داستر 2012

[rodyA113]

السلام عليكم ورحمة الله وبركاته
حابه اعرف كل حاجه عن داستر 2012 لانها عجبتني جداااا شكلها وخصوصا اللون الاسود بس حابه اعرف صيانتها فين واكتر العيوب اللي من الممكن اقابلها في السياره نفسها او في توكيل رينو لان اول مره اشتري منها ان شاء الله وهل هي فعلا ب 145 لان من فتره سالت قالولي 125 ؟؟؟؟ ده بسببب الثوره ولا ايه المهم كنت حابه اخد ارء حضراتكم وخبرتكم في السياره وجزاكم الله خيرا

[Waleed_Fathy]

انا كنت امبارح فى توكيل رينو بالعبور و بعمل صيانة 40 الف للفلواينس و سالت مدير الورشه هناك على العربيه بعد ما دردشت معاه م عملت معاه صحوبيه قال ان العربيه لغاية دلوقتى ممتازه و مفيش فيها ايو عيوب و قال ان ثباتها كويس جدا بس هى سحبها بعد ال 120 كم/س مش قوى(ده العيب الوحيد من وجهة نظره)

اما عن سعر العربيه فا اللى اعرفه انها لل4*2 فئتين 116 الف و 126 الف جم
اما 4*4 فا تمنها 126 و 136 الف جم ده فى التوكيل
عند كونتاكت كارز اقل الف جنيه للفئه الاعلي

[خالد]

فعلاً عربية رائعة جداً وشكلها تحفة
ربنا يوفقك

[Ahmed A Rahman]

العربية عامله الى الآن 25 الف كيلو وزي الفل مفيهاش اي حاجه ظهرت

توكل على الله

[rodyA113]

انا كنت امبارح فى توكيل رينو بالعبور و بعمل صيانة 40 الف للفلواينس و سالت مدير الورشه هناك على العربيه بعد ما دردشت معاه م عملت معاه صحوبيه قال ان العربيه لغاية دلوقتى ممتازه و مفيش فيها ايو عيوب و قال ان ثباتها كويس جدا بس هى سحبها بعد ال 120 كم/س مش قوى(ده العيب الوحيد من وجهة نظره)

اما عن سعر العربيه فا اللى اعرفه انها لل4*2 فئتين 116 الف و 126 الف جم
اما 4*4 فا تمنها 126 و 136 الف جم ده فى التوكيل
عند كونتاكت كارز اقل الف جنيه للفئه الاعلي

شكرا لرد حضرتك وجزاك الله خيرا طيب السعر ده انا عرفته من المنصوره لو من الممكن تقلس كونتكت كارز فين بالظبط لاني عيزاها ان شاء الرحمن 4*4 وميرسي واسفه علي تعبك

[rodyA113]

فعلاً عربية رائعة جداً وشكلها تحفة
ربنا يوفقك

ميرسي لحضرتك اللهم تقبل

[rodyA113]

العربية عامله الى الآن 25 الف كيلو وزي الفل مفيهاش اي حاجه ظهرت

توكل على الله

ربنا يبارك لحضرتك فيها يارب طيب اخبار قطع الغيار ايه؟ وايه اكتر حاجه حضرتك تنصحني بيها لما استلمها ان اشوفها فيها ؟ او اخد بالي منها ؟وميرسي علي تعب حضرتك

[MaZaGAngeE]

العربية جميلة و شكلها في الصور ظالمها خالص لكن على الطبيعة جميلة ..
الفئة 116 مش موجودة , الموجود ال 126 و 136
أهم ما يميزها في رأيي الشنطة الكبيرة و مساحة الركوب الداخلية الواسعة كمان ارتفاع العربية المناسب جدا للطرق بتاعتنا اللي محتاجة دبابة أو مدرعة
الفرش من الداخل تقريبا لوجان أو أفضل حاجة بسيطة لكن التابلوه تقريبا واحد

[bakar77]

نفسى اشتريها بس خايف

السلام عليكم
والله يا دكتور احمد انا نفسى اشترى العربية دى وانا مقتنع جدا بامكانياتها بس انا خايف من حاجة واحدة بس وهوه ان انا هخسر فيها جامد لو جيت ابيعها؟ وفرضا لو قعدت معايا فترة طويلة 5 سنين مثلا (اذا ربنا احيانا) برده اما اجى ابيعها هخسر فيها جامدز وعشان مظلمش العربية دى الرينو عموما مش ماسك سعر يعنى مش الداستر لوحدها.
اللى انا محتاجه عربية تكون جامدة ومرفوعة عن الارض وانا عجبانى الداستر بس عشان سعر اعادة البيع ده ابتديت افكر فى التيريوس.
ربنا يهدينى الى الصواب

[Ahmed A Rahman]

ربنا يبارك لحضرتك فيها يارب طيب اخبار قطع الغيار ايه؟ وايه اكتر حاجه حضرتك تنصحني بيها لما استلمها ان اشوفها فيها ؟ او اخد بالي منها ؟وميرسي علي تعب حضرتك

الاستلام العادي بتاع اي عربية
تستلم الصبح وبعدين تشيك على الخارج:
الازاز
الدوكو والصاج
الرفارف
الكاوتش نفس النوع والمقاس والتاريخ والاستبن
المساحات شغالة ولا لأ
الانوار الخارجية

الشنطة: العدة والاستبن والفرش
المساحات الخلفية والرشاشات الخلفية

الداخل:
الفرش والتقفيل
الانوار
الكراسي
السقف
الكلاكس

كتالوج العربية والصيانة وعلبة وش الكاسيت والطفاية

زراير الازاز
المرايات الكهرباء
لمض التابلوه
السنتر لوك والريموت شغالين
الكاسيت وتكون مجهز معاك سي دي عشان تجربه

السلام عليكم
والله يا دكتور احمد انا نفسى اشترى العربية دى وانا مقتنع جدا بامكانياتها بس انا خايف من حاجة واحدة بس وهوه ان انا هخسر فيها جامد لو جيت ابيعها؟ وفرضا لو قعدت معايا فترة طويلة 5 سنين مثلا (اذا ربنا احيانا) برده اما اجى ابيعها هخسر فيها جامدز وعشان مظلمش العربية دى الرينو عموما مش ماسك سعر يعنى مش الداستر لوحدها.
اللى انا محتاجه عربية تكون جامدة ومرفوعة عن الارض وانا عجبانى الداستر بس عشان سعر اعادة البيع ده ابتديت افكر فى التيريوس.
ربنا يهدينى الى الصواب

والله بص لو حضرتك حتبيع بعد اكتر من 5 سنين يبقى مش مستاهلة تستحمل حاجه مش بتحبها لان العمر فيه كام خمس سنين, اشتريها وعيش حياتك بعربية رائعة ومحترمة

انما لو شاريها فتره وناوي تبيع يبقى خليك في حاجه سعرها ماسك نفسه

التريوس كانت ادامي سعر اغلى ومساحة داخلية اقل واوتوماتيك غصب عني

التوكيل بتاع دايهاتسو جيد جدا بس توكيل رينو ممتاز

[rodyA113]

السلام عليكم
والله يا دكتور احمد انا نفسى اشترى العربية دى وانا مقتنع جدا بامكانياتها بس انا خايف من حاجة واحدة بس وهوه ان انا هخسر فيها جامد لو جيت ابيعها؟ وفرضا لو قعدت معايا فترة طويلة 5 سنين مثلا (اذا ربنا احيانا) برده اما اجى ابيعها هخسر فيها جامدز وعشان مظلمش العربية دى الرينو عموما مش ماسك سعر يعنى مش الداستر لوحدها.
اللى انا محتاجه عربية تكون جامدة ومرفوعة عن الارض وانا عجبانى الداستر بس عشان سعر اعادة البيع ده ابتديت افكر فى التيريوس.
ربنا يهدينى الى الصواب

لو تسمحلي حضرتك هو التيريوس جميله انا شفتها بس بالمقارنه مع الداستر هي اقل حجما من الداخل ومع ذلك انا جربت الداستر النهارده وصلت كالاتي فيها :
انا شايفه احلاهم في االموديلات 4*4 للاسباب
1-تصفيح كامل للسيارة مع وجود الاستبن داخل السيارة بعكس الفئات الاخرى الاستبن اسفل السيارة
2- النقلات 6 ودى اعتقد هيريح الموتور جدا
3- تفييم الفوانيس الامامية مديها شكل وهمى
4- السحب قوي بعد الثالث
5- طبعا المساحه والارتفاع

مع ذلك في زميلتي قالتلي انها بتسمع زنه في الماتور بعد الثالث وده عيب؟؟؟؟؟؟؟؟؟؟ اعمل ايه ؟

[bakar77]

لو تسمحلي حضرتك هو التيريوس جميله انا شفتها بس بالمقارنه مع الداستر هي اقل حجما من الداخل ومع ذلك انا جربت الداستر النهارده وصلت كالاتي فيها :
انا شايفه احلاهم في االموديلات 4*4 للاسباب
1-تصفيح كامل للسيارة مع وجود الاستبن داخل السيارة بعكس الفئات الاخرى الاستبن اسفل السيارة
2- النقلات 6 ودى اعتقد هيريح الموتور جدا
3- تفييم الفوانيس الامامية مديها شكل وهمى
4- السحب قوي بعد الثالث
5- طبعا المساحه والارتفاع

مع ذلك في زميلتي قالتلي انها بتسمع زنه في الماتور بعد الثالث وده عيب؟؟؟؟؟؟؟؟؟؟ اعمل ايه ؟

السلام عليكم
اولا اذيك يا بلدياتى
انا معاكى فعلا احلى موديل فى الداستر هوه ال 4*4 لانه الفرق مش كبير فى السعر فيبقى الافضل 4*4 الفول اوبشن
اللى انتى شوفتيها دى موديل 2011 ولا 2012؟
لو 2012 ايه الفرق بين الاتنين؟
شوفتيها فين فى المنصورة؟
حتة الزنة دى ممكن الدكتور احمد عبد الحمن يقولنا اذا كان لاحظها عنده فى عربيته قبل كدا ولا لأ؟
لانه لو مش عيب عام فى العربية دى (وده الاكتر احتمال) ممكن يكون حاجة فى العربية اللى انتى جربتيها بس بمعنى انتى لو تقدرى تجربى عربية تانية يبقى افضل
وبعدين اذاى حددتى ان الزنة فى الموتور؟ مثلا ممكن تكون حاجة فى العفشة؟
على العموم انا انصحك انك تجربى واحدة تانية وتشوفى هل صوت الزنه ده موجود برده؟ ولو موجود اساليهم فى التوكيل وشوفى ردهم ايه
انا حاولت اشوف داستر قبل كدا فى المنصورة ملقتشز هخر مرة واحد صاحبى قالى انه شاف داستر عن السبع اللى فى شارع بورسعيد بس اما رحت كانت اتباعت.

[rodyA113]

اهلا وسهلا بحضرتك انا فعلا عرفت انها عند السبع في شارع بورسعيد هو جنبي فمتابعه الموقف بس انا مشوفتهاش هناك انا شوفتها بشكل ودي في توكيل كيا واسبرانزا عند عيسي مركز الصيانه هناك حضرتك زميلتي هي اللي قالتلي العيب لانها لاحظته في عربيتها 2011
وهي اللي قالتلي علي موضوع الزنه في الماتور بعد الثالث علشان اخد بالي من العيب ده؟ علشان كده بتسال هل ده عيب قائم ؟ طيب لو موجود اخبار 2012 ايه ؟ اما بالنسبه للشراء حضرتك عارف شارع جيهان امتداد حي الجامعه قالولي هناك معرض رينو وهناك في سيارات الداستر او اي نوع او موديل انا احتاجه ان شاء الله هشتريها من هناك او السبع والله المستعان ويبارك لحضرتك فيها ان شاء الله وفي انتظار دكتور احمد يفسرلنا الزنه دي موجوده ولا عيب خاص مش عام

الله المستعان

[pppay]

السلام عليك أخى الكريم "د.أحمد عبد الرحمن"
اريد يا أخى هذه السيارة بشدة انا فى صعيد مصر *، واستفدت كثيرا باجوبتك السابقة ، واريد معرفة اجوبة هذه الاسئلة وجزاك الله خيراً :
1- قطع الغيار متوفرة ام لا وغالية الثمن ام لا -كم تيل الفرامل مثلاً- ؟
2- صيانة هذه السيارة متوفرة ام لا ، واين تحديداً ؟
3- استهلاكها للبنزين -هل هى موفرة للبنزين ام مهلكه له- ؟
4- المكيف ، كيف حاله -ممتاز ، جيد ، متوسط- ؟
5-صوت السيارة عالى ام ماذا ؟
6- حرارة السيارة هل عالية مثل الاوبل ام ماذا -لانى سئمت الاوبل بسبب حرارته- ؟
7- ما رايك فى السيارة التى ثمنها 116 الف ، لاننى سوف اشتريها باذن الله؟

.................................................. ...........................
ارجو سرعة الرد وفقكم الله واحسن اليكم

[stonecoldmido5]

تسمحلي ارد علي سيادتك لان انا معايا واحدة دفع رباعي :
1- هي قط غيارها مش متوفره في السوق العادي ما عدا مكونات الوتور لانه نفس موتور اللوجان بس معروف انها تقفيل روماني فطبيعي يبقي قطع غيارها ارخص من الفرنساوي وع العموم بقالها معايا شهر و نصف فلسه مسألأتش ع قطع الغيار .
2- انا ملتزم مع صيانة التوكيل مع العلم مراكز الصيانة محترمة جدا و الاسعار معقولة و كفاية انك بتغير الزيت بعد 10 الاف كيلو عكس مثلا التيجو بتغير بعد 1000 كيلو
3-استهلاكها للبنزين متميز جدا بدون مبالغة تقريبا 8 لتر كل 100 كيلو ده في الظروف الطبيعية بدون تكييف علي طريق سريع اما جوه البلاد في الزحمة نقريبا 11 لتر كل 100 كيلو ده بعيد عن كتالوج العربية ( تقدير شخصي )
4- مش ببالغ لو قلت لسيادتك ان التكييف فوق الممتاز ومش بيأثر ف السحب وده في عز النهار
5- نظام العزل فيها ممتاز جدا و متسمعش اي صوت حتي لو اخدت مطب علي 100 وده حصل معايا اكلت مطب علي 80 و محستش باي مشاكل و الله بدون مبالغة .
6- حرارتها معقوله جدا و استحالة تحس بيها جوه الصالون .
7- مبتنزلش دلوقتي 116 الف , ونصيحة مني ان حضرتك تجيب اعلي فئة منها هتفرق مع حضرتك كتير جدا لان الدفع الرباعي بيفرق كتير في السحب لدرجة ان حضرتك مممكن تطلع ع التاني من الثبات وفرق قليل في السعر لان الدفع الرباعي 135 الف و شكرا لسعة صدر حضرتك