مهما كانت الاغراءات
بس بصراحة احسن حاجة بتعجبنى فى الميجان العفشة بس كدا

[Hazeeeeem]

الحمد لله على كل شىء ... بس للأسف الموضوع مطلعش بسيط
2 "كويل" قطعوا تماما و 2 "كويل" ضعاف!!! تم تغيير الأربعة والتكلفة حوالى 2400 ج

ويالمرة خدوا اللى بعده كمان،،، من حوالى اسبوع الفوجات مبأتش بتنور فقلتلهم يبصوا عليها ... بعد الفحص قالولى محتاجة وحدة upc تمنها 2100 ج + فيشة 300 ج + مصنعية 250 ج !!! طبعا قلتهم شكرااااا

اخخخخخ ...

المشكلة انى مش بعرف امشى بالعربية وفيها حاجة بايظة

العالم بتوع التوكيل دول ما بيعرفوش ربنا
دباااااااحين يا معلم
وانا زيك برضو ماعرفش امشى بالعربيه لو فيها حاجه

ربنا كبير

[mohamedadelemam]

السلام عليكم..أنا اشتريت واحد فاليو من شارع دمشق..كويل يعنى ب125 فرنساوى

[Eslam.Elrefaey]

للاسف الميجان هى اللى خليتنى مبقتش احب رينو وحلفت انى ما اجيب رينو تانى مهما كانت الاغراءات
بس بصراحة احسن حاجة بتعجبنى فى الميجان العفشة بس كدا

هيا عملت معاك ايه بالظبط:b4_611:

[yasserelsayad]

هيا عملت معاك ايه بالظبط:b4_611:

ياه عملت كل حاجة من العيوب اللى بتتقال هنا واولهم العيب بتاع الفتيس والسوفت وير والحوارات دى
دا كان فى حاجات بتخلى العربية تقعد فى التوكيل كام يوم عشان يعرفوا سبب العيب ويحلوا
وبصراحة كسفتنى كذا مرة .. كفاية اللى انا ابقى فى مشوار واجى ادور متدورش
ولا لما تبقى باردة مثلا وتيجى تدور تسمع صوت خبط ورزع اكن الموتور بتاعك ميت
ولا ابقى ماشى ولقيها بتبطل يعنى بجد عيب ودى بقى مش مستعملة يعنى
مش جايبها بـ 60 الف ولا 70 الف زى دلوقتى يعنى حتى لو عايز ابعها هتبقى خسارة فاضحة
والله العربية مركونة ومستخسرين نبيعها
اظن كفاية اوى رينو كدا معايا

[Eslam.Elrefaey]

ياه عملت كل حاجة من العيوب اللى بتتقال هنا واولهم العيب بتاع الفتيس والسوفت وير والحوارات دى
دا كان فى حاجات بتخلى العربية تقعد فى التوكيل كام يوم عشان يعرفوا سبب العيب ويحلوا
وبصراحة كسفتنى كذا مرة .. كفاية اللى انا ابقى فى مشوار واجى ادور متدورش
ولا لما تبقى باردة مثلا وتيجى تدور تسمع صوت خبط ورزع اكن الموتور بتاعك ميت
ولا ابقى ماشى ولقيها بتبطل يعنى بجد عيب ودى بقى مش مستعملة يعنى
مش جايبها بـ 60 الف ولا 70 الف زى دلوقتى يعنى حتى لو عايز ابعها هتبقى خسارة فاضحة
والله العربية مركونة ومستخسرين نبيعها
اظن كفاية اوى رينو كدا معايا

كل ده دا انت كده هتكرهنى فيها

[momo10000]

حبها ...... تحبك

[hossam_elwani]

2500 جنيه فى كويلات وجالك قلب تدفع المبلغ ده؟؟

كنت جيب احسن حاجه فى السوق وركبها بنفسك لان الطريقه سهله او عند اى ميكانيكى....

[Eslam.Elrefaey]

حبها ...... تحبك

منا اكيد حبها بس هل بقا هتحبنى ولا هتخلينى اعمل فيها حاجة غلط :b4_611:

[samonor]

معلش متقلقش الواحد مبتعلمش ببلاش

بالنسبه للكويلات كتير قوى عليهم 240 ممكن كنت تغيرهم فى صقر قريش عند عادل زوايا فاليو الاربعه ب 900 جنيه

وال upc فى صقر ب 800 جنيه جديد والفيشه ب 50 او 100 جنيه مش اكتر

[Amr_Moh]

http://www.nilemotors.net/Nile/79485-a.html

[meso76]

معلش متقلقش الواحد مبتعلمش ببلاش

بالنسبه للكويلات كتير قوى عليهم 240 ممكن كنت تغيرهم فى صقر قريش عند عادل زوايا فاليو الاربعه ب 900 جنيه

وال upc فى صقر ب 800 جنيه جديد والفيشه ب 50 او 100 جنيه مش اكتر

انا معرفش مكان صقر قريش وعمرى ما عملت حاجة بره التوكيل ... بس يظهر موضوع ال upc ده حيكون اول حاجة اعملها بره التوكيل لأن سعره فى التوكيل غرييييب! هحاول ادور عليه فى الحرفيين

[meso76]

http://www.nilemotors.net/nile/79485-a.html

ده موضوع رائع فعلا ... ورغم انه شكله كده بسيط بس محتاج جرأه علشان تشتغل فى العربيه بفسك

بس يظهر الكويلات ممكن تعمل مؤامرة عليك ويبوظوا مع بعض وفى الحاله دى الواحد مش حيعرف يعمل حاجة غير انه يتصل بالتوكيل يشيلوا العربية (خصوصا لو وقفت من الواحد فى طريق مقطوع ومعاه مراته وبنته زى ما حصل معايا) ... انا حاسس انى لما اجى مسافر بالعربيه حاشترى كويل اشيله معايا احتياطى