مساعدة في شراء فلونس

[marwan_147]

والله انا شايف ان رجال الرينو تعبين نفسهم اية جاب الرينو لعربية زى دى .. والراجل دة لو ركب رينو كان عرف الفرق بين الرينو واى سيارة تانية انا ركبت الرينو وبعتها وجبت لانسر 2007 زيرو وبصراحة كانت الرينو تكسب وبعد سرقت سيارتى اللانسر كل تفكيرى فى الفلوانس الان والله الموفق

[amrelserw]

يا باشا توكل على الله و جيب الفلوينس , انا معايا العربية قالها سنة و اربعة شهور ما شاء الله عليها
توكيل بجد محترم جيد فى تعامله و عربية فيها مواصفات رائعة على ثمنها (مثبت سرعة,محدد سرعة ABS .Airbagsو Bluetooth) و حاجات كتير تحفة

[Amr_Moh]

mabrook mokadaman

[Amr_Moh]

ازاي تقارن الفلونس بالإلنترا

انت كده بتهين الالنترا مع احترامي الكامل لحضرتك

اعرف واحد حيران مابين الفئه السابعه والالنترا

:)

ربنا يهدي

[neversighs]

السلام عليكم ..
أنا شايف مفيش داع للشد والجذب والدخول في متاهات المقارنه الفلوينس سياره شأنها شان اي سياره غيرها لها ما لها وعليها ما عليها ومسالة كوري ولا فرنساوي قتلت بحثا في هذا المنتدى منذ اللحظات الأولى لظهور السياره في مصر ووصلنا جميعا الى ان الفلوينس في مصر سياره فرنسية التصميم تركية الصناعة بمكونات أوروبيه تركية ومن واقع تجربتي مع الفلوينس حيث كنت من اوائل الذين اقتنوا هذه السياره في مصر ولدواعي السفر تم بيعها بسعر مرضي اليكم هذه الملاحظات ...
مميزات الفلوينس :
1. أحسن توكيل في مصر .
2. شكل السياره في منتهى الشياكة .
3.الاتساع الداخلي غير الطبيعي .
4.الكماليات الكثيرة في مقابل السعر .
عيوب الفلوينس :
1. نظام تعليق متوسط الجودة.
2.العزل الصوتي متوسط الجودة .
3.العزل الأرضي سئ .
5.تجميع نقلات الفتيس بطئ .
أما مسالة أعادة البيع اعتقد انها شطارة بيع انا مثلا بعت سيارتي بثمن مرضي جدا .
فالنهاية احب اقول نقطة مهمه ان الاعجاب باداء سياره مسالة نسبية تختلف من شخص لاخر على حسب ثقافته السابقه في السيارات فمثلا انا اعتقد وقد اكون مخطئا ان الفلوينس قد تنال اعجاب ورضى الأشخاص اللي كانو راكبين سيارات كوري قبلها أما اللي كانو راكبين سيارات يابانية فالتغيير للفلوينس فيه مخاطرة .ز وشكرا

[WaleedAlGam]

انا ركبت الفلونس مع زميلى ربنا يكفيه شرها
اولا المميزات من وجه نظرى سيارة ممتازة من حيث المظهر الفخم-صالون واسع-ثبات على الطريق-تابله انيق-سهولة التحكم بالكاسيت من الدريكسيون
ثانيا العيوب الشنطة بها مفتاح بالضغط عليه يتم فتح الشنطة بكل سهولة فيمكن ان يتم فتحها من قبل اى شخص وانت واقف فى الاشارة مثلا -ضعف التكييف
ودى ملاحظاتى البسيطة من الركوب مرة واحدة
وشكراعلى مشاركاتكم الايجابية

[bukla]

انا ركبت الفلونس مع زميلى ربنا يكفيه شرها
اولا المميزات من وجه نظرى سيارة ممتازة من حيث المظهر الفخم-صالون واسع-ثبات على الطريق-تابله انيق-سهولة التحكم بالكاسيت من الدريكسيون
ثانيا العيوب الشنطة بها مفتاح بالضغط عليه يتم فتح الشنطة بكل سهولة فيمكن ان يتم فتحها من قبل اى شخص وانت واقف فى الاشارة مثلا -ضعف التكييف
ودى ملاحظاتى البسيطة من الركوب مرة واحدة
وشكراعلى مشاركاتكم الايجابية

حبيت اصحح معلومه حضرتك قولتها فى العيوب ان الشنطه بتتفتح بسهوله احب اقول لحضرتك ان الشنطه مابتتفتحش من الزرار ده لو السنتر بتاع العربيه مقفول يعنى طول ما السنتر مقفول ماحدش حيعرف يفتح الشنطه الا اذا حصل حاجه من اثنين السنتر اتفتح من الزرار اللى فى التابلوه او ان السائق او الراكب اللى جنب منه فتح بابه كده ممكن الشنطه تتفتح لكن لو حد من اللى قاعدين ورا فتح بابه برضه الشنطه مابتفتحش (ملحوظه السنتر بيقفل اتوماتيك اول ماتتحرك بالعربيه)
و بالنسبه للتكييف فممكن نختلف عليه انا مثلا شايفه جيد جدا خصوصا لما اعمل الهواء يعاد تدويره داخليا و مشغل فتحات التكييف الخلفيه ممكن غيرى يشوفه ضعيف لما يقارنه مثلا باليابانى
بالتوفيق ان شاء الله