القول الفصل فى سخونية الميجان

[bio_reda]

إن التبريد الزائد عن الحد للمحرك أثناء عمله لايمثل ميزه بل على العكس فأن تأثيره ضار للغايه على المحرك
* مع التبريد الزائد للمحرك يزداد فقد الأحتكاك بسبب إخفاق عمل دورة التزييت حيث يتكثف جزء من خليط الأحتراق (بسبب عدم جودة تبخره) على جدران غرف الحريق من الداخل و يقوم هذا الجزء المتكثف بغسل جزء من زيت التزييت المستخدم فى تزييت جدران غرف الحريق من الداخل من على جدران الأسطوانات مما يزيد من معدل تآكل المحرك بسبب تكون مركبات حمضيه وبالتحديد (حمض الكبريتيك)
يعنى الموضوع مش استهلاك بنزين وبس لو عال البنزين بسيطة انما الموضوع عمر المحرك

حضرتك عايش فى مصر يعنى درجة الحرارة فى الصيف ساعات بتوصل ل 45 او 47 فى القاهرة
وانا ما قولتش امشى بيها من غير ما تسخن انا قلت بعد اما تسخن خلاص الحكاية بتنتهى بتاعت ان الماتور بارد بيبقى سخن وبالتالى يبقى حضرتك اللى بتقوله ده ما بيبقاش موجود لكن انا روحت المانيا هناك لا غنى عن الترموستات درجات الحرارة تحت الصفر وده ينطبق مع كلام حضرتك والله الموفق والمستعان

[bio_reda]

يبقى شيل الثرموستات يا بشمهندس

حضرتك لو الكولير المونيوم ب عشرين جنيه تروح لأى ميكانيكى يشيلك الترموسات وجرب وقولى اخبارها ايه فى رمضان وفى الصيف القاسى والله الموفق والمستعان بس انصحك فى اقرب وقت ممكن لأن عواقب ارتفاع درجة الحرارة الماتور مرعبة ذى مسلسل x-files

[gazzar91]

حضرتك لو الكولير المونيوم ب عشرين جنيه تروح لأى ميكانيكى يشيلك الترموسات وجرب وقولى اخبارها ايه فى رمضان وفى الصيف القاسى والله الموفق والمستعان بس انصحك فى اقرب وقت ممكن لأن عواقب ارتفاع درجة الحرارة الماتور مرعبة ذى مسلسل x-files

حضرتك برضه مقتنعتش بوجود الـ Quench layer برضه؟؟؟؟!!!!!!!!
و كمان تسخين الزيت اللي بقى أبطأ ده؟؟؟؟؟

شيل الثرموستات يا "بشمهندس" ......

في رعاية الله

[shawkylotfy]

انا اويد كلام bio_reda انا اعتقد ان ترومستات الكوعة ملوش لازمة فى مصر انا مهم ولاغنى عنة طبعا فى اوربا

[gazzar91]

خلاص أنا إن شاء الله هتخرج أبيع عيش يا جماعة علشان محدش يزعل

في رعاية الله

[bio_reda]

خلاص أنا إن شاء الله هتخرج أبيع عيش يا جماعة علشان محدش يزعل

في رعاية الله

انا حاسس ان حضرتك مش فى مصر او بتخرج بعد الساعة واحدة بعد نص الليل ده لوحضرتك ما سخنتهاش و مشيت بيها وهى باردة هى هتسخن لوحدها من الزحمة ده فى الشتاء الزحمة يتسخن العربية ما بالك فى الصيف

وعايز اقول لحضرتك حاجة ام تخرجت من كلية الهندسة لقيت اللى انا درسته مش موجود على ارض الواقع وانت عارف التعليم فى مصر لا يقل عن مستوى الفريق القومى لدولة بنين

[shawkylotfy]

عندى العربية كان فيها مشكلة السخونة مع التكيف على السلانسية مع ان السرعة التانية للمروحة شغالة
السبب : فعلا ثرموستات الموعة
الى بيحصل : ان الثرموستات دية مش بتفتح بشكل كامل وبتخلى ال flow او تدفق مياة الراديتر الى المحرك مش كامل والمشكلة تبان مع التكيف لان الراديتير بيولع من المكثف فبالتالى سائل التبريد بيبقى ساخن جداا ولو دوست بنزين جامد شوية وانت واقف العربية تبرد ودة لان تدفق المياة للموتور بقى اعلى .

شلت الثرموستات وانا عندى الكولر الومنيوم وانتهت المشكلة تماما بالعكس لما اشغل التكيف دلوقتى واقف فى اشارة مدة الحرارة بتبقى اقل من النص كمان

[medo111]

الترموستات مش متوصله باي سلك ولا حاجه هي عمليه كدا زي التمدد والانكماش بالحراره والبروده التمدد والانكماش دا بيخليها تقفل وتفتح البوابه وهي في مصر ملهاش لازمه وجع قلب وخلاص والاوبل كلها شيلاها عشان محدش يقول ان فيها ضرر بس واضح ان الموضوع دا لسه جديد في القسم هنا
بتحس بيها بس لما تبقي مسافر بليل علي طريق سريع وماشي علي سرعه ثابته هتلاقي الموشر بينزل وممكن ينزل للصفر شويه صعود وهبوط في السراعات علي واحده كيك داون هتلاقي الحراره رجعت لمكانها الطبيعي
تقبلو مروري