سؤال بخصوص تغيير السيور والكاوتش للرينو كليو

[sammor_28]

السلام عليكم ياشباب..

انا معايا كليو موديل 2004 وماشيه 40.000كم وماغيرتلهاش السيور قبل كده خالص

هل ده عادي واستنى صيانه 60.000كم واغيرهم ولا ممكن يكون في مشكله؟

ثاني حاجه: الكاوتش الأصلي بتاع العربيه لسا راكب فيها وشغال بس مشقق شويه

هل عادي ولا لازم يتغير؟

مستنى ردودكم للأهميه ياشباب

[akmal_hamdi]

لازم تغير السيور و الكاوتش فى اسرع وقت الموضوع موضوع عمر افتراضى و و الأتنين عمرهم اقصى حاجه 3 سنين

[ramy_gamal]

لازم تغير السيور و الكاوتش فى اسرع وقت الموضوع موضوع عمر افتراضى و و الأتنين عمرهم اقصى حاجه 3 سنين

+11111

[sammor_28]

طب ياجماعه ينفع اغير السيور بس واسيب باقى طقم الكاتينه زي ماهو
ولا لازم كلو يتغير مع بعضو لاني بصراحه لسا شاري العربيه والفلوس مقصره معايا دلوقت

والكاوتش انا هغيره بكره ان شاء الله

وشكرا على افادتكم ليا ومشاركتكم

[sammor_28]

معلش حاجه كمان

عداد السرعه اوقات بيشتغل واوقات لأ وممكن ابقى ماشي ويفصل فجأه وممكن وهو فاصل يشتغل فجأه

ياترى حد يعرف العيب؟

الحاجه الثانيه العربيه لما بكون ماشي سلانسيه ومثبت رجلي على البنزين (الغيار الأول والثاني والثالت بيبانو اكتر) بلاقي نتشه خفيفه ولو كبست العربيه تسحب بس تقيله شويه والنتشه تروح
ياترى ممكن تكون البوجيهات او فلتر البنزين مسدود

معلش انا طولت في الأسئله بس منكم نستفيد

ومعلش هو لازم اعمل الحاجات دي في التوكيل ولا ممكن حد بره

[MOUSTAFA_SAAD]

انا اعرف طقم السور كله بيتغير على 60 الف

[ramy_gamal]

اعتقد انت مطر تعمل الصيانه كامله يعنى السيور لازم وبعدين النتشه دى ممكن تكون من البوجيهات او فلتر الهواء ...يعنى غير كل الفلاتر وكل السيور العربيه هتفرق معاك جامد وطبعا فى دلوقتى ناس كتير شغالين فى رينو وممتازين
معلش ممكن اعرف اخدت العربيه على كام

[sammor_28]

شكرا علارد والأهتمام ياشباب

وان شاء الله هغير طقم سيرفيس كامل وهغير الكاوتش بكره ان شاء الله

[albasha]

نفس موضوع النتشه ده بيحصل معايا وأفتكرت إنها من الرشاشات ونضفتها بس ما طلعشي العيب منها اللهم ما أني لم أستفد غير إن رشاش لإتكسر وأنا بفكها عند الميكانيكي وغيرته بواحد إستيراد
وناوي أروح لمركز خدمه معتمد بس للأسف نظراًَ لظروف العمل مش فاضي خالص اليومين دول فلو لقيت حل ما تنساش تقولنا عليه

[sammor_28]

ان شاء الله ربنا يسهل

انا عمال اسأل وفي ميكانيكي اسمه محمد الشرقاوي في الحرفيين قالي انها من الكويل

ربنا يستر هجرب ولما اوصل لحل اكيد هفيد الجميع ان شاء الله

[ramy_gamal]

لو كويل مش هتبقى نتشه بسيطه هتبقى بتقطع والموتور ملغبط جامد والسحب وحش جدا

[sammor_28]

هي المشكله تقريبا في الأسلاك بتاعت الكويل نفسه لأنها على حد قول محمد الشرقاوي بتهرب كهرباء بسيط

فهي اللي عامله المشكله دي بتاعت النتشه

وياريت لو حد يعرف رقم طايع اللي في الحرفيين يديهولي عشان اروحله لأن في ناس كتير بتشكر فيه في المنتدى

وطبعا ياريت رقم ايمن مومو ياريت حد يبعتهولي عالخاص

[albasha]

هي المشكله تقريبا في الأسلاك بتاعت الكويل نفسه لأنها على حد قول محمد الشرقاوي بتهرب كهرباء بسيط

فهي اللي عامله المشكله دي بتاعت النتشه

وياريت لو حد يعرف رقم طايع اللي في الحرفيين يديهولي عشان اروحله لأن في ناس كتير بتشكر فيه في المنتدى

وطبعا ياريت رقم ايمن مومو ياريت حد يبعتهولي عالخاص

علي فكره طايع محترم جداً وسيبك من محمد الشرقاوي علشان بتاع إشتغالات
وموضوع النتشه ربنا يسهل وأكون فاضي السبت القادم إن شاء الله وهروح فرنش موتورز يعملولي سكان علي العربيه ونعرف العيب وهبقي أبلغك بيه برضه إن شاء الله بس يارب أكون فاضي
كان معايا تليفونه بس للأسف الفتره ديه بغير تليفونات كتير فرقمه ضاع لكن وأنت في الحرفيين إسأل علي محل عصام بشطر بتاع قطع غيار الرينو إستيراد وأسأل أي حد عنده علي طايع هيدلوك علي مكانه علطول لأنه قريب منه

[sammor_28]

تسلم والله ياباشا

وربنا يسهل هروحله انهارده وهشوف ايه الوضع ولو في جديد هبلغك

وان شاء الله خير

[albasha]

تسلم والله ياباشا

وربنا يسهل هروحله انهارده وهشوف ايه الوضع ولو في جديد هبلغك

وان شاء الله خير

لو تعرف تجيب نمرته ونمرة عصام بشطر بالمره علشان لو الواحد إتزنق يتصل بيه